شو بتعمل لما بتعصب وتتملكك موجة غضب عارم

[bki]

السلام عليكم بالأول,


بعض الناس بينقال عنن بأنو دمن حار أو سخن, لأنو من كلمة بيجنوا وبيعصبوا, بيرتفع ضغطن وبيعلى صوتن وبيصيروا مابيشوفوا قدامن, هلا أنا والحمد لله ماني من هدول الناس, بس كعيلة نحن منن, أنا قدرت اتحكم بغضبي وأوجد وسائلي الخاصة بمواجهتو, وأساليبي متنوعة لأنو أسباب الغضب مختلفة, فمو ديماً الحل الواحد ممكن يفي بالغرض, طيب, أنا لما بعصب بقوم بالتالي وبالترتيب من حيث الأهمية والأولوية عندي حسب خبرتي مع الغضب والتعامل مع الغضبانين
1- بتوقف عن الحكي وبنعزل عن سبب غضبي.
2- بروح بغسل وشي واذكر ربي بسري واحتسبو واتوكل عليه.
3- بحاول اتسطح شوي وغمض عيوني ومافكر بأي شي وخاصة موضوع أو سبب غضبي.
4- أكل خاصة إاذ كان الغضب أو التوتر مرتبط بالزمن, كأن يكون وقت مشكلة عائلية أو امتحانات مثلاً.
5- بسوق سيارة أو بركب مع حدا مو بهدف السرعة, بس إنو امشي بالسيارة لأنو بنسى وتها سبب غضبي.
6- اتسمع لموسيقى بحبها.
7- بحكي مع أقرب شخصة إلي قلبي إذا كان في بحياتي حدا طبعاً.



برجع وبقول إنو موكل هالأمور بأهمية وحدة إلي وهالاهمية مو ديماً ثابتة, يعني ممكن ايام أول شغلة اعملها إنو احكي مع أقرب شخصة إلي, وأحياناً هي بالتحديد مابعملها ولو كان الموضوع مو متعلق فيها وعادي إنو تعرفو, يعني حسب الحشيشة بسوق.

فهاتوا لنشوف, أدلوا بدلوكم وخبروني شو بتعملوا بمواقف الغضب.

بالمناسبة هلا أنا طالع تازة من مشكلة كبيرة مع أخي الكبير فقلت بنشوف بلكي غيري عندو أساليب أنجح من أساليبي, رغم إنو مابظن في حدا عندو أسلوب أنجح من أول نقطة حكيتها.


سلام

[اللامنتمي]

أبتسم وَ أسخر وَ أسحبُ سيجارة وَ أشّـعِلـُها

وَ أصّمِت ,.

[satoman]

كاتب النص الأصلي : اللامنتمي

أبتسم وَ أسخر وَ أسحبُ سيجارة وَ أشّـعِلـُها

وَ أصّمِت ,.

والله يعني كانك براسي ياصديقي

[اللامنتمي]

أنا الآن غاضب وَ ساخر وَ ناقم على الحياة

أحتسي قهوة ً سوداء وَ أدخنُ بـِ شَراهة

أأنتَ قريبٌ مني ؟

أينَ أنت ؟

[اسيره الدمعه]

مابظن اقدر ساوي هيك بلحظه غضب
ممكن اسكت وادخل على غرفه لحالي
او ابكي
او اضرب شي او كسر شي
بفش قهري فيه
ومن زمان كنت دخن بس هلا لا
بطنش ووببكي
وبقعد لحالي وبسمع اغاني بحبها
او بحكي مع الي بحبهم
يسلموا على هالموضوع بيجنن

[حموده ابو حميد]

بقعد بغرفتي لحالي وبفتح الانترنيت أو بدرس شوي و بدخن سيكارهههههههههه



برتاح

بس على فكره موضوع حلو ومهم جدا

[yamen_h]

بعزف ... و بعزف ... وبعزف ... وبالاخير بعزف ....

[هشام ابو شرار]

بروح عند عوني تبع بار الواحة الخضراء وبسمع فيروز طلعلي البكي

[..AHMAD]

بعزف ... و بعزف ... وبعزف ... وبالاخير بعزف ....

باكل ... وباكل ... وباكل ... وبالاخير ما بشبع

لا بس انو جد .. بفش خلقي بالاكل ... وبالدخان

[satoman]

كاتب النص الأصلي : اللامنتمي

أنا الآن غاضب وَ ساخر وَ ناقم على الحياة

أحتسي قهوة ً سوداء وَ أدخنُ بـِ شَراهة

أأنتَ قريبٌ مني ؟

أينَ أنت ؟

انت غاضب؟ انت ناقم ؟ لاشيء يلجم غضبك الانيران السيجاره

انا بعيد عن الواقع ضائع في هذه الدنيا

[butterfly]

ببكي
باكل ..
بصرف مصاري ( كتير بفضي عصبيتي بصرف المصاري )
لأ والأحسن أني اصرف مصاري عالأكل
بس انو يعني .. هيك

[Abu Guzef]

- بتوقف عن الحكي وبنعزل عن سبب غضبي.

واردة

2- بروح بغسل وشي واذكر ربي بسري واحتسبو واتوكل عليه.

ما زبطت

3- بحاول اتسطح شوي وغمض عيوني ومافكر بأي شي وخاصة موضوع أو سبب غضبي.

اي هوي الواحد بأوج إنبساطو ما بتزبط معو

4- أكل خاصة إاذ كان الغضب أو التوتر مرتبط بالزمن, كأن يكون وقت مشكلة عائلية أو امتحانات مثلاً.

لا لا ما زبطت معي

5- بسوق سيارة أو بركب مع حدا مو بهدف السرعة, بس إنو امشي بالسيارة لأنو بنسى وتها سبب غضبي.

احلا شي انو سوق وانا معصب يا اما بعمل شي حادث يا اما بتفشش بشي شفير تاني

6- اتسمع لموسيقى بحبها.

هئه

7- بحكي مع أقرب شخصة إلي قلبي إذا كان في بحياتي حدا طبعاً.

يعني بس ما كتير مشان ما تقع براسو



بس غالبا بطلع وبدخن وبشمي

[personita]

الغضب، ذلك المارد.. لكم يصعب علينا أن نرجعه إلى قمقمه.. ما إن يفلت!
لست ممن يثور بسرعة، لكن عندما أثور، يصبح غضبي عاصفة لا تهدأ إلا بعد أن تدمر، و لأني أدرك مدى سلبية هذا الشعور، أفضل العزلة حتى لا ألحق بدماري من هم حولي..
لحسن الحظ، عواصفي نادرة الحدوث!

[اللامنتمي]

كاتب النص الأصلي : personita

أفضل العزلة

المُتوحد يلتهمُ نفسـه ُ في العُزلة

وَ مع الحشـود تلتهمه ُ أعداد ٌ لا مُتناهية

نيتشه

[Roaa]

يا إماا ..

بأركل ..

او بعيط وبضل عيط ..

او باكل شوكولا .. وبعدها شويه زعتر مشان وازن

بسمع اغاني بصوت عالي \\ ان كان في مجال بطلع على شي مكان فيو ازعاج كتير \\


او بنط عالحبله .. او بسبح .. او بتخانق مع ماما ..

برسم وهي كتييييييييييييييييييييييي ير بتصير معي ..

[stormsmaker]

تحية
من جهتي و الله بفوت على كيسي الملاكمة
يلي بالغرفة المعزولة
و بضل بطخ فيه
لحتى ما يضللي حيل عصب
بس المشكلة اليوم انكسرت السلسلي
و خايف عصب قبل ما ظبتو

[sweetbaby]

بمسك المخدة وبحط ع وجهي وبضل بصرخ... باكل شوكولا...
بضل نق.. وبفشا بشي حدا...
بطلع بالسيارة وبسوق وبضل سوووووووووق

وهففففففففففففففففففففففف فففففف

[bki]

كاتب النص الأصلي : اللامنتمي

أبتسم وَ أسخر وَ أسحبُ سيجارة وَ أشّـعِلـُها

وَ أصّمِت ,.

هلا إنت بلحظة الغضب, بتتذكر السيجارة, وبيطلبها جسمك, فلما اتلبي ندائو, بتحس حالك ارتحت, ولو كانت راحة مزيفة, المهم إنك ارتحت. بس أنا ما بدخن, ولا بشرب, ولا بأركل..... لشو حياتو

كاتب النص الأصلي : satoman

والله يعني كانك براسي ياصديقي

كاتب النص الأصلي : اللامنتمي

أنا الآن غاضب وَ ساخر وَ ناقم على الحياة

أحتسي قهوة ً سوداء وَ أدخنُ بـِ شَراهة

أأنتَ قريبٌ مني ؟

أينَ أنت ؟

أهلين ع المرور, كمان النقطة هون إنو بندخن, بس موضوع القهوة بيعطي احساس بمحاولة تهدية الأعصاب واسترخاءها بتركيبة القهوة والدخان ولو كان بشراهة, ومراقبة خيوط الدخان. حلو كثير.

كاتب النص الأصلي : اسيره الدمعه

مابظن اقدر ساوي هيك بلحظه غضب
ممكن اسكت وادخل على غرفه لحالي
او ابكي
او اضرب شي او كسر شي
بفش قهري فيه
ومن زمان كنت دخن بس هلا لا
بطنش ووببكي
وبقعد لحالي وبسمع اغاني بحبها
او بحكي مع الي بحبهم
يسلموا على هالموضوع بيجنن

يسلمو ع مرورك, البكى وخاصة للصباية وسيلة مفيدة للتنفيس عن الغضبو خاصة لما بيكون وسيلتها الصامتة الوحيدة, أما التكسير فعلى فكرة في مراكز طبية بأوربة بتعتمد هالاسلوب لعلاج الغضب, بتفوتيع غرفة ملينة غراض وبيسكروا الباب عليكي وخدي ع تكسير, بس ديري بالك منها ببيتك لأنو أنا بشوف إنو من أكثر الأمور اللي بتعصب الرجل أكثر موضوع التكسير هاد, لأنو بيشو فيه ثورة عليه وهاد شي ابيرضاه أبداً.

كاتب النص الأصلي : حموده ابو حميد

بقعد بغرفتي لحالي وبفتح الانترنيت أو بدرس شوي و بدخن سيكارهههههههههه



برتاح

بس على فكره موضوع حلو ومهم جدا

موضوع إنك اتفوت على عالم النت وإنت معصب كمان وسيلة حلوة برأيي للتنفيس عن الغضب, لأنو بتنسى همك مع الناس اللي بهالعالم, أو بصورة بتشوفها هون أو كلمة بتقراها هون, أ, برنامج بتنصبو وبتبحبش فيه هونيك.. شكراً ع المرور حمودي

كاتب النص الأصلي : yamen_h

بعزف ... و بعزف ... وبعزف ... وبالاخير بعزف ....

هلا أنا بحياتي ما حسدت أو ع القليل ماسمحت لحالي أحسد حدا, وديماً قنوع برزقتي وبحاول نميها بجهدي مو بالتمني, إلا بموضوع الموهبة الفنية والموسيقية بالتحديد, فبحسد كل شخص الله غرس فيه هيك موهبة لأنها فعلاً رائعة وبتفتح أبواب الابداع بلحظات الغضب والنكسات الداخلية.

إلك كل الشكر ع المرور