الحيوانات الاسطورية

[simsima57]

يسلمو

بس لاحظت انو الآلهة عم تكون بكتير من الاحيان اقل "بقدراتا" او "سلوكا" من بني البشر , وكيف انو الاساطير عم تعطي البشر قدرات ليتغلبو حتى على اللآلهة متل ما صار مع الشاعر والمغنى Orpheus الي ائدر يسحر Cerberus و المرور من البوابة (قام وتنويمه للدخول إلى عالم الأموات والبحث عن زوجته Eurydice .) او متل Hermes الي كان في بعض الأحيان لص دنئء النفس ابشع افعاله انه قام بسرقة ماشية اخيه Apollo .

هدا الشي عم يستفزني لمقارنة بين الصفات الآلهية لبني البشر و الصفات الدنيوية للآلهة ( هيك انا بسميا)
ناطرة التتمة

[Abu ToNi]

يمكن معك حق كوننا منننظر للآلهة أنها شيء عظيم ومخلّد بالاساطير اليونانية اللي كانت مبنية على تعدد الآلهة بتشوفي انها متل البشر تماما يعني في الإلهة الجيدة وفي الآلهة السيئة .

بمعنى آخر اسقط العقل الاغريقي واقع البشر بحذافيره على اساطيره وآلهتة فالآلهة كانت متل البشر منها الجيد ومنها السيء لكنها بتمتع ببعض " الأوبشن " المتنوعة متل الخلود المشترك بين كل الآلهة اضافة لمميزات لكل آلهة بتميزه عن غيره

بس في عندك جملة

عم تعطي البشر قدرات ليتغلبو حتى على اللآلهة متل ما صار مع الشاعر والمغنى Orpheus الي ائدر يسحر Cerberus

Cerberus مانه آلهة كان حارس يعمل على حراسة الباب السفلي من الجحيم والاسطورة تبع Orpheus وزوجته Eurydice فيها كتير معاني وفيها كتير عبر وكل واحد بيقدر ياخد من الجانب اللي بده ياه فبتقدري تشوفيها بان مشاعر الانسان السامية قادرة على التغلب على اكبر المصاعب بتقدري تشوفي ان طمع الانسان بخليه يخطىء بكثير من الاحيان وهي بعتقد الحكمة من الاساطير تقديم الافكار الرائعة والخالدة وليس الرفع من مكان الآلهة او الوضع من شأنها



انا بشوف كانت الآلهة اليونانية نسخة محسّنة من البشر من ناحية الخواص والقدرات اما من ناحية المراتب والافعال فما كانت مختلفة عنهم .

[simsima57]

انشالله يكون فحصك قرب يخلص

انت وعدتنا بموضوع عن الابطال الي شاركوا الالهة بالاساطير

انا لسا ناطرتو ..... بس ما تكون نسيت

[Abu ToNi]

لالا ما نسيت ابدا ولسعتي على الوعد "وعالوعد يا كمون "

انا ما عبقدر احضر للمضوع مشان هيك ما فيني هلق نزله يمكن تستغربي اني دائما على النت ومع هاد الشي عبقول ما عندي وقت الفرق اني وقت بدي اعمل موضوع لازم كل مشاركة فيه يسبقها قراءة وتفحص بأكتر من 20 موقع وهاد شي فعلا مجهد مع اني بكون مبسوط وقت بقدم متل هاد النوع من الجهد لأني بحس حالي عبتثقف واني محظوظ كوني عبقدر اعرف بشو كانوا عبفكروا قبل اكتر من 2500 سنة بس هاد الشي متل ما قلت بده ياكل تعب كبير مني حاليا الأفضل لمصلحتي اني اسخّر هاد الجهد لدراستي يعني فوتتي على النت بتكون فوتة وطلعة بدون اي مجهود لا بل بتكون متل " استراحة " للدرس اما الفوتة على الموضوع هاد بده يكون سابقها فوتتة ساعات لذلك عبمشي على البطيء

اكيد في موضوع يمكن ما بتعرفيني منيح بحياتي ما خلفت بوعدي لحدا

[simsima57]

مئدرة انو الموضوع عم ياخد منك تعب كتير ,

وشكرا كتير الك عالجهد الواضح بالموضوع .... بتمنالك التوفيق بامتحاناتك منشان ترجع مرتاح وتكملنا الموضوع

واكيد ما بشكك بوفائك لوعدك , لانو كل الاسئلة الي سالتك ياها جاوبتني عنا, فما معئول تخلف بوعدك

(اقتباسا الك سمايلي ابو ريتا)

ناطرة التتمة

شكرا

[Abu ToNi]

ميرسي كتير على تفهمك
على فكرة السبت بده يكون في اضافة على الموضوع " بكون قدمت مادة بيومها "

[majestical]

يعطيكون العافية عنجد شي حلوووووو كتير
شي رهيب

[Abu ToNi]

Minotaur



وحش نصفه رجل ونصفه ثور يصور الوحش بجسد رجل وراس ثور

صورة بحسب الوصف جسد رجل وراس ثور ( اقدام رجل )



لكن فناني العصور الوسطى قاموا برسمه على انه كائن يمتلك اقدام ثور وراسه وجذع رجل.

صورة Minotaur بجسب الوصف المستحدث (اقدام ثور)




كان ابن ل Pasifae ملكة Crete زوجة Minos وهو ثور ابيض مقدس
ارسل آلهة البحر Poseidon إلى Crete للتضحية بالثور الابيض فرفض Minos ذلك مما اثار سخط إلهة البحر فقام هذا الأخير بجعل زوجة Minos " Pasifae " تقع في حبه

صورة ل Pasifae



وبعد ان ولدت Pasifae الوحش المدعو Minotaur

صورة ل Pasifae مع ابنها Minotaur



امر Poseidon المخترع والمصمم Daedalus لبناء متاهة معقدة جدا بحيث يكون الهروب منها ضربا من المستحيل وذلك لسجن Minotaur فيها .

صورة المتاهة بشكل تقريبي







Daedalus : مصمم عبقري من عصر آلهة الأوليب قام بتصميم متاهة ليحبس فيها الوحش Minotaur بامر من آلهة البحر ولم يطلع احدا على كيفية التنقل في المتاهة باستثناء Ariadne
المصمم البارع كان قادرا على الطيران واستخدم هذه الميزة للهروب من الملك Minos كي لا يطلعه على تفاصيل المتاهة لكنه نسي الأوامر التي تمنعه من التحليق بالقرب من الشمس لذلك ذابت اجنحته وهو يطير وهبط في البحر .

Daedalus


صورة ل Daedalus بعد ان ذابت اجنحته



كان Minotaur يعيش على التضحيات البشرية وقد اجبر سكان اثينا على تقدمة 7 شباب و7 عذارى كل فترة والأخرى ليتغذى عليهم





لكن الفارس Theseus اصّر على انهاء طقوس القتل والقرابين هذه وقرر ان يقوم بقتله ، وبما ان الوصل إليه ضرب من المسحيل للتعقيد الكبير المرتبط بالمتاهة قرر ان يجعل من نفسه اضحية ليسهل عليه الوصول إلى Minotaur .

الفارس Theseus في المتاهة


ووعد والده Egeus بأنه ان عاد إلى جزيرة Naxos على قارب يحمل الشراع الاسود فهذا يعني انه فشل في المهمة وان كان لون الشراع ابيض فهذا يدل على نجاحه .

جزيرة Naxos


وقامت احدى بنات Minos وتدعى Ariadne بمساعدة الفارس Theseus حيث قدمت له كرة من خيط ليستطيع العودة والخروج من المتاهة بعد ان يقتل Minotaur .
كانت Ariadne تعلم بتفاصيل المتاهة حيث اخبرها Daedalus بتفاصيل العمل ووقعت في حب Theseus لذلك ارشدته على كيفية الولوج إلى المتاهة

صورة ل Ariadne مع Minotaur




وهذا ما حدث فبعد ان وجد الفارس Theseus الوحش Minotaur



انتظره لينام وانقض عليه وقتله وحرر جميع التضيحات المقدمة إليه

صور للحظة القتل







صورة استقبال الشعب للبطل Theseus



وقرر Theseus العودة إلى جزيرة Naxos حيث كان ينتظره والده لكنه من شدة فرحه نسي ان يضع الشراع الأبيض على السارية فعندما رأى والده من بعيد سفينة ابنه وعليها الشراع الأسود رمى بنفسه في البحر وغرق .

[Abu ToNi]

مع ان الموضوع عن الاساطير وعن الوحوش بس مع هاد الشي قدر العقل البشري بلحظة من اللحظات يحول احد رموز القتل والرعب في عصر آلهة الاوليب إلى مادة فنية حلوة وجميلة

اعذروني للخروج عن الموضوع بس حبيت اعمل فاصل اعلاني كوميدي شوي

[simsima57]

اولا شكراكتيييييير

تانيا الفاصل مهضوم والواحد بحاجة لفاصل بعد كل هالقصص
تالتا الاسئلة و التمئيت رح يبدو هلئ

كيف Minotaur اجبر الناس على تقديم التضحيات وهوي اصلا بالمتاهة؟
Theseus هو نفس الفارس الي ئتل Medusa ؟

Daedalus اخبر Ariadne بتفاصيل المتاهة ( هالشي اوحالي انو في علائة بتجمعون , اذا هدا الشي صح كيف بتحب هي Theseus ؟ و لا هي حبتو بعد ما احترئو جوانحو ل Daedalus ....؟؟ ) هذا يوحي انو ما لازم تؤتمن المرأة على سر ...؟؟ ما معئولي Anti- feminist وصلت لهالدرجة. مع انو كشفها للسر ادى للقضاء ع Minotaur , بس ما حسيتا حلوة بحئنا انو لانها حبتو , ما لانها بدى تساعد بالتخلص من ال Minotaur
ما ئلتلك بدي التمئيت
ناطرة التتمة
مع الشكر

[Abu ToNi]

كيف Minotaur اجبر الناس على تقديم التضحيات وهوي اصلا بالمتاهة؟

سؤالك في اله تفسيرين متنقضين وبنفس الوقت منطقيين كون الاسطورة لحد اللحظة ما بينعرف شو المفهوم منها وجاييكي بالحكي
التفسير الأول واللي بيدعم طرح الاسطورة اللي انا قدمته بقول لك ان سكان مدينة أثينا كانوا مهددين من قبل آلهة البحر Poseidon في حال عدم تقديم القرابين بان Minotaur بده يهاجمهم او انه بده يحل عليهم عقاب من شكل أو من آخر وباالتالي كانوا يمتثلوا لقضاء القدر من دون ما يقدروا يخالفوه خوفا من العقاب . وان Poseidon متل ما قلت طلب من Pasipha تقدم له زوجها Minos كتضحية بحيث كان بحاجة إلى تضحية عبارة عن ثور ابيض ورفض Minos فعاقبها بانها اخد لها ابنها وبتعرفي كمالة الاسطورة .

الطرح التاني بعاكس تماما الطرح الأول يعتبر منطقي بس بيقلب القصة شوي بقول انه Daedalus بنى المتاهة بامر من Minos وليس بأمر من Poseidon ولهيك بتفرق القصة كتير معنا والهدف بان Poseidon كان بده يقدّم له تضحية عبارة عن الثور Minotaur الابن فرفض Minos وبالتالي بينعكس الحكي اللي انا كنت كاتبه فآلهة البحر ما كان بده يقدم Minos الاب كتضحية كان بده يقدم Minotaur الابن كتضحية ولهيك جعل من Pasipha توقع في حبه مشان تمنحه ابنها بعد الولادة لكن Minos لحماية ابنه بنى المتاهة وخبأ ابنه فيها وبحسب الرواية التانية ( اللي على فكرة الانكارتا متبنيتها ما بعرف لبش ) Minos هوي من ارهب سكان أثينا واجبرهم على تقدمة القرابين لابنه Minotaur .

انا تبنيت الفكرة الأولى لان Minos انسان عادي وما اله سلطة على شعب اثينا بعكس Poseidon اللي كان مرعب جدا وتاريخ اثينا بيحفر وبخلد الرعب اللي زارعه Poseidon بقلوبهم وكان همه رضاه وبالتالي بده يمتثلوا لطاعته بعكس Minos اللي ما حدا شاله من ارضه يا مخلوقة صورة ما شفت له على النت .

هالشي اوحالي انو في علائة بتجمعون

الوحي ما عندي فكره عنه ، يعني مافي اي مصدر بقول وجود علاقة بيناتهم كل اللي قريته عن Ariadne انها ايضا كانت بنت Minos وبالتالي هية اخت Minotaur بحسب ما انربط معي من افكار . هلق اللي عرفته عن Ariadne بانها بنت Minos و Pasipha وبالتالي شقيقة Minotaur ما مذكور اي شي على علاقتها ب Daedalus من ناحية العلاقات الشي المذكور انها وقعت بحب الفارس Theseus من اول ما وقع نظرها عليه .

هلق الشي اللي شفته بانها ساعدته بشرط انه يتزوجها ووعدها بالزواج منها وفعلا بعض ما طلع من المتاهة اخدها Theseus معه وهو رايح على جزيرة Naxos .

هلق هون في حكيتين واحدة مشهورة والتانية اقل شهرة لأنها بتحقر بشخية الفارس :

الأولى بتقول انهم وهنن رايحين اصيبت Ariadne بدوار البحر فتوقفوا باحدى الجزر لكن البحر والعاصفة قدرت تجرف السفينة اللي كان Theseus عليها حاول العودة لكن العاصفة كانت اقوى منه ووقت عاد لاقاها ل Ariadne ميتة .

التانية بتقول وهنن وعلى الطريق توقفوا بجزيرة ما نامت Ariadne تركها Theseus وكمّل ابحاره وهجرها
( يعني وسبحها بالحلبي )فاجا الإله ديناسوس ( Dionysus) ( على فكرة Dionysus هوي نفس باخوس (Bacchus ) لكن الفرق بين التسمية الرومانية واليونانية ومايكل آنجلوا نحت له تمثال بتقدري تشوفيه بموضوع الفن العاري ) تزوج ديناسوس من Ariadne بعرس احتفلت فيه كل الجزيرة .

وهي صورة لعمل منجز عام 1518-1522 موجود بالمتحف الوطني ببريطانيا بعنوان Bacchus and Ariadne

Bacchus and Ariadne

متل ما قلت لك تاريخ Ariadne ما بيربط ابدا باي شكل وما بلمح على وجود علاقة بينها وبين المصمم Daedalus اما ليش اطلعها على المتاهة وتفاصيلها ما بعرف .

Theseus هو نفس الفارس الي ئتل Medusa

اي هوي نفسه بس ما قلتي لي انت شو قصتك مع Medusa كتير مهتمة بشكلها من اول مشاركة الك لهلق

واهلين سمسمة

[simsima57]

شكرا
بس كتير كتار المعلومات لازم عيدون شي مرتين حتى ارجع انكش كم سؤال

اما ليش مهتمة ب Medusa , كنت عم اتاكد انو نفس الفارس , وتانيا معلئة براسي لانو درستها بالربط مع Feminism

[Abu ToNi]

كاتب النص الأصلي : simsima57

شكرا
بس كتير كتار المعلومات لازم عيدون شي مرتين حتى ارجع انكش كم سؤال

اما ليش مهتمة ب Medusa , كنت عم اتاكد انو نفس الفارس , وتانيا معلئة براسي لانو درستها بالربط مع Feminism

طيب معناها بطول بالي كان بدي احط لك الاسطورة متل ما وردت بالانكارتا يعني بالشكل التاني احط لك شوية التعقيدات اللي فيها لكن اذا هيك بتروى شوي قبل ما حط لك وانت اقري الموضوع وخبريني شو بصير معك

ليش مغيرة لون خطّك ما عرفتك

[gloriest]

يسلمو يا قمر

[الباحثة عن الحرية]

سلموووو كتيييير عنجد موضوع حلو
بس في سؤال بعرف انو الموضوع عن الحيوانات الاسطورية بس اذا ممكن في اسطورة عن حجر خاص للسنترز (نص رجل نص حصان) اذا ممكن بتقدر تجيب معلومات عنو الي بعرفو انو بعطي قوة خاصة بس كيف و ليش ما فهمت سورري رح اعزبك معي بس ما في غيرك حدا اسالو وشكرا سلف

[Abu ToNi]

كاتب النص الأصلي : asakli

سلموووو كتيييير عنجد موضوع حلو
بس في سؤال بعرف انو الموضوع عن الحيوانات الاسطورية بس اذا ممكن في اسطورة عن حجر خاص للسنترز (نص رجل نص حصان) اذا ممكن بتقدر تجيب معلومات عنو الي بعرفو انو بعطي قوة خاصة بس كيف و ليش ما فهمت سورري رح اعزبك معي بس ما في غيرك حدا اسالو وشكرا سلف

بتقدر ترجع لأول مشاركة الي بالموضوع حكيت فيها على السنتور او ( القنطور ) بحسب التسمية العربية وفي حال عندك اي استفسار انا جاهز

[الباحثة عن الحرية]

كاتب النص الأصلي : gabriel

بتقدر ترجع لأول مشاركة الي بالموضوع حكيت فيها على السنتور او ( القنطور ) بحسب التسمية العربية وفي حال عندك اي استفسار انا جاهز

بتقدري ترجعي مو بتقدر ترجع انا بنتت ...... وثانك يو اسا بشوف الموضوع عنججد شكرا كتير هلق بفحص الوضع

[Abu ToNi]

كاتب النص الأصلي : asakli

بتقدري ترجعي مو بتقدر ترجع انا بنتت ...... وثانك يو اسا بشوف الموضوع عنججد شكرا كتير هلق بفحص الوضع

بتقدر(ي) تراجع(ي) الموضوع واي استفسار انا جاهز

اهلت(ي) وسهلت(ي)

سمايلي ابو ريتا حامل بايده التانية كتاب ميثولوحيا ( عبيتثقف الصبي )