التصويت لمسابقة التصوير

[Government]

شوط ياقمر : هلأ الصورة حلوة كتير .. انا ماكتير بعرف عبر عن الصور بس حلوة بتعطي ع احساس حلو رهيبة كتير والمؤثرات اللي حواليها والعتمة كتير محليتا .. فانو هي احلى الشي

Zen كمان حلوة .. والوانا حلوين كتير الصورة رايقة .. وفيا ريحة الحارات القديمة

THE_unforgiven # 8 : الصورة حلوة كمان .. وفيا هيك طبيعة تاملية

[boy freind]

1 : ياس 3 نقط ( كتير معبرة انو منظر الشمس عم تحاول تخترق الحاجز الشجري يعني رح توصل رح توصل

2 : THE unforgiven حبيتها مدري ليش لا تعجزوني

3 : kosayka تشبيه الازهار بالقضبان و كيف ممكن تخدعنا كان كتير حلو

[Reemi]

1- قرصان الادرياتيك 3 نقط: حبيت كتير طريقة التصوير والفكرة والمكان
2- زين نقطتين : صورة الحارة والقوس كتير حلوة وتحديداً الالوان مع انو كنت بتمنى انها تكون اللقطة بالليل
3- شوط ياقمر نقطة: فيها احساس قوي والاضاءة رائعة


** كنت بتمنى غابي ماينسحب لانو عن جد الصورة روعة

[The morning]

بحب ذكر الجميع حاليا ً باننا بلشنا بالعد التنازلي لاخر 25 ساعه و نصف الباقين لتسـكير التصويت لذلك اللي حابب يمارس حقه الطبيعي بالتصوّت فليتفضل مشكورا ً ..

[x52]

لشوط يا قمر الصورة رقم 1 : 3نقاط

لياس الصورة رقم 9 : 2 نقطة

لسيلافي الصورة رقم 7 : 1 نقطة

والكل بيستاهل حلوة الصور

[The morning]

الصورة الأولى ( 3 نقط ) : شوط يا قمر .. لسبب كتير بسيط انو انا اكتر شي بيشدني الصور اللي فيها صوت .. اللي بتاخدك لعندها و بصوره شوط .. في موسيقى

الصورة الثانيه ( 2 نقطه ) :SelavI .. اللي بيصمت شوي كمان بيقدر يسمع فيها صوت و صدى ..

الصورة الثالثه ( 1 نقطه ) : جيمي ..

و هون بدي قول شي انو انا صوتت انطلاقا ً فكره انو اذا كانوا هالعشر لوحات موجودين بمحل و كان معي مصاري بتكفي اشتري تلاته منهم بس اي تلاتة بشتري ؟
و طلع معي أنـّو في احتمال اتديّن مصاري ( مع انو اللي بيعرفني بيعرف اني بموت ولا بتدين ) ..لكن اليوم حسيت بدي ادين لاشتري لوحه رابعه .. لأنو احترت كتير بين صورة جيمي و بين صوره ياس ..

صورة ياس فيها شي بخليك توقف قدامها و تســـــــــــــــــــــــ ــــــرررح .. توقف تتأملها و تبطل بدك تمشي .. بسيطة كتير لكنها معقده كتير .. يعني بتفتح قدامك السمـا لتطير و بتسكرها بذات الوقت .. و هيك بكون بلشت ارجع اســــــــــرررح فيها

لكن اخترت صورة جيمي لأنو شدني الطريقة اللي اشتغل عليها ليصور الصوره ( المجسم تبع الحرف A ) .. يعني هي من الصور اللي بتمر لتقدر تلتقطها بأكتر من مرحلة فن .. بداية ً الفكره بعدها صناعه الفكره و تنفيذ و من ثمّ التقاط الصورة .. اضافة للكلمه بحد ذاتها .. أوّل مفرده للحرية ..

لكن ايضا جيمي عندي تعليق على صورته خلاني كتير اتردد يعني .. اتفقنا كنا انو التكتيك و الوضعيـة و الفضول اللي خلق بقلوب المشاهدين هو فن لحـاله .. لكن .. في الي ملاحظه صغيره على الأحرف الأخيرة بالصورة بحس لازم كان تستخدم نظريات البعد الثالث بانو تكبر المسافة أكتر بين الحروف الأبعد لتكون أوضح .. و يمكن كان بينفع تغمقها شوي اكتر لتبين اوضح ..


على كلـّن هلأ بعد اذنكم بدي روح اديّن كرمال ارجع اشتري صورة ياس و يصير عندي كل الكولكشن

[fofo besset syria]

1- قرصان الادريتاليك 3 نقاط : هالمكان الي فيه ذكريات كتير وحسيتو هزني من جوا.
2- قمح : 2 نقطه : في مهارة باخد الصورة وبتشدك
3- زين : 1 نقطه الفكره حلوة

[قبطان الادقية]

وانا بدي صوت

الاولى قرصان 3 نقط لانها زكرتني بطبيعة جبالنا وضيعنا
التانية انفورغيفن كتير قوية الصورة وحسيتا احترافية
التالتة زين الوان الحارة رائعة

[Syrian Gay]

قرصان الأدرياتيك : 3 نقاط
قمح : 2 نقطة
جيمي : نقطة

عجبتني تبع قرصان لأن هيك كيف دخل لهل الكهف ، أنو عجبتني بحب هيك صور وبس
وتبع فمح خيلة انو حبيتا كتير ..
وتبع جيمي بقوللوا يا فنان

[Maher 4x4]

1- قرصان صورة فيها امل 3 نقط

2- زين صورة رمزية ... 2 نقطة

3- شوط بحب الميوزك 1 نقطة

[sweetbaby]

1. قرصان, 3 نقط - الصورة جسدتلي فكرة الحرية
2. زين, نقطين - لقطة الشام القديمة بدون ما يكون فيا حدا شدتني
3. شوط يا قمر, نقطة - الاضاءة و تعابير العازف شيء مذهل

[محمد ابراهيم]

بالبداية التحية واجبة لكل اعضاء اللجنة ول كل المشاركين بصورهم بالمسابقة اللي وصلو لهالمرحلة واللي ما وصلو ، الاشتراك بحد ذاته هو الهدف الاسمى والانبل واللي كل المشاركين حققوه .

كان بودي اني اختار صورة ابو طوني رقم واحد وجد حزين على خروج هالصورة من التصويت ولكن مافي باليد شيئ اعملو ، حاولت معو بالاقناع واترجيتو وهو مصمم ، ومع ذلك بشوف ان الدنيا مواقف وامثال ابو طوني قلائل بهالدنيا وبغض النظر عن اتفاقي معو على الانسحاب او عدو ، بعتقد ان اللي عملو شيئ مشرف ويدعو للفخر ،

* صورة قرصان 3 نقاط ، احساس الامل بالوصول لهدفك المتمثل بالنور في نهاية الكهف وانتهاء معاناتك بالظلام (احساس رائع )

* صورة ياسين 2 نقطة ، احساس ان حتى الشجرات الفارعة العملاقة بافرعها العملاقة وكثافة اوراقها غير قادرة على حجب الشمس ، مافي حدا قادر على حجب الحقيقة او حجب النور .

* صورة حسان نقطة ، رمزية الفكرة و نور الشمعة اللي بيتمنى الها انو ما تنطفي (انا ما صوتت على تعديلات الصورة الاطار والاهداء ) انا مصوت على الصورة الاصلية اللي شفتها بموضوع البريد ، ومتل ما قال كريم وعلمنا ، بدي العنبات وستين طزر بالناطور .


هامش ، اوجه اعتذار على عدم اختيار صورة شوط يا قمر وبنفس الوقت تحية الو ، هالصورة رائعة والاحترافية فيها عالية جدا ، انا عندي شعور واحساس اقرب للتالي : ان الرجل طلع الكاميرا بيد وحدة ووجه عينو ناحية الجمهور والتقط الصورة ، يعني بالحد الادنى من المجهود وخرج النا بصورة بمنتهى الاحترافية ، ورجاء شخصي الو عليك بمسابقات المحترفين هي اللي تناسب احترافيتك العالية .

هامش تاني : هال5 صور الافضل تماما بين ال11 الموجودين داخل التصويت هلئ وبدي قول ان الذوق العام لايمكن افساده مهما صار والعمل الجيد بيفرض حالو بقوة .

[almurtaja]

لصورة الاولى قرصان 3 نقط :فيها ابعاد كتير غير مرئية وممكن تنقرأ بمعاني كبيرة وبحس فيها بالامل ..

لصورة التانية أنفورغيفن: منظر البحر والألوان متناسقة بشكل جميل وبيكفي انها بطرطوس


الصورة التالتة جيمي 1 نقطة: عجبتني الفكرة مع انو كنت بتمنى انها تكون صورة طبيعية اكتر من هيك

[The morning]

بدي اخد دقيقتين من الوقت مش اكتر لاشكر فيهم كل مين شارك بالتصويت .. و قول ايضا ً اني متل ما تفاجأت بكم المشاركات الكبير اللي شاركت تفاجأت ايضا ً بالتصويت ..

شـكرا ً للجمـيع دون اي استثناءات
و بقول انـّو عم يتم حاليا ً احتساب الاصـوات و رح بتم أعلان النتائج بأقرب فرصة ..
(متوقع الخميس أو الجمعه )

غير هيك بقول انتظرو المفاجأه اللي وعدنا فيها مع اعلان النتائج ..

شكرا ً مجددا ً و شكر خاص مني للجنه التحكيم عالمساهمة ..



The morning