حقيقة العلمانية...

[BL@CK]

كاتب النص الأصلي : whiterose

انا عمري ماقلت بتهوي وعمري مارح قولا

انا بس قلت انها ماعاد متل اول وبس

في فرق كبير بين بتهوي وبين انو مااتغيرت

طيب في مجال لما بدك ترّدي عليي , تردي عا كل حكيي , هازا أسلوب إقتناص الكلمات يعني تاخدي سطر تردي عليه ..

و الرد الأولاني ما تردي عليه .. ما بفضلّو هالأسلوب ..

إما الواحد يرد عا كامل الرد يا ما يرد ..

بخصوص إنك ما قلتي بتهوّي , فا دائما ً ذم الأخوية مسكة عم نعلّك فيّا , فا خلص بتهوّي .. بس خلصوّنا من هالسيرة ..

[yass]

هيك

أها... حلو كتير.. معناتو وين صفّى الاحترام ساعتها؟

صح انا قلت هيك بس الله بيعلم اني ماشملتك ولا شملت نص الأعضاء حتى يلي في خلاف معهم

أنا ما بيهمني يشملني و ما يشملني (لأنو بصراحة أخلاقي أنا بعرفها و ما بحتاج حدا يقلي شو عند و شو ما عندي) لكن يكفي انو حكيتيها... انو ربطتي الدين بالأخلاق, مين قاصدة أو مين ما قاصدة ما بعتقد فيني احزرو... المهم انك ربطتي لادين بانحلال أخلاقي, و هون يكمن عدم احترامك لأي واحد لاديني.

انا بحب اخوية ولما بحبها ماكنت شفتني هون من تلات سنين ولاكنت شفتني عم ناقشك انا مابعرف اكره مااتعلمت غير الحب واذا كنت حكيت عليها بكون من زعلي للوضع يلي وصلتله بس مو اكتر

عالوضع اللي وصلتو...

و حكيك عن الوضع اللي وصلتو كمان ندرج فيه قولك انو انتي لما تفوتي عالمنتدى تتركي مبادئك برا مشان ما تنجرح, و قولك انو فلان من الناس ترك أخوية لأنو صاحب مبدأ.. و باقي الحكي من هالطراز.. مو قضيتي بتحبي أخوية أو لأ.. أو كيف بتحبي أخوية أو كيف أخوية المثالية بالنسبة الك... لأنو لو بدي اقعد اتذكر كيف أخوية من أربع سنين لما انا كنت عضو جديد معناتو 99% من اللي عم يقرو هلأ مانون موجودين ... القضية انو هاد اللي عم نشوفو نتيجة تعب كبير و جهد جبار... تقنيا بغياب حسام ما فينا نعمل اكتر و ما فينا نستورد اعضاء من حيث لا يوجد... و ما جابر حدا يعجب بالشغل أو يقدرو... لكن عالقليلة.. عالقليلة ها.. شوية احترام

اي بس ماقلت شبه حيوان متاكدة انا قلت بس انه بدون شرف واخلاق
وسبق وقلت اني تسرعت بها الكلمة وماقصدت فيها اني سيء لحدا معين...
اطلاقا

مزبوط غلطت أنا ... ما قلتي شبه حيوان انما قلتي:" يتبع الغريزة بشكل حيواني"..

و برأيك قولك انو ما تقصدي حدا معيّن ينهي المشكلة؟ لأ برأيي لو قايلتها لواحد معين أحسن... كان ما طرشتيها عالناس بشكل عام..

مانها وحدة و لا اثنين الحالات اللي كلامك فيها مس الناس بشكل جارح تبعا لمعتقدها... و ما رايدة تشوفي هالشي أو تقيمي لمشاعر الناس أي وزن لكن لما الناس ترد عليكي بطريقتك تزعلي.. ما بعتقد عدل هالشي


أما بالنسبة للموضوع... مشان ما نظل رايحين جايين... حكيت كتير بقى عنو و صرت أنا نفسي أمل من تكرار الحكي, فكيف بئا اللي عم يقراه؟ لذلك بدي ألخص للمرة الأخيرة الوضع بالنسبة الي

الموضوع عبارة عن مجموعة أحكام جازفة مأخوذة من منطلق فكري ديني احادي عن العلمانية, مخلوطا بقليل من نظرية المؤامرة المستشرية و الجاهزة لأي قضية (هاد رأيي بحكي اللي جبتي كلامو.. بأول الموضوع) و بعدين اشتغل سجال بدون طائل حول أرضية يقام عليها نقاش و ما وصلنا لشي كون السيدة أو الآنسة وايت روز تضع كمسلّمات أمورا افترائية جرت فبركتها لنسف المصداقية العلمانية (مثل ربطها بماسونية مفبركة كذلك و بفكر يهودي من طراز ما).. و بسبب عدم الوصول الى ما يمكن أخذه كملمس منطقي و موضوعي كسرنا الدف و بطّلنا الغنى...

حابب كذلك أشير نهاية انك يا وايت روز بكتير من رودودي ما اخذتي كل كلامي .. انما أخذتي أجزاء و رديتي عليها و لذلك في كتير أسئلة و استفسارات ظلت عالقة (و يمكن الأفضل انها تظل هيك على ما يبدو)

[التقرير الجوال]

يعني أنا مستغرب ليش كل هالتهجّم على وايت روز .. العلمانية في عليها مآخذ .. يعني ما في انسان بينكر هيك
و أولاً و أخيراً هي لتأطير المجتمع "قصدي العلمانية" و الناس بين معتنق و رافض و محارب .. و هاد الشي حتى بموطن العلمانية الاساسي .. يعني إذا في بديل للعلمانية لمجتمع .. شرط قبول العلمانية بمحاسنها و مساوئها
بدكن تقراو شوي عن مؤسس العلمانية بظن انكليزي .. شو كانت توجهاتو الحياتية أو الدينية
كمان بدكن تقرأو بعض المقالات العالمية يللي تعنونت بعناوين كتير منها .. كيف يتسنّي للدين التعايش مع الفكر و المجتمع العلماني .. كمان مخاوف على الدين في المجتمع العلماني .. هي حقائق يا شباب .
و اول برهان على العلمانية اذا كان البعض ينادي بها .. هي طرح و نقاش علمي و محاولة على الاقناع بأسلوب وضعي منهجي علماني .. يعني تقريباً بعض الشباب تعرض لشخصية البنت .. هيك غلط و بظن في اسلوب علماني أرقى من هيك للتعامل معها أو دحض أفكارها أو الأفكار يللي نقلتها .
هيك بيجوز تكون يا معلم رفعت من رصيد العلمانية!

[suryoyo]

ليش ما تجيب هذه الافكار و المعقدات اللي تظنها غير مناسبة ..



مواصلة الكلام على هذا المنوال ما رح يجيب نتيجة ....

[Abu ToNi]

كاتب النص الأصلي : التقرير الجوال

يعني أنا مستغرب ليش كل هالتهجّم على وايت روز .. العلمانية في عليها مآخذ .. يعني ما في انسان بينكر هيك
و أولاً و أخيراً هي لتأطير المجتمع "قصدي العلمانية" و الناس بين معتنق و رافض و محارب .. و هاد الشي حتى بموطن العلمانية الاساسي .. يعني إذا في بديل للعلمانية لمجتمع .. شرط قبول العلمانية بمحاسنها و مساوئها
بدكن تقراو شوي عن مؤسس العلمانية بظن انكليزي .. شو كانت توجهاتو الحياتية أو الدينية
كمان بدكن تقرأو بعض المقالات العالمية يللي تعنونت بعناوين كتير منها .. كيف يتسنّي للدين التعايش مع الفكر و المجتمع العلماني .. كمان مخاوف على الدين في المجتمع العلماني .. هي حقائق يا شباب .
و اول برهان على العلمانية اذا كان البعض ينادي بها .. هي طرح و نقاش علمي و محاولة على الاقناع بأسلوب وضعي منهجي علماني .. يعني تقريباً بعض الشباب تعرض لشخصية البنت .. هيك غلط و بظن في اسلوب علماني أرقى من هيك للتعامل معها أو دحض أفكارها أو الأفكار يللي نقلتها .
هيك بيجوز تكون يا معلم رفعت من رصيد العلمانية!

اول تلوينة بالأحمر : انت برأيك بعنوان متل هاد العنوان وبافتتاحية للموضوع متل هي الافتتاحية ممكن ينبنى نقاش وممكن توضح لي الجزء العلمي بالمقال والاسلوب المنهجي بالسرد ؟!
تاني تلوينة بالأحمر : انا من جهتي هاد ارقى رد طلع معي ، انه ما بعرف ليش فيني هي النزعة البتهوي ما بعرف من فين ورثتها صار لي زمان عبحاول اقتلها فيني ما عبقدر ، انه ليش ووقت واحد بقول عني بتصرف وفق نزعاتي الحيوانية ( بدون تفكير يعني ) ووقت بقول اني منحل اخلاقيا وبلا شرف مدري ليش بتدايق عبحاول اشتغل على حالي بهي النقط بس ما عبتزبط معي لزالكا ( على قولة بلاك ) كان هاد ارقى رد ممكن يطلع مع الشباب بحسب اعتقادي .
__________________________________________
قرب لوشوشك
( انه واحد وقت بينهان شرفوا يحلل له قتل الشخص اللي هدر له شرفه شرعا وقانونا فكتير علينا اذا عصبنا وقت واحد بسبنا علنا ؟!؟! )

[MadMax]

كاتب النص الأصلي : whiterose

هو اكيد هيك رح يقلي بس انا كمان رح اعرف شو الشي يلي خلاه ياخد الفكرةالغلط عن ها الشي
وحارب ها الفكرة الغلط وتكون طريق لشي خير اله

بعتقد انك عم تناقضي نفسك
يعني لتعرفي انو فكرتو غلط ...لازم تكوني بتعرفي المتدينين من الاساس ...... بس حابة هلأ تعرفي وجهة نظر الشيوعي فيهون
أما انتي قلتي أنو لتعرفي المتدينين ... رح تسألي الشيوعيين عن رأيهون .. بهالحالة ما رح يكون عندك فكرة عنهون .. غير الفكرة يللي عطوكي ياها الشيوعيين ..و بهالحالة ما رح تعرفي اذا كانت غلط أو صح
و هالحكي بينطبق ع جميع الأمثلة يللي ذكرتيها

[Donald Duck]

موضوع حلو كثير ...

والحمدلله انو اكثرية مجتمعنا ضد العلمانية ..

لانو العلمانية بتيجي ضد الاسلام ..

يسلموا وايت روز .. ما تهتمي للردود .. كل موضوع ما بعجبهم .. في عينهم " صاحبة متخلف " ..

[suryoyo]

يعني ردود البعض .... قمة المنطق و قمة الحجج و الدلة الدامغة ...


بس لو افهم اذا ما ناوين الحوار ليش يشاركوا فيه !!!




العلمانية ليست بديل للدين ...

انما هي نظام حكم يمنع التمييز و يكون فيه حرية الراي في التعبير ...

[Abu ToNi]

لانو العلمانية بتيجي ضد الاسلام ..

ممكن توضح لي من فين استنتجت انت التاني هاد الاستنتاج العظيم

[طفوله]

الــروح *الريــاضيــه* العــاليــه بــ تــلقي الــ... (مدري شو اسمو ؟) ..لا تــبرر تســخيـر المكــان كــ *ملعب* للــتناقضات


يــاأنتي ..

[The morning]

كاتب النص الأصلي : Donald Duck

والحمدلله انو اكثرية مجتمعنا ضد العلمانية ..

لانو العلمانية بتيجي ضد الاسلام ..

يسلموا وايت روز .. ما تهتمي للردود .. كل موضوع ما بعجبهم .. في عينهم " صاحبة متخلف " ..

مين الاكثريّه اللي بتقصدهم؟
الشـعب ؟ او الدوله ؟
على حد علمي فأن الدوله كـ دوله سوريه تدخل في اطار العلمانيه ..

ايـضا مين قال ان العلمانيه ضد الاسـلام ؟؟ و وين نقال؟
العلمانيه هي فـصل الدين عن الدوله و ليست حرب بين الدين و العلم .. العلمانيه هدفها هو متل ما بدّك تقول " الاطفال جناتهم منازلهم " هي العباره بنشوفها عاده على كروته الاعراس قاصدين فيها انو ما كتير مستحب اصطحاب الاطفال عحفلات الاعراس .. و العلمانيه هي نوعا ما هالعباره بس بخصوص الدين .. يعني العلمانيه تقول " روعه الدين منازلكم " خـلو الدين بالبيت وقت بدكم تـجو عالحفلات السـياسيه .. ما شفت في ذلك اهانه او ضرب بأي دين او مبدأ ..

و عفكره مافي ضرر بكلمه مـُتـَخَـلِّف ,اللي ذكرتها كاسـتهزاء , لانها باللغه العربيه تعني من خالف في الرأي و هون نحنا مختلفين بالرأي فيمكن نطلع كلنا متخلفين و ما النا خبر ..

[VivaSyria]

كاتب النص الأصلي : The morning

و عفكره مافي ضرر بكلمه مـُتـَخَـلِّف ,اللي ذكرتها كاسـتهزاء , لانها باللغه العربيه تعني من خالف في الرأي و هون نحنا مختلفين بالرأي فيمكن نطلع كلنا متخلفين و ما النا خبر ..

للتوضيح: من خالف الرأي هو المختلف أما المتخلف أصلها من كلمة تخلف و لغويا شرحها : كلمة سلبية تعطي معنى العجز الكبير والشلل التام ..

[ظل جيفارا]

اول شي الموضوع منسوخ ونسبة كبيرة من الردود منسوخة وهيدي المقالة تحديدا وشاءت الصدف إن إقرأها قبل هالمرة كتير ..
بأول المقالة هناك

ومدلول العلمانية المتفق عليه يعني عزل الدين عن الدولة وحياة المجتمع وإبقاءه حبيساً في ضمير الفرد لا يتجاوز العلاقة الخاصة بينه وبين ربه

كإنو كتير مستقلين بالعلاقة الخاصة بين الفرد وربه وهيدا بيناقض كل الأعراف الدينية صح ولا انا غلطان
يعني انتو عملوا علاقة خاصة قوية بينكن وبين ربكن وشوفوا ما اصعبها الطريق للعلاقة

تحياتي الحارة
ظل جيفارا

[shaden_kad]

يا جماعة انا ما قرءت المقال كلو بس حبيت رد بسرعة لانو بعض الردود زعجتني انا ما بعرف انتو كيف تعرفتو على العلمانية او اذا انتو علمانيين بس بحب خبركن انا خلقت بعيلة علمانية وما عرفت شو هو ديني حتى صار عمري10 سنين وما عرفت طايفتي لعمر12 سنة وبكلمة وحدة العلمانية هي انو نعيش بمحبة مع بعضنا وما ندخل الدين بكلشي بحياتنا لانو هو علاقة خاصة بينا وبين ربنا ونحترم معتقدات الاخرين مين ما كانو

[laityman]

مع احترامي الشديد لصاحب المشاركة
وانا ما رح ادخل معو في التعريف والمقدمة اللي قدمون النا مشكورا
بس ما بيعتقد الكاتب انو الدول والمجتمعات اللي تبنت العلمانية كطريقة لادارة السلطة هي دول ومجتمعات بتحقق لافرادها الحرية سواء الحرية بممارسة الاباحة والبغاء متل ماقلت او الحرية بالتعفف اكبر مثال على ذلك تواجد اكبر اعداء العلمانية من شيوخ وسلفيين في لندن وغيرها من عواصم الغرب العلماني وكذلك افخم الاديرة والرهبانيات التي خاضت صراع طويل عريض مع العلمانية اديرتها في بلدان العمانية
قصد الكلام من حديثي هو انو العلمانية بتحقق قدر من الحياة الموضوعية والواقعية واللي ما فيا كلمات من امثال انشاء الله وربي يسر وعلى الله وغيرها من كلمات التسويف
انا بفهم العلمانية انو الانسان حر في ان يعبد جسد زانية ولكن ليس حر في ان يجعل الانسان الاخر عبد له بانتظار الرفاهية الابدية في الجنة
املا بحوار موضوعي وشكرا