ما رأيك بالجنس قبل الزواج وما هي أبعاده ؟!

[suryoyo]

كاتب النص الأصلي : بنوتة حلب

عافكرا اغلبيتكون عم تحكو الشي الي بيرضيكون لتحللو وتخلقوا اعذار لا افعالكون
بس لو جيتو لا الباطن ولا الحقيقة وقارنتو مع ردكون رح يكون غير

وللاسف ماكنت متوقعه هيك مجتمع عربي واسلامي يطلع معو هيك رود وهيك حكي
هي الي بتقلي صار الشرف والاخلاق شعارات
وهاد الي بيقلي اي بفضل يطلعلي قرون على انو اقتل

انو مزبوط صرنا متل الغرب بس ما اخدنا منون غير الانفتاااااااح

اي لا تتعجبي من الردود ..... تعجبي من المستور و المخبى في مجتمعاتنا

بعمرو كا كان المجتمع خالي من العلاقات غير الشرعية ... و كانت اكثر ... و يمكن قلت بالانفتاح


بس بطريقك بلكي تجاوبي على الحالة المعاكسة لو كان الفاعل هو اخوكي !!!

[VivaSyria]

للأسف حتى بعض البنات وصولوا لمرحلة من المواساة للنفس انو يقولو انو هالتخلف وهالجهل صح ..ووصلوا لمرحلة انو يسايرو حالون ويسمو الغلط والكبت والقمع صح... من مبدأ انو باعتبارو ممنوع وممنوع منقول غلط مشان ما نحس انو محرومين من شي....

[Abu ToNi]

كاتب النص الأصلي : بنوتة حلب

عافكرا اغلبيتكون عم تحكو الشي الي بيرضيكون لتحللو وتخلقوا اعذار لا افعالكون
بس لو جيتو لا الباطن ولا الحقيقة وقارنتو مع ردكون رح يكون غير

وللاسف ماكنت متوقعه هيك مجتمع عربي واسلامي يطلع معو هيك رود وهيك حكي
هي الي بتقلي صار الشرف والاخلاق شعارات
وهاد الي بيقلي اي بفضل يطلعلي قرون على انو اقتل

انو مزبوط صرنا متل الغرب بس ما اخدنا منون غير الانفتاااااااح

لو كنت قريان هاد الرد منك
صدقيني ما كنت كتبت الرد اللي قبل هاد ... وما كنت ضيعت وقتي بالاصل
دمت لأهل حاملة شرفك في غشائك الانثوي
ودام مجتمعنا التنكي حاملا تخلفه معه
ودام مجتمعنا المحافظ عنوانا للقيم والاخلاق في ظل الانحطاط الغربي والانفتاح

... ولد صغير باوروبا .. طالب مرحلة ثانوية .. بيعرف معنى الجنس واهدافه .. ومؤهل (( علميا وبشكل اكاديمي واجتماعيا )) انه يلقي محاضرات للعائلات (( المتزوجة )) في وطننا الحبيب من المحيط للخليج .. وبعرج على كام دولة من تبع العالم التالت شروانا الحال .. (( العالم )) اللي لخص القيم البشرية وجردها من معانيها حتى وصل لتركيبته العجيبة بخصوص الزواج


دكر + انتاية ---= بنامو مع بعض ----= بجيبوا ولاد

[المحارب العتيق]

أنا مع وبشدة . وبحيي وبشدة كل المفتوحين على الحياة

[فسحة أمل]

بدي قلك شغلة يا بنوتة حلبية :
اول شي شيليلي موضوع المجتمع الاسلامي والعربي على جنب .
الشرف والاخلاق ما بدورو بس بفلك الجنس .
يعني إذا البنت مارست الجنس قبل الزواج ما معناها أنو مانها شريفة او ما عندها اخلاق والعكس صحيح يعني في كتير بنات عذراوات الجسد عاهرات الروح.
مفهومنا عن الشرف والاخلاق مشوه لدرجة مرعبة .
الشرف والاخلاق هيي الحب الصدق الامانة التفاني الاخلاص التضحية الاحترام التقدير .
الشرف والاخلاق بكل شي بالحياة بالعمل بالتعامل مو الجنس هوي المعيار

[zen]

كاتب النص الأصلي : Abu ToNi

دكر + انتاية ---= بنامو مع بعض ----= بجيبوا ولاد

انو معادلة مختصرة ومفيدة وبتعبر عن الواقع
الجنس بحد ذاتو مانو غاية
بس صار عنا غاية
عم تجي سيرة المجتمع الغربي انو بيعاني من الفساد الاخلاقي
بي الغريب انو اكتر بلد في فساد اخلاقي لا فرنسا ولا بريطانيا
السعودية و اكتر نسبة شذوذ من الكبت الللي عايشينو
العرب ما بيشوفوا البنت الا على انها ألة جنسية وبس
وفراخة كمان
غير انو بيربطوا كرامتها وشرفها يغشاء ومتل ما قالوا عنو الشبيبة الشرف التنكي
الجنس
نوع من التعبير عن الحب
واذا راح نضل نصور بهالصورة الجرمية راح يبقى كلشي عما هو
وماراح يتغي شي
ودمتم

[أبو الفحم]

مساء الخير :
سأعود الى حيث انتهيت :
قلت أن الحب عاطفة وقلت أن الجنس ممارسة تطلق عاطفة أما الزواج فعلاقة متبادلة (مصلحة )وعقد التزام .
زالآن كيف يمكن الربط بينهما !!
من الواضح والسهل ربط العلاقتين الحب والجنس معا لأن العامل المشترك بينهما واضح (ولهذا ذهب بعض العلماء والباحثين الى ربط الحب بالجنس مباشرة لدرجة اعتبرو فيها أن الحب بكل أنواعه هو تعبير عن شعور جنسي حتى بالعلاقة بين الطفل وأمه ) وهنا يهمني أن أوضح أن الحب سهل وجميل وفي متناول الجميع ولا يمكن منعه أو حجبه عن أحد وكذلك كان الجنس ،،،، حتى تم تقيده سواءا بالاطر الاجتماعية أو بالممارسة الفردية وحب التفرد والتسلط (نزعة التملك والتي هي أكبر ما يمكن لدى الانسان).
إذن وكما عبر الكثيرون من أصحاب الردود والمشاركات فالحب والجنس وجهان لعملة واحدة وهما ضروران للانسان وكبتهما مؤذي بشكل او بآخر .
سأوضح ذلك كالتالي :الجنس وممارسته ضرورة بل هو الشكل الاول لأصل العلاقة بين المخلوقان الذكر والانثى لا بل هو الشكل الطبيعي الاوحد (التكامل الذي يتوافق مع الطبيعة) وممارسته تعبر عن العاطفة التي ذكرت (والتي فهمها وأدركها وطورها وحسن من إظهارها وعبر عنها الانسان ـدون الحيوان ـ ) فبالتالي من الطبيعي أن ممارسة الانسان للجنس هو تعبير عن حب بل أعتقد أن من يمارس الجنس دون أدنى عاطفة حب يمارسها بشكل حيواني (ولهذا سيشعر بالندم بعدها ) .
أما الزواج فهو شيء آخر ومختلف تماما : فهو عقد مصلحة مشتركة بين الاثنين وله التزامات وواجبات وآثار ينتجها أي عقد بين فريقين (وفيما عدا ذلك فهو عقد مجحف ) ولهذا فقد أوجدته المجتمعات كتشريع يحدد العلاقة الجنسية الظاهرة للعيان أو آثارها وأطرته بقوانين ومبادئ أخلاقية ودينية وتمايزت بنظم أحكمتها العادات والتقاليدة والثقافات
المختلفة .
لذا .. فأنا مع ممارسة الجنس مع من أحب (الحب كما عرفته ) قبل الزواج أو بعده أو حتى قبل الولادة أو بعد الممات !!!
ولأني أعيش ضمن مجتمات لها مفاهيمها ونظمها فقد أضطر وأحاول أن أصبر وأكبت مشاعري وحبي وأضحي من أجل من أحب (أي كانت عذراء أم لا سمراء أم شقراء عوراء أم صحيحة النظر .... ) ولا أمارسه قبل الزواج (إلا إذا سنحت لي الفرصة وكانت محكمة ذكية!!!! فلن أوفرها وسأطلق العنان لطبيعتي فإن لها نكهة لا تنسى وبعكس ما قال أحدهم أنها ستعيب العلاقة اللاحقة بعد الزواج فصدقوني أنها ستبقى ذكرى جميلة تكلل بل قد تنقذ الزواج من الملل أو المشاكل )

فأكثروا منها صحتين وعافية

[روعة1]

ايوا...ليش مانو عالم وبشر الي ظروفو مانا منيحة يعني...

لا بشر و عالم.. بس بما انو ما بيحسن يسيطر على عواطفو و ما بيقدر يسيطر على حالو
يبتعد عن البنت اللي حبها منشان ما يوقع بالغلط..

يعني هوة متجوزا لحتى يربطا بس..انو لانو مو واثق فيها تجوزا!!!!!..يلعن ديب هيك جوازة

اي واللهي ازا صار زواج بأغلب الاحيان هيك بيصير.. اعترضي..

شو الي مو من حقن..مو من حقن يحبو..مو من حقن يعيشو لحظات الحب..لازم يكبتو مشاعرن يعني!!!!

دخيل الله على هل الشعارات اللي حاملينلي ياها و عم ضلكون تعيدوا فيها..
لسا كابتين مشاعرون و كابتين حالون..
اي نعم ستي يكبتوا مشاعرون .. نحنا عايشين ضمن مجتمع و ضمن تقاليد.. الواحد مو يروح يسوي
اللي بدو ياه و ييجي يقول حب.. اي اهلين حب...
الحب عمرو ما كان ولا رح يكون مبرر لهيك افعال..

يا حبيبتي هاي المقولة حكي وعلاك...لك يا حبيبتي مافي شي اسمو عشق من كلمة او من نظرة...

دوري عن معنى العشق وافهميه يا بنت بعدين تعي نحكي

لك يا بنتي.. الي لازم يفهم معنى الحب هون هو انتي.. و اللي لازم يروح يتعلم هو انتي..
المقولة مو علاك كلامك انتي العلاك..
اذا منجيب قصص.. بقولوا مريضين نفسيين.. اذا منجيب امثال بقولوا علاك..
لك الشغلة مو هوبرة يا بنتي ..

بالمناسبة..اديه عمرك انتي؟

بكل بساطة ما دخلك.. و هادة مو موضوعنا.. لانو لو موضوعنا انا اللي كنت لازم اسالك
اديه عمرك.. لانو طريقتك بالنقاش جدا حلوة لبنت لا يتجاوز عمرها الــ 12 سنة..

[ابو عمير السوري]

تعليق أو معلومة لابد من ادراجها لمن يتكلم عن الترقيع وثقافة الترقيع ........الترقيع لاينجح دائما وهناك حالات لايمكن ترقيعها ........والأمر لم يعد محصورا بالترقيع بل الأهم الأمراض التي قد تنتقل من شخص لأخر ........الواقي لايكفي ........مثلا قد تكون شفة فم احداهم متشققة لسبب أو لأخر وعند التماس يخرج بعض الدم لفم الأخر .......وحيث لاينفع الندم الحب غالبا مدخل اي علاقة جنسية بين الشباب .........هنا أسأل كم حالة أثمرت بالزواج تحديدا جنس قبل الزواج لم يجبنا أحد ؟؟؟؟؟؟؟؟؟؟ياجماعة عندما نحكي عن المجتمع الغربي تمعنوا بحالات الطلاق عندهم وأسبابها ...في كتير منها بسبب الملل الجنسي والعاطفي ............على الأقل في مجتمعنا رادع يخفف كثيرا من هذا الأمر

[fofo besset syria]

كاتب النص الأصلي : روعة1

لا بشر و عالم.. بس بما انو ما بيحسن يسيطر على عواطفو و ما بيقدر يسيطر على حالو يبتعد عن البنت اللي حبها منشان ما يوقع بالغلط..

بنعيد من اول...شو الغلط؟
يا عيوني انتي..الغلط برأيك انتي حرة فيه بس ما تجي تفرضي رأيك علينا ..انو خلص قررتي عنك وعن غيرك وعن الشعب العربي كلو

اي نعم ستي يكبتوا مشاعرون .. نحنا عايشين ضمن مجتمع و ضمن تقاليد.. الواحد مو يروح يسوي
اللي بدو ياه و ييجي يقول حب.. اي اهلين حب...
الحب عمرو ما كان ولا رح يكون مبرر لهيك افعال..

التقاليد الي عم تحكي عنا مانا شي مسلم فيا..التقاليد شي مختلف من مكان لمكان ومن زمن لزمن....بقا ضمن اي تقاليد عم تحكي لنعرف نتناقش عنفس الخط

لك يا بنتي.. الي لازم يفهم معنى الحب هون هو انتي.. و اللي لازم يروح يتعلم هو انتي..
المقولة مو علاك كلامك انتي العلاك..
اذا منجيب قصص.. بقولوا مريضين نفسيين.. اذا منجيب امثال بقولوا علاك..
لك الشغلة مو هوبرة يا بنتي ..

ازا بتريدي المرة الجاية الي بتتعدي فيها بالحكي على عضو او منسق او مشرف او غيرو راح نضطر نخالف بقا وزني كلامك قبل ما تحكيه

لانو طريقتك بالنقاش جدا حلوة لبنت لا يتجاوز عمرها الــ 12 سنة..

كمان مرة وللمرة التانية...وزني كلامك قبل ما تحكيه

و يا هلا

[ابو عمير السوري]

كاتب النص الأصلي : Abu ToNi

لو كنت قريان هاد الرد منك
صدقيني ما كنت كتبت الرد اللي قبل هاد ... وما كنت ضيعت وقتي بالاصل
دمت لأهل حاملة شرفك في غشائك الانثوي
ودام مجتمعنا التنكي حاملا تخلفه معه
ودام مجتمعنا المحافظ عنوانا للقيم والاخلاق في ظل الانحطاط الغربي والانفتاح

... ولد صغير باوروبا .. طالب مرحلة ثانوية .. بيعرف معنى الجنس واهدافه .. ومؤهل (( علميا وبشكل اكاديمي واجتماعيا )) انه يلقي محاضرات للعائلات (( المتزوجة )) في وطننا الحبيب من المحيط للخليج .. وبعرج على كام دولة من تبع العالم التالت شروانا الحال .. (( العالم )) اللي لخص القيم البشرية وجردها من معانيها حتى وصل لتركيبته العجيبة بخصوص الزواج


دكر + انتاية ---= بنامو مع بعض ----= بجيبوا ولاد

ها الولد الصغير ياعزيزي عم يتسبب للبنت الصغيرة بانجاب طفل بعمر ينتقدنا عليه الغرب ألم تسمع بكثرة المراهقين اللذين ينجبون أطفالا في الغرب

[روعة1]

بنعيد من اول...شو الغلط؟
يا عيوني انتي..الغلط برأيك انتي حرة فيه بس ما تجي تفرضي رأيك علينا ..انو خلص قررتي عنك وعن غيرك وعن الشعب العربي كلو

يا حبيبتي مين قلك اني انا عم بفرضو عليكي ولا على غيرك..؟؟!!
انا من الاول قلت انو عم بحكي من وجهة نظري و كمان قلت انو كل واحد هون عم يحكي من وجهة نظرو..
و اما من جهة قررت.. فأنا اكيد قررت عن حالي.. بس عن غيري لاء ولا بدي قرر.. لانو كل واحد براسو عقل
و بيعرف شو لازم يعمل.. والله لا يحرمنا ياه يا رب..

التقاليد الي عم تحكي عنا مانا شي مسلم فيا..التقاليد شي مختلف من مكان لمكان ومن زمن لزمن....بقا ضمن اي تقاليد عم تحكي لنعرف نتناقش عنفس الخط

التقاليد بالمجتمع العربي ككل اذا ختلفت بكل شي بهيك امور بالذات
ما بتختلف.. لا بمجتمع ولا بتقاليد ولا بأعراف ولا بأديان ..

ازا بتريدي المرة الجاية الي بتتعدي فيها بالحكي على عضو او منسق او مشرف او غيرو راح نضطر نخالف بقا وزني كلامك قبل ما تحكيه

كمان مرة وللمرة التانية...وزني كلامك قبل ما تحكيه

اذا كان بدك ياني اوزن كلامي فمن المفروض انتي اللي كنتي توزني كلامك قبل ما تحكي معي..

و كمان يا هلا..

[fofo besset syria]

لا بشر و عالم.. بس بما انو ما بيحسن يسيطر على عواطفو و ما بيقدر يسيطر على حالو
يبتعد عن البنت اللي حبها منشان ما يوقع بالغلط..

هون انتي كنتي عم تحكي عن حالك!!!
انتي عممتي انو الي ما بيقدر يسيطر ععواطفو ما يحب مشان ما يوقع بالغلط(بمفهومك)

التقاليد بالمجتمع العربي ككل اذا ختلفت بكل شي بهيك امور بالذات
ما بتختلف.. لا بمجتمع ولا بتقاليد ولا بأعراف ولا بأديان ..

مين قال هالحكي..من محافظة لمحافظة الاعراف بتختلف والتقاليد بتختلف !

[روعة1]

هون انتي كنتي عم تحكي عن حالك!!!

اكيد لما بكون عم بحكي او عم بناقش نقطة معينة ما رح اجيب كل الامثلة على حالي..
بس كمان ما بكون عم اجبر العالم التانية انو يعملوا هيك..

انتي عممتي انو الي ما بيقدر يسيطر ععواطفو ما يحب مشان ما يوقع بالغلط(بمفهومك)

نعم عممت.. بس في فرق بين انو عمم و بين انو قرر عنون..
هون انا عم بحكي بمفهومي انو بوجهة نظري اللي ما بيقدر يسيطر على عواطفو يبتعد عن البنت اللي بحبها..
بس بالتالي والله انا مو حاملة فرد و عم قول غصبن عنكن هيك بدكون تعملوا و الا بدي قوصكن..
بقا ممكن تقليلي وين افراض الرايي بالموضوع..؟؟

مين قال هالحكي..من محافظة لمحافظة الاعراف بتختلف والتقاليد بتختلف !

لا اله الا الله.. انا قلت انو ما بتختلف شي..؟؟ رجعي اقرئي ردي مرة تانية و ورجيني وين انا قلت
انو ما بتختلف..
انا قلت بتختلف بس بهيك امور بالذات ما بتختلف..

[fofo besset syria]

انا قلت بتختلف بس بهيك امور بالذات ما بتختلف..

مصدر المعلومة ازا بتريدي...عشو عم تعتمدي؟!!!

[روعة1]

مصدر المعلومة ازا بتريدي...عشو عم تعتمدي؟!!!

والله عتمدت على انو اكيد كل مجتمع في اديان مختلفة فيه..
و بكل الاديان هل الشي مرفوض .. فـ بالتالي هل الشي اكيد رح ينرفض
من قبل المجتمع.. و من قبل التقاليد..

[fofo besset syria]

كاتب النص الأصلي : روعة1

والله عتمدت على انو اكيد كل مجتمع في اديان مختلفة فيه..
و بكل الاديان هل الشي مرفوض .. فـ بالتالي هل الشي اكيد رح ينرفض
من قبل المجتمع.. و من قبل التقاليد..

الدين بيختلف عن التقاليد..الدين شي والتقاليد شي

معناتا من الاساس الي اعتمدتي عليه مو صح...

[hanny dagher]

الموضوع صار ممل ردادة ونواحة
انو بيبقى لكل واحد رأي شخصي بالموضوع وانا رأيي حطيتو باول رد لالي



ابو الطل جملة وحدة بقلك ياها وانتي كيف بتحب فهمها فهمها
حريتك تنتهي عندما تبدأ حرية الاخرين وسمايلي وردة
ورح اترك الرد لماد ماكس بما انو موجه الحكي الو بس حبيت قول هالجملة هيك من باب الحشرية يعني
حياكون