تعا اقلي تعا اقلي تع ( مقلاية 8 )

[jankasanova]

العضو اللي رح ينقلى بعدي هو

Zen

استلموه

[Sun Shine Art]

كاتب النص الأصلي : jankasanova

العضو اللي رح ينقلى بعدي هو

Zen

استلموه

ونعم الاختيار ....زين ..ابن العم ...

منبلش شويه قلي .....


شو مشان موضوع دراستك .؟ قال رجعت ؟؟ لوين وشو ؟؟؟

الوضع المعيشي بسوريا كيف ؟؟؟

الوضع الاقتصادي والسياسي ؟؟؟

النت بسوريا ؟؟؟

الفرص العمليه لشبابنا الكادحه بسوريا كافيه ولا لا ؟؟

الجامعات المفتوحه كيف بتشوفها مقارنه مع الجامعات الحكوميه ؟؟؟

الجبل والخضار والهوى النقي ولا المدينه ؟؟؟؟

الحب لزين شو هو ؟؟؟ وكيف بينظر لحبيبه القلب ؟؟؟

زين شو بدو من هل الدنيا .؟؟؟ هل زين طموح لابعد الحدود ولا مقتنع بالوضع المتاح الموجود وبس ؟؟؟

هل يوجد تفرقه دينيه او طائفيه بسوريا ؟؟؟ ولا هي عباره عن سياسه مو اكتر ؟؟؟

شو معتقداتك بالتالي ...الله ... الدين ...محمد ...عيسى ....

زين امتى بكون قوي وامتى بكون ضعيف ..؟؟؟

شو رايك يساريا السواسي مدري شو رب اسمها ؟؟؟؟

كيفني انا معك ....

اخويه ...

شو بتعنليك ؟؟؟

اخويه بتحس انه لازمها تغير ولا منيحه متل ماهي ؟؟؟

التحشيش العقلي كيفو معك ؟؟؟

يلا حاجه لهون والي رجعع ماعاد طلع معي شي

وميه ورده

[zen]

ونعم الاختيار ....زين ..ابن العم ...
هلا هلا صفصف ع روسي

منبلش شويه قلي .....
تفضلي

شو مشان موضوع دراستك .؟ قال رجعت ؟؟ لوين وشو ؟؟؟
اي انو افترضيا انو رجعت على جامعة حلب قسم بروجكت مانيجمنت (ادارة مشاريع) بس انشالله تظبط لانو انا ع طول بتخوزق بأخر لحظات

الوضع المعيشي بسوريا كيف ؟؟؟
بيخخخخخخخخخخخخخ*** قصدي بيهوي

الوضع الاقتصادي والسياسي ؟؟؟
الاقتصادي بسوريا بيهوي متل باقي البلاد مو شغالة الا السرقة
السياسي داخليا بيهوي
خارجيا حسب المصلحة يعني يوم صيف يوم شتي
النت بسوريا ؟؟؟
ولي أخرررر*** من هيك مافي يعني شي مزري موزنبيق النت احسن من هون

الفرص العمليه لشبابنا الكادحه بسوريا كافيه ولا لا ؟؟
هع هع عرفتني مين تسألتي أي أس أخت الفرص ااذا موجودة بالزور الواحد بيلاقي شغلة يشتغلها

الجامعات المفتوحه كيف بتشوفها مقارنه مع الجامعات الحكوميه ؟؟؟
كلو أضرب من بعضو انو التدريس منيح بس الضرب ع النتايج بتدفع اكتر علامتك اكتر
الجبل والخضار والهوى النقي ولا المدينه ؟؟؟؟
لو بتكون الضيعة قريبة من الشام ما بتزحزح منها بس بعيدة
الحب لزين شو هو ؟؟؟ وكيف بينظر لحبيبه القلب ؟؟؟
الحب شي حلو ونحنا منخترعووو
وحبيبة القلب هي روحي بس تجي وتاخدها لروحي بعطها كلشي وبدي منها شي واحد انو تنيمني بحضنها وبس

زين شو بدو من هل الدنيا .؟؟؟ هل زين طموح لابعد الحدود ولا مقتنع بالوضع المتاح الموجود وبس ؟؟؟
زين ما بدو شي بس الدنيا بدها كلشي وبتضل تكسر في لحد ما بقي شي ينكسر
ومنشان الطمووح كتير طموح وبحلم بس القصة بتبقى حلم
هل يوجد تفرقه دينيه او طائفيه بسوريا ؟؟؟ ولا هي عباره عن سياسه مو اكتر ؟؟؟
التفرقة الطائفية موجودة وبكثرة انو بتذكري كيف من سنتين انحرقت ضيعتنا بنت العم وبتذكري يحيا جورج بوش مو
شو معتقداتك بالتالي ...الله ... الدين ...محمد ...عيسى ....
معتقدي مقعد ما عم يظبط مع حدا انو بعرف انو في شي بهالكون هوي اللي بينظم الامور
الله ما بعرف شو قلك يعني بس ببالي قلو وين العدل مش شايفو يالله
محمد :من البشر الاذكياء جدا
عيسى : ما بعرف بس انو هوي عندو محبة زيادة عن اللزوم بتخلي الناس تقول عنو ضعيف
زين امتى بكون قوي وامتى بكون ضعيف ..؟؟؟
بكون قوي لما بكون حد أمي وضعيف لما ببعد عن رفقاتي اللي بحبون
شو رايك يساريا السواسي مدري شو رب اسمها ؟؟؟؟
ما بحبها
بس منيحة عم تقضي حاجة الشعب المسكين الملعون سلافووو
كيفني انا معك ....
بتجنني
اخويه ...

شو بتعنليك ؟؟؟

اخويه بتحس انه لازمها تغير ولا منيحه متل ماهي ؟؟؟
انسالتو كتير لهلسؤال
اخوية هي فترة حلوة بحياتي وانقضت
وهلق هي أحسن مووقع انترنت
التحشيش العقلي كيفو معك ؟؟؟
لولا ما عم عيش كنت بنتحر

[Government]

عطينا رأيك بهالاعضاء بصراحة



ٌReemi
marioma alghzayala
hanny dagher
AHMAD
Genifer
أإأبو العبد,
ام الجود
شوط ياقمر,
sweetbaby
Abu ToNi
maged-syrian
butterfly
وشم الجمال
سوا ربينا
Huzun
Hashtnasht
yass
HUS
Barleb
باشق مجروح
محمد ابراهيم
Government
صياد الطيور
رجل من ورق
maher4*4
the morrning
abosleman
LiOnHeArT3ala2
BL@CK
MadMax
sona78
هدوء البحر
ابو نجبو
Abu Guzef
بنفسجة
sandra
boy freind
whiterose
leonardo_dicabreo
i am sam
zen
VivaSyria
black-iris
sun shine art
عياش
ِAbu Alzooz
saman
يمان Rooooonaldo
satoman
المحارب العتيق
اب سارة

[suryoyo]

كاتب النص الأصلي : jankasanova

العضو اللي رح ينقلى بعدي هو

Zen

استلموه

وقت اللي نجي نقليك ... تهرب

مو على اساس 5 ايام مدة القلي

[zen]

حسون بدك رائي بصراحة ولا هيك حكي
؟

[ابو ريتا]

كيفك خيو .... سؤال بس .... شو رأيك بأبو ريتا ؟؟ اتغيرت نظرتك لإلو ولا شفتو متل ما توقعتو ! و سؤال تاني : إذا طلعت عابولونيا فشو حابب تدرس هونيك , ( مشان الشغل ) ؟

[zen]

كاتب النص الأصلي : ابو ريتا

كيفك خيو .... سؤال بس .... شو رأيك بأبو ريتا ؟؟ اتغيرت نظرتك لإلو ولا شفتو متل ما توقعتو ! و سؤال تاني : إذا طلعت عابولونيا فشو حابب تدرس هونيك , ( مشان الشغل ) ؟

ابو ريتا يا خيو سكرة بتدوب بالقلب انو كنت فكروا مختلف بس انو طلع أحلى من اللي كان براسي مو قصدي بالشكل قصدي بالروح وهوي ما شالله عنو شكليا
ببولونيا او بأوربا بدي ادرس مسرح وسينماحلمي هاد حلمي
الشغل شو ماكان بجلي صحون هونيك \
وع راسي حارتك

[zen]

عطينا رأيك بهالاعضاء بصراحة



ٌ

Reemi
رموووش هي عيوني يعني وردة جبلة شو بقلك اكتر من هيم
marioma alghzayala
عطول بتقول عني اهبل ما بعرف ليش بس انو هالمخلوقة بحبها من يومين شفتها طالعة من المكز الثقافي الفرنسي روحها بتعقد

hanny dagher
المبحمش الكبير هالزلمة بحشو هيك متل بيل غيتس هوي حبيب القلب مع انو ما عم يقوت كتير بس بشوفو ع الفيس بوك
AHMAD
نرفوووز بس طيوووووب كتيييير
Genifer
انو عفوا ما بعرفها لاعطي رأئي فيها بس بشكل عام بحب اسم جينفر
أإأبو العبد,
بيذكرني بابو العبد تبع النكت
ام الجود
ما بعرفها منيح
شوط ياقمر,
شويط انو عطول بسأل حالي ليش مسمي حالو هيك
sweetbaby
من أعز البنات ع قلبي قصة صداقة طويلة عمرها من عمري بأخوية
Abu ToNi
من أعز الأصدقاء بلشنا بأخوية وهلق صرنا بالواقع مع انو بحلب
maged-syrian
ما بعرفو او ها
butterfly
ممم مبدعة بالمكتبة بس انو هيك من أول كنا منعرف بعض اكتر ما بعرف شو صار
وشم الجمال
سراب البنت الحبابة الهادية اللي مافي منها بس انو بدي قلها مبروك الخطبة
سوا ربينا
ما بعرفوا كتير بس لما حكينا كان حباب
Huzun
ما بعرفا
Hashtnasht
رفيق النضال الحشيش ومازل مستمر بالرسالي وهي وردة ألو
yass
ياس مبدع
HUS
حكيمنا عم نشتقلوا
Barleb
كل بيبلش تمام بس كمان مافي شي بيبقى ع حالو بس بارليب بيضل عزيز
باشق مجروح
هوي منيح بس من يومين عمل معي فصل ناقص بس يرجع بحاسبو بس انو سكرة
محمد ابراهيم
مولانا انو انا بصراحة ما كنت اهضم المصريين بحب مولانا خلاني غير رأئي
Government
ع راسي الحكومة هلق حسون بيذكرني بحسون كان معنا ما بعرف اذا هوي زاتو بس كنا انا وحسون متفقين كتير الله يرحمو
صياد الطيور
سكرة على حلها كنا كتير نحكي سوا بس هلق خف الحكي
رجل من ورق
كل انواع الكذب متوفرة لدينا بس طلوب وتمنى بتلاقي
maher4*4
أحلى سيارتجي ع خط قطر سوريا
the morrning
انو بيعجبني صبرها وحكمتها وبالها الطوووويل
abosleman
انو ما بعرفوا
LiOnHeArT3ala2
انو انا وعلاء ما بعرف ليس بس نجتمع ع المسنجر بيفلت لسنانا يعمي بيصير الحكي من الزنار ونازل وطالع اللي بدك ياه يعني +21
BL@CK
عندو مشكلة بتعاملومع الناس اللي باخوبة
MadMax
عملاق الموسيقى مش حتقدر تغمض عينيك
sona78
ما بعرفا
هدوء البحر
بحسو مخبر
ابو نجبو
حبيب القلب بس بالصين ناطر الشهر 11 انا
Abu Guzef
بتطبق عليه غنية يلي حبك مواسم بس شو غير شكل ابو جوزيف لما كان بحفلة زياد دقلي وجاكرني وسمعني بس انا ما حطيتها واطية رحت حضرت الجمعة
بنفسجة
أخ هون حطنا الجمال أختي وصديقتي واللي بدكون ياه طالع لعندها يوم الخميس
sandra
سوسة قلبي ودكتورتي النفسية و بتجنن واحلى بنت حلبية واحلى مونرو
boy freind
ما بعرفو
whiterose
وايت روز انو انا بحترمها بس عندها مشكلة انو بتخلي الامرو شخصية
leonardo_dicabreo
حباب وقلوبو طيب
i am sam
ما بعرفوا س بعرف انو مبدع بالكتابة
zen

VivaSyria
صديقي الصدوق اللي بضل نق عليه انو بدي حاكيه وما بلقطو بس انو شو انا هون لاطيلو وناطرو والا ما القطو بحبو
black-iris
ما بعرفا
sun shine art
انو بنت العم شو راح تكون الا ثمر وسكاكر وملبس وكلشي حلو واهم شي محششة متلي بنت عمي يا اخي شو بدك بالحكي
عياش
بيذكرني بعياش
ِAbu Alzooz
ع سلامتو مافي منو احلى محامي للمستقبل
saman
هلق معصب منو وواصلة معي للسما منو فمارح رد
يمان
رونالدوو بمان رياضي من الطرزا الأولاني Rooooonaldo
satoman
ما بعرفو منيح بس حكينا شوي وهوي حباب
المحارب العتيق
حلوة نقاشو مع انو منختلف بالرأي
اب سارة
سمعانين بالمتل اللي بيقول ر اخ لك لم تلده أمك
وابو سارة أخي اللي ما ولدتوا أمي


ع راسي

[يمان Rooooonaldo]

اي انو افترضيا انو رجعت على جامعة حلب قسم بروجكت مانيجمنت (ادارة مشاريع) بس انشالله تظبط لانو انا ع طول بتخوزق بأخر لحظات

حلو جدّا .. هالتخصص رائع .. بكل معنى الكلمة .. وباوربا مركزه الاساسي حاليا بالمانيا .. روعة بكل معنى الكلمة لو اتدرس بالطريقة الصحيحة ..
الو شهادة عالمية امريكية حاليا متل ال cma وال cpa .. اسما ال CPM ... certified project management
بقا از عبالك .. دور وبحبش عليها .. وشغلها كتير ممتع .. ومطلوب جدا حاليا لانو لسا ما كل هالقد منتشرة ..

[zen]

كاتب النص الأصلي : يمان Rooooonaldo

حلو جدّا .. هالتخصص رائع .. بكل معنى الكلمة .. وباوربا مركزه الاساسي حاليا بالمانيا .. روعة بكل معنى الكلمة لو اتدرس بالطريقة الصحيحة ..
الو شهادة عالمية امريكية حاليا متل ال cma وال cpa .. اسما ال CPM ... certified project management
بقا از عبالك .. دور وبحبش عليها .. وشغلها كتير ممتع .. ومطلوب جدا حاليا لانو لسا ما كل هالقد منتشرة ..

اي هوي انا عم بحبش بس دعولنا يا شبيبة

[قرصان الأدرياتيك]

سلام...


اليوم بعد فترة منيحة قدرت فوت عالإنترنت وطبعاً في تراكمات هائلة للأسف... وزعلت أنو ما شاركت بمقلاية الأشخاص اللي سبق ومروا هون وخاصّة أنو في أشخاص منن أعزاء على قلبي، بالإضافة أنو بحب شارك حتى الناس يللي ما كتير بيتقبلوني بهالمكان، لأن أمر مقدس عندي الفصل بين العلاقة الشخصية والعلاقة العامة أو الفكرية أو... !


ومن هيك مو حابب أخسر المشاركة معك يلـ كلك زين...


معرفتي بأعضاء الأخوية (الشخصية) ضعيفة وما بتمتد أكتر من معرفة الأسماء المستعارة وبعض الملامح اللي تعرفت عليها خلال هالمنتدى الحيوي المميز. وهالشي بسبب ضعف التواصل يللي ألو أسباب كتيرة أهمها عدم توافر وقت كافي للقيام بهالشي.


زين بعرفك من خلال بعض المشاركات ومن خلال كونك صديق لأمير وعن طريق رسالة خاصة مو أكتر.

اسمحلي شاركك بمقلايتك:


السؤال الأول: تقدر تقلّي: هل الإنسان (عامةً) بمسيرة الاستهلاك والمدنية (الحالية) والاهتمام بالشكل أكتر من الجوهر، قادر أنو يستمر كإنسان؟! إذا كان قادر على أنو يستمر كإنسان فليش نلاحظ أنو بعشرات السنين الأخيرة ولدت أشكال جديدة من الإنسانية ومفاهيم تنافي الطبيعة يللي هي المعيار الوحيد والأساسي لأي إنسانية نحكي عنا؟! وليش نلاحظ أنو الإنسان في غرق مستمر بالمادة وهو منجذب بشكل سريع نحو مستنقعات الشكلية الفارغة، بالرغم من أنو هالإنسان نفسو يعرف تمام المعرفة أنو هو يولد للموت والموت أمر محتم عليه؟!


السؤال التاني: شو بتعنيلك الحياة والوجود بشكل عام، يعني بما يمس الإنسان عامةً بدون أي انتماء عرقي أو ديني وبدون أي تمييز باللون والشكل؟! وشو بتعنيلك من واقعك أنت، وهل المعنى (الخاص فيك) اللي عم تشوفو بالحياة عم يروي غليلك كإنسان يسعى لمعرفة كل شيء وبلوغ كل شيء، أم أنو العجز يللي تكتشفو بواقعك (كإنسان محدود القدرات والسنين) يجعل من الحياة قفص ما بينفتح بابو إلا بعد فوات الأوان (الموت)؟!


السؤال التالت: لما تشوف الواقع السوري مصاب بأمراض كتيرة منها "الدين" و"الإرهاب الفكري والجسدي" و"الاستعباد" و"السرقات" و"الفساد بكل شكل ولون"... إلخ، بتعتقد أنو عملك كإنسان حر ومنفتح وواعي قادر أنو يخلق شيء ما أو تأثير ما (مستقبلاً) بهيك واقع؟! حتى سهلك الأمر: أنا عندي بعض التأثيرات الإيجابية على محيطي بس ماني واثق من زمن ديمومتها... خبرنا أنت عن هالموضوع يللي يرتبط فيك أولاً (على صعيدك الداخلي أخلاقياً وثقافياً واجتماعياً) ويرتبط بنفس الوقت بسورية وطنا الحبيب!


مبدئياً رح أكتفي بهالأسئلة الثلاثة وإذا في أي شيء غامض بتعبيري خبرني حتى وضح أكتر بكلمة أو بمثال.


بتمنالك التوفيق والجدية بمقلايتك يللي هي استفادة وخبرة وفحص ضمير ألك أولاً وألنا ثانياً.

.

[المحارب العتيق]

زين مرحبا

أنا حابب اسألك حاليا سؤال واحد
شو رأيك ببعض الامراض يلي بيعاني منها مجتمعنا ومنها الالحاد . ومنع المتدينين من الوصول الى ادارة الاعلام بكل انواعو . والارهاب الفكري لهم المتمثل بمساواتهم باالارهابيين

[Government]

كاتب النص الأصلي : zen

حسون بدك رائي بصراحة ولا هيك حكي
؟

اكيد بصراحة ولوه .. كانك مالك مجاوب بصرراحة
انو يازلمة كل الاخوية بتحبا مافي حدا بتكرهو وولوه


ومشان حسون انا حسون حسون .. مالي هداك اللي ببالك اطمن
انا شي وهو شي ..فمت شي ؟

ع راسي زينو

[The morning]

the morrning
انو بيعجبني صبرها وحكمتها وبالها الطوووويل

عراصـي

[ابو نجبو]

كاتب النص الأصلي : zen

ابو نجبو
حبيب القلب بس بالصين ناطر الشهر 11 انا

راح الكتير بقي القليل.....

[zen]

كاتب النص الأصلي : المحارب العتيق

زين مرحبا

أنا حابب اسألك حاليا سؤال واحد
شو رأيك ببعض الامراض يلي بيعاني منها مجتمعنا ومنها الالحاد . ومنع المتدينين من الوصول الى ادارة الاعلام بكل انواعو . والارهاب الفكري لهم المتمثل بمساواتهم باالارهابيين

مممممممم
انت من البداية مفترض شغلات انو هي مرض اجتماعي
وهون في فرق بينا بالافكار
الالحاد بعتبرو حرية شخصية وعقيدة خاصة بالأنسان ف برأي مانو مرض وحلو التنوع يعني ملحد متدين وسط هي الحياة
هلق منع المتدينين ؟؟؟
انا ماني شايف منع انا شايف في تطور بالحالة من هالناحية
والتدين زايد مع انو مانو بالمسار الصحيح
هلاء بالضبط بالاعلام فنحنا يعني ع اساس بيحكمنا حزب البعث اللي هوي علماني
وانا ضد فكرة كل متدين ارهابي بس بدي قلك ومن تجربة شخصية أغلب المتدينين بيعتبرو بن لادن هدف ومثال أعلى
واغلب المتدينين لهلاء بيحلمو بالأندلس وكسر صليبها ع حسب دعاد أو نشيد سمعتوا ومتل ما قلتلك تجربة شخصية

[Maher 4x4]

أنا maher 4x4 مش maher 4*4

مشان ما نطلع عن الموضوع سؤالي :

ليش بتخربط بالحروف ؟