ركود أخوية ... أسباب أم ظروف !؟

[sona78]

كاتب النص الأصلي : رجل من ورق

وشو ناقصون لتنطلق هيك مبادرة؟

بدك تسالهون الهون مو الي
يا ريت الشباب يلي شايفين الوضع عم ينحدر هني يعطو رايهون
وهني يعطونا مساهماتهون يلي بتحسن الوضع يلي شايفينو
هي شغلة شخصية تماما متعغلقة الناقد نفسو وشو عندو مقترح للتحسين وشو عندو همة للشغل من شانو
ما حدا اقدر يجاوب عن حدا
واذا سالتتني الي اكيد برايي في تغيير بس امل انو يكون وقتي
وتفاؤولي بشباب جداد او متجددين كبير
لهيك ما انتقدت الوضع بالمرة
سلام

[Reemi]

تم دمج الموضوعين لمناقشتهن نفس الفكرة..

[عطر سوريا]

انا برأيي السبب هو الامن يلي عم يلاحق الموقع ودمتم ؟

[قرصان الأدرياتيك]

يعني يا أمّا عم نضحك على حالنا يا عالبشر اللي قدّامنا؟!
في ناس عم تسأل عن ركود معيّن... أو هيك بتشوف!
وفي ناس عم ترفع عدّاد المشاركات على الطاير وشحط وركض ومسابقات!
وفي ناس بتمها حكي كتير بس ما بدا تقولو... وأنا برأيي أنّو الأفضل ينقال (العاب عالمكشوف).
كل شخص بيشوف أنّو الأخويّة مسجّلة باسمو فهوّ شخص ما بيستاهل الأخويّة.
وكل ذي بشر بيشوف أنّو الأخويّة من الممكن ترتبط بأسماء هوّ ذي بشر قاصر نظر!
اليوم عمرك هلقد وبعد كام سنة تتزوّج وتضطرّ تخفّف ويجي جيل جديد فعلى شو عم تبكي؟!
هون مجتمع افتراضي حرّ... أكيد انبنت من خلالو صداقات كتيرة وحقيقيّة... وبالمقابل انهدمتْ صداقات وزعامات، بس ما في داعي نحصر محيطنا نحن بالأخويّة كاملةً.
واللي بينسحب فقط لأسباب متل تلك الأسباب فحقيقةً بيكون عقلو صغير أو ما بتعنيلو كتير الأخويّة وأعضاء الأخويّة فعلى ماذا البكاء؟! على الأطلال؟! ولا على الــ "خلّيني تخلّيك"؟!
بتمنّى من كل قلبي أنّو أي شيء شخصي وعلاقات فرديّة تبقى على هالصّعيد فقط، وما بتتحوّل لعصابات وشلليّة وانسحابات وتهديم فقط لأن ما بيمشي معي أنا...
في كتيرين حولك يستحقون أنّو تكون الأخويّة ألهن مو بس ألك أنت لحالك.
لكل أعضاء الأخويّة بمن فيهم الإشراف والتنسيق.

[عطر سوريا]

كاتب النص الأصلي : قرصان الأدرياتيك

يعني يا أمّا عم نضحك على حالنا يا عالبشر اللي قدّامنا؟!
في ناس عم تسأل عن ركود معيّن... أو هيك بتشوف!
وفي ناس عم ترفع عدّاد المشاركات على الطاير وشحط وركض ومسابقات!
وفي ناس بتمها حكي كتير بس ما بدا تقولو... وأنا برأيي أنّو الأفضل ينقال (العاب عالمكشوف).
كل شخص بيشوف أنّو الأخويّة مسجّلة باسمو فهوّ شخص ما بيستاهل الأخويّة.
وكل ذي بشر بيشوف أنّو الأخويّة من الممكن ترتبط بأسماء هوّ ذي بشر قاصر نظر!
اليوم عمرك هلقد وبعد كام سنة تتزوّج وتضطرّ تخفّف ويجي جيل جديد فعلى شو عم تبكي؟!
هون مجتمع افتراضي حرّ... أكيد انبنت من خلالو صداقات كتيرة وحقيقيّة... وبالمقابل انهدمتْ صداقات وزعامات، بس ما في داعي نحصر محيطنا نحن بالأخويّة كاملةً.
واللي بينسحب فقط لأسباب متل تلك الأسباب فحقيقةً بيكون عقلو صغير أو ما بتعنيلو كتير الأخويّة وأعضاء الأخويّة فعلى ماذا البكاء؟! على الأطلال؟! ولا على الــ "خلّيني تخلّيك"؟!
بتمنّى من كل قلبي أنّو أي شيء شخصي وعلاقات فرديّة تبقى على هالصّعيد فقط، وما بتتحوّل لعصابات وشلليّة وانسحابات وتهديم فقط لأن ما بيمشي معي أنا...
في كتيرين حولك يستحقون أنّو تكون الأخويّة ألهن مو بس ألك أنت لحالك.
لكل أعضاء الأخويّة بمن فيهم الإشراف والتنسيق.

والله احلى قرصااااااااااااااان
واحلى كلام
نورت يا غالي
حبيبنا

[THE_unforgiven]

[قرصان الأدرياتيك=COLOR="Black"]

وفي ناس بتمها حكي كتير بس ما بدا تقولو... وأنا برأيي أنّو الأفضل ينقال (العاب عالمكشوف).

متل مين ... وبرأيك هالحكي إذا نزل .. مارح يعمل حرب نووية بالأخوية ... !! ؟[/color]

[sos1]

بالمختصر المفيد كلمتين خفاف نضاف
أخوية ما عادت متل الاول , مو متل ما كانت لما سجلت قبل سنتين , المهم في كتير أشيا لازم تنحكى وحاج نبيض على بعض , في كتير اشيا عم تصير بالخفا وما حدا عم يحكي عنها بتخص أعضاء ومشرفين متقاعدين , وأشيا بتخص أعضاء معتكفين , وأعضاء كبار حاليين , ورح أحكي كلمتين خفاف نضاف أنو في أعضاء حاليين بأخوية هني المسؤولين عن الحالة يلي وصلتلها , ورجائاً لا يجي كل واحد يحكي عن ناس بغيبتن وياخد راحتو بتحليلات عبقرية_ هي مخصصة لشخص بعينو _ وانو العالم عم تترك تضامناً مع أعضاء غايبين أو حردانين و قصر نظر وخلافو بس لأنو الوضع صار بهوي وبصراحة ما عاد كتير بهمني أحكي لأن أخوية ما عادت بالنسبة لألي مختلفة عن المجتمع الواقعي .
وريتو سعدو يهني سعيد بسعدية

[سيجارة]

دائما القدماء يضعون الملاحظات
يعني من كتر الضغط على موقع الأخوية وعدد الزوار الكبير أكيد رح نشوف مواضيع شي منيح وشي قبيح
بس دائما على اساس انو القدماء هني الأفهم والأوعى والجداد هني سبب الخراب
ولهذا السبب سنشكل رابطة محاربي أخوية الالقدماء وضحايا الحرب او دار للعجزة لنحطن في

[قرصان الأدرياتيك]

كاتب النص الأصلي : عطر سوريا

والله احلى قرصااااااااااااااان
واحلى كلام
نورت يا غالي
حبيبنا

منوّرة بوجودك .

THE_unforgiven
متل مين ... وبرأيك هالحكي إذا نزل .. مارح يعمل حرب نووية بالأخوية ... !! ؟

كلامي يا صديقي عام... ما في حدا خصّ نصّ!
وما بظن يعمل حرب نوويّة ولا ذريّة ولا حتّى ضرب بالكلاشات على طريقة منتظر الزيديّ، هذا إذا كان الكلام حسن الأسلوب وطريقة التخاطب بتحتوي بدايةً على احترام ومن ثمَّ على صدق وصراحة... يعني بدون لفّ ودوران ومصالح ونفاق ومن هالحكي.
وإذا أي واحد عندو خطأ مو هون المشكلة... المشكلة أنّو يجبر الآخرين على تقبّل الخطأ هاد على أنّو صحّ وبس.
.

[ويحد سوري]

اي الركود حالة طبيعية لاي مجتمع ولو كان افتراضي

و بكرا بيجي يوم منقول دخيل رب الركود ..............................لانو يمكن هالمجتمع يختفي

[LiOnHeArT.3LA2]

مع الطرح الدائم لهادا الموضوع بالزات ..
كل مرة ما بقدر جاوب ..
ولهلأ ماني عرفان جاوب .. ما بعرف ليش ..
يمكن لأنو ما صرلي زمان بأخوية ..
أو يمكن لأنو بحب اخوية كيف ما كانت ..
ويمكن لأني بتمنى ترجع اخوية كلياتا منبر ..
ما بعرف ..

[Brotherz]

كاتب النص الأصلي : whiterose

الأحتمالات الثلاثة ناقصين احتمال رابع

انت حطيت انو الاعضاء ممكن يكونوا سبب

طيب الأشراف كمان ممكن يكون سبب

خيار وفقوس مثلا

انا معاكي بالراي, انا لسه مشترك جديد طازه واللي جابني للاخويه كانت صدفه ولما حبيت اشترك قابلتني شويه صعوبات وكمان لما لفيت بالمنتديات اكتشفت انها مش محفزه , يعني مفيش تنظيم يساعد الاعضاء وكمان في قيود غير مبررة على الاعضاء من حيث المشاركات والتحميل وغيره وده عوامل بتعمل على تنفير الnet dealers عن استخدام المنتدى كوسيلة مشاركه والالتجاء لاماكن اخرى على الشبكه العنكبوتيه و بصراحه انا حسيت كاني في موقع حكومي من حيث الروتين

وبتمنى لاخويه انها تتجدد شويه وتواكب العصر وممكن تنافس باقي النتديات التانيه الكبيره

[THE_unforgiven]

كاتب النص الأصلي : SONA 78

ليش نحنا شو عم نعمل ... شو منقدر
نساوي غير نتسائل ..
كأعضاء عاديين شو بيطلع بإيدنا .. غير انو ننزل موضوع ...
انا شخصياً صرلي فترة كتير عم انده واصرخ .. وصدى صوتي ماعم يصل ..
بدك نطلع مظاهرة بالشوارع نقول لا لانهيار أخوية .. طيب فسري وجهة نظرك ...
وشو قصدك بكلمة (يشتغلو .. ) .....

برأيك ليش طرحت الموضوع أنا .. !؟

اكتشاف الخطاً هوي أول مرحلة من مراحل تصحيحه .. يليه الإعتراف بالخطاً ووضع استراتيجية الحل .. ثم البدء بتنفيذ الحل ...

.
.
THE,unforgiven ... "

[sona78]

ما بعرف هلق انا ما لي زمان باخوية
وللصراحة ما شايفة فيها شي سلبي غير انو المجال يلي حبيتو وكنت حب المشاركة فيه صار ضعيف والسبب واضح انو الاعضاء يلي كانو نشطاء فيه ما عادو طلو ..
ما تبقى ما شفت فيه شي سلبي ...
في سلبية انو اجت موجة توحهاتها اسراءلية فجاة على المنتدى وحاليا اخدنا اجازة منون
وفي موجة سعوديةحاليا بتناقض اراء كتار من الاعضاء .... بس ما فينا نقول انو رح تصادر راي فلان وعلتان
وفي شوية مبالغة بالرد احيانا عليهون
غير هيك ما بقدر احكي شي غير انو من الخطا بس الحكي بالعموميات
يعني المستوى براي كتار انخفض لانو في اعضاء راحو .. يا ترى ليش ما اجا حدا تاني يملي الفراغ؟؟؟
ماني قادرة جاوب على هيك سؤال ..