مين المسئول ؟ نحن ولا هم ؟ ولا الهلال

[محمد ابراهيم]

كاتب النص الأصلي : W.E.G.A

اي العيد بعد بكرا

اطمنو ما خيبو ظنكن فيهن

بعدين اثوب

شوية حسنات زيادة شبكن

اللهم لا اعتراض (بس ليش ما نكون كلنا بيوم واحد ) فلكيا ، منشان مثلا علم الفلك مارح ينحاز لاي حدا .
لو لو بالحسنات الزيادة يخلو رمضان 40 يوم

كاتب النص الأصلي : ghazwan72

الديمقراطية موجودة بالدول العربية وكل دولة بتعيد على كيفا

ما أحلى الديموقراطية اللي تقرب العالم من بعضها مو تفرقهم وتبعدهم

[محمد ابراهيم]

كاتب النص الأصلي : باشق مجروح

المسؤول هو الفكر الجامد لمشايخنا .. زمان كانو يعرفو الصلاة عن طريق العصا وظلها من خلال الشمس . بس هلق ما عاد في داعي لأنو تطورت الوسائل . فليش الصيام والافطار ما بيتحدد فلكياً ؟ عنجد كتير غريب .

تمام معك 100%

[Ms. J.A]

احنا معيدين بكرا بمصر ما في عيد ؟؟؟؟؟؟؟؟؟؟
العيد اللي فات هيك كمان !!
والموضوع الو بقوة البصر لدى المواطنين بكل شعب من الشعوب

[محمد ابراهيم]

كاتب النص الأصلي : Ms. J.A

احنا معيدين بكرا بمصر ما في عيد ؟؟؟؟؟؟؟؟؟؟
العيد اللي فات هيك كمان !!
والموضوع الو بقوة البصر لدى المواطنين بكل شعب من الشعوب

اللي معيدين بكرا (السعودية وقطر والكويت والاردن وليبيا وفلسطين وسنة العراق) ونفتح القوس مرة تانية - واليمن )

[x52]

اللهم شماته احنا معييدين اليوم ولا في صيام ولا يحزنون

ينعاد عليكم

[بنت سوريا]

يعني معقول بلبنان و السعودية و الإمارات و الكويت العيد يوم الثلاثاء
و بسورية و بدول تانية العيد يوم الأربعاء !!!!
طيب فهمنا بس سوريا معقول ما تعيد مع لبنان !!!
أخ أخ بس عهيك سياسات و حكومات
بدهن يمشونا عكيفهن


أنا رايحة آخد حبة أسبرين !!

[ابو عمير السوري]

يوم رمضان اضافي يعني سوق مزدهر يوم اضافي للتجار واعطاء وقت اضافي للأسرة لتهيئة متطلبات العيد .وراح علينا يوم عطلة (الجمعة)وللعلم جريدة تشرين أنبئتنا قبل أسبوع من اليوم أن أول أيام العيد هو الأربعاء لصعوبة رؤية الهلال بسبب الأحوال الجوية .وكل عام وأنتم بألف خير