حيائنا المخدوش..

[يمان Rooooonaldo]

بما اني ماني .. قاري ولا موضوع ولا شايف نكت ولا شي .. بس حبيت اعطي تشفطية صغيرة .. بدون سبام ..

عفكره ملاحظه صغيره .. نحنا عنا بالبيت في لوحات عارية و عنـّا تماثيل عاريه أيضا ً و ما بتذكر انو حدن من الناس اللي تجي لعنا عالبيت يفكرونا شواذ او مجانين (( عالقليله بوجهنا )) ..

بالشام ؟

[The morning]

كاتب النص الأصلي : يمان Rooooonaldo

بما اني ماني .. قاري ولا موضوع ولا شايف نكت ولا شي .. بس حبيت اعطي تشفطية صغيرة .. بدون سبام ..



بالشام ؟

حمص ... .

[يمان Rooooonaldo]

اوك .. سؤالي كان .. لاثارة نقطة خفيفة بس عالنقاش .. وهية الوضع المحيط والمجتمع المحيط .. بهاد الموضوع تحديدا .. وهاد بيأثر وبيلعب دور كبير قبل ايا شي ..

[محمد ابراهيم]

كاتب النص الأصلي : The morning

عفكره ملاحظه صغيره .. نحنا عنا بالبيت(( بسوريا )) في 3 لوحات عارية و عنـّا تماثيل عاريه أيضا ً و ما بتذكر انو حدن من الناس اللي تجي لعنا عالبيت يفكرونا شواذ او مجانين (( عالقليله بوجهنا )) ..

انا ممكن اتفهم اللوحات والصور والافلام والنكت والحكي وكل شيئ ،

لكن كيف اتفهم تواجد أصنام والعياذ بالله .

هاموش : بتمنى من كل قلبي ان الحكومة السورية تستحدث هيئة الامر بالمعروف والنهي عن المنكر للتصدي لانتشار ظاهر الاصنام .

[يمان Rooooonaldo]

بدي احكي شغلة تعليقا على محمد ..

وراي شخصي ما بعبر لا عن فتوى ولا عن فهم والمام بالشرع والدين ..

بس انو هلا ازا انا حطيت صنم عندي بالبيت .. او .. صنم معين مثلا بمكان شغلي او شي .. وانا مآمن تماما .. انو هاد صنم لا بقدم ولا بأخر .. يعني بالاحرى انا متاكد انو صنم ما بقدم ولا بأخر ولا اني حاطو وقاعد عم مجد فيه ..
لانو تعال للحرام والحلال .. حرام انك تحط ايا صورة .. فيها .. صورة انسان عادي وفي كتير عالم .. بتحط صور .. ! ..



ما هية مشكلة ..

[The morning]

كاتب النص الأصلي : يمان Rooooonaldo

اوك .. سؤالي كان .. لاثارة نقطة خفيفة بس عالنقاش .. وهية الوضع المحيط والمجتمع المحيط .. بهاد الموضوع تحديدا .. وهاد بيأثر وبيلعب دور كبير قبل ايا شي ..

اي أكيد المحيط بيلعب الدور الأكبر بكل شي يتعلق بالانسان ابتداء من الشخصيه و انتهاء بالشمسيه

[أإأبو العبد]

والله انا شايف انو انتو محملين الموضوع اكتر من اللازم وخصوصا شغلة النكت انو حتى بالفضائيات (العربية) بس حدا يسب او يقول شي كلمة بتخدشو للحياء العام بيعملو (طوط) يعني بيشفروها وكمان هون نفس الشي ماحدا قال كلمة بتخدش الخياء بحد ذاتها انما يمكن النية العاطلة بتلعب دور بتفسير هالنكت انو بتخدشو للحياء العام خدش

[محمد ابراهيم]

بسم الله الرحمن الرحيم والصلاة والسلام على سيدنا محمد وعلى اله وصحبه اجمعين أما بعد ،

بصراحة ماشفت ردود كتير بتفوت بصلب المشكلة فحاولت اقدم محاولة
اولا بدنا نحدد المشكلة الرئيسية ، مشان نعرف هي وين وهاد نص الحل .

هل المشكلة بالنكت الجنسية ؟ هل المشكلة بحرية التعبير ؟ هل المشكلة بفكرة الكيل بمكيالين ؟ ولا المشكلة شيئ اخر ؟

ناخد فكرة فكرة ونشوفها مع بعض
1- هل المشكلة بالنكت الجنسية ؟
2- هل المشكلة بحرية التعبير ؟
اعتقد الجواب لاء ، المشكلة هنا
قوانين الاخوية

إستخدام الألفاظ السب و الشتم ، و الألفاظ السوقيّة.

وتم شرحها على النحو التالي

استخدام الألفاظ الخارجة عن القبول الإجتماعي العام مرفوض، بكل الأنواع ، وهون بيشمل الألفاظ السوقية، وتسمية الأشياء بأسماء سوقية ..

ثم القانون الاخر

الإتيان المتعمد بمواضيع تخرج عن إطار القبول الإجتماعي بخدش الحياء العام

وتم شرحها على الوجه التالي

في خطوط حمراء بالقبول الإجتماعي ، و تختلف من قسم لقسم، في قسم مثل المنبر الحر ، من المقبول طرح موضوع عن الجنس، والعلاقة مع الآخر ، بس هذا مش مقبول بأقسام أخرى ، ايضا قبول الموضوع بقسم مثل المنبر مرتبط بطريقة الطرح .. ضمن إطار الكتابة المسؤولة الحرة ..

قوانين موجودة من 2006 مو من 2009
والموضوع هون

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

* والخلاصة ان المشكلة مش بالنكت الجنسية في حد ذاتها وانما في امرين
1- احتوائها على الفاظ سوقية
2-تخرج عن اطار القبول العام بخدش الحياء العام

هذه عن النقطة الاولى ،

أما عن النقطة الثانية
* فكرة الكيل بمكيالين لان موضوع الفن العاري موجود والنكت لاء

طيب ، هلئ الفن العاري موجود بقسم والنكت بقسم مختلف ، هاد الو مشرف وذاك الو مشروف اخر
وين الكيل بمكيالين ؟
الكيل بمكيالين بدو مشرف واحد او قسم واحد ،

هلئ يعني مشرف قسم عالطاير حذف الموضوع لان هاد نطاق اشرافو ومش نطاق اشرافو قسم التصوير او غيرو ،من هون بتنتفي شبهة الكيل بمكيالين بحق مشرف القسم

هل في مشكلة في شيئ اخر ؟
اي في من وجهة نظري نحنا عنا حالة احتقان وتربص طبعا مش بقصد حدا بعينو ولكن الحكي عام ، وكمان في اختلاف كبير في الثقافات وطريقة التفكير .

هلئ في شغلة تانية بتؤدي لشعور العالم بالظلم وبتخليون يحسو بموضوع الكيل بمكيالين بصفة عامة (مجرد الشعور)
هلئ مثلا طلعت نكته فلانه مخالفة لانها خرجت عن اطار القبول العام وخدشت الحياء العام
طيب انا من شوي اتصفحت الصفحة الاولى بس بموضوع الفن العاري ولقيت لوحة سكس رسمي بالرد رقم 15

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

صحيح يعني الصفحة بتحتوي على العديد من الصور و ايضا عارية ومع ذلك الرسام مابيركز على المناطق الحساسة بابرازها ،
على كل حال انا شفت النكت وشفت الصورة هلئ وبيني وبين حالي ماصار شيئ وما اتغير شيئ ، لسبب بسيط انا عالمستوى الشخصي بيني وبين اصدقائي المقربين بسمع نكت اوقح من هاي بكتير وبيني وبين نفسي بتفرج على صورة متل هالصورة وبشوف بافلام اكتر من هيك ، بيني وبين حالي مارح حس اني بحترم حالي لو جيت هون وطقيت المشاركتين تقارير عاطلة ، مارح اجي اتظاهر بشيئ مش فيني هون قدام العالم ، وبنفس الوقت لو حدا ضرب النكت والصورة مشاركة عاطلة رح اعتبر هاد حقه تماما .
العبرة اولا واخيرا مش برأيي او رأي فلان وعلان لان ممكن رأيي يكون مختلف عن القانون او غير متطابق ، العبرة بالقوانين الموضوعة ودرجة تطبيقها عالجميع .

[..Jimy]

طيب هلئ الموضوع صار متناثر جدا..

بداية مع الفن العاري..مستحيل إجراء مقارنة بين الفن العاري والنكتة الجنسية..
وتنيناتهن اثارهن السلبية عاي طفل شبه معدومة..
الأولى كون انو المحتوى مو جنسي إلا اذا اريد التفكير فيهن بهالطريقة..وقتها بيكون الشخص ملم تماما بكل تفاصيل الموضوع..
والتانية كون انو المحتوى نصي..ولا يمكن ادراك المعنى ايضا دون المام تمام بالموضوع..

متل ما ذكرت بالبريد دورت عرابط لمقطق من فيلم Ice Age: Dawn of the Dinosaur الموجه لجميع الفئات العمرية

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

بنهاية المقطع هاد في نكتة جنسية بكافة المقاييس مصورة ممكن صياغتها بطريقة نصية بسهولة..
ولكن طريقة العرض ههي يلي بتحدد.. مو نوع النكتي.. وبالتالي منع نوع معين من النكت أمر أنا (شخصيا) برفضوا.. لأنو جمع جميع النكت الجنسية بسلي وحدي مهما كانت طريقة عرضا..

لأنو ثقافتنا بهالنوع من النكت مابتسمح انو نحدد معايير وكلمات مسموحة وممنوعة وحتى لاتتطور هالحالات لوضع مشابه لوضع صار من فترة وجيزة

ريمي المعايير هي تماما المتبعة بالمنبر.. بمعنى آخر في نكت انحذفت مع انها معروضة بطريقة مهذبي جدا.. وبرجع بقول أنو المعيار لازم يكون طريقة العرض مو نوع النكتي..

واذا الموضوع بينحل بتحديد المعايير فممكن تحديدا.. وبعمل طوعي (متل كل شي بأخوية)..
والحمد لسعدو يعني اخوية فيها مايفكي من الخبرات لتحديد هيك شي..



*هاموش: بحب كمان اذكر بخصوص التماثيل انو ببيتنا كمان بالصالون في تماثيل عارية..واحدى اللوحات العارية الموجودة بموضوع الفن العاري موجودي بمكتب طبيبة اسنان بحمص بالاضافة لعدة لوحات اخرى..الأمر ببساطة ديكور وجمالية..

[whiterose]

الغريب انك من وقت ما نزلت الموضوع لحد اللحظة صار فايتة عليه اكتر مني حتى

شوعرفك إني فايتة عليه اكتر منك يعني بيبين عند انو وايت روز فاتت الف مرة مثلا
بدي اعرف شوعرفك

ارباب الفن وعمالقته متل مايكل آنجلو وبابلو بيكاسوا وليوناردوا دافنشي كان الن بصمتن الواضحة والصرفة بمجال الفن العاري ، والن اقوال بوضحوا فيها مفهوم الفن العاري وقدسيته وجوانبه الفنية

معلش هلىء موضوع مناقشة الفن العاري اتهينا منو ومابدي ناقشك فيه نهائيا

بالنسبة الي ما بقدر كب كل اللي حكوه وآخد بحكيك بأن حيائك عم ينخدش من أعمال عمالقة الفن

رأيك مجبرة احترمو لاني بدي الغير يحترمني
بس نكتة رزيلة مابتخدش الحياء قد صورة شخص عاري

وللمناسبة الهامة جدا انا كان قصدي على النكت يلي انطرحت قبل اسبوع بالطاير
مو شهر ونص يلي حكيت عنهم ريم انا ماقراتهم


وبكرر مع احترامي إلك بس انت من الاشخاص يلي مابحب ناقشهم بمواضيع معينة لانو مفاهيمنا مختلفة
وطريقتك مابحبا
وبالذات هيك مواضيع وميّة أهلين

[whiterose]

عفكره ملاحظه صغيره .. نحنا عنا بالبيت في لوحات عارية و عنـّا تماثيل عاريه أيضا ً و ما بتذكر انو حدن من الناس اللي تجي لعنا عالبيت يفكرونا شواذ او مجانين (( عالقليله بوجهنا )

اختلاف الثقافات بقا..

[Abu ToNi]

كاتب النص الأصلي : whiterose

شوعرفك إني فايتة عليه اكتر منك يعني بيبين عند انو وايت روز فاتت الف مرة مثلا
بدي اعرف شوعرفك

لا ما هيك
بس صار أكتر من الف مرة جايبة سيرة هاد الموضوع وناقلة صور منه لبرا
ذكرتيني بقصة لسامي حلاق بيحكي فيها عن راهبين بوذيين .. بس افضى لأنقلك ياها لقسم القصة القصيرة قريها من هنيك وحاولي تفهمي شو قصدي بالموضوع .

معلش هلىء موضوع مناقشة الفن العاري اتهينا منو ومابدي ناقشك فيه نهائيا

اذا ما كان بدك تفتحي السيرة ما كان في داعي تسحبي لينك الموضوع لهون

رأيك مجبرة احترمو لاني بدي الغير يحترمني
بس نكتة رزيلة مابتخدش الحياء قد صورة شخص عاري

وللمناسبة الهامة جدا انا كان قصدي على النكت يلي انطرحت قبل اسبوع بالطاير
مو شهر ونص يلي حكيت عنهم ريم انا ماقراتهم

اوكي
بس انه عنجد ما تعبريها اهانة الك أو ايا شي ، بس هيك معلومة بتمنى توصلك الفكرة اللي قاصدها من وراها
اذا ما كتير بتفهمي بالفن وما عندك اطلاع عليه ما حدا بعاتبك او بحقله يوجه أيا صفة الك .. مو مطلوب منك تكوني على معرفة بكلشي بالدنيا
بس وقت شي ما بتعرف عنه رجاء لا تحكي فيه ولا تحاولي تستهزئي منه او تسخفيه .
لأن ممكن هلق واحد ما بيفهم شي بالطب يفتحله شي كتاب طبي يشوف شرح بالصور لعملية التناسل ولبنية الأعضاء التناسلية .. يعتبر العلم هاد قمة الانحطاط وينخدش حيائه
فاللي بيعرف انه حيائه سريع الانخداش ما يحط حاله بمواقف مزعجة اله .. اهونله واهون للقدامه

وبكرر مع احترامي إلك بس انت من الاشخاص يلي مابحب ناقشهم بمواضيع معينة لانو مفاهيمنا مختلفة
وطريقتك مابحبا
وبالذات هيك مواضيع وميّة أهلين

بالاصل ما كان بدي حط تعليق بالموضوع
لافي الي تعليق على النكت ولافي الي اي اهتمام بهي القصص
بس وقت انجابت سيرة موضوع انا عامله وانحط لينك الموضوع بشكل واضح صار لازم رد وجاوب ( حرقة بقلبي انه الخطوة هي صارت بزمناتها بشي 5 مواضيع مختلفة وما لحقت ضيف اي رد .. دائما بيتسكر الموضوع قبل ما علق عليه )
انا اللي عندي حكيته وما كان في داعي للتقليعة .. كنت طالع لحالي

[MadMax]

كاتب النص الأصلي : Reemi

ماممكن تحطي معايير لهيك مواضيع..

كاتب النص الأصلي : yass

هاي حدود عرضها آلاف الكيلومترات!! لأنو مصطلحات الأخلاق و الخطوط الحمراء هي مصطلحات قمّة في الضبابية

هون المشكلة بشكل عام ....
ما منقدر نحط ضوابط حرفية للقصة

بذكر .. بالتسعينات لما كانو عم يعملو قانون الاعلام بلبنان .... ما قدروا يحطو صيغة واضحة لهالقصة
قام وزير الاعلام ( يمكن وقتا كان ميشيل سماحة ) جمع أصحاب المحطات و اتفق معون اتفاق شفهي ..
أنو أي شي ممكن عرضو يحرجك و انت سهران مع عيلتك ....... لا تعرضو




هلأ القصة بترجع لتقدير كل واحد منا .. بس لحد معين في معايير مشتركة بين الكل

في مواضيع بتكون مهضومة ....
و في مواضيع بتكون بذيئة ... و سوقية
مع أنو التنين مستخدمين نفس الألفاظ



أنا بشكل عام .... مع السماح بالنكت الجنسية ... و النكت اللادينية ..
بس من فترة قريت موضوع بالملطوشات ..... قمت طلبت حذفو و مخالفة صاحبو








بالنسبة الي .....
كنت عم فكر اسمح بالمواضيع الجنسية بالسقيفة
على أنو يكون المعيار الوحيد إلها ... هو تقديري أنا

يعني ما حدا يزعل إذا حذفتلو مشاركتو .. بس لأنو أنا ما لقيتها مناسبة

[zen]

ابو سمرا
انا متاكد انو ماراح يكون في سقف او راح يكون سقفك جدا عالي

[sandra]

الموضوع تشعب كتير
بس على سيرة الضوابط وموضوع الأعضاء وأعمارهم
على حد علمي في عنا موضوع عن الأدب الايروتيكي
وفي كمان كتاب الكاماسوترا
وحسب ما بعرف كمان بما أنو أعضاء أخوية من بيئات مختلفة فموضوع الفن العاري بالنسبة للبعض هو مثير للغرائز
وبشدد على كلمة للبعض
هي ما عدا فيديويهات لساريا السواس وهالاجواء التحفة ...
أنا ماني من محبي هالنمط من النكت وما بدي دافع عنها وبنفس الوقت ما عم قول أنو الشي يلي ذكرتو فوق هو سلبي ولازم ينحذف
بس ما عم أفهم ليش صار ممنوع تداول هالنكت بالمطلق ... ليش ؟ لان أعضاء أعمارهم صغيرة!! في أعضاء ممكن تتحسس ؟؟
طيب شو مشان ما تم ذكره أعلاه

[..Jimy]

على كل بظن مادماكس حل المشكلي..ورح يتعامل مع هالنكت حسب تقيموا الشخصي بالسقيفة..

[بنفسجة]

كاتب النص الأصلي : ..Jimy

على كل بظن مادماكس حل المشكلي..ورح يتعامل مع هالنكت حسب تقيموا الشخصي بالسقيفة..

اي اي وريحونا
نفختو قلبنا بنكتكون
هلق القصة مش بالنكت انما بالتعليقات يلي من الشباب الطيبة
هههههههههههه واولهون انا
معلش انو الضوابط ضوابط فليش انتو كل يوم والتاني بتقبو بدي افهم
مافي نكت يعني ما في نكت هفففففففففففففففف

[butterfly]

نحنا النكت بيبينو عنا بالأرشيف

يعني بينخدش حيائنا إذا بدنا .. وانتو ما فيكن