أوباما و ماكين و نحنا..

[VivaSyria]

تعلو في الأونة الأخيرة الأصوات التي تقول بتغير السياسة الأمريكية تجاه الحكومة و سياسة الضغط عليها بمجرد إنتخاب باراك أوباما عوضاً عن جورج بوش الإبن..
حتى أن بعض السياسين العباقرة في بلدنا و من خلال مواقفهم و تصريحاتهم يصورون للمواطن السوري و كأنه بمجرد إنتخاب أوباما سوف تعود العلاقات مع الولايات المتحده و سوف تقوم أمريكا بتزويدنا بطائرات الF16 و F18 و ستمدنا بمعونات مادية سنوية أسوةً بمصر و إسرائيل..
وقد لفتني في الأونة الأخيرة أن رجل الشارع السوري قد بدأ بتصديق هذه الأوهام لمرحلة أنه أصبح يمني النفس باليوم الموعود لإنتخاب أوباما حتى تستقر الأسعار و تزيد الأجور و ننعم بحالة من الديموقراطية في سوريا (( طبعاً لأن كل هذه المصائب و بحسب التفسير الرسمي هي ناتجة عن الضغوط الأمريكية و عن أننا دولة المواجهة الوحيدة في المنطقة)) و كأن الأمريكيين سينتخبون رئيساً لسوريا و ليس لأمريكا ..
لكن مايأسفني أن أوضح هنا أن هذا الكلام برمته محض أوهام و أكاذيب اخترعها جهابذة السياسة في سوريا و للأسف صدقوها..
أولاً و لنعتبر أن باراك أوباما نجح في الإنتخابات الرئاسية الأمريكية (مع العلم أن هذا إحتمال مستبعد) ألم يحن الوقت أن نتعلم أن منطق الحكم في الولايات المتحده هو منطق مؤسساتي لا منطق فردي.. بمعنى أن الحكومة الأمريكية لا يحكمها شخص الرئيس( متل مو الشباب عنا متعودين) بل تحكمها إدارة متكاملة ( و لهذا تسمى بالإدارة الأمريكية) تحتوي على هيئات للتخطيط و التنفيذ و تضع الخطط الإستراتيجية التي تنفذ على مراحل و بحسب المصالح الأمريكية بغض النظر عن توجهات الرئيس أو حزبه (ديمقراطي أو جمهوري)
ثانياً و بحسب تصريحات أوباما نفسه فإنه لن يتراجع عن أي من المواضيع الخلافية بين الحكومة السورية و جورج بوش و التي نستطيع تلخيصها بمسائل ( دعم إسرائيل المطلق و إحتلال العراق و المحكمة الدولية و دعم سوريا للتنظيمات المسلحة في فلسطين و لبنان و الملف النووي الإيراني) بل و بالعكس فإن بعض تصريحاته قد زايد بها على جورج بوش نفسه..

بإختصار إلى متى ستبقى سياسة الحكومة السورية هي سياسة الرهان على الوقت.. ألم تراهنون على ساركوزي بعد شيراك؟؟ ألم تراهنون عل بان كي مون بعد كوفي أنان؟؟ ألم تفشل كل رهاناتكم؟؟
ألم تصل بلدنا إقتصادياً و سياسياً إلى مرحلة لاتحتمل أي مراهنات؟؟
هل ستبقى السياسة الداخلية على هذا الوضع بإنتظار تغير كل روؤساء العالم؟؟

[yass]

حكيك فيو شي من الصح... لكن شو نعمل يعني؟ نفتح هالشبّاك و نرمي حالنا منو؟ ندبّر فرد و نطخ راسنا فيه؟ اجباري الناس بدا تتأمل.. بدا تعيش... كل يوم أسود أسود أسود... يا زلمة خليهون يشوفو شي يوم رمادي غامق حتى لو بعدين طلع انو لأ مو رمادي هاد اسود بس عليه غبرة...


أنا متأمل... ماني متأمل من أوباما كشخص (أو بالاحرى متأمل منو النذر اليسير).. متأمل من المرحلة تبعيت الأزمة الاقتصادية العالمية... انو أميركا راح تنفتح عندا جبهة داخلية ضخمة راح تجبرها -مو بكيفها- تسكّر جبهات عديدة خارجية.. و منها المغامرات العسكرية.. و هو محكوم بانو يدبر حل لهالأزمة اللي سببها رهان جورج بوش الكامل على نصر عسكري يغطي العجز الداخلي... العجز الداخلي طلع أضعاف مضاعفة عما كان متوقع, و فوقها ما حقق نصر عسكري..


و شي طبيعي انو اللي ما عندو شي بداخلو يعطيه أمل راح يدوّر عليه برا... يا زلمة في ناس تدوّر أطباق طائرة بالسما تجي تنقذها... طبيعي البحث عن الأمل

أما عن انو نتأمل تغيير الادارات عسى و لعل.. فهذا أمر مزمن .. حكى عنو أبو شام, محمد الماغوط, بكتابه الأشهر "سأخون وطني"

[VivaSyria]

كاتب النص الأصلي : yass

أنا متأمل... ماني متأمل من أوباما كشخص (أو بالاحرى متأمل منو النذر اليسير).. متأمل من المرحلة تبعيت الأزمة الاقتصادية العالمية... انو أميركا راح تنفتح عندا جبهة داخلية ضخمة راح تجبرها -مو بكيفها- تسكّر جبهات عديدة خارجية.. و منها المغامرات العسكرية.. و هو محكوم بانو يدبر حل لهالأزمة اللي سببها رهان جورج بوش الكامل على نصر عسكري يغطي العجز الداخلي... العجز الداخلي طلع أضعاف مضاعفة عما كان متوقع, و فوقها ما حقق نصر عسكري..
"

طيب اذا قسمنا هالفقرة يلي عم تحكي فيها لقسمين : أول قسم بيعني انك انت مقتنع انو الأزمة الاقتصادية العالمية الحالية هي خارج السيطرة بالنسبة لامريكا؟؟ يعني برأيك انو أمريكا متل بقية الدول يلي بتتعرض لازمات داخلية فبتنجبر انو تقلل من تداخلاتها الخارجية؟؟ طيب شو رأيك بالأزمات الداخلية التاريخية يلي تعرضتلها أمريكا و كانت بقمة تدخلاتها ( العسكرية تحديداً).. يعني من يومين كانت أزمة الرهن العقاري و ماشفنا أمريكا تغيير عليها شي.. طيب و فضييحة ووتر غيت و الزلزال الداخلي يلي سببتو شو غير من خططها يلي كانت ماشية عليها؟؟ يعني باختصار بدي قلك انو هنن مارح يتغيرو معنا اذا نحنا ما تغيرنا أو غيرنا.. بيشرفني مرورك ياس

[yass]

كاتب النص الأصلي : VivaSyria

طيب اذا قسمنا هالفقرة يلي عم تحكي فيها لقسمين : أول قسم بيعني انك انت مقتنع انو الأزمة الاقتصادية العالمية الحالية هي خارج السيطرة بالنسبة لامريكا؟؟ يعني برأيك انو أمريكا متل بقية الدول يلي بتتعرض لازمات داخلية فبتنجبر انو تقلل من تداخلاتها الخارجية؟؟ طيب شو رأيك بالأزمات الداخلية التاريخية يلي تعرضتلها أمريكا و كانت بقمة تدخلاتها ( العسكرية تحديداً).. يعني من يومين كانت أزمة الرهن العقاري و ماشفنا أمريكا تغيير عليها شي.. طيب و فضييحة ووتر غيت و الزلزال الداخلي يلي سببتو شو غير من خططها يلي كانت ماشية عليها؟؟ يعني باختصار بدي قلك انو هنن مارح يتغيرو معنا اذا نحنا ما تغيرنا أو غيرنا.. بيشرفني مرورك ياس

فضيحة ووتر غيت كانت فضيحة سياسية بحتة .. و ما كان ع أساسها لازم يأثر شي, و مع ذلك سببت لخبطة سياسية

بالنسبة للاقتصاد.. أميركا قبلة الرأسمالية, و على هالأساس ما رح تقوم بشي ضد مصلحتها الاقتصادية ككيان.. و كل حروبها و معاركها و مغامراتها كانت لدواعي اقتصادية أو استراتيجية محددة و واضحة.. و الربط الاقتصادي فيها جدا مهم. و خلال فترات عديدة من الصعوبات الاقتصادية أميركا انحسرت خارجيا بتدخلاتها العسكرية .. شو طالعها من فيتنام غير انو التكلفة الاقتصادية كانت باهضة جدا و بهداك الوقت كان شبح الحرب بالشرق الأوسط يجبرها تحسب حساب أزمة اقتصادية.. و اذا رجعت للخلف كمان... شو اللي خلى أميركا تتردد بالمشاركة بالحرب العالمية الثانية لحد ما انضربو من قبل اليابانيين غير لأنو كانت خارجة من فترة انحسار اقتصادي.. حرب الكوريتين أميركا فاتت و طلعت متل التوتو لأنو كانت لسى عم تدفع فواتير الحرب العالمية... الخ


لاحظ كيف لو تابعت أخبار الحملة الانتخابية... ما حدا يراهن عالحرب.. لأنو بأميركا صار في قناعة انو الحرب تكلّف مصاري و بالفترة الحالية ما خرجنا نصرف مصاري.. و ربح أوباما على هيلاري لأنو هاجمها من ناحية انو هيي دعمت الحرب ببدايتها و هو كان ضد حرب العراق من أول لحظة.. حتى ماكين نفسو ما بيحكي عن حروب, فقط يجيب سيرة خروج مشّرف من العراق.

أما بالنسبة للأزمة الاقتصادية.. نحنا على أبوابها.. لسى ما دخلناها.. أزمة القروض العقارية لحد الآن ما تخطت القنبلة الاعلامية... لسى ما بديت الأزمة اللي رح تجبر الحكومة الأميركية, و اغلب الحكومات الغربية, باتباع سياسة تقشّف عميق جدا, و ما رح يكون في مصاري لأي مغامرة عسكرية... في جبهة راح تنفتح قريبا (مو بس القروض العقارية... سعر النفط و الحديد و المواد الغذائية الاساسية كمان) راح تجبر أوباما يغلق جبهات الخارج .. و لهالسبب طلع, لأنو الناس بدها رئيس يصلحلهون اقتصادهون

[VivaSyria]

كاتب النص الأصلي : yass

فضيحة ووتر غيت كانت فضيحة سياسية بحتة .. و ما كان ع أساسها لازم يأثر شي, و مع ذلك سببت لخبطة سياسية

بالنسبة للاقتصاد.. أميركا قبلة الرأسمالية, و على هالأساس ما رح تقوم بشي ضد مصلحتها الاقتصادية ككيان.. و كل حروبها و معاركها و مغامراتها كانت لدواعي اقتصادية أو استراتيجية محددة و واضحة.. و الربط الاقتصادي فيها جدا مهم. و خلال فترات عديدة من الصعوبات الاقتصادية أميركا انحسرت خارجيا بتدخلاتها العسكرية .. شو طالعها من فيتنام غير انو التكلفة الاقتصادية كانت باهضة جدا و بهداك الوقت كان شبح الحرب بالشرق الأوسط يجبرها تحسب حساب أزمة اقتصادية.. و اذا رجعت للخلف كمان... شو اللي خلى أميركا تتردد بالمشاركة بالحرب العالمية الثانية لحد ما انضربو من قبل اليابانيين غير لأنو كانت خارجة من فترة انحسار اقتصادي.. حرب الكوريتين أميركا فاتت و طلعت متل التوتو لأنو كانت لسى عم تدفع فواتير الحرب العالمية... الخ

طيب رح امشي معك بهالحكي و نعتبر إنو أمريكا ماعد عندا استعداد لأي تدخل عسكري.. هاد الشي مابيعني انو رح تغير سياستها الخارجية بحكم انو هي سياسة استراتيجية.. يعنيممكن نقول انو أمريكا ماعد تلوح بالضغط العسكري بس بيبقى عندها كتير وسائل للضغط.. من الحصار الاقتصادي للضغط باتجاه المقاطعة الدولية.. و بتخيل هالشي جربناه بأخر سنتين..
بمعنى انو مارح يكون في اي انفتاح أمريكي على سوريا.. بأحسن الأحوال رح يستبعد خيار توجيه ضربة عسكرية للنظام.

[محمد ابراهيم]

اهلا فيفا ، كيفك

اخيرا نزلت طرح على قوة الطرح الاول .

المهم ، مارح ناقشك نقاش محدد ودقيق هلاء ، كمل مع ياس
بس بدي اعرف منك كم شغلة .

صحيح اميركا دولة مؤسسات
بس انت ما سمعت عن المتغيرات !! ؟؟
لاشيئ ثابت في السياسة ، طبعا سياسات الولايات المتحدة متغيرة على المدى الطويل.
وهذا ليس تعارضا مع التخطيط الاستراتيجي او مع النظام المؤسساتي .

على اية حال , في شيئ اسمو برنامج انتخابي (بيتعلق بكل تعهدات الرئيس في حال وصوله للحكم ) وعلى هذا الاساس بيقوم الشعب باختيار احد المرشحين .

اوباما وعد بسحب الجيش الامريكي من العراق عندما يصل للرئاسة ، ماكين مع البقاء في العراق بصورة معينة .

وكذلك في كل قضية داخلية او خارجية رئيسية تهم المواطن ( كل مرشح محدد موقفو منها )

في نقاط اتفاق بين كل برنامج انتخابي وفي نقاط اختلاف .
وذلك لايتعارض مع النظام المؤسساتي في اميركا او التخطيط الاستراتيجي .

لنا عودة

[VivaSyria]

أول شي بدي شكراً انك اعترفتلي بطرحين جيدين
و لفتتلي نظري عالنفطه تحديداً:

كاتب النص الأصلي : محمد ابراهيم

اوباما وعد بسحب الجيش الامريكي من العراق عندما يصل للرئاسة ، ماكين مع البقاء في العراق بصورة معينة .

وكذلك في كل قضية داخلية او خارجية رئيسية تهم المواطن ( كل مرشح محدد موقفو منها )

في نقاط اتفاق بين كل برنامج انتخابي وفي نقاط اختلاف .
وذلك لايتعارض مع النظام المؤسساتي في اميركا او التخطيط الاستراتيجي .

صديقي النقاط يلي بتنافسو فيها المرشحين هي النقاط الداخلية حصراً و يلي ما بتأثر على مصالح أمريكا الاستراتيجية.. بمعنى ماكين بيقول رح ننسحب بعض عشر سنين أوباما بيقول رح ننسحب بعد خمس سنين.. بس ماحدا منهن بيقدر يقول رح ننسحب أول ما أوصل على البيت الأبيض..
و نفس الشي بالنسبة للتحالفات الاسترتيجية و بتخيل حكي أوباما عن إسرائيل هو أكبر و أقوى حكي حكا رئيس أمريكي عن إسرائيل بالتاريخ.. هاد الشي بيورجيك انو السياسات الأمريكية خارجياً لاتتغير بتغير الرئيس.

[yass]

كاتب النص الأصلي : VivaSyria

طيب رح امشي معك بهالحكي و نعتبر إنو أمريكا ماعد عندا استعداد لأي تدخل عسكري.. هاد الشي مابيعني انو رح تغير سياستها الخارجية بحكم انو هي سياسة استراتيجية.. يعنيممكن نقول انو أمريكا ماعد تلوح بالضغط العسكري بس بيبقى عندها كتير وسائل للضغط.. من الحصار الاقتصادي للضغط باتجاه المقاطعة الدولية.. و بتخيل هالشي جربناه بأخر سنتين..
بمعنى انو مارح يكون في اي انفتاح أمريكي على سوريا.. بأحسن الأحوال رح يستبعد خيار توجيه ضربة عسكرية للنظام.

أنا ما حكيت عن تغيير السياسة الخارجية (ولو انو تغيير السياسة الخارجية لما المتغيرات تتبدل أمر مفروغ منو) .. عم احكي عن فترة عدة سنوات أميركا عاجزة عن المقامرة و المغامرة.. و باقي العالم مانون هبل.. بيعرفو انو أميركا عاجزة و بالتالي أميركا بدها تغيّر طريقة تعاملها بتغيّر المعطيات و الأحداث


بالتمانينات تحاصرنا على كل شي... حتى السمنة صارت متل الدهب... و شو صار؟ بالتسعين رحنا معون بتحالف ضد صدام.. و بالأربعة و تسعين قمة جنيف بين الاسد و كلينتون و بعدا بسنة اجا كلينتون معزز مكرم عالشام ... ليش هالتغيير؟ لأنو تغيرت المعطيات ببساطة.. مافي شي ثابت بالسياسة.. حتى الحب و الكراهية.. من خمسين سنة ألمانيا حرقت فرنسا لآخر مرة بعد قرون طوال من الحروب و النزاعات... هلأ البلدين محور حاكم أوربا

مشكلتنا .. كأنظمة عربية و كصحافة عربية و حتى كشعب عربي... انو نقرا السياسة بمفهوم شيوخ العشاير... السياسة أولا و أخيرا مصلحة.. مافي نخوة و لا مروة

[محمد ابراهيم]

كاتب النص الأصلي : VivaSyria

أول شي بدي شكراً انك اعترفتلي بطرحين جيدين
و لفتتلي نظري عالنفطه تحديداً:



صديقي النقاط يلي بتنافسو فيها المرشحين هي النقاط الداخلية حصراً و يلي ما بتأثر على مصالح أمريكا الاستراتيجية.. بمعنى ماكين بيقول رح ننسحب بعض عشر سنين أوباما بيقول رح ننسحب بعد خمس سنين.. بس ماحدا منهن بيقدر يقول رح ننسحب أول ما أوصل على البيت الأبيض..
و نفس الشي بالنسبة للتحالفات الاسترتيجية و بتخيل حكي أوباما عن إسرائيل هو أكبر و أقوى حكي حكا رئيس أمريكي عن إسرائيل بالتاريخ.. هاد الشي بيورجيك انو السياسات الأمريكية خارجياً لاتتغير بتغير الرئيس.

مش بس جيدين، جيدين (وعلى قوة كبيرة)

- الوضع الانتخابي مش بالصورة اللي برأسك تقريبا .
في قضايا خارجية مؤثرة جدا على الوضع الداخلي باميركا .

* فيما يخص الانسحاب من العراق .
في العلوم العسكرية (مافي شيئ اسمو انسحاب فوري ) نتائجو دائما وابدا كارثية .

هذا اذا كنت اصلا بمعركة ، اما اذا كنت متواجد بدولة تانية بكثافة (جنود فوق ال 150 الف) وعناصر امنية لشركات خاصة ايضا فوق ال 150 الف . مستحيل تخرج بسهولة او بسرعة
لازم وقت وانسحاب مرحلي .

[VivaSyria]

كاتب النص الأصلي : yass

بالتمانينات تحاصرنا على كل شي... حتى السمنة صارت متل الدهب... و شو صار؟ بالتسعين رحنا معون بتحالف ضد صدام.. و بالأربعة و تسعين قمة جنيف بين الاسد و كلينتون و بعدا بسنة اجا كلينتون معزز مكرم عالشام ... ليش هالتغيير؟ لأنو تغيرت المعطيات ببساطة.. مافي شي ثابت بالسياسة.. حتى الحب و الكراهية.. من خمسين سنة ألمانيا حرقت فرنسا لآخر مرة بعد قرون طوال من الحروب و النزاعات... هلأ البلدين محور حاكم أوربا

مشكلتنا .. كأنظمة عربية و كصحافة عربية و حتى كشعب عربي... انو نقرا السياسة بمفهوم شيوخ العشاير... السياسة أولا و أخيرا مصلحة.. مافي نخوة و لا مروة

باعتبار السياسه أولاً و أخراً مصلحة و باعتبار القضايا الخلافية بين الحكومة السورية و أمريكا مستحيل تتعالج لأنو هنن قضايا أساسية غير قابلين للحلول الوسط ( مثال : الحكومة السورية تدعم حزب الله و لاتستطيع وقف هذا الدعم بسبب مبادئها الثابته بدعم المقاومة و أنها أخر قلعة و هالكلام يلي كلنا منعرفو.. و أمريكا تعتبره حزباً إرهابياً و بالوقت الأخير عم يسبب وجوده ضرر كبير بمصالح أمريكا بالمنطقة و بلبنان) و متل هالأمثلة كتير.. شو مصلحة الأمريكية بتسوية مع سوريا اذا ما طلعت كسبانة من هالتسوية؟

[phoenixbird]

تسجيل متابعة

[yass]

و بخصوص خطاب أوباما الشهير تبع أمن اسرائيل اللي قامت القيامة عليه... بدي احكيلك 3 شغلات:

الأولى... اجباري رح يعمل هيك... اللي حكى قدامهون هنن لوبي متحكم بقدر كبير بوسائل الاعلام و بكثير فعاليات اقتصادية.. و رسالتو السلمية مقلقة بالنسبة الهون و لذلك فعل ما قد فعل (مو تبرير انما تفهّم لرد فعل طبيعي لواحد بدو يصير رئيس أميركا)


الثانية... رئيس أميركا بدو يقنع الأميركان ما بدو يقنع العرب... و في شغلات بالتركيبة النفسية الأميركية لازم ينلعب عليها اجباري اذا بدك الناس تنتخبك

الثالثة... ازا العرب ناطرين يجي رئيس أميركاني يعمل القدس عاصمةفلسطين فهنيئا لهم بالموت... كتير يعجبني حكي الصحفيين العرب عن أوباما (خصوصي المصريين على اعتبار محمد ابراهيم في حارتنا اليوم..) انو نازلين فيه تحشيك لأنو حكى للوبي اليهودي... طيب مبارك ما نزل سبسبة بحزب الله لما حرب تموز؟ السادات ما راح خطب بالكنيست؟ و حتى السعوديين... مو من فترة مسؤول بوزارة الدفاع طلع معو انو اسرائيل و دول الخليج تشترك بعدو أخطر بكثير من "الخلافات" ما بين الطرفين و بالتالي ممكن يكون في تعاون ضد "نشاط ايران النووي"؟؟ تسمع كل هالحكي و فوقها بدك ياني اعتب على أوباما؟


سلامات

[phoenixbird]

كاتب النص الأصلي : VivaSyria

باعتبار السياسه أولاً و أخراً مصلحة و باعتبار القضايا الخلافية بين الحكومة السورية و أمريكا مستحيل تتعالج لأنو هنن قضايا أساسية غير قابلين للحلول الوسط ( مثال : الحكومة السورية تدعم حزب الله و لاتستطيع وقف هذا الدعم بسبب مبادئها الثابته بدعم المقاومة و أنها أخر قلعة و هالكلام يلي كلنا منعرفو.. و أمريكا تعتبره حزباً إرهابياً و بالوقت الأخير عم يسبب وجوده ضرر كبير بمصالح أمريكا بالمنطقة و بلبنان) و متل هالأمثلة كتير.. شو مصلحة الأمريكية بتسوية مع سوريا اذا ما طلعت كسبانة من هالتسوية؟

قلة قضايا بالمنطقة ؟
كيف كانت اميركا عم تغض نظر بمرحلة من المراحل ؟
ثم لا تنسى انو عم نتفاوض مع اسرائيل وهي لحالها اميركا فيها تعلب على هالوتر

[VivaSyria]

كاتب النص الأصلي : محمد ابراهيم

مش بس جيدين، جيدين (وعلى قوة كبيرة)

- الوضع الانتخابي مش بالصورة اللي برأسك تقريبا .
في قضايا خارجية مؤثرة جدا على الوضع الداخلي باميركا .

* فيما يخص الانسحاب من العراق .
في العلوم العسكرية (مافي شيئ اسمو انسحاب فوري ) نتائجو دائما وابدا كارثية .

هذا اذا كنت اصلا بمعركة ، اما اذا كنت متواجد بدولة تانية بكثافة (جنود فوق ال 150 الف) وعناصر امنية لشركات خاصة ايضا فوق ال 150 الف . مستحيل تخرج بسهولة او بسرعة
لازم وقت وانسحاب مرحلي .

منرجع للسؤال الأساسي كيف رح يأثر انتخاب أي رئيس بامريكا على علاقتها بسوريا؟؟ و كيف ممكن ينعكس انتخاب الديمقراطي أوباما إيجاباً علينا؟

[phoenixbird]

كاتب النص الأصلي : yass

الثالثة... ازا العرب ناطرين يجي رئيس أميركاني يعمل القدس عاصمةفلسطين فهنيئا لهم بالموت... كتير يعجبني حكي الصحفيين العرب عن أوباما (خصوصي المصريين على اعتبار محمد ابراهيم في حارتنا اليوم..) انو نازلين فيه تحشيك لأنو حكى للوبي اليهودي... طيب مبارك ما نزل سبسبة بحزب الله لما حرب تموز؟ السادات ما راح خطب بالكنيست؟ و حتى السعوديين... مو من فترة مسؤول بوزارة الدفاع طلع معو انو اسرائيل و دول الخليج تشترك بعدو أخطر بكثير من "الخلافات" ما بين الطرفين و بالتالي ممكن يكون في تعاون ضد "نشاط ايران النووي"؟؟ تسمع كل هالحكي و فوقها بدك ياني اعتب على أوباما؟


سلامات

لانو مفكرين اوباما رئيس للعرب مو للاميركان

طيب سؤال بلكي نجح جون ماكين؟

[yass]

كاتب النص الأصلي : VivaSyria

باعتبار السياسه أولاً و أخراً مصلحة و باعتبار القضايا الخلافية بين الحكومة السورية و أمريكا مستحيل تتعالج لأنو هنن قضايا أساسية غير قابلين للحلول الوسط ( مثال : الحكومة السورية تدعم حزب الله و لاتستطيع وقف هذا الدعم بسبب مبادئها الثابته بدعم المقاومة و أنها أخر قلعة و هالكلام يلي كلنا منعرفو.. و أمريكا تعتبره حزباً إرهابياً و بالوقت الأخير عم يسبب وجوده ضرر كبير بمصالح أمريكا بالمنطقة و بلبنان) و متل هالأمثلة كتير.. شو مصلحة الأمريكية بتسوية مع سوريا اذا ما طلعت كسبانة من هالتسوية؟

بخصوص الحكي اللي فوق برجع بقلك انو مافي شي ثابت بالسياسة... مين كان يصّدق اول التمانينات انو اسامة بن لادن راح يتحوّل الى عدو رمزي لأميركا لما كان رجلها الأوثق.. هاي مثال

أما بخصوص الحكي الملون... مصلحتها انو ما تخسر.. عدم الخسارة هو كسبان.. اذا مجبورة تطلع من العراق, أو على الأقل تحط جدول زمني للخروج من العراق لازم تكون على وفاق نوعا ما مع جيران العراق.. و لذلك لا يمكن التفكير بخروج من العراق (اللي أوباما عامل عليه 70% من برنامجو مو بس بسبب هالوعد انما لأنو المشاريع التانية ما بيقدر يعملها بوجود هالانفاق بالعراق) بدون توقّع جنوح نحو الخيار السلمي مع ايران و سوريا, لأنو خروج اميركا من العراق بدون استقرار أو شبه استقرار (انو أوكي راح يظل في ارهاب اصولي.. بس عالقليلة توحيد الباقي) لأنو راح تكون هزيمة نفسية متل فيتنام و ضرب لمصداقية الولايات المتحدة العسكرية و اللي ع أساسها بانية قسم كبير من عزها

[phoenixbird]

كاتب النص الأصلي : VivaSyria

منرجع للسؤال الأساسي كيف رح يأثر انتخاب أي رئيس بامريكا على علاقتها بسوريا؟؟ و كيف ممكن ينعكس انتخاب الديمقراطي أوباما إيجاباً علينا؟

هلا حابب الفتلك نظرك لقصة
ب2001 كولن باول وزير الخارجية السابق زارنا وانو سوريا ولا سلام دون سوريا وبعد فترة الرئيس بوش بيقول بالصحف انا معجب بخطوات الاسد فهو رجل يمكن التعامل معه

[VivaSyria]

كاتب النص الأصلي : yass

أما بخصوص الحكي الملون... مصلحتها انو ما تخسر.. عدم الخسارة هو كسبان.. اذا مجبورة تطلع من العراق, أو على الأقل تحط جدول زمني للخروج من العراق لازم تكون على وفاق نوعا ما مع جيران العراق.. و لذلك لا يمكن التفكير بخروج من العراق (اللي أوباما عامل عليه 70% من برنامجو مو بس بسبب هالوعد انما لأنو المشاريع التانية ما بيقدر يعملها بوجود هالانفاق بالعراق) بدون توقّع جنوح نحو الخيار السلمي مع ايران و سوريا, لأنو خروج اميركا من العراق بدون استقرار أو شبه استقرار (انو أوكي راح يظل في ارهاب اصولي.. بس عالقليلة توحيد الباقي) لأنو راح تكون هزيمة نفسية متل فيتنام و ضرب لمصداقية الولايات المتحدة العسكرية و اللي ع أساسها بانية قسم كبير من عزها

حكيك صحيح 100 % بالنسبة لموضوع العراق و مافيني ناقشك فيه.. بس في قضايا خلافية تانيه كتير كبيرة بيننا و بينن شو الحل فيها؟؟ يعني موضوع إيران و حزب الله و حماس و و و و و.. شو التسويات الممكنة؟؟ لاتنسى هون انك عم تحكي عن نظام حكم بسوريا بيعتمد على هالأوراق..