الديمقراطية في بلاد العرب -- الكويت نموذجاً

[ماغنوم56]

كاتب النص الأصلي : محتار

الحكومة معينة

البرلمان منتخب

الأمير بالوراثة و هو الأمر و هو الناهي

كيف هي الديمقراطية

الأحزاب تحتاج الى كوادر متعددة الأختصاصات

السياسي
الأقتصادي
الهندسي
العلمي
الأعلامي

و هلما جرى

أذا كل حزب بحتاج لكل هذه الكوادر و هي من الأساسيات في تكوين الحزب

أذا الكويت يحتاج الى شعب أخر ليكمل النقص لتكتمل الديمقراطية

كيف هذه الديمقراطية الأن ؟؟؟؟

مع احترامي لكل الأراء
هاد هو واقع الكويت
وهي هيه ديمقراطيتها

حدا منكم سمع عن امن الدوله ومصايبها
حاد منكم سمع عن انتهاك حريه الأنسان في الكويت
حدا منكم سمع عن الخطوط الحمر الي ممنوع حدا يتجاوزها الكبير ابل الصغير
حدا منكم سمع عن قانون المطبوعات
حدا سمع منكم لوين بتصل حدود سلطة النائب بالبرلمان
حدا منك سمع عن توزيع الثروات بالكويت ومين الو حق توزيعها

اي قبليه وطائفيه جاين تحكو عليها
يا عيني البلد بيحكمها واحد هو سمو الأمير فقط
والمسرحيه الي بتكلف كل دوره انتخابيه ملاين الدنانير
هي مشان يضحكو فيها ع العالم ويقنعوهم ان في ديمقراطيه
الي بدو يشوف ديمقراطية هل البلد يجي يعيش فيها
من باب المطار ح يحس بالديمقراطيه

تقبلوا مروري

[باشق مجروح]

كاتب النص الأصلي : Donald Duck

النظام العلماني بحمي جميع المعتقدات والحريات العامة !!!! ...

يعني انت ما بتقبل حدا يفرض عليك نظام او فكر ... وبدك تفرض على غيرك فكرك !!!

بالنسبة لكلمة الترهيب ... وين شايف ترهيب بالكويت !!!

بس سؤال يعني باشق ..

يعني لو فاز العلمانيين .. ما رح يحموا افكار الاسلاميين .. وهذه اشي اكيد ..

يعني هي طلعت في فئة كبيرة من المجتمع رح تضرر من العلمانيين ..

فكيف بتقول انو العلمانية رح تحمي الجميع !!!!!

اي نعم دونالد .. انا بحكي عن نظام علماني معتدل كالموجود في بلاد اوروبا .
يعني بيحمي المعتقدات كلها وفيك تشوف الحريات الدينية حتى للمسلمين بالبلاد العلمانية اكتر بكتير من البلاد الـ (الفاقدة للهوية) ..
انا بشوف انو الاسلاميين بيكونوا محميين بظل النظام العلماني بعقيدتهون وحريتهون الدينية الكاملة.
من هون انا بقلك انو النظام العلماني الليبرالي هو النموذح الافضل لأنو بيلغي كل الحواجز أمام المواطنة وبتسقط كل الاعتبارات الاخرى.

[Donald Duck]

كاتب النص الأصلي : باشق مجروح

اي نعم دونالد .. انا بحكي عن نظام علماني معتدل كالموجود في بلاد اوروبا .
يعني بيحمي المعتقدات كلها وفيك تشوف الحريات الدينية حتى للمسلمين بالبلاد العلمانية اكتر بكتير من البلاد الـ (الفاقدة للهوية) ..
انا بشوف انو الاسلاميين بيكونوا محميين بظل النظام العلماني بعقيدتهون وحريتهون الدينية الكاملة.

من هون انا بقلك انو النظام العلماني الليبرالي هو النموذح الافضل لأنو بيلغي كل الحواجز أمام المواطنة وبتسقط كل الاعتبارات الاخرى.

باشق .. انت بتقصد النظام الديمقراطي .. هو الي بحمي كل المعتقدات ..

وهذا هو رأي .. مو النظام العلماني .. لانو بأوروبا اغلب الانظمة ديمقراطية ..

والدول الي ببتخذ من العلمانية نظام الها .. معروفة ..

ومو كل نظام ديمقراطي نظام علماني ...

بعدين ما تنسى انو ما في نظام اسلامي بحكم في كل العالم ... الا بأيران ..

فأنت شايف انو ايران دولة متخلفة وما فيها حريات .. وماشية على القمع وتقييد الحريات !!!

[باشق مجروح]

الليبرالية هي نظام حرية الفرد ضمن قانون الدولة.
والنظم الأوروبية تنضوي تحت هذا التعريف + ( فصل الدين عن حكم الدول ).
يعني كل مبادئ العلمانية موجودة في هذه الدول الي من الممكن تسميتها علمانية.
ومشان ما نتشعب بالموضوع كتير وباختصار رأيي النظم هاي شو ما حبيت تسميها سميها هي الجديرة بحكم الدول والوصول للمجالس وبتمنى من الشعب يتعلم من اخطاؤه وشفت بتجربة الكويت خطوة حتى لو اخطأ فيها الشعب لكنه قادر على الوصول للطريق الصحيح لما يعرف انو اختيارو كان غير وطني.
الديمقراطية ممارسة والممارسة بحاجة لوقت.
اما بالنسبة لايران فهي نظام فاقد للهوية كمان وقمعي تعسفي وبيفرض وجهات نظر محددة على كل الناس وبيحكم حكم ديني اجباري يقيد الحريات.

[Donald Duck]

كل واحد ونظرتة ..

بس ما بعتقد تقدر تقنع كل الشعب بفكرة .. " فصل الدين عن الدولة " ... بحذافيرة ..

[جمال عبدالناصر]

كاتب النص الأصلي : باشق مجروح

اي نعم دونالد .. انا بحكي عن نظام علماني معتدل كالموجود في بلاد اوروبا .
يعني بيحمي المعتقدات كلها وفيك تشوف الحريات الدينية حتى للمسلمين بالبلاد العلمانية اكتر بكتير من البلاد الـ (الفاقدة للهوية) ..
انا بشوف انو الاسلاميين بيكونوا محميين بظل النظام العلماني بعقيدتهون وحريتهون الدينية الكاملة.

من هون انا بقلك انو النظام العلماني الليبرالي هو النموذح الافضل لأنو بيلغي كل الحواجز أمام المواطنة وبتسقط كل الاعتبارات الاخرى.

الحكم العلمانى بيقمع الحريات اكثر من اى نظام اخر

والدليل انو علمانيي فرنسا منعوا الحجاب عن المسلمات

وعلمانى اوربا اساءوا الى الاسلام

وقصه الصور الرسوم الدنماركيه خير شاهد على ذلك

واضيف

التضييق على المحجبات بتركيا هذا البلد العلمانى

وفى تونس البلد العلمانى تضييق على المحجبات

ومنع تعدد الزوجات الذى احله الله سبحانه وتعالى

ما اجتنا المصايب الا من العلمانيه

شى بجنن اذا اتت الديموقراطيه

بعلمانيين او حتى او حتى مجانين

تبقى ديموقراطيه حلوى ومتل العسل من وجهه نظرك

اماا اذا اتت باسلاميين وهذا ما يجب ان يكون

تبقى ديموقراطيه قليله الادب ووحشه اوى ايضا من وجهه نظرك

[باشق مجروح]

الديمقراطية جمال برأيي في هذا البلد خطوة رائعة على الطريق الصحيح حتى لو أفرزت صورة غير وطنية في البداية ولكنها تبقى ملك للشعب يستطيع ان يجرب ويختار.
افراز الاسلاميين برأيي حالة شاذة سيعيها الشعب وهي نتيجة للمد الديني و التيارات الدينية في بلادنا .. على كل الايام كفيلة لتثبت وجهة نظر احدنا .
العلمانية المعتدلة لا تؤذي العقائد ولا تسئ للأديان ولسنا بصدد الحديث عن فرنسا الآن ولا علمانية تركيا العرجاء.

[suryoyo]

مو قلناها من البداية


أناس تقيد الحرية على الاخرين .... بس تتكلم باسم الحرية نظريا .......
و تستخدم الحرية للوصول الى مصالحها ....

لكنها تبقى ضد الحرية

[عمرو الحسيني]

أنا أعتقد أنه لا توجد ديمقراطية ولا حرية في هذا العالم أجمع

ولا علاقة للإسلام أو الإسلاميين بالموضوع ، لكن دوماً هناك مجموعة قواعد يتعامل معها العالم أجمع وعلى رأسه وحيدة القرن أمريكا ، كل ما يخالف هذه القواعد هو اعتداء وإرهاب وينبغي إزالته :

1- وصول أي تنظيم إسلامي للحكم سواء بطريقة شرعية أو بطريقة غير شرعية
2- إنكار الهولوكوست اليهودية
3- في مرحلة من المراحل انتقاد الرأسمالية
4- اعتناق أفكار عرقية ( كالنازية والفاشية )
5- في مرحلة من المراحل وحتى الآن محاربة كل نظام اشتراكي أو شيوعي ( كما في كوبا وفنزويلا )

هذا ما بقي في ذهني وهناك غيرها
أي واحد في العالم يفكر أن يجترأ على إحدى هذه القواعد فليعلم مسبقاً أنه محارب وممنوع من ذلك ولتذهب الديمقراطية والحرية إلى الجحيم

[المحارب العتيق]

أحلى شي تعامل العلمانيين بديمقراطية مع أندادهم في محيطنا . والدليل قرار المحكمة الدستورية في تركيا . بدهم يجبرو العالم تلبس متل مابدهم . شو دخل هالشي بالعلمانية مابعرف . وشو مشان اليمقراطية والبرلمان المنتخب بأغلبية ساحقة . ... ( مابيهم )

[عمرو الحسيني]

في كتاب الدولة العثمانية أظن للمؤلف شكيب أرسلان كان هناك فصل خاص عن قرار منع لبس الطربوش

والفظائع التي ارتكبها نظام أتاتورك في سبيل إقرار هذا القانون وكم من الناس حكم عليهم بالإعدام لرفضهم هذا القرار وتمسكهم بلبس الطربوش وحدوث ثورة في بورصة وصدامات مع الجيش بسبب هذا القانون

هل هذه هي العلمانية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟

مذابح لأجل الطربوش

[المحارب العتيق]

مابدي غير مسار الموضوع . بما أنو بيحكي عن الديمقراطية بالبلاد العربية . والأحداث الأخيرة بتركيا وماقد ينتج عنها بحاجة الى موضوع خاص فيها

[جمال عبدالناصر]

كاتب النص الأصلي : باشق مجروح

العلمانية المعتدلة لا تؤذي العقائد ولا تسئ للأديان ولسنا بصدد الحديث عن فرنسا الآن ولا علمانية تركيا العرجاء.

بعمرى ما شفت شى علمانيه معتدله بهالدنى

والشى بالشى يٌذكرٌ

مشان هيك حكيت عن يلى صار بفرنسا وبتركيا وبتونس معاقل العلمانيه

[sona78]

المشكلة الدائمة في الدول التي تتبع الدين كمنهج سياسي هو انها لا تستطيع تقبل الراي الآخر الذي يرفض الدين أو ع الاقل لا يؤمن بمعتقداها من هنا جاء دوما الخوف من المتشددين الدينيين . الامر يصبح للاسف اسوأ مع الحالة الاسلامية لان (الكافر يقتل و المرتد يقتل * ولا مكان لاحترام الراي الاخر عندما يكون التعارض جوهريا بهذا القدر فأية حرية او ديمقراطية يمكن انتظارها من هكذا حكم سياسي ؟؟؟ يكفي ان نبدأ خطوتنا الساياسة بتقليل الاحترام للنصف الاخر من المجتمع ويصبح شعر المراة هو القضية السياسية ونتناسى ما بقي . لا اعتقد ان هناك أمل من دمقراطية في امة ما يزال تفكيرها بالامرأة كعورة وكـ( ناقصات عقل ودين ) أن هذه القاعدة تنسف كل الققواعد الاساسية التي تنبى على اساسها اية حرية او ديمقراطية مستقبلية . لا يجوز المنع بالقسوة لممارسة الشعائر الدينية ولكن فقط عندما لا تمس بالمقابل مبادئ الطرف الاخر . ولا اعتقد ان ذلك ممكن في كل من اللديانات السماوية الثلاث. في عالمنا العربي لن تتحق الحرية الحقيقة الا بفصل الدين عن الدولة

[المحارب العتيق]

أعتقد أن الديمقراطية فوق كل أعتبار . وما أفضت اليه نتاج الانتخابات النيابية الكويتية الاخيرة . يثبت وجهة نظري التي تحدث عنها قبل اشهر . ويثبت ان نجاح اي تيار في انتخابات حرة . هو رغبة شعبية تعكس رغباته . وذهاب الاسلاميين . وقدوم المرأة . إنما يدل على رغبة شعبية بعيدا عن السقف الديني او العشائري . وهو كما حصل في الكويت بشكل ديمقراطي . ومن قبله العراق بشكل جزئي . وقبل بنتائجه الاسلاميين مثل غيرهم . ممكن ان يحصل في اي بلد عربي أخر . فلايخوفنا احد من نتائج الديمقراطية

[باشق مجروح]

محارب في موضوع تاني انفتح بالقسم للحكي بنتائح الانتخابات :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[المحارب العتيق]

كاتب النص الأصلي : باشق مجروح

محارب في موضوع تاني انفتح بالقسم للحكي بنتائح الانتخابات :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

بعتقد انو نكمل بهاد الموضوع أصح . لانو هيك بيوضح كتير اشياء تقال عن الديمقراطية العربية بشكل عام من رأيي . وهو أشمل