نتائج الاسبوع الاول من مسابقة الساحة الرياضية ..

[يمان Rooooonaldo]

مرحبا جميعا ..

عراسي كل الشباب .. والصبايا ..


اجوبة الاسبوع الاول .. من المسابقة الرياضية ..

السؤال الاول كان :

1-اين سوف تقام بطولة كاس العالم 2014 ما بعد القادمة ؟

الجواب : البرازيل

2-مين اللاعب اللي مبين بالصورة التالية :



الجواب:


راؤول جونزالس

3- أحلى تعليق على هي الصورة :



*ملاحظة:
السؤال التالت .. كان عبارة عن التعاليق الاجمل .. ال 3 اللي لح توصلني ..

بس بما انو العدد كان قليل لهاد الاسبوع والمسابقة انحصرت على 5 شباب بس ..( واحد منهم ما علق على الصورة ) لح اخد باحلى تعليق وبس ..

هلا اجوبة المتسابقين كانت على الشكل التالي :

سوا ربينا :

1-أمريكا الجنوبية
2-راؤول جونزالز
3-ولك بعد انت وياه عن الطابة

بالنسبة للجواب الاول معلم للاسف لح اضطر اني ما احسبلك عليه شي .. لانك ما حددت وين بامريكا الجنوبية يعني .. اوك انو هية بامريكا الجنوبية .. بس مفروض انك تحدد .. لانو الجواب صعب ينقبل هيك ..
الجواب التاني صح .. بالنسبة للجواب التالت منترك جوابو لاخر شي بعد ما ينزل .. اجوبة الاعضاء كلها ..
وعراسي

Goverment:

1-البرازيل
2-راوؤل
3-ايم اجرك لاحط اجري

اجوبتك الاول والتاني صح حسون .. والتالت .. منتركو لاخر الموضوع بتعرف الجواب ..

Miiido:
1-برازيل
2-راؤول جونزاليس
3-ما في جواب

الجواب الاول والتاني صح ..

عاشق رويدا :
1-البرازيل
2-كارلوس تيفيز
3-عالدبكة قومو يلا .. عالدبكة يا شباب

جوابك الاول صح .. والتاني غلط .. منعتذر يعنوي .. هوة راؤول .. ومنشان التالت .. لاخر الموضوع ..

صياد الطيور :
1-البرازيل
2-دافيد فيا
3-ضاعت الطاسة .. الكل شاط بس ما حدا صاب

جوابك الاول صح مازن ... والتاني غلط .. ما اتوقعت انك ما تعرفو يعني ..


هلا جواب السؤال التالت .. حسب ما حكينا انو لح نقي واحد .. واحلى تعليق .. كان لهاد الاسبوع .. هوة

تعليق .. عاشق رويدا ..

( هلا بيني وبينكم ما كان في تعليق مميز .. بس يعني هاد لقيتو الافضل )

وهيك بهي الحالة بتصير النتائج تبع الاسبوع الاول على الشكل التالي :


1- Goverment بـ 5 نقاط
2- Miiido بـ 5 نقاط
3- عاشق رويدا بـ 4 نقاط
4- صياد الطيور بـ 3 نقاط
5- سوا ربينا بـ 2 نقطة

*************

هلا بدي احكي شغلة اعتبارا من الاسبوع الجاية .. حتكون الاجوبة مفتوحة على العام .. يعني ما ضروري للرسايل الخاصة .. خلص .. وخلينا نحط الجواب كرد عادي بالموضوع ..


هيك بكون خلص الاسبوع الاول من المسابقة .. وفيكم .. تروحو على الموضوع تبع الاسبوع التاني .. للمسابقة .. وبالتوفيق للكل ..

[صياد الطيور]

مبروك Goverment
و المسابقة ( حرب مفتوحة )

[يمان Rooooonaldo]

هههههه .. لا ولا يهمك عيارو .. ابو اسبوعين بالكتير بيصير طشي .. حلبي هاد

[Government]

ايييييييييييييييم هيك
بعد هييييييييك
زحححح هيك
لززززز هيك

لك حاجة تقول الااااه حاجة تقول الاااااه هادا عمك GOVERMENT لاتلعب ويااااااااااه


والاول فات فـــــــــات التاني وينو وينو ؟

[Government]

بس صحي شو مشان القرار الجديد انو مو ع الرسائل الخاصة
بهالحالة بصير كلو يتنقل من بعضو مابمشي الحال

[يمان Rooooonaldo]

مبروك حسونة اول شي ..

تاني شي .. منشان شغلة الرسايل الخاصة هيك .. بكون احسن معلم ..

اوك مو مشكلة انقلو غلط من بعضكم شو المشكلة

خلينا هيك مبدئيا ... بكون احسن