نتائــج قرعــة ابطال اسيا ...

[Government]

اليوم انسحبت القرعـــــة وطلعت كالتـــالي :

المجموعة الاولــى ..

سيباهان الإيراني
كوفتشي الأوزبكي
اتحاد جدة السعوي
الإتحاد الحلبي

المجموعة الثانية (بالله هي اسمها مجموعة)

الوصل الإمارتي
سايبا الإيراني
الكويت الكويتي
القوة الجوية العراقي

المجموعة الثالثة (يبقى قارن على كيفك)

السد القطري
الوحدة الإماراتي
الكرامة السوري
الأهلي السعودي

المجموعة الرابعة

باختاكور الأوزبكي
الغرافة القطري
اربيل العراقي
القادسية الكويتي

[Government]

بصـــراحة بواقعية تامة
واول مرة رح احكي هيك ..


مشان مجموعة الاهلي فانا بصفتي اهلاوي ومن صغري قلبا وقالبا مع الاهلي
بس بقلك ياها من رجلي ومن .... ازا منتأهل ..
وخاصة بهيك مجموعة حديدية بتشق شق
وبهيك فريق ماشاء الله
شي ببيض الوش ياروحي
وحاج مثاليات وحاج تفاؤل





ومشان الكرامة
فمجموعة مقبول نوعا ما تقريبا ..
بس مابعرف انو نفسيا ماكتير متفائل انو الكرامة يعيد شغل السنوات الماضية
وان شاء الله يكون عدم تفائلي غلط ..
بس بضل مجموعتو ارحم من مجموعة الاتحاد نوعا ما وممكن يمشي
مع هيك مالي متفائل ..كتير وان شاء الله اطلع غلطان ..


ويمكن الشي الوحيد الحلو بالمجموعة انو الكرامة رح يلعب مع السد وبدي اروح ع الملعب وهي هية
والله يقدم اللي فيه الخير




وينعن سعدو

[بنفسجة]

شو مشان انو المجموعات شوي صعبة
يالله بالتوفيق

[Government]

كاتب النص الأصلي : بنفسجة

شو مشان انو المجموعات شوي صعبة
يالله بالتوفيق

فوق الموت عصة قبر ..
هدول يمكن من كتر ماشافو فرقنا منيحة وعبتأبدع وخاصة (الاتحاد)
والاستقرار اللي عبتشهدوا والروعة اللي عبقدموا
فماحبو يحطونا بمجموعة هيك ضعبفة
مو من مستوانا يعني ..
عرفتي شلون

[بنفسجة]

كاتب النص الأصلي : GOVERMENT

فوق الموت عصة قبر ..
هدول يمكن من كتر ماشافو فرقنا منيحة وعبتأبدع وخاصة (الاتحاد)
والاستقرار اللي عبتشهدوا والروعة اللي عبقدموا
فماحبو يحطونا بمجموعة هيك ضعبفة
مو من مستوانا يعني ..
عرفتي شلون

هيك قولك
عرفت شلون
ويارب تستر يارب وما نطلع من اول مباراتين

[king of romance]

ليش هيك مجموعة الكرامة صعبة شوي


يلا بالتوفيق الكرامة ما بينخاف علي