|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
12/07/2005
|
#1 | ||||||
|
عضو
-- مستشــــــــــار --
|
أريد جواباُ من المشرفين او المسؤولين
في الحقيقة لا أعرف ماذا يحصل في منتديات الاخوية ....؟؟؟؟؟؟؟؟؟
 أريد جواباً من المشرفين ...أو المسؤلين ؟؟؟؟  المواضيع القديمة لا أجدها ؟؟؟؟  ....أو كيف يمكن أيجادها ؟؟؟؟؟.... *** ملاحظة إدارية *** تم حذف المقال بناءاُ على طلب صاحب الموضوع tarek007 krimbow *** ملاحظة إدارية ***
عـــــــــــــــــــــــــــــبـــــــــــــــايــــــــــــــــــــــــــــــــــــــــــــــــــــة
زورو موقع الدومري : http://aldomari.blogspot.com |
||||||
|
|
12/07/2005
|
#2 | ||||||
|
أميـــــــــ
|
شفت ليش عم ضل قول انو لا تكتروا مقالات
احسب معي: انت 3 مواضيع + ابو النسيم 3 + حسون 3 + باقي الاعضاء 1 = 10 مقالات باليوم 10 * 30 = 300 مقال بالشهر هدول بدهم 30 صفحة اذا واحد غلط و نسي يفوت ع الاخوية 3 ايام و كان من سوء حظو عم يتابع موضوع بدو يدور ب 3 صفحات ليلاقيه هلأ انتوا بالتأكيد مشكورين ع جهودكم بس....... يا جماعة بعد ما كان الموضوع بياكل 8 صفحات ما عاد عم ياكل 8 ردود  و تلت ارباعها شبوشات و سمايليات و سلامات ...يعني موضوع الحجاب اكتر من خطير و كتير كتير مهم .... ما حدا علق عليه غير اخي زين (مشكور طبعا  ) و حضرتك كل شي عملتو انو نسخت و لزقت و لا فتحت تمك بحرف رغم كل الحدية يللي استعملتا ما حدا عاتبني او شارعني او كتب وجهة نظرو هاد مجرد مثال طبعا)بس لما يكون الموضوع عن شي رد محذوف بتشارع للصبح يا شباب يا جماعة هاد قبل ما يكون "حر " هوي " منبر " يعني احكوا يللي بدكم ياه ............... بس احكوا
عندما تتأجج نار التحششيش .. تنأى الحشائش بالحشيش الحشحشش ..
وحشيشة التحشيش .. عمر أحشش .. حش الحشائش في حشيش محشش .. حشاش يا أخا الحشيش .. حشش على تحشيش محششنا القديم .. سوريا الله حاميا jesus i trust in you |
||||||
|
|
|
12/07/2005
|
#3 | ||||||
|
عضو
-- مستشــــــــــار --
|
أنت بتعرف أني ما برد غير لحتى حدى يخالف وجهة نظري ...أو أنو الشباب يردوا كمان ..ف بفوت ... أو .وقت الموضوع بيصير بدو يتهمش و يضيع ف بدعموا ...أنا آسف أذا كنت بحب علقها و اهرب و ما اتدخل الا بالوقت الحاسم او الضروري كمان شغلة ...مواضيعي بتعكس وجهة نظري ....و بستنى الكل ليحكوا ....في وجهات نظر كتيرة ..و أنا مازلت أنتظر بعدين استاذ كريم انت ما شفت موضوع مهم غير موضوع ( الحجاب )! في موضوع تاني بالظاهر ما عجبك بنوب فقط كمثال )من أولى أن يكون رباً ...عذاب ساعة أم عذاب عمر ... هاد الموضوع ...مو مهم ؟؟!!....بس ما عجبك و غيروا وغيراتوا .... كمان في شغلة ....ليش أنا لحزرك ؟؟؟؟ ببعت رسائل خاصة فيها رابط ...؟؟؟؟؟؟؟ غريبة ؟؟؟ أنا بكون مو رادد و ببعت رسائل خاصة منشان الشباب تشارك بتالموضوع و أغلب الاحيان بطلع بالخجلة ...بس بضل ببعت ....................... سؤالي واضح وين عم تروح المواضيع ؟؟؟؟  كمان في موضوع أسموا : الرسائل الخاصة مهم كتير علقوا عليه الشباب و كملت كلامي فيه بالرسائل الخاصة بين يلي أشتركوا أنت ما عجبك الموضوع مدري ليش كمان و بالمناسبة ..هاد الموضوع أيضاً مو مبين |
||||||
|
|
|
12/07/2005
|
#4 | ||||||
|
مختار
|
 ولك طارق روق  الموضيع ما بتنحزف بس بدك تدور عليها  و الحل الأنسب في إختراع اسمو المفضلة  موضيع يلي بتهمك حطا في انا في موضوع بحوار الأديان ما عد لقيتو بالصفحات بس عم فوت علي من المفضلة فا انت ضيف موضيعك يلي بتهمك عل مفضلة و بتشوفا دغري بدون ما تدور و قلبي معك يا مشغل البال ملتاع (كريم) :P
"أوقفوا حجب أخوية في سوريا"
------------------- يا نبع المحبه.... عينك عَ وطنا ------------------- فلتحيا سوريا للأبد واكسيرها للخلود سيكون دماء محبيها .. ------------------- ساعدنا في الاشراف... استخدم زر المشاركة العاطلة |
||||||
|
|
|
12/07/2005
|
#5 | ||||||
|
عضو
-- مستشــــــــــار --
|
ماشي ....رح جرب حل تاني لاني ما بكتر مواضيع بالمفضلة
رح أرجع ع الرسائل يلي بيبعتها الموقع ...و بحبش بين مئات الرسائل ....لشوف الرابط و فوت منو شكراً ...أنا مالي معصب ...بس مندهش من كريم ....يعني صار لازم يعرف طريقتي بطرح المواضيع و طرح وجهة نظري أنا ما بحب أتخانق ما حدا ( طبعاً أنا بهي ما عم أحكي عن كريم ..نحنا أصدقاء لانوا ) بس عن موضوع الردود ...بفضل يصير في مشاركات لحتى رد و احكي ....مو واحد بيزت كلمة ...بركض وراه ...و بناقشوا و أذا شفت حدا عم يناقشوا ما بتدخل ؟! غريبة ما أكلوني لحم و رموني عضم مين صاحب هذا القول ؟؟؟ |
||||||
|
|
|
12/07/2005
|
#8 | |||||||||
|
أميـــــــــ
|
اقتباس:
انو كان لازم اعمل بحث شامل و حط لينكات كل المواضيع يللي عم اقصدها برأيك ذكرت موضوع موضوع الحجاب لأنو انت يللي حطيتو اقتباس:
بعدين انو كيف عم تقارن شخص انذكر بكل الكتب المقدسة و المنشورة بالملايين مع شخص احسن محل انذكر فيه هوي مجلة نيوز ويك؟؟؟ بس نقطة لحتى ما تفهموني غلط اول شي ما عم قول انو رياض الترك شخص ما بيسوا بس اكيد لا يقارن بشخص يسوع المسيح تاني شي : مو صحيح ابدا انو العلماني هوي شخص ملحد و كمان مو بالضرورة انو يكون الملحد علماني اقتباس:
ازا بتزكر وأت نزلت هالموضوع كنت علآن مع احمد للعضم و كان كل يوم بتوصلني شي 700 رسالة كلهم بدهم يعرفوا الظروف يللي بنيت عليها موقفي من الازمة (حاسس حالي عبد الناصر :P ) بعدين كل موضوع بتنزلوه عشر متار ايمت بدي لحأ اقرا و رد انت مانك مضطر انك تقرا كل المواضيع بس انا مضطر و فوأها مضطر اني اقرا كل الردود كمان الله وكيلك عم فوت ع باقي الاقسام سرقة هلأ كل يللي عم اطلبو منك انو تخفف شوي عجأة مواضيع يعني انت لوحدك قدر ازا كانت كتير عاجقة نزل المواضيع الاهم فالمهم لأنه سيأتي يوم و هو قريب  ما رح نلاقي كتير مواضيع بالمنبر |
|||||||||
|
|
|
12/07/2005
|
#9 | ||||||||||
|
عضو
-- مستشــــــــــار --
|
أذا أنا عطيت مثال ...فأنا كمان عطيت مثالين :
بس بالنسبة : اقتباس:
اقتباس:
كان فيك بك بساطة تحط رأيك ؟؟( يلي حاطوا فوق ) بس أنت ما حبيت يصير نقاش بالموضوع ! مع أنو نحنا هون منبر حر تفاعلي ...مع ماءات البوتاسيوم؟! و غيرك نفس الشي طبعاً يلي عجبوا الموضوع ...وجد الكلام وافي فما حب يرد ( حسب وجه نظري (...و أنتظر واحد من -شلتك- ليقول هيك كلام -أنا منهم - بس ما حدا رد ....مو مشكلة عادي كتير هلق منشان "موضوع الرسائل الخاصة ": يعني كان ألك تجربة شخصية بالموضوع ....رسائل تهديد ...كنت كاتب عنها و كان فيك تحط وجه مظرك ...- طبعاً أنا ما عم لومك لانك ما حطيت تعليقك ...عادي و معذور - كمان شغلة منشان طول المواضيع ...هلق متل موضوع : الرسائل الخاصة .....أخدت الموضوع و عدلت عليه و نقحتوا و مدري شو - يعني تعذبت فيه - مو قص لصق منشان المواضيع يلي بنزلها عادة : أنا برأيي انو الشباب و أنا منهم مقيمين بالاخوية ...يعني لا عم نطلع و لا عم نفوت لغير مواقع ألا في ما ندر ف بس أقرأ شغلة عجبتني بحب خلي الشباب يقروها كمان معي .....- الظاهر ما عجبك ه الحكي - حسيت من كم يوم بالضغط عليكم ...و أيضاً كان عندي شغلات بدي الشباب يطلعوا عليها فنزلت مجلد مضغوط ...بأهم ما قرأت ( الموضوع ما زال موجود ) و هيك ريحتكم من المتابعة هلئ الملاحظة يلي بدي أحكي عنها : هي رفض الاخر ....( اي نعم رفض الاخر ) لما نزلت موضوع الحجاب كان الموضوع يحتوي على ...ماءات البوتاسيوم ...أقصدي تفاعل من أصل الموضوع طبعاً بما أنو عم يحكي عن الطرف الاخر فأنت طبلت و زمرت ...و هاد الموضوع المهم ومدري شو غريبة !!! ما فكرت أنو في حدا يمكن يرد بأنوا هاد موضوع الحجاب موضوع اقتباس:
أو اقتباس:
على ما يبدو المواضيع يلي بتستهويك هي مواضيع الهجوم ع الاخر بس متل : تعلم لغة الارهاب يلي كمان طبلت و زمرت ...لما شفتوا و بلشت أهداءات يا سيد علماني ( لهاد الحكي بقية ) بظن أنو مو من حقك أبداً توجه ملاحظة عدم متابعة المواضيع ...و الرد بشكل تفاعلي ميكاريزمي ...ستاتيكي ! ألي! أنا بتابع كلشي ...بس بعطي فرصة لغيري لحتى ياخد نفس ...و يرد على مهلوا في شغلة تانية .....المنبر صاير مرضان على ما يبدو أنو مرشح و كل ما بنعطيه فيتامينات ...ما بيعجبكم عموماً أذا بتلاحظ كمان أنا بكتر ردود على المواضيع يلي مو أنا كاتبها ...و بعتبر أني أخدت فرصتي بالحديث بالمرة الاولى ف بنتظر للآخير منشان ما خرب تفاعل حمض الحرية ! |
||||||||||
|
|
|
13/07/2005
|
#10 | ||||||||||||||||||||||||
|
أميـــــــــ
|
هالله هالله ع الجد و الجد هالله هالله عليه
لعمى شلون طلعت معك هي الخبيصة ما بعرف بس رح رد عليك يا ميكاريزمي اقتباس:
اقتباس:
بعدين .... انت لاحظت شي انو هدول الناس يللي حاطين هاد التوقيع ما بيتدخلوا بحوار الاديان؟؟؟ اكيد لأ مين يللي عم يرفض الآخر هلأ؟؟؟؟؟ و شو هوي نقاشك يللي بدك تفتحو معنا؟؟؟ ليش شو نحنا مو احرار نعتأد كيف ما بدنا؟ بعدين توقيع و حطيناه شو كان لازم نستأزنك استاذ ؟؟؟؟ اقتباس:
اقتباس:
و مشان التسهيل لأنو ما عم تنهضم معي انو قارن بين اله و بين بشر رح اعتبر المسيح بني ادم .... منيح هلأ المسيح ابتدع فكرة و عقيدة ..... اما صاحبك متلك عمل كوبي بيست ع افكارو المسيح استشهد (على اعتبار انو بشري و مات دفاعا عن فكرة) ..... صاحبك بعدو عايش المسيح دعوتو عالمية ...... صاحبك ساعة قومي عروبي و ساعة شيوعي و ما عرفان الله وين حاططو المسيح اختار اتباعو بعناية و حصرهم ب 12 شخص....... صاحبك مش من مبدأ " مين ما اتزوز امي بقلو عمي" كل المصادر كلها من دون استثناء بتأكد انو المسيح شخص <<شبه >> كامل (على اعتبار انو بشري) و بألعن ظروفو كان نبي ...... صاحبك 90 % من السوريين مكفرينو و برات سوريا ما حدا دريان فيه لا كتير بيحألك تحكي اقتباس:
شو دليلك انو هيك الناس انقسمت بس انت لأنك رافض الآخر بتشوف الناس هيك اقتباس:
اقتباس:
اقتباس:
اغلب المواضيع يللي بتقراها برا منقدر نفوت عليها نحنا لأنو ما عم تجيب شي من مواقع غريبة و الدليل انو احسن موضوع من هالمواضيع صار عليه خمس او ست ردود بس و اذا اكتر بتكون تحيات لحمصي او خناءة مع ابو النسيم اقتباس:
هيك طلع معك طيب شوف المواضيع يللي رادد عليها حتلاقي انو كل المواضيع رادد عليها ما عدا يللي بلاقي انو ردي رح يتكرر فيه بس والله طلع ع لساني شعر من قصص المعارضة و الموالاة يعني صارت روتين يومي ممقوت اما هاد موضوع جديد و حلو انا ما تهجمت ع الحجاب هي حرية اعتقاد .... انا تهجمت ع الظاهرة يللي انت (باعتبارك بتتبنى المواضيع يللي بتنسخا و بتلزقا) انتبهت عليها و نسخت و لزقت مقالتين عنها على اعتبار انها ظاهرة غريبة عن الشارع السوري ايمت كنا نسمع موشحات دينية بالتكسي؟؟؟؟ بعمرك فتت ع بيت مسيحي لقيتو حاطط تراتيل غير ازا كان في مناسبة او عيد؟؟؟؟ انو شو لزوم الموشحات الدينية مثلا؟؟؟ بعدين بزمتك بزمتك تعليقات <<بنات الجامعة>> هي كانت تعليقات؟؟؟؟؟؟؟ اقتباس:
برجع بكرر هجومي كان ع الظاهرة و ليس ع الحجاب هاجمت تعليقات البنات و اعطيت رأيي بكل حرية اقتباس:
ليك شغلة انت عم تعمم ع لساني و عم تنسخ من محلات و تلزق بمحلات ع لساني و عم تحرف كلامي هي اساليب خسيسة و رخيصة ... يعني الظاهر انك متقصد تشوه صورتي ، بس نجوم السما اقربلك هلأ انا ماعممت انا هاجمت الظاهرة يللي انت هاجمتها ( و هلأ فجأة صرت عم تدافع عنها، عندك ميزان حرارة؟) و رديت ع الصبية يللي حكيت و ما عممت طبعا في كتير محجبات علمانيات بس انت لاحظت انو ردودها كلها كانت عن نظرة العالم لألها بعد ما تحجبت .... يعني ما اهتمت تتحجب لأنو هي قناعة اهتمت تتحجب لحتى ترتاح من الناس و هاد يللي هاجمتو انا اقتباس:
هدول ناس كفروا الكل (يعني اشتغلوا الله) شوهوا الدين الاسلامي (يللي انا بعرفو اكتر منهم) دمروا التعايش المسيحي المسلم (يللي تميزت فيه سوريا قبل ما يجوا هنين و السبب يللي خلءهم << البعث>>) قتلوا الابرياء باسم الدين (و الدين منهم براء) الله يلعنهم ..... و يشد ع ايد كل مين بيحاربهم .... سواء كان بوش او المخابرات السورية (يللي هنين خصومي) و الله يقويه لبلير و يمسكهم بعدين شغلة استاز "ستاتيكي " موضوع الساعة حالياً هوي تفجيرات لندن يعني شي طبيعي اني احكي فيه اكتر من غيرو لأ وخصوص انو انت يللي مستلم هي القضية حاليا اقتباس:
هلأ شو هوي العلماني؟ العلماني هوي يللي بيفسر الظواهر ع اساس ردها للعلوم بتحداك "ستاتيكي " انك تلاقي رد واحد لالي نسبت فيه ظاهرة معينة ع اساس انو عجيبة من الله بتحداك انك تلاقي قانون واحد قبلتو لمجرد انو مزكور بشي شريعة الهية اخي كرمال الله عريف معاني الكلمات قبل ما تزتها يمين و شمال اقتباس:
اقتباس:
وين بأنو محل يعني خوش ما عم يطلعوا بالمنبر اقتباس:
بس انو ليش ما عم تعطيني فرصة هون ؟؟؟؟؟ اقتباس:
بكل الاحوال الادارة عم تبحس شوية حلول جذرية من شأنها تحل كل المشاكل اقتباس:
ابو طريق هلأ نحنا عم نتخانق بس ياريت يكون عألك كبير و تنتبه انو رفأتنا ما لازم تتأثر |
||||||||||||||||||||||||
|
|
|
13/07/2005
|
#11 | ||||||
|
عضو
-- قبضاي --
    |
مرحباااااااااااااااااااا
كيفكن يا شباب عاش من شافكن وينهالغيبة اني بس حبيتسلم وبكرة منحكي لأنو لازم حط مشاركةمنشان يرسلولي عالجانك ميل يالله باي
ياسادتي"
أنا أسف إذا أزعجتكم أنا لست مضطراً لأعلن توبتي" هذا أنا هذا أنا هذا أنا |
||||||
|
|
|
14/07/2005
|
#13 | ||||||||||||||||||||||||||||||||||||
|
عضو
-- مستشــــــــــار --
|
أولاً بشكر الاخ : المشرف الستاتيكي على هل اللفتة الكريمة ...و بخاف تكون ما صرلها شي رقبتوا من اللفتة
بتمنى أنك تعذرني بالبداية على أخطائي بالكتابة ( الطباعة ) متل الجملةالاولى بردي السابق ....و حتى بدون ما تعذرني هي هية الجملة : أذا أنت عطيت... مثال فأنا عطيت مثالين الخطأ صار أني كنت عم راجع النص قبل ما ارسلوا و كان النص بالبداية بدون سبيس " أنتعطيت" فحذفت التاء و وضعت ألف بشكل عفوي بيجوز هاد التبرير ما بيهمك كتير ................................ اقتباس:
و عل الجد ...................... اقتباس:
)اقتباس:
و فيك تشوف أذا ألي رد واحد ...أنا ما بدخلل اماكن مقرفة !...مليئة بالتعصب الاعمى ...و بعد عن الشر ( الاديان ) و بغنيلو ( ضيعت كتير من وقتي ( في الماضي ) ب هاد الموضوع ...و ما بدي أخسر وقت كمان ما فهمت عليك مظبوط هون يعني بيدخلوا لما لا أذا ..لا ....أنا خلال وقوفي بالمنتديات العامة بلاحظ أنو قسم منكن فايت و كاتب شي ...و ما بيهمني شوف شو مكتوب يعني هنن بيفوتوا اقتباس:
و فوقها أنك بتشارك بالمواضيع بطريقة غريبة أحياناً...بتخليك تفقد مصاقيتك ..أو خليني سميها حيادك...( يعني طريقة ردك ب تعلم الارهاب من غير معلم )..كانت فارغة تماماً يعني لو حاطتت سمايلات و وجوه كان أحسن من أهدائك الموضوع لجماعة ما سمعت فيهم بنوب بالمنبر ....جماعة التعصب الاعمى يعني كان الافضل أنك ترسلون رسالة خاصة " دعوة للمشاركة " ووقت رح يردوا ...وما يرد حدا ...أكيد رح دافع عن الموضوع يلي نزلتوا ...لانوا بيعكس وجه نظري بس أذا حدا تينى موضوع الرد عليهم فأنا رح ضل بموقف المتابع و المشاهد ...لحتى يصير شذوذ في مكان ما بحب ذكرك أنك مشرف و لازم تكون قدر الامكان بموقف محايد ( نوعاً ما )...طبعاً بدون ما ينعكس الموضوع على وجه نظرك بأي موضوع يعني أنت كنت خارج عن الموضوعية و كتبت دعوة ما رح تصل لجماعة التعصب ....هاد نوع من التشخيص ( يلي من عاني منو بموضوع المشرفين بالمنتدى ) و فوقها أنت ما حكيت شي مفيد أبداً ....غير لغة أستفزازية لجماعة ( متمسحين )....للأسف أنت نزلت لمستواهم اقتباس:
اقتباس:
اقتباس:
بس عن موضوع دليلي : رح عيدوا ما في ردود يعني السكوت علامة الرضا و العكس أنت المفروض تبرهنوا ...و ما ترد بسؤال اقتباس:
مين أل أنو طارق بيرفض الآخر ؟ آآآآآآآآآه أنا رح ردك عليك من كلامك : اقتباس:
و أستنتجت بجهودك العظيمة موقفهم مني ...( أنا بدعوا كل واحد حس أني برفض الآخر يواجهني هون ....أنا بأنتظاركم ) ................................... اقتباس:
يبدو أنو الانتخابات يلي عملتها من فترة ...أثرت عليك ...و مبين أنك مفكرني مع " رياض الترك " لدرجة أني ساويه رب غلطان كتير حبيب : في شغلة بتخليني كفر " رياض الترك " أنو هو مع تحرير سوريا ...حتى مع دبابة أمريكية ...هاد الشي أنا برفضوا تماماً بس بحب ذكرك أنو هو أكتر مناضل ضد الدكتاتورية بسوريا " منديلا سوريا " بعدين حتى لو صارت أنتخابات عنجد ...بل 2007 برأيك رح يكون لسا عايش ...ما بظن ..ألا أذا بتحكيلنا مع " Jesus" بما انو الله منشان يزيد بعمرو شوي بحب ذكرك أني نهيت موضوعي " من أولى أن يكون رباً " بـأننا كلنا آلهة ....عم نتحمل العذاب كل يوم ! ...مو 24 ساعة فقط بعدين يا فالح مو هلق وقت ترد ع الموضوع و لو بدك ترد أرجع طالع الموضوع ..و رد هونيك هادا أذا لقيتوا و ماكانت أيدي خفية حذفتوا ( مجرد ظن ...ما دورت ع الموضوع ...لاني همشتوا من فكري ) على كل الاحوال بدعيك مرة تانية لتشوف الموضوع ...و تشوف الطريقة الي مكتوب فيها ...بعدين هضموا ولا و أنا ما بتهمني المقارنة الطويلة يلي عملتها و بعرف لو بدك ما بتخلص مقارنتك بمية كتاب ...مو منشان شي بس لانك : اقتباس:
............................................. اقتباس:
اقتباس:
لا هاد مو من أكتر المواضيع ....غلطان وصار النقاش ع الرسائل الخاصة كمان حبيبي كريم ...أنا كل يوم بيصلني عدد هائل من الاخبار و المقالات ...ما تشوفها بيجيك جلطة تفاعلية و كنت لفترة طويلة عم ظن أني عم أعمل منيحة وقت بختار أفضل المواضيع و بحطلكن ياها ....لا تكون متخصصة كتير و لا مملة و بحاول تكون فيها روح النكتة منشان ما يصير ملل و أذا كنت أنت ما لك خلق تقرأ هي مو مشكلتي أبداً ولا مشكلة يلي عم يقرو اقتباس:
مين ألك أننا لازم نتفاعل و نعمل من كل موضوع مسارح للنقاش بعدين شبها التحيات لحمصي ؟؟؟؟ أنت خارج هل النطاق ليش ؟ و شبو أبو النسيم ...يعني أذا صار خطأ بشي معادلة من معادلات التفاعل الكيميائي تبعك ( يعني مو حسب الجدول عندك ..صارت مشكلة ) اقتباس:
موضوع " **تفاصيا تنقلات أجهزة المخابرات *** "-هاد أنت كنت حاضر شخصياً أنو وصلني من بكير " النهفة أني أعتبرتوا خبر مو مهم ! اقتباس:
أنا ما بخلي شي بقلبي .و بحكي و لو ع قطع راسي ...فما تخاف ...الاعور بقلوا أعور بعينوا اقتباس:
مع ردود جاهزة و مواضيع حلوة ليش أنا ما طلع ع لساني شعر كمان من كم يوم " رديت -أنا - رد بيهوي على صياد الطيور من قد ما عصبت من هل الموضوع و لقيت أحسن شغلة طالع المواضيع القديمة منشان ما نرجع نكتب مرة تانية و نحكي اقتباس:
يلي ع الاغلب ما بتهم حدا غير أنا وياك اقتباس:
أولا ما حدا أعمى ليقارن الاقباسات و من الواضح أني حطيت أشارتين " " ( أقتباس قبل كلمة محمد ) يعني هي أضافة بعد كوشة نقط يعني أنا ما عم حرف كلامك و كلامك واضح و أضافتي واضحة اقتباس:
  شو صرلك صار بدك ميزان حرارة أنا ما عم شوه صورك أنا عم أنقل كلامك و تعليقي عليه و فيك بكل بساطة ترد و تنفي و تتهم و و و و بس عنجد ما بحب هاد الاسلوب ( اساليب رخيصة و خسيسة ) شو عم تفوت ع حوار الاديان :P :P اقتباس:
نفس أسبابك يلي ما خلتك ترد ع موضوع " من أولى أن يكون رباً" و أنت بدك تفاعل و مدري شو بموضوع عجبك ..فعطيطك الوجه الآخر أنا ما بنقلب على أي فكرة اقتباس:
 ومن زمان  اقتباس:
القضية هي قضية الكل و ما بحق لحدا يستلمها و يكون وصي عليها اقتباس:
""""""العلماني هوي يللي بيفسر الظواهر ع اساس ردها للعلوم """""""" حلو كتير سيد علماني ...... بس النقاش هون رح يكون عن الدين ....منشان هيك رح أجلوا أو خليه غع الخاص ...أو شي حل آخر ............................ اقتباس:
و على فكرة أنت يلي أستعملت الكلمة بالبداية و أنا أسقطتها عليك ( للحيث بقية ) ...بس لا تقول : اقتباس:
 ............................. اقتباس:
رغم أني ما فهمت قصدك تماماً بس مو مشكلة : بتذكر قصة " زوازة سعد من سعدية
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
منيح أني مخبي الرابط ع جنب ارجع شوف شو كان أول رد ألي : بيمسك شخصياً ....و شلون أني أنتبهت ع شغلة غريبة ....طلعت بالاخير " سرقة باسورد " متل ما ألتلك أنا بتابع كل الردود و بستنى الفرصة المناسبة للرد بهاد الموضوع " الزوازة " أنت قطعتلي الصفنة أو الانتظار بس طلعت مو أنت بظن أنو هاد دليل قوي ما ....................... اقتباس:
له ...أذا على كريمبو ما رديت على مين بدي رد اقتباس:
............................. اقتباس:
 ولو كريم ...أنا ما بينألي هيك حكي عم ننتظر العاشق .... كبير يا معلم |
||||||||||||||||||||||||||||||||||||
|
|
|
14/07/2005
|
#14 | |||||||
|
عضو
-- مستشــــــــــار --
|
اقتباس:
أهلين بالمعلم صرلوا زمان ه القمر ما بان ! أنا كنت مفكرك زعلان منشن الانتخابات ! لانوا ما عجبك الموضوع و ألت يا حوينت المصاري يلي راحوا ع الانترنت ما شي الحال بس أهلين برجوعك |
|||||||
|
|
|
14/07/2005
|
#15 | ||||||
|
أميـــــــــ
|
مرحبا ابو طريق
هلأ اذا بدي رد عليك و ترجع انت ترد و ارجع رد و .... و هكذا ما منخلص و خصوصي انك بلشت تخبص و تكبس تكبيس ع الكيبورد يعني حيرتني ساعة بدك نعمل الترك الله و ساعة كفرتو لأنو مع تحرير سوريا باي وسيلة هلأ خلينا بالمهم وين المشاكل و شلون كل واحد تصرف: وين المشاكل: المشكلة نمرة 1 : طلبت مني شغلة(حذف الردودبالمواضيع المثبتة) قمت شرحتلك الاسباب يللي ما بتخليني اعملها ، قام قمت القيامة و مسكت كلمة تفاعلي و عملت عليها كذا موضوع ، لأ و خصوصي انو نص الردود يللي عم تطالب بحذفها كاتبها انت و عم تطلب من العالم ترد (رسالك ع بر بقا) بدل ما تناقشني بالاسباب تمسخرت ع كلمة اجت بمحلها المشكلة نمرة 2 : الاغراق المنبر عم يواجه اغراق بالمواضيع (حسب تعبير الحكيم) و حمصي اشار لهالنقطة ... بصراحة تعديل القوانين للحد من هالظاهرة ما ممكن اني اعملو لوحدي (احتراماً لباقي المراقبين) فصرت طالب منكم كذا مرة مساعدتي و انتوا لا حياة لمن تنادي ع العموم هي النقطة رح تنحل و ساعتها حطوا الخبر و المقال يللي بدكم ياه المشكلة نمرة 3 : فوق الاغراق رحت حضرتك صرت تنكوش ع مواضيع قديمة (يعني فوق حقو دقو) هاد الاجراء نحنا كمراقبين منتبعو ع اساس (خبي ارشك الابيض ليومك الاسود) يعني منعمل هيك لما ما يكون في كتير شغل بالمنبر (طبعا في استثناءات) المشكلة نمرة 4 : الاتهامات المتبادلة في كتير اتهامات انا رميتها عليك بدون وجه حأ و انا بعتذر و انت كمان ما قصرت ... يعني اتهمتني اني برفض الآخر و اتهمتني اني غير حيادي (كمراقب) و .... و كلها بدون وجه حأ مشاكل بلا نمر: باعتبار انو ما ممكن نوصل لحالة افلاطونية ففي كتير مشاكل ما بتخلص و ما ممكن تنحل او لازمها مواضيع مستقلة بذاتها متل " الفهم الخاطئ لطبيعة عمل المشرف او المراقب" و " اختلاف المفاهيم حول طبيعة المنبر " مشان هيك حطيت هاد البند هلأ كيف تصرفنا: انا فتحت موضوع بمنتدى المشرفين لمناقشة السؤال الاساسي (وين راحت المواضيع) و خبرتك شو صار معي و فتحت موضوع عن العلمانية مشان تلطيش الكلمات يمين و شمال و انشالله رح افتح مواضيع لحتى فند كل اتهاماتك ضدي السادة الكريموزوميين المتفاعلين مع نترات الفزلكة عبوا الدنيي مواضيع ما لها طعمة .... شي مشان كلمة تفاعل ، شي تلطيش الشرفين و ااتهامهم بطعمة و بلا طعمة، شي تخريب ، يعني لو كان فيهم يمسكوا عصاية و يكسروا المواضيع ما قصروا يعني متل الولد الصغير لما يصير يعيط و يتنمرد بدو شي لعبة او كيس شيبس هلأ انا عم دور ع حلول للمشاكل اذا انت عندك مشاكل تانية يا ريت تحطا اذا عندك اقتراحات *** بناءة *** لحل المشاكل يا ريت تحطا لا عاد تناقشني بغير قصص لأنو مليت و لأنو عندي شغلات اهم من الخناق معك لو سمحت يعني روق شوي و ناقشني بالحلول تحياتي الدمشقية المتفاعلة مع الفريز |
||||||
|
|
|
14/07/2005
|
#17 | ||||||
|
عضو
-- مستشــــــــــار --
|
أهلين كريم ....ما بعرف ليش فرطت من الضحك و قت قريت ردك ( طبعاً مو مسخرة ) هلء الموضوع الاساسي : وين عم تروح المواضيع القديمة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟ هادا الكلام مهم كتير لانوا هيك أنا عم أفقد حقوقي ....آيه آيه حقوقي و مو بس هيك : هاد الشي بخلي ثقتي بالاخوية تهتز ...و تخلي مشاركاتي تقتصر على كوبي بيست ليش ؟ لانوا وقت عم فرغ كتاباتي " بالاخوية " و بعدين الموضوع يطير فأنا ما عاد ألي عين واجه أي " قرصان " سرق موضوع و نشروا ع الشبكة لاني ما فيني أثبت تاريخ المشاركة ..." بما أنوا أختفت " هاد بالنسبة للحقوق هاد الموضوع الاساسي و المهم جداً جداً ........: وين عم تروح المواضيع القديمة ؟؟؟؟؟؟؟؟؟؟؟؟؟؟؟ و بتمنى لاقي جواب من الحكيم يتبع من أجل الرد على المعلقة تبعك و شكراً ع التفاعل الكهركيمائي تحياتي الدمشقية المتفاعلة مع الحليب |
||||||
|
|
|
14/07/2005
|
#18 | ||||||
|
أميـــــــــ
|
كتير منيح انك ضحكت ما عصبت
هيك منوصل لحل و مشان حؤوءك فحؤوءك اكيد محفوظة و انا خبرتك شو صار و كيف تلافينا الموضوع ليش عم تفتح موضوع حكينا فيه ع الخاص و مشان ثقتك بالاخوية يللي اكيد بتهمنا قلتلك شو الاجراءات المتخذة على حساب الثقة بالمشرفين بكل رضا خيو بأكدلك انو ما ممكن من هلأ و طالع (مو من هلأ هلأ حتى من قبل هلأ بكم شهر) ما في مواضيع بتطير و بتتبخر و الشغلة مو بايدنا ازا تعرضنا لحملة هاكينغ من كم واحد بيكرهوا الاخوية لأنها رائعة و عم تزدهر و تتقدم بس انو اتخذنا الاجراءات اللازمة لمنع تكرار هالشي بانتظار الحلول للمشاكل تحياتي الدمشقية المتفاعلة مع نترات الكوسا المحشي |
||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 20:20 (بحسب عمك غرينتش الكبير +3)