. . . كيفَ علاقتكَ مَعَ الليل ؟

[suryoyo]

الليل ... . لولا الليل لضعنا

الليل بدموعو قاسي و يا ويلي من ساعاتو ...

كيفَ علاقتكَ مَعَ الليل ؟

صديقي من زمان طويل .. كنت اسهر الليل مع الاذاعات الى الصبح ...


و الى يومنا هذا ... احب الليل .. احب الهدوء الليلي......... احب ابقى وحدي ...




يا اخي الليل ... وقت ساحر ...


قلبت عليي المواجع

[bki]

السهر ادمان

ادمان من نوع بيتحدد حسب موضوع السهرة

ببساطة. الليل بهدوءو وسكونو بيحطني وجهاً لوجه أمام خوفي من الوحدة وكرهي منها. لما بمشي بالشوارع بالليل على اختلاف مدنها واسمائها بحس بانقباض قلبي وهلعو ورغم هيك بظل امشي بالليل

فوتت حيط

[Ms. J.A]

علاقة أخوية ...
صراحة حسب الوضع والنفسية مرات بكرهو مرات بحبو
ما في بينا علاقة ثابتة

[Najm]

علاقة كره..لأنه يأخذني مني
علاقة ود..لأنه يرجعني إلي

[*Marwa*]

علاقة مـزاجية..وحسب النفسية والوضع..

ومع اني بحب فيروز "الليل مش للنوم الليل للسهر" بس هالجملة بتصير صحيحة لما بتكون سهران مع حدا

بس انو حاليا الليل بس وبس للنوم ..ويمكن هاي وظيفتو الاساسية

[Marooshe]

الليل...
مصب همومي
مؤنس وحشتي
ونديمي
بحبو كتير

[وشم الجمال]

الليل كنت بخاف منو كتير ولهاللحظة بخاف منو بس فيو اشيا بحتاجها ما بفهمها كتار وما بعرفو يقدرو معناها...

الليل اكتر شي بخافو واكتر شي بحب عيشو

[suryoyo]

سؤال عام

ليش الخوف من الليل ؟؟

يعني الليل احسه أمان اكثر من النهار ....... و لو أحيانا !!!

[وشم الجمال]

انا كنت من وانا صغيرة كتير بتخيل وكلشي...

ومرة صار معي موقف خلاني خاف من كل شخص ومن كل انسان وهالشي انعكس علي سلبا لدرجة فظيعة...فصرت خاف من الظلمة وخاف من كل حدا....حتى لدرجة اني كنت لما روح نام قضيها بكا..

بس هلق تغيرت تماما مع انو المشهد ذاتو بذهني بس الليل صار مهرب كتير رائع وحنون...

[Marooshe]

كاتب النص الأصلي : suryoyo

سؤال عام

ليش الخوف من الليل ؟؟

يعني الليل احسه أمان اكثر من النهار ....... و لو أحيانا !!!

في ناس بتخاف الليل لانو بتخاف وحشتو
بتخاف الوحدة
وبتخاف المواجع يلي بيطالعها الليل

بس هو مش بس اكتر امان
انما اكتر حنان
ورومانسية
وشاعرية من النهار

[مشاعر]

عندما يأتي المساء ..
ترحل أخيلتي ... إلى عنان الأفق المظلم
تتناغم روحي مع ومضات النجوم البعيدة
ترنو عيناي إلى وجه القمر الباسم
يرتدي جسدي حلة سوداء بهية تشعرني بالسكينة والشاعرية
كم أحب صوت الليل
لأنه يذكرني بصوت حبيبي عندما يهمس لي ... أحبك
أيها الليل يا مؤنس وحدتي
كم أنت بديع في ظلمتك
كم أنت بديع في هدوءك
ظلمك من اتهمك بالشر
الشر منهم ... هم من اختاروك لأفعالهم الدنيئة
حتى النهار تطاولوا عليه
لاعليك فأنا وأنت بيننا عشق لا يموت

[شتاء]

غريب أن الليل من يسكنني ولا أسكن الليل
موال عشق ليلي
ومجون
وجنون
وكلمات تتناثر فوق مخدتي الوحيدة
وكاسات ذكرى
وخمرة بعاد
الليل
صديق سهراتي

[اللامنتمي]

كاتب النص الأصلي : sandra

الليل بعشقو

الليل هو رفيقي صار

كم يَتعينُ عَليَّ أنْ أبكي كي لا يَبزغ َ فجرٌ جَديد

آآآهٍ يا رفيقي الأوحَد ,.

[اللامنتمي]

كاتب النص الأصلي : BL@CK

تماما ً متل علاقتي مع الصبح ,




يعني بتهــوّي ..

وَ شاءَ الهوى

[اللامنتمي]

كاتب النص الأصلي : fernanda bachchan kfoury

الليل هو صوت الضمير وملك السكون
بس ماعم نحضى بهالشي لانو هالشهر كلو اعراس وحفلات

وَ لماذا لا تكون الأعراس في النهار

أتساءل

[اللامنتمي]

كاتب النص الأصلي : كلمة حب

الليل ........ اه يا ليل يا عين

بحس انو النوم بالليل مالو طعمة ومضيعة للوقت

أتساءل أحياناً

لماذا عواطفنا تتعاظمُ ليلاً ؟

[اللامنتمي]

كاتب النص الأصلي : Reemi

لا يسهر الليل الا من به ألم

وَ كمْ تمنيتُ أَنْ أكُونَ مَعَها يَا صَديقتي

فِي ليلتها الأخيرة ,.

[اللامنتمي]

كاتب النص الأصلي : Sun Shine Art

الليل هو ملاذي ...مهربي ..

اجد نفسي به .....اعيش نفسي كما اريد ...بعشق ..بحب.. بألم ...بعيدا عن كل شي الا حبيبي

وَ البَرْدُ مُمِيتُ وَ الشَوقُ كافر ,.