لماذا لم يخلق الله المرأة بـِ حِجابها؟

[ست الكل]

بنرجع لنقطة انو الناس بلشت تشك بقناعاتها ... صار حتى الصح والغلط مشكوك فيهم... الصح عندك غلط عند الاخرين والغلط عندك صح عند الاخرين ...

الصح و الغلط شي نسبي حبي ...الغلط هوي الشي اللي بيضرنا و الصح هوي الشي اللي بيخدمنا و يحققلنا لذة ...بوركتي

[black_iris]

كاتب النص الأصلي : VivaSyria

ببساطه لم يخلقها بحجاب لأنه لايريدها أن تكون محجبة.. لكن التخلف والجهل الأعمى نسبو إلى الله فروضاً لم يطلبها..
والأضرب انو البنات المحجبات وصلو لمرحلة يدافعو عن فكرة الحجاب دفاع مستميت.. طبعاً هالشي مشان يحسوا حالون صح ومايحسو انهون مختلفين عن البنات الغير محجبات..
الأخلاق والشرف غير مرتبطه بقطعة قماش توضع على الرأس وكم من المحجبات لا يتمتعن بأخلاق حميدة وكم من الغير محجبات يتمتعن بأخلاق رائعه وذلك نتيجة تحضرهم وفعلهم لقناعاتهم...

طبعاً أنا لا أشمل الجميع هنا...

نظريه رهيبه بصراحه .. وان كنت انا استبقتها
وقياسا عليه .. فالانسان
لم يخلقو بملابس لانو لا يريده بثياب
ولم يخلقو بحذاء .. لانو يريده حافي
ولم يخلق معو بيت ( على شكل مرفق يعني بيجي البيت ) .. لانو يريده ان يعيش بالعراء
ما قلتلك نظريه رهيبه

[biomen]

كاتب النص الأصلي : VivaSyria

ببساطه لم يخلقها بحجاب لأنه لايريدها أن تكون محجبة.. لكن التخلف والجهل الأعمى نسبو إلى الله فروضاً لم يطلبها..
والأضرب انو البنات المحجبات وصلو لمرحلة يدافعو عن فكرة الحجاب دفاع مستميت.. طبعاً هالشي مشان يحسوا حالون صح ومايحسو انهون مختلفين عن البنات الغير محجبات..
الأخلاق والشرف غير مرتبطه بقطعة قماش توضع على الرأس وكم من المحجبات لا يتمتعن بأخلاق حميدة وكم من الغير محجبات يتمتعن بأخلاق رائعه وذلك نتيجة تحضرهم وفعلهم لقناعاتهم...

طبعاً أنا لا أشمل الجميع هنا...

فيفا مع كل احترامي الك و لمنهجك في التفكير...بس قولتك الحجاب عبارة عن خرقة بتحطها البنت على راسها؟؟ الحجاب اللي انت تحكي عليه هو اكتر من اللي انطرح بالموضوع...اغلب الناس و كتير منهم محجبات عندهم الحجاب خرقة و بس و كلهم الهم نظرة انّو مفروض و امر من الله و بس...بس الحقيقة اعمق من هيك بكتير...ما بيفهمها الانسان العادي اللي ما بيتامل في موضوع الحجاب

و عن فكرة الاخلاق و الشرف غير مرتبطة بقطعة قماش اكييد و انا معك في هذه الفكرة لانو كتييير في مجتمعنا بنلاحظ المحجبات عم يسيؤو لفكرة الحجاب و هذا ناتج عن تربايتهم و اخلاقهم...مش لفكرة الحجاب يعني العيب فيهم مش في الحجاب

الله لم يخلق المراة محجبة...اجل لكن ترك لها حرية الاختيار في ان تتحجب...و كلٌ حر في اختياره

[ooopss]

كاتب النص الأصلي : اللامنتمي

الحِجاب

فلماذا لم يخلق الله المرأة بـِ حِجابها ؟

تحياتي

ببساطة لأن الانسان مُخير مانو مُسير ..
بعيدا عن مسألة الحجاب بأي مسألة الانسان أمامو الاختيار بين الصح والغلط
ومابيجي مرفق بالصح دايما أو مرفق بالغلط .. وإلا ما كان في ثواب وعقاب وحساب على الأعمال ..

كاتب النص الأصلي : VivaSyria

ببساطه لم يخلقها بحجاب لأنه لايريدها أن تكون محجبة.. لكن التخلف والجهل الأعمى نسبو إلى الله فروضاً لم يطلبها..
والأضرب انو البنات المحجبات وصلو لمرحلة يدافعو عن فكرة الحجاب دفاع مستميت.. طبعاً هالشي مشان يحسوا حالون صح ومايحسو انهون مختلفين عن البنات الغير محجبات..
الأخلاق والشرف غير مرتبطه بقطعة قماش توضع على الرأس وكم من المحجبات لا يتمتعن بأخلاق حميدة وكم من الغير محجبات يتمتعن بأخلاق رائعه وذلك نتيجة تحضرهم وفعلهم لقناعاتهم...

طبعاً أنا لا أشمل الجميع هنا...

أنا معك بالشق التاني أنو الأخلاق والشرف غير منتسبين لقطعة من القماش أكيد
بس الحجاب مانو مجرد قطعة من القماش . . يعني المعنى أعمق من هيك
والجملة الغامقة .. أكيد أنت حر بآرائك وأفكارك ..
بس فيك بجملة وحدة تجرح مشاعر كتير ناس وتثير استفزازهن
متل ما أنت مو مع فكرة الحجاب أكيد الباقي لازم يحترمك..
وأنت لازم تحترم يلي مع فكرة الحجاب لأن هنن حرين بمعتقداتهن وبرأيي ما لازم تسفهها

[wild_angel]

كاتب النص الأصلي : ooopss

ببساطة لأن الانسان مُخير مانو مُسير ..

أنا مو مقتنعة انو الانسان مخير وليس مسير ..... مادام متل ما بيقولوا كلشي مكتوب وهاد قدر ولازم تشوفوا فكيف الانسان مخير ؟؟

[*Marwa*]

الحجاب هو حجاب الروح عن القبح..هو حجب الدناءة عن أنفسنا ..هو سترة اجسادنا بالاخلاق والمبادىء العفيفة

الحجاب ولا مرة كان الهدف منه مجرد قطعة أقمشة تلفنا وقد تبعدنا عن الاخر..الحجاب أسمى وأرقى..لكن بدك ناس تفهم الحجاب بصورة اعمق وتعرف شو يعني حجاب قبل ما تتفلسف بالدين و يا اما تفرض الحجاب بالقوة يا اما توصفو بالتخلف..وبالحالتين بكون تصرف جاهل!!

واكيد مش معنات وحدة محجبة يعني خلوقة وماشالله عليها وانو الغير محجبة ما عندها اخلاق..ولكن الاحتشام مطلوب ومرغوب في كل الديانات..لكن منرجع منكرر انو اسباب تشويه صورة الحجاب ناتج عن سوء فهمنا الو وللدين بشكل عام...

[biomen]

كاتب النص الأصلي : wild_angel

أنا مو مقتنعة انو الانسان مخير وليس مسير ..... مادام متل ما بيقولوا كلشي مكتوب وهاد قدر ولازم تشوفوا فكيف الانسان مخير ؟؟

طب فيك تفسري ليش في ثواب وعقاب؟؟....اذا هيك بيصير الظلم من صفات الله.. استغفر الله و هو القائل انّي حرمت الظلم على نفسي...اكيد الانسان مخيّر

[ooopss]

كاتب النص الأصلي : wild_angel

أنا مو مقتنعة انو الانسان مخير وليس مسير ..... مادام متل ما بيقولوا كلشي مكتوب وهاد قدر ولازم تشوفوا فكيف الانسان مخير ؟؟

طيب .. لنفرض في شي قدامك في إلو طريقيتين ..
حدا جابرك تختاري أي من الطريقين ؟
مو أنتي حرة بخياراتك ؟
مثلا :
تدخني أو لا ؟
تآمني أو لا ؟ ...الخ
بما أنو ما حدا جابرك تختاري شي فأنتي مانك مُسيرة
القصة أنو " الله " بيعرفك شو رح تختاري من قبل ماتختاري مشان هيك كل شي مكتوب ..
بيعرفك شو رح تختاري بس مو جابرك شو تختاري ..

[*Marwa*]

كاتب النص الأصلي : wild_angel

أنا مو مقتنعة انو الانسان مخير وليس مسير ..... مادام متل ما بيقولوا كلشي مكتوب وهاد قدر ولازم تشوفوا فكيف الانسان مخير ؟؟

هلأ اكيد في قدر والله بكون عارفو مسبقا..لانو الله عليم بكلشي.. لكن انتي اللي بتوصّلي حالك لهالقدر باختيارات نفسك وعقلك..مش الله اللي بختارها .. بتمنى تكون الفكرة وصلت =)


*وآسفة عن الخروج عن الموضوع الرئيسي..

[habiba2008]

كاتب النص الأصلي : wild_angel

أنا مو مقتنعة انو الانسان مخير وليس مسير ..... مادام متل ما بيقولوا كلشي مكتوب وهاد قدر ولازم تشوفوا فكيف الانسان مخير ؟؟

tamam fiha wejhat nadar
ma3nata hik rah tlaki enou hata elkatel alah khalakou katel ou elmoujim aman
fi chaghlat 3ama houwa mousayar fiha bes fi chaghlat elou fiha elkhayar

[wild_angel]

كاتب النص الأصلي : *Marwa*

الحجاب هو حجاب الروح عن القبح..هو حجب الدناءة عن أنفسنا ..هو سترة اجسادنا بالاخلاق والمبادىء العفيفة

الحجاب ولا مرة كان الهدف منه مجرد قطعة أقمشة تلفنا وقد تبعدنا عن الاخر..الحجاب أسمى وأرقى..لكن بدك ناس تفهم الحجاب بصورة اعمق وتعرف شو يعني حجاب قبل ما تتفلسف بالدين و يا اما تفرض الحجاب بالقوة يا اما توصفو بالتخلف..وبالحالتين بكون تصرف جاهل!!

واكيد مش معنات وحدة محجبة يعني خلوقة وماشالله عليها وانو الغير محجبة ما عندها اخلاق..ولكن الاحتشام مطلوب ومرغوب في كل الديانات..لكن منرجع منكرر انو اسباب تشويه صورة الحجاب ناتج عن سوء فهمنا الو وللدين بشكل عام...

الإنسان مارح يمسك ويفهم الدين بصورة صحيحة لحتى كل واحد يعملوا عن اقتناع وليس الإجبار بحكم العادات والتقاليد ... لو احنا صلحنا هاد الشي من اساسو كلشي تاني بيتصلح ...لكن مادام الاساس ملعوب فيه صعب تروحي للنهاية وتصححي فيها هونيك ..

[wild_angel]

كاتب النص الأصلي : habiba2008

tamam fiha wejhat nadar

ma3nata hik rah tlaki enou hata elkatel alah khalakou katel ou elmoujim aman
fi chaghlat 3ama houwa mousayar fiha bes fi chaghlat elou fiha elkhayar

معلش خدوني على قد عقلي ....

اذا كان القتل حرام والله بيعاقب عليه في الأخرة فيا ترى هل مكتوب على انسان معين انو يموت مقتول او كان مكتوب اله يموت طبيعي وبالصدفة (( بحكم المخير والمسير )) واحد اجا واقتلوا ؟؟؟

طيب اذا مكتوب يموت مقتول معناتها الله كتب انو فلان رح يقتلوا .. هل هاد الفلان كان مخير بقتلوا ؟؟

والنظام الكوني المتوازن انو في هل الوقت لازم فلان يموت مقتول او بحادث سيارة مثلا مارح يختل لو احنا فجأة قررنا بحكم انو مخيرين انو ما نقتل هاد الشخص ؟؟؟

طيب ... كيف حقيقي الله بيعرف اختياراتنا مسبقا ولا هو الي حطها من البداية واحنا عم نمشي على حسب ماهو اصلا مكتوب ... وليش لينكتب من بداية الخليقة ليش ما بينكتب في نفس اللحظة الي بيصير فيها الشي ؟؟؟

هل انت حقيقة مخير في انك تجيب أولاد أو لأ ؟؟؟

[biomen]

ممكن الرجوع لصلب الموضوع اللي طرحو كاتب الموضوع

فكرة الانسان مسير ام مخير لازمها جلسة خاصة لانو احنا نناقش موضوع حساس و متشعب كتير ...

فياريت نحترم الموضوع

[habiba2008]

كاتب النص الأصلي : wild_angel

معلش خدوني على قد عقلي ....

اذا كان القتل حرام والله بيعاقب عليه في الأخرة فيا ترى هل مكتوب على انسان معين انو يموت مقتول او كان مكتوب اله يموت طبيعي وبالصدفة (( بحكم المخير والمسير )) واحد اجا واقتلوا ؟؟؟

طيب اذا مكتوب يموت مقتول معناتها الله كتب انو فلان رح يقتلوا .. هل هاد الفلان كان مخير بقتلوا ؟؟

والنظام الكوني المتوازن انو في هل الوقت لازم فلان يموت مقتول او بحادث سيارة مثلا مارح يختل لو احنا فجأة قررنا بحكم انو مخيرين انو ما نقتل هاد الشخص ؟؟؟

طيب ... كيف حقيقي الله بيعرف اختياراتنا مسبقا ولا هو الي حطها من البداية واحنا عم نمشي على حسب ماهو اصلا مكتوب ... وليش لينكتب من بداية الخليقة ليش ما بينكتب في نفس اللحظة الي بيصير فيها الشي ؟؟؟

هل انت حقيقة مخير في انك تجيب أولاد أو لأ ؟؟؟

hbibti bsaraha hakyek mantiki bes elmechekla enou hey asila ma elha ajwiba leanou asasan alah ou edin kelo rouhani chi tale3 3an elmalmous ou 3an elwake3 ya3ni fi kawanin fik tnakchiha ou tlakilha ajwoba
ou fi oumour ma hada elou ajweba 3aliha ila alah yali ma bne3ref lich ou kif bana hal3alam bhachekel ou yemken rah yeji elyoum yali rah nefham fih

bes bedi kelek chi ktir mnih enou elwahed yebhat bes rah tet3abi ktir sadkini ou men ghir ma tlaki chi moukni3

tahyati

[Marooshe]

المرأة لم تخلق بحجابها... لان شعرها ليس رمزاً جنسيا تخجل منة... ولأن جسدها ليس مسرحاً لتهيؤات شهوانية... لأنها كائن سامي... بشعرها... بجسدها... لانها فادرة على ان تكون فاضلة بالخلق والتعامل, دون حجاب يغطيها... لان سلوكها هو الحاكم وليس قطعة من قماش... ولأنها امرأة.............. لا عورة...

[ست الكل]

الاخ قصدو انو ليش الله ما خلق المراة بحجابا تيصيرو هالائمة ما كتير بياخدو يو يعطو عالحجاب و يلتفتو لامور اكبر من هيك مو ؟؟؟
ما كل هالشي من المراة الله وكيلكون ...
مو بينقال المراة تلات رباع المجتمع ازا مو كلو ؟؟و زاا صلحت المراة صلح المجتمع ؟؟؟

[biomen]

كاتب النص الأصلي : marwa hanna

المرأة لم تخلق بحجابها... لان شعرها ليس رمزاً جنسيا تخجل منة... ولأن جسدها ليس مسرحاً لتهيؤات شهوانية... لأنها كائن سامي... بشعرها... بجسدها... لانها فادرة على ان تكون فاضلة بالخلق والتعامل, دون حجاب يغطيها... لان سلوكها هو الحاكم وليس قطعة من قماش... ولأنها امرأة.............. لا عورة...

كتيير حلو ...حكي عقلاني و مضبوط...بس وين المشكل في لبس الحجاب؟؟

[ست الكل]

لبس الحجاب امر ديني يتناقض مع السياسة بين هلالين التنظيم المبجل عند بعض العوام