تعدد الزوجات جزء من الحل!!

[Nay]

كاتب النص الأصلي : لامار رمز الدمار

اي تشريع موجود بالقرآن الكريم هو تشريع مقدس
الصلاة , الصيام ,,,,,,,, تعدد الزوجات
مافينا نحكي انو كانوا يصلوا من كذا قرن

كانوا عندون تعدد الزوجات من كذا قرن

التشريع الاسلامي صالح وعادل لكل الظروف والاحوال

اذا توسعنا شوي نشوف ليه مو اكتر من اربع زوجات بنفس الوقت
لازم لما نحكي عن قضية لازم نعرف كل شي بيخصا
- شو هية ضوابط التعدد
- قدرة الرجل على التعدد
- العدل بكل ما بيتحملوا الكلمة من ابعاد
بس لاسف في رجال ما بيعدلوا وهنن يلي عطوا فكرة سيئة عن قضية التعدد

اذا بتحبوا بفتح الموضوع بكل جوابنوو
في ضوء العلاقات المحرمة والغير الشرعية طبعا بنشوف التعدد شغلة رائعة
في ضور الزواج العرفي بنشوف التعدد شغلى رائعة كمان
الطفل الغير شرعي ,,,,

لازم ما ننسى الاسلام بكل احكامو بيحمل العدل بس اذا الناس ما ببطيق هل الاحكام بيكون الغلط من الناس مو من الشريعة



وكرمال كلام ناي
كلامك واضح وخلص يمان كفى ووفا

شكرا للجميع

يا جماعة التشريع تشريع ..بس القانون غير التشريع.. والناس بسوريا مو كلهون بيتبعو نفس الشريعة..

[حلبي]

كاتب النص الأصلي : Nay

يا جماعة التشريع تشريع ..بس القانون غير التشريع.. والناس بسوريا مو كلهون بيتبعو نفس الشريعة..

ولذلك السبب هناك عدة محاكم في سوريا و كل واحد بينام على الطرف اللي بيريحو

[يمان Rooooonaldo]

عادي يمان..
بس اذا شخص ما عجبتو كلمة فيه يعترض عليها.. واذا ما بدو يعترض فيه يبعت تقرير مشاركة عاطلة.. ولما بيفوت وبيحط ب3 ردود ههههههههههه وبعدين هههههه وكمان هههههه ورا بعض وبدون ما يناقش بيكون هوي اللي عم يتمسخر

معلش .. فيكي ببساطة .. اللي ما حابب انو يرد او يحكي .. او ما عرفان شو وشلون بدو يحكي .. انو ما ينرد عليه اصلا .. بما انو هوة وقت عم يضحك ما في شي .. لازم ينرد عليه ..فـ الأفضل انو نتركو .. بحالو .. بكون عم يورجي .. ضعف بشخصيتو .. بس مو نصير .. نرد عليه .. ونحكي بعصبية .. ونعمم ..

ما في قانون بيجبر على التعدد بس في قانون بيسمح بالتعدد..
مو بس بيسمح بالتعدد كمان اذا طلبت المراة الطلاق بسبب زواج زوجها بتنحرم من كافة حقوقها لانو الزوج قانونا عم يمارس حق من حقوقه القانونية..

هلّأ .. قانون الأحوال المدنية الموجود .. ومطبق حاليا .. موضوع من شي نص قرن على ما أعلم .. والقانون .. موضوع على أساس .. ديني .. وعلى أساس .. سوريا دولة إسلامية .. هاد الحكي كان موجود من زمان ..

هلّأ .. مع التطور .. والمطالبة .. بإنو الدولة والدين ينفصلو عن بعض .. ما تعدّل القانون .. وضل عما هوة عليه ..
هلا عم تحكي انتي انو مانو مجبر .. بس بيسمح ..

طيب .. روحي شوفي كتير شغلات .. موجودة .. مسموح .. بالقانون عنّا .. بشرب المشروبات الكحولية ..

بس بالمقابل القانون .. ما بيجبرني .. اني روح اشرب .. + والقانون ما عم يمنع .. الناس من انها تشرب ..

انا قصدي .. طلبك انو يكون في قانون .. بيمنع تعدد الزوجات .. صعب .. لانك بتكوني عم تحطي قانون ضد .. شريعة دين معين .. والقانون ما لازم يكون .. ضد هيك شي .. يعني .. وقت يكون القانون بيسمح .. بتعدد الزوجات .. ما كان ضد ايا ديانة اخرى .. أبدا .. أو بالأحرى .. القانون ما بيعاقب على تعدد الزوجات ولا بيعاقب على عدم تعدد الزوجات .. منشان تكون واضحة " لانو بجوز تقلولي انو بالمسحية محرم .. " فمعناها حلو القانون هون .. اجا وما عاقب لا على هي ولا على هي ..

هلا .. منشان شغلة .. المراة الطلاق بسبب التعدد .. هي بتوقف على كل حالة .. واسبابها ما فيكي تعممي ..
كل قضية .. والها .. تفاصيلها .. وكل قصة .. الها .. شي فيها ..

[يمان Rooooonaldo]

يا جماعة التشريع تشريع ..بس القانون غير التشريع.. والناس بسوريا مو كلهون بيتبعو نفس الشريعة..

مطالبتك .. بتعديل القانون .. حقّك كمواطنة .. تروحي وتناقشي .. ولكن .. مناقشة الشريعة الشريعة .. وتشريعاتها .. هية اللي عملت الحساسية هون كانت ..

[ِAbu Alzooz]

كاتب النص الأصلي : غيداء ذاك اسمي

انا بعتبر هالكلام تجريح للاسلام وللرسول صلى الله عليه وسلم لانه عدد زوجاته

سؤال بسيط زوجات الرسول عليه السلام

كان عندون جاريات حسب بعض الروايات

اذا حكينا و ناقشنا العبودية منكون عما نجرح او نهين الرسول

أو التشريع السماوي

[mblue]

بس اذا شخص ما عجبتو كلمة فيه يعترض عليها.. واذا ما بدو يعترض فيه يبعت تقرير مشاركة عاطلة..

هلق هون بدي قلك انه بهي الطريقة اللي عم تقوليها ما بقي الموضوع نقاش وانما صار كل واحد بيحكي اللي بده ياه والتاني اذا ما عجبه يعترض او يبعت تقرير مشان المسؤولين هنن يقيموا الوضع ، وبكون بهي الحالة اللي ضرب ضرب واللي هرب هرب ،يعني وقعت المشكلة وصار اخد ورد وخروج عن الفكرة او الهدف الأساسي من الموضوع .
لذلك لازم يكون في نوع من المراعاة باختيار التعابير وحتى طريقة العرض اذا كان الهدف منها هو النقاش فعلا مو مجرد الصدام


هلق بالنسبة لموضوع التعدد هو موجود بالدين الاسلامي ومباح ، واذا رح ندخل بمتاهة ليش مباح ومنطقي ومو منطقي ، بالنسبة النا الموضوع مباح وموجود واله ضوابط واحكام بالشرع ، فلذلك النقاش بشرعيته او لا رح يكون مرفوض وانما من الممكن نقاش كيفية التطبيق اله وموجباته وسلبياته حسب تطبيق الاشخاص في المجتمع اله ومع مراعاة الشروط اللي بيتطلبها تطبيق هاد التشريع .

شو رايك انو عمتي متزوجة صرلها 25 سنة وزوجها ما بيجيب ولاد.. شو لازم تعمل..
انا ما عم أمزح عن جد عم احكي.. ليش ابوك ضرورة قصوى يكون عندو ولاد وعمتي لأ..

بالنسبة لهي الحالة بدي اسألك سؤال : انه هي الانسانة ما بتحس بحسرة بيوم من الأيام انه هي ما عندها اولاد ؟؟ طيب وعلى اعتبار انه الاجابة على الاغلب رح تكون بالايجاب فهي ما بتتمنى انه يكون في خيار بخليها ما تنحرم من شعور الامومة ؟؟؟ نفس الشي بالنسبة للاب هو كمان بحقله يفكر بطريقة للانجاب واستكمل نسله واللي هي شغلة فطرية وغريزية عند البشر ، فاذا وجد حل ضمن حدود الشرع والدين اللي هو معتنقه وين المشكلة باستخدامه ؟ معناها الموضوع ما هو مقتصر على هالشخص بعينه ، هلق بالنسبة لموضوع عمتك الانسانة عندها وفاء كبير وممكن هاد الشي اللي يبخليها تضل ساكتة او لانه الطلاق بالنسبة الها مرفوض ولكن بغير اديان في حلول كتير بتخلي الطرفين يوصلوا للهدف اللي بدهن ياه .

ما في قانون بيجبر على التعدد بس في قانون بيسمح بالتعدد..
مو بس بيسمح بالتعدد كمان اذا طلبت المراة الطلاق بسبب زواج زوجها بتنحرم من كافة حقوقها لانو الزوج قانونا عم يمارس حق من حقوقه القانونية..

بالنسبة لهي النقطة بالذات على اعتبار انك طرحتيها كمبدأ لحفظ حق المرأة من الضياع :بما انه مسموح للرجل بالدين الاسلامي انه يكون عنده اكتر من زوجه فبهي الحالة ما بيقدر حدى ينازعه بهاد الحق .
هلق اذا كانت المرأة خايفة على حالها من هاد الشي بامكانها تشترط على زوجها او تتفق معه على هاد الموضوع قبل ما يتم الزواج ، وطالما هي عرفانة انه رح تتزوج وفق الشريعة الاسلامية فهي بتعرف انه هالموضوع مباح وممكن حصوله ، ولذلك لما بدها تطلب من الرجل التخلي عن هاد الحق او انه يتركها بحالها ( يعني يطلقها) فهي بتعرف انه ما بتقدر تجبره على الموضوع ، ولما بتطلب هي الطلاق لسبب ما هو وجيه او لمجرد انه هي ما عجبها هاد الشي اللي هو بالاساس مباح فمعناها انه اذا اصرت على موقفها واذا على موقفه انه هو ما بيتركها لذلك بتقوم المرأة على الاغلب بالتنازل عن حقها واللي هو مهرها .

النقطة اللي بدي اوصلها انه ما في امرأة بتتزوج وفق الشريعة الاسلامية الا وبتعرف انه يحق لزوجها انه يتزوج وحدة تانية وتاتة ورابعة كمان ، لذلك لما وافقت على الزواج فهي بتعرف ضمنا انه اذا صار هيك شي معها بالمستقبل فشرعا مالها حجة قانونية .

بيبقى بالموضوع مشكلة التطبيق ، في كتير من النقاشات بصير انتقاد لطبيعة النص التشريعي او محتوياته بشكل حرفي ، ولكن المشكلةهي بكيفية تطبيق التشريع وليس بالتشريع نفسه ، نحن اللي منكون السبب في جعل التشريع يظهر بصورة غير ملائمة او يظهر بعيوب ونقص وليس التشريع بحد ذاته ، وهاد حال جميع القواني بهي الدنيا سواء كانت بشرية او دينية او غيرها .
بعتذر اذا صار خروج عن الموضوع ... بس فعليا صار في نزوح عن خط النقاش

[حلبي]

معلش .. فيكي ببساطة .. اللي ما حابب انو يرد او يحكي .. او ما عرفان شو وشلون بدو يحكي .. انو ما ينرد عليه اصلا .. بما انو هوة وقت عم يضحك ما في شي .. لازم ينرد عليه ..فـ الأفضل انو نتركو .. بحالو .. بكون عم يورجي .. ضعف بشخصيتو .. بس مو نصير .. نرد عليه .. ونحكي بعصبية .. ونعمم ..

يا أخ يمان أني الوحيد في الموضوع الذي ضحك و لست بضعيف شخصية و وضعت سبب الضحك و لم أضحك بدون سبب و من فضلك أرجو الأعتذار

مع أني أثني على مداخلتك و شاكر لك سلفاً

[ِAbu Alzooz]

كاتب النص الأصلي : غيداء ذاك اسمي

مع كل احترامي لرايك .... لكن لا نستطيع الغاء شئ من السنة او من الشريعة واللي مابدو لا يسويه

هو موضوع التعدد له حالات .. ليس كل من رغب عدد هنا يكون ظلم للزوجة .. هذا رايي

يا بنت الحلال لا فيكي تلغي

لح اعطيك بعض الامثلة

1- وجوب الدية عند القتل قانون العقوبات السوري ما جاب سيرتها
2- العبودية حرمت بالقوانين و هي حلال في التشريع الاسلامي

هلق القانون الداخلي هو قانون وضعي
اي لا يعتمد على اي اسس دينية
الا قانون الاحوال الشخصية هلق انو مافينا نلغي لا فينا
لأنو في دولة عربية ما عدت اتذكر اي دولة بس هي من دول المغرب العربي
تعدد الزوجات ممنوع

تحياتي

[Nay]

كاتب النص الأصلي : mblue

بالنسبة لهي النقطة بالذات على اعتبار انك طرحتيها كمبدأ لحفظ حق المرأة من الضياع :بما انه مسموح للرجل بالدين الاسلامي انه يكون عنده اكتر من زوجه فبهي الحالة ما بيقدر حدى ينازعه بهاد الحق .
هلق اذا كانت المرأة خايفة على حالها من هاد الشي بامكانها تشترط على زوجها او تتفق معه على هاد الموضوع قبل ما يتم الزواج ، وطالما هي عرفانة انه رح تتزوج وفق الشريعة الاسلامية فهي بتعرف انه هالموضوع مباح وممكن حصوله ، ولذلك لما بدها تطلب من الرجل التخلي عن هاد الحق او انه يتركها بحالها ( يعني يطلقها) فهي بتعرف انه ما بتقدر تجبره على الموضوع ، ولما بتطلب هي الطلاق لسبب ما هو وجيه او لمجرد انه هي ما عجبها هاد الشي اللي هو بالاساس مباح فمعناها انه اذا اصرت على موقفها واذا على موقفه انه هو ما بيتركها لذلك بتقوم المرأة على الاغلب بالتنازل عن حقها واللي هو مهرها .
ما في بالقانون السوري شي اسمو اشتراطات قبل الزواج وانا هون عم احكيك معلومات مو رأي شخصي يعني المرأة ما بيحقلها تشترط العصمة بايدها او انو ما يتزوج عليها

النقطة اللي بدي اوصلها انه ما في امرأة بتتزوج وفق الشريعة الاسلامية الا وبتعرف انه يحق لزوجها انه يتزوج وحدة تانية وتاتة ورابعة كمان ، لذلك لما وافقت على الزواج فهي بتعرف ضمنا انه اذا صار هيك شي معها بالمستقبل فشرعا مالها حجة قانونية .

اذا انا امرأة بالهوية مسلمة وسنية وفقط بالهوية فانا مجبرة انو اتزوج حسب الشريعة الاسلامية اللي ما بتمسني الا بالهوية.. والخيار ما بيرجع إلي اذا كنت بدي اتزوج حسب الشريعة أو لأ هادا شي مفروض عليي
وهادا الي اللي عم تطالب فيه المنظمات الحقوقية بسوريا: انو يتم الزواج بطريقة مدنية

[ِAbu Alzooz]

كاتب النص الأصلي : حلبي

أي ها هيك الواحد بناقش الله يرضى عليك



ما ملكت أيمانكم تعني الجواري و السبايا و الحمد لله أنتهى هذا العهد الى غير رجعة



يعني تعدد الزوجات موجود في كل أنحاء العالم و لكن لكل شعب عاداته و تقاليده أنا أعيش في الغرب و لا يوجد ألا قلة قليلة ممن ليسو على علاقة بأمرأه أخرى

عندنا في عاداتنا و تقاليدنا يجب أن تكون هذه العلاقة موثقة و لها حقوق يجب أن تطبق سميها ما شئت

و في النهاية أن عدد المواليد الأناث أكثر بكثير من المواليد الذكور و هذه ليست صدفة

هلق على راسي

بس هل العلاقة التانية بينما ما يكون اسمها خيانة بينما يصير اسمها زواج

هون الفرق و بعدين اذا الزوج مالح يقدر يلتزم بمرأة وحدة لشو الزواج من اصلو

الا لتفريغ الحاجات الجنسية

ما عاد في قدسية للزواج

[Nay]

كاتب النص الأصلي : ِAbu Alzooz

يا بنت الحلال لا فيكي تلغي

لح اعطيك بعض الامثلة

1- وجوب الدية عند القتل قانون العقوبات السوري ما جاب سيرتها
2- العبودية حرمت بالقوانين و هي حلال في التشريع الاسلامي

هلق القانون الداخلي هو قانون وضعي
اي لا يعتمد على اي اسس دينية
الا قانون الاحوال الشخصية هلق انو مافينا نلغي لا فينا
لأنو في دولة عربية ما عدت اتذكر اي دولة بس هي من دول المغرب العربي
تعدد الزوجات ممنوع

تحياتي

أكتر من هيك..
بالاسلام بيتم قطع يد السارق
وبيتم قتل المرتد عن الاسلام
ومعاقبة تارك الصلاة.. وشروط الاعدام كعقوبة للقاتل بالدين الاسلامي مختلفة عن شروطها بالقانون السوري
وبالقانون التجاري السوري الربا مسموح.. وموجود بكل التعاملات البنكية والتجارية.. بشكل او بآخر.. وافائدة على الأموال كمان مسموحة..
يعني القانون السوري متل ما قال ابو الزوز قانون وضعي تماما "من وضع البشر" ومستقى بالدرجة الاولى من التشريعات الفرنسية .. يستثنى منو قانون الاحوال الشخصية اللي فيه المصدر التشريعي الاول هوي الشريعة الاسلامية.. واللي عم يتم المطالبة حاليا بجعله قانون وضعي كما كل التشريعات السورية

[mblue]

كاتب النص الأصلي : ِAbu Alzooz

يا بنت الحلال لا فيكي تلغي

لح اعطيك بعض الامثلة

1- وجوب الدية عند القتل قانون العقوبات السوري ما جاب سيرتها
2- العبودية حرمت بالقوانين و هي حلال في التشريع الاسلامي

هلق القانون الداخلي هو قانون وضعي
اي لا يعتمد على اي اسس دينية
الا قانون الاحوال الشخصية هلق انو مافينا نلغي لا فينا
لأنو في دولة عربية ما عدت اتذكر اي دولة بس هي من دول المغرب العربي
تعدد الزوجات ممنوع

تحياتي

بالنسبة لمثال الدية ، انت عم تقول انه قانون العقوبات السوري مو موجود معناها بالقانون الوضعي متل ما ذكرت انت تحت مو بالقانون التشريعي الديني ، فبهي الحالة انت مالك ملزم انه تطبق القانون الشرعي اذا كنت من غير ملة او من غير شريعة ولكن ما بتقدر تقلي انه لما التغى من القانون السوري معناها انه التغى من الدين او التغى من الشريعة .
بالنسبة لموضوع العبودية صار ركزت اكتر من مرة انه العبودية بالاسلام مسموحة ، مين قال هاد الشي ؟؟ العبودية كانت موجودة وقت دخل الاسلام وبقيت مباحة لفترة بس بعدين التغت وحرمت حرمة كاملة ، هلق بتقللي انه كان فيه جواري وغيره كان بس هاد ما بيعني بالضرورة انه اللي كان عنده جواري او عبيد بعد حرمت انه هو عم يلزم بالنص الشرعي وانما بكل بساطة كان مخالف ،فرجعنا لقصة التعميم من خلال الكشف عن فئات معينة .

لما انت عم تقول انه بدولة معينة قانون تعدد الزوجات ممنوع فهو ممنوع مدنيا وليس شرعيا ، يعني ممكن انه ما تقدر تسجل زواجك بالمحكة المدنية ولكنه بالمحكمة الشرعية واجب حكما سواء رضي اصحاب القانون الوضعي ام لا .

هلق على راسي

بس هل العلاقة التانية بينما ما يكون اسمها خيانة بينما يصير اسمها زواج

هون الفرق و بعدين اذا الزوج مالح يقدر يلتزم بمرأة وحدة لشو الزواج من اصلو

الا لتفريغ الحاجات الجنسية

ما عاد في قدسية للزواج

يعني برأيك انه مصطلح خيانة ارحم من مصطلح زواج ، لما عم تقول زواج فانت عم تعطيه نفس الحقوق والواجبات والمتطلبات سواء كان زواج اول مرة او تاني مرة او حتى رابع مرة ، نفس الحقوق لكل زوجة ، نفس التشريع في كل مرة ، وبكون معلن للجميع ، ولا تقللي انه كتير ناس هلق لما بيتزوجوا مرة تانية بخبوا الموضوع صحيح في كتير بخبو الموضوع بس هاد نتيجة التطبيق الخاطئ للتشريع مو اكتر ومتل ما قلنا انه التعميم على خاصات ما منه فائة ولا بيعطي فكرة .
لما عم تقول الخيانة افضل او انه هي كهيئة افضل من الزواج ، معقول الخيانة اللي هي مبنية على الغش والخداع بتكون افضل من شي معلن ومباح ( يمكن بالنسبة الك ما هو منطقي ) ولكن لكل واحد بيعتنق الديانة الاسلامية فهو مباح .
معقول انه الكذب والخداع صار افضل من الصواب .
وبالنسبة لقدسية الزواج ، وين القدسية بالموضوع اذا كان الواحد وهو متزوج كل فترة اله عشيقة وكل مرة مع وحدة او حتى بالنسبة للمرأة نفسها كل مرة مع شخص مختلف ، حتى بكل الاديان السماوية الزنى محرم ( ومعنى الزنا معروف ) فاذا كان في دين من الاديان بيعطي حق لصاحبه انه يشبع غريزته الفطرية بطريقه مباحة منصير منقول عنه تخلف؟؟

[حلبي]

كاتب النص الأصلي : ِAbu Alzooz

هلق على راسي

بس هل العلاقة التانية بينما ما يكون اسمها خيانة بينما يصير اسمها زواج

هون الفرق و بعدين اذا الزوج مالح يقدر يلتزم بمرأة وحدة لشو الزواج من اصلو

الا لتفريغ الحاجات الجنسية

ما عاد في قدسية للزواج

يا أخي العلاقة مع أمرأه ليش أنت عما تنظرلها من الجهة الجنسية فقط و من قال لك أن الذي عنده علاقة بأمرأه أخرى تقتصر على العلاقة الجنسية فقط

يا سيدي هناك روابط متعددة و لا تحصى بين الرجل و صاحبته

حتى أني أعرف من ضمن هؤلاء أن صاحبته تتدخل في كل شاردة و واردة

و أستطيع أن أكتب قصص ليسى لها نهاية من هالموضيع اللي عما نشوفها هون في الغرب

تسلم لا سيدي و الله كلك زوء و أحلى أبو الزوز كمان و طبئ فل و ياسمين

[mblue]

كاتب النص الأصلي : Nay

أكتر من هيك..
بالاسلام بيتم قطع يد السارق
وبيتم قتل المرتد عن الاسلام
ومعاقبة تارك الصلاة.. وشروط الاعدام كعقوبة للقاتل بالدين الاسلامي مختلفة عن شروطها بالقانون السوري
وبالقانون التجاري السوري الربا مسموح.. وموجود بكل التعاملات البنكية والتجارية.. بشكل او بآخر.. وافائدة على الأموال كمان مسموحة..
يعني القانون السوري متل ما قال ابو الزوز قانون وضعي تماما "من وضع البشر" ومستقى بالدرجة الاولى من التشريعات الفرنسية .. يستثنى منو قانون الاحوال الشخصية اللي فيه المصدر التشريعي الاول هوي الشريعة الاسلامية.. واللي عم يتم المطالبة حاليا بجعله قانون وضعي كما كل التشريعات السورية

صحيح بالشريعة الاسلامية بيتم قطع يد السارق ، لانه بمنظوره هي عقوبة رادعة ، وتذكرة دائمة بالذنب اللي اقترفه هالبني آدم لما قام بهاد الفعل ، وما في تشريع ديني او سياسي او مهما كان اصله بقول انه السرقة مسموحةباي مجتمع وباي حالة من الأحوال .

بالنسبة للعقوبات سواء اللي حكيتي عنها او اللي حتى ما حكيتي عنها هي تطبق في دولة يحكم فيها الشرع بكل شي ، نحن هون بسوريا سمعتي شي مرة انه حدا قطعوله ايده لانه سرق ، لا ... لانه عنا بتم تطبيق قانون العقوبات المدني وليس الشرعي .
وكذلك الامر بالنسبة لباقي المسائل ، سوريا دولة فيها قانون مدني ويتم تطبيقه بشكل واسع ، بالنسبة لقانون الاحوال الشخصية في قانون مدني ( وضع من وقت الفرنسيين) وفي قانون شرعي اسلامي وكل مين حر بانتقاء القانون اللي بريد ليحتكم اله ، اصغر مثال قانون التوريث ، القانون المدني مختلف تماما عن الشرع ومع ذلك في كتير ناس ما بيظبط معها الحكم الشرعي وبتلجأ للحكم المدني .
برأيي انه هون نحن خرجنا عن الموضوع الاساسي والل بصراحة انا ما عرفت الهدف منه هل هو انتقاد ام طرح لمعرفة سلبيات ام ايجابيات ، بس المطالبة بجعل قانون الاحوال الشخصية هو قانون وضعي مو شرعي اسلامي
(متل قلتي انت فوق ) ما هو موضوع نقاشنا هون .
كلمة اخيرة ، التشريعات الدينيةغير قابلة للنقاش من اجل اثبات صحتها من عدمه ، لانه هي هيك وضعت في وقت معين ولاسباب معينة ولجميع الازمان ، ولكن طريقة التطبيق هي القابلة للنقاش فقط مو اكتر من هيك .

[osian]

بس في كم فكرة زغار حابة قولن بالموضوع
أول شي بصراحة ماعم لاقي أي مشكلة بأنو البوطي يقول أنه مع التعدد وبأنه التعدد حل لبعض لمشاكل ..وما بعرف هل كان من المتوقع أنه يقول أنه هو ضد التعدد !! مع العلم أن البوطي رجل دين إسلامي وبالإسلام مباح التعدد

تانيا وبصراحة كمان ضعت شوي يعني بعتقد أنه الهدف من نقل الموضوع هو (هل التعدد حل للمشاكل أحيانا ولا لأ)
وكل واحد يفوت ويعطي رأيه إيجابا أوسلبا ومو متل م صاير هلأ ويلي هو أنو كل واحد بفوت بيهطي رأيه بالتعدد ..لأن إزا بتلاحظو الموضوع مو هو ما رأيك بالتعدد ؟ أو ما رأيك بإلغاء التعدد وتعديل قانون الأحوال الشخصية السوري؟

تالتا وعفكرة أنتو عم تحكو عن التعدد بحال وحدة وهيي الجمع بين الزوجات موالتعدد يلي بيصير يكون للمرأة أو للرجل بعد طلاق أو وفاة الزوج أو الزوجة أنو يتزوجو مرة تانية وهي الحالة ما بعتقد أنو في خلاف حولها


هلأ رأيي بموضوع الجمع بين اكثر من زوجة هل من الممكن أن يكون حل ؟
أنو ..ممكن .. وخاصة لما بدنا نحكي بالمجمل ..في حالات ومواقف بالحياه بس نكون عم نشوفها من بعيد منرفضها ومنقول ( مستحيل معقول حدا يعمل بهيك) بس بالحقيقة بكون هالشي أرحم من احتمالات تانية
بقى كل حالة إلها خصوصية ..الجمع موشي مرغوب بنظر الأغلبية بس ممكن يكون أحلى من احتمال تاني بحياة إنسان أو إنسانة ..ما فينا نجزم بأنو خلص لأ ..ونعمم إلا لنعمل دراسة كافية عن الأسباب يلي بتخلي الرجل أو المرأة يقبلو بهالشي

[ارسلان]

كاتب النص الأصلي : Nay

هي أول مرة بستغرب من ردك أرسلان..
عن أي ضوابط عم تحكي.. المرأة في عصرنا الحالي أصبحت قادرة على الانفاق على عشرة بيوت.. هل يحق لها تعدد الازواج أيضا..
لماذا يتم تبرير التعدد عند مرض المرأة بينما يجب على المرأة أن تخدم زوجها المريض او المجنون..
سياسة الكيل بمكيالين غريبة للغاية.. معاملة المرأة على أنها جارية وعلى أنها وعاء لتفريغ الرغبات الجنسية أيضاً غريبة للغاية..

بدءاً صباح الخير
ثم إنني تحدثت عن قبولٍ مبدئي من مسألة التعدُد, قبوٌل ضيق ومحاط بضوابط تتماشى مع روح العصر ولا تنفي الاباحة القرآنية
أما عن ضابط الانفاق فإن هذا الضابط قد رفضته أنا جملة وتفصيلا لو أنك قرأتِني جيدا لوجدتِ أنني وضعته ضمن الضوابط التي لا تُبرر التعدد بأي حال من الاحوال بل تُحول الزواج من نظامٍ بنائي الى نظام هدم

وبالنسبة لمرض الزوجة فقد ضربت مثالا استوحيتته من الفلم الاجنبي وهو الجنون العدائي الذي أُصيبت به زوجة الامير, وأنه من الظلم ان يُمنع الامير من الزواج مرة أخرى لأن ذمتهُ مشغولة بزوجة الله أعلم بحالها ولم أتطرق بأي حرفٍ لـ وجوب خدمة الزوجة لزوجها عند مرضه بل بإمكانها إن أصيب بعارض يجعل من أدائه لمهامه الزوجية مستحيلا أن تتزوج غيره

ولا أدري كيف استنتجت من ردي أنني أنظر للمرأة على أنها جارية أو وعاء لتفريغ الرغبات ..

[lolo510]

كاتب النص الأصلي : ارسلان

من حيثُ المبدأ فالتعددُ امرٌ مقضيٌ به للمصلحة العامة ومن هذا المنطلق فإن نظام التعدد كما ذكر البوطي نظامٌ يحتاج لمزيدٍ من الشروط والضوابط

ولكنني أختلفُ معه بشأن الضابط الاهم للسماح به ألا وهو العدل و القدرة على الانفاق
بالنسبة للضابط الاول :العدل فإن القرآن نفى إمكانية أن يعدل الانسان بين زوجاته بقوله / ولن تعدلو /
والقدرة على الانفاق ضابط ربما كان كان مرده الى اجتهاد الشيخ ليس إلا فإن القدرة على الانفاق قد تكون بابا للإستملاك وليس لتطبيق روح الزواج
*
ولكنني مع التعدد في حالات وضوابط لا تخص الزوج وانما تخص الزوجة فربما تكون الزوجة مصابة بمرض يجعلها عاجزة عن القيام بمسؤوليتها تجاه الزوج ربما تُصاب خلال العلاقة الزوجية بالجنون المؤقت الذي يصيبها على أوقات زمنية متباعدة
ولقد آمنت بهذا الرأي بعد أن شاهدت فيلما أجنبيا اسمه Jane Eyre
وخلال الفلم ظهر بوضوح مأساة أحد الامراء عندما من القيد الذي يمنعه بأن يتزوج من محبوبته بسبب أنه في الاصل متزوجٌ من فتاة أخرى وفي الحقيقة كانت تلك الزوجة مصابة بالجنون وقد حجزها في غرفة قصية من قصره لعلاجها دون فائدة

ع راسي والله كلامك منطقي كتير وانا معك 100%

[Nay]

كاتب النص الأصلي : ارسلان

بدءاً صباح الخير
ثم إنني تحدثت عن قبولٍ مبدئي من مسألة التعدُد, قبوٌل ضيق ومحاط بضوابط تتماشى مع روح العصر ولا تنفي الاباحة القرآنية
أما عن ضابط الانفاق فإن هذا الضابط قد رفضته أنا جملة وتفصيلا لو أنك قرأتِني جيدا لوجدتِ أنني وضعته ضمن الضوابط التي لا تُبرر التعدد بأي حال من الاحوال بل تُحول الزواج من نظامٍ بنائي الى نظام هدم

وبالنسبة لمرض الزوجة فقد ضربت مثالا استوحيتته من الفلم الاجنبي وهو الجنون العدائي الذي أُصيبت به زوجة الامير, وأنه من الظلم ان يُمنع الامير من الزواج مرة أخرى لأن ذمتهُ مشغولة بزوجة الله أعلم بحالها ولم أتطرق بأي حرفٍ لـ وجوب خدمة الزوجة لزوجها عند مرضه بل بإمكانها إن أصيب بعارض يجعل من أدائه لمهامه الزوجية مستحيلا أن تتزوج غيره

ولا أدري كيف استنتجت من ردي أنني أنظر للمرأة على أنها جارية أو وعاء لتفريغ الرغبات ..

لا أرسلان انا ما استنتجت من كلامك انك بتحكم هيك على النساء.. ولكن الفكرة بحد ذاتها بتخليني استنتج مو بس أنا كتير غيري كمان..
انا قريت ردك منيح.. بس أنا رأيي انو ليش الرجل مبرر ألو يتزوج مرة تانية عدما تقصر زوجته بواجباتها ..بينما المرأة اذا قصر زوجها لا يكون الحكم ذاته بالنسبة لها..