التعصب الديني وصناعة الكراهية ...

[Marooshe]

كاتب النص الأصلي : pivot

بدون تعصيب و غضب
دعينا نناقش الموضوع بعقلانية اكثر

أي طبعا مناقشو .. مافيها تعصيب الشغلة ..

و فيني خبرك قصة انو بالعالم الغربي معك حق
يوجد تعصب مذهبي و طائفي ايضا لكن لا يظهر
علنا كما يحدث بمجتمعاتنا العربية للاسف ...................

وأنا بأكد ع كلامك،
بالعالم الغربي في تعصب شديد بس بعمرك ما بتشوفو متل ما بتشوفو هون .. مو لانو العالم هونيك متعصبة اقل ، وانما لانو العالم هونيك بتشوف انو فيها تضيع وقتها ع اشيا اهم ..

وقف شي مرة بشي دولة غربية وضل سب ع المسيح مدة اسبوعين .. عيب عللي بيتطلع فيك ..
ما معهن وقت لهيك سخافات .. بدك تسب المسيح سبو وبدك تحبو حبو وبتآمن ولا انشالله عمرينك ما تآمن .. ماحدا بيفرق معو حدا ..
بينما،
وقف بشي دولة عربية خمس دقايق وسب ع النبي محمد .. عيب عليي ازا بتعيش لتاني يوم ..

الفرق هون بالترباية وبالعادات وبسلم الاولويات .. بين انك تختار تكفي الطريق ع شغلك لانك مستعجل وبين انك توقف كلشي لحتى تفتعل خناقة وتعلن انتفاضة اخرى ..

هل يعقل ان نتفاخر بانتمائتنا الطائفية ة ننسى انتمائنا الاصلي
للارض التي ولدنا فوق ترابها و دائما نبقى نطالب باعلاء كامة الدين
و نحن لا ندري شي من الدين ايا يكون لانه ما دامت جهابذة الاديان ببلادنا
على نمط ما نرى و نسمع فثقي تماما سيكون التقدم و التطور اولى المحرمات

وطول ما الدين مش مفصول عن الدولة .. وطول ما المتدينين فارضين سيطرتهن على كافة الامور الحياتية البسيطة .. وطول ما كل واحد ما بيقدر يشوف اثبات نفسو الا بإلغاء غيرو .. رح نبقى ندور بهلحلقة ..

ولا تفكرها عم بتقدّم .. راجعة بإزن الله ..


مبسوطة بمناقشتك ..

[sona78]

بالعالم الغربي في تعصب شديد بس بعمرك ما بتشوفو متل ما بتشوفو هون .. مو لانو العالم هونيك متعصبة اقل ، وانما لانو العالم هونيك بتشوف انو فيها تضيع وقتها ع اشيا اهم ..

بختلف معك بهي يا مروش ..
بالعالم الغربي في تعصب ديني ومذهبي .. ما بيظهر بوضوح بسبب عامل القانون !!! لانو اظهار التعصب والتعدي على الاخرين لاي سبب كان بيعاقب عليها القانون بصرامة ...
فيي قول انو التعصب الديني المسيحي عند البولونيين قريب جدا للتعصب عند السعوديين ( مع حفظ الاستثناء )
بس عندون رفض للاخر بشكل غريب عجيب وعندون رفض للطوائف الاحرى غير الكاثوليكية .... هيدا لمست جزء منو ونحكا فيه من قبل بولونيين .. كذلك الامر بجنوب المانيا بس وضع المانيا والنمسا استثناء كونو النازية التهمة الاولى يلي بتتوجه لاي تمييز عنصري او ديني.
بس يلي مقيد هالامر بالغرب مو التربية بس وانما بشكل اساسي القانون وفرضو على الكل
ابعاد الدين عن الدولة كان اعامل الاساسي بانحسار التعصب الديني عند الغرب .. وبتوقع اذا يوما ما اقدرنا نتحول لمجتمع مدني بعيد عن الدين بقوانينو واحكامو بيخف الوضع عنا شوي

[Marooshe]

كاتب النص الأصلي : sona78

بختلف معك بهي يا مروش ..
بالعالم الغربي في تعصب ديني ومذهبي .. ما بيظهر بوضوح بسبب عامل القانون !!! لانو اظهار التعصب والتعدي على الاخرين لاي سبب كان بيعاقب عليها القانون بصرامة ...
بس يلي مقيد هالامر بالغرب مو التربية بس وانما بشكل اساسي القانون وفرضو على الكل
ابعاد الدين عن الدولة كان اعامل الاساسي بانحسار التعصب الديني عند الغرب .. وبتوقع اذا يوما ما اقدرنا نتحول لمجتمع مدني بعيد عن الدين بقوانينو واحكامو بيخف الوضع عنا شوي

طيب .. وانا بتفق مع هون .. انت حكيتي شي بيكمل كلامي ما بيناقضو،
انا قلت بالاخير طول ما نحنا مو عارفين نفصل الدين عن الدولة فرح نبقى ندور بمطرحنا ورح يبقى التعصب الديني عم يعبر عن نفسو بأقبح الطرق ببلادنا .. ليش؟
بسبب القانون والترباية سوا .. القانون بيردع وبيمنع وبيخوف والترباية بتعلم .. بهي الدول ماعم قلك انو الاهل بيعلمو ولادهن "ماتكونو عنصريين ، عيب" بس بيعلموهن يضيعو وقتهن باشيا اهم من التعصب الديني واهم من التعبير عن الحقد والكراهية بالأشكال يلي بيعبرو فيها عنا ..

بإسرائيل مع وجود قوانين "صارمة" بتمنع التعصب والاعتداءات على اشخاص لمجرد انتمائهم المختلف ويلي بيخالفها يعاقب بشدة،
بس بين كل فترة والتانية منلاقي هون حوادث كتير بشعة .. وبالصدفة منلاقيها بس أو من شباب يهود -روس (قادمين جدد) او من متدينين يهود .. ليش برايك؟؟
لانو الأولانيين كل همهن كيف يثبتو وجودهن وانتمائهن بالدولة .. كيف يحسسو الشعب الاسرائيلي انهن جزء منو .. يهود متلنا متلكو وشوفو هي الدليل!
والتانيين كل همهن كيف يسحقو كل "صرصور" عربي بيمشي بالشوارع الاسرائيلية والغير اسرائيلية ..
هي العالم ما بيهمها القانون هيك ناس تربت على كراهية الغير والتعبير عنها بهيك طرق .. بيقلدو محيطهن ..
بينما بتلاقي باقي الاسرائيليين يلي بيحكمهن ذات القانون ما بيتصرفو هيك .. والسبب بانو تربو على عدم التعبير عن سخطهم وحقدهم بهيك وسائل ..


انا بشوف انو القانون فيو يحد كتير من هيك اعمال .. بينما الترباية فيها تلغي هيك اعمال .. القانون فيو يجبرنا ويقيدنا ويخوفنا .. وتربايتنا فيها تعلمنا وتصقلنا انو مو بس نتقبل الآخر وانما الأهم انو نتقبل المختلف ..

وبالاخير متل ما قلتي حلنا الوحيد انو نتحول لمجتمع مدني .. شكلا ومضمونا .. وغير هيك على الدنيا السلام ..

[Ultimat_Ya]

والله انا مابتفق معك بنوب على هي المقالة
بس ممكن سؤال
انت شو دينك ؟

[Marooshe]

كاتب النص الأصلي : Ultimat_Ya

والله انا مابتفق معك بنوب على هي المقالة

مين لي قلك انك لازم تتفق معي .. ؟؟
بيسوا يكون رايك مختلف .. وبيصير تعترض .. بس من المفضل انك تعلل !
يعني بأنو نقاط تحديداً بتختلف الرأي مع كاتب المقال .. أو شو الأسباب لي خلتك ما تتفق معو ..

انت شو دينك ؟

ليك لقلك،

ما بظن انو سؤالك عن ديني يهدف لنقاش موضوعي ..
ازا عندك شي حابب تعلق عليه فـ تفضل .. وازا لاء .. ما تحول النقاش بالموضوع لغير مسار ..



ويا أهلين

[jankasanova]

كاتب النص الأصلي : Marooshe

فأيُّ هلاك وتدمير وخراب وضياع ينتظر الإنسان حينما تفرض عليه تعاليمه الطائفية والتحزبية والدينية أن يكون مبغضاً وكارهاً وحاقداً وشاتماً ولاعناً ومهدداً ومتوعداً ومستفرغاً بالوقاحات والبذاءات، فمن الذي أعطاه كل تلك المزايا، ومَن منحه كل تلك القباحة والدمامة، ومَن أوجدَ فيه كل تلك الأخلاق البذيئة، ومَن ألزمهُ بها واشترط عليه التحلي بها ومَن هددهُ وأخافهُ من عدم التمسك بها، أليس هو ذلك التعصب الديني القابع في أعماقه بكل تفاسيره ونصوصه الطائفية وحمولاته التراثية ومنقولاته التاريخية وبكل منابره الوعظية والخطابية وطقوسه الدينية الممسرحة..

هالمقطع عجبني اكتر شي.
التعصب بكل انواعه مرض العصر و للاسف هوي وباء
معدي و مستعصي و متفشي بكتير من المجتمعات..
والبشرية رح تعاني كتير قبل ما نقدر نسيطر عليه, هذا اذا قدرنا

[Ultimat_Ya]

كاتب النص الأصلي : Marooshe

مين لي قلك انك لازم تتفق معي .. ؟؟
بيسوا يكون رايك مختلف .. وبيصير تعترض .. بس من المفضل انك تعلل !
يعني بأنو نقاط تحديداً بتختلف الرأي مع كاتب المقال .. أو شو الأسباب لي خلتك ما تتفق معو ..


ليك لقلك،

ما بظن انو سؤالك عن ديني يهدف لنقاش موضوعي ..
ازا عندك شي حابب تعلق عليه فـ تفضل .. وازا لاء .. ما تحول النقاش بالموضوع لغير مسار ..



ويا أهلين

لأ بالعكس . هاد رأي يا استاز والسؤال عن دينك هو اهم شي لانو هاد المقال بحتاج السؤال عن الدين.
طيب انت ليش كتبت المقالة ؟
مو مشان تعرف مين اللي راح يتفق معك وين راح يرفض الفكرة
يعني ازا انا رفضت مقالتك "لاتعصب".
بالنهاية هاد رأي شخصي وانت حر .