قصة سندريلا بالفلسطيني‏

[هدوء البحر]

سندريلا
لبست الفسطان وراحت جري عالكصر وشافها الأمير وحبها وركصو سوا وفجأة دكت الساعة طناش وجراي صارت ترمح و ترمح ووكعت ببوجها عالدرج ...
سندريلا راحت عالبيت واتمنت لو انو الساعة ما دكتش على الطناش، بس شو تسوي بحظها المشحر مثل حظ هاظا الشعب.
الأمير حط فردة البابوج على مخدة يمكن لونها زركة أو خظرا، المهم صار ينادي بالصوت على كل البنات عشان يكيسن البابوج، كل البنات كاسن إلا سندريلا .....
سندريلا نزلت على الساحة ومعها فردة البابوج، وحطتها على المخدة الي عليها الفردة الثانية، ولما كربت عشان تكيسها ظربها الأمير تشف، وحكالها: وين جاي ياما،
حكتلو: يقطع وجهك ما أزنخك، مش شايفني بدي أكيس البابوووج
حكالها: وحدة مثلك كيف بدها تكون فلكة الكمر هديك.
حكتلو: هسا بفرجيك وأحط على عينك.
ولما اجت تكيسها، ما طلعت كد اجرها، لأنها كانت ورمانه من كثر الشغل، ويا حرام ما حدا صدكها، وانجنت المشحرة ودارت في الشوارع، والأمير اتزوج غيرها وحكى: لوينتا بدي أظل ادور عليها الله لا يردها هي الخسرانة

[بلاك 1]

هع هع هع هع كتير ظريفة

[هدوء البحر]

اهلين بلاك نورتي

منيح عجبتك الئصة

[absent]

اكيد انك اردني الله يحيك

[هدوء البحر]

كاتب النص الأصلي : absent

اكيد انك اردني الله يحيك

لا والله يا حبيب انا من شام

[بلاك 1]

لك يقبرني الشام وكل اللي فيها
بس كيف عرفت اللهجة الفلسطينية والمشكلة انو زابطة معك كتير تقول فلسطيني كح

[هدوء البحر]

رفئاتي هون اغلبهم من فلسطين

منشان هيك

[النادم]

[القلب الدافئ]

حكتلو: يقطع وجهك ما أزنخك، مش شايفني بدي أكيس البابوووج
حكالها: وحدة مثلك كيف بدها تكون فلكة الكمر هديك.
حكتلو: هسا بفرجيك وأحط على عينك.

شكرا بس شو مشان سندريلا صايرة جفصة كتييييييييييييير

[موجه بحر]

ههههههههههههههههههههههههه ه
شو هالقصة اللذيذة والظريفة .. والجفصة كمان

[بلاك 1]

لك ما حكالكون انو سندريلا بالفلسطيني منيح ما مسكت الكشاطة وكعدت تظرب فيه
ولا منيح ما خرطشت السلاح وطختو عالمطرح

[القلب الدافئ]

كاتب النص الأصلي : بلاك 1

لك ما حكالكون انو سندريلا بالفلسطيني منيح ما مسكت الكشاطة وكعدت تظرب فيه
ولا منيح ما خرطشت السلاح وطختو عالمطرح

احم احم شو هل سندريلا
شو نحن بأبو غريب ؟

[بلاك 1]

لا يستر على سوسو شو ابو غريب خلينا بسندريلا وبس