في ذكرى رحيل الرئيس عرفات من الذي قتله وكيف قتلوه ؟؟

[المطارد رقم 1]

طبعا الكل يسأل كيف قتل الرئيس عرفات سواء عن طريق جرعات السم أو غيره هذه الحقيقة المغيبة والتي لم يفتح أي تحقيق فيه أو ملفه أبدا وقد نسي واصرار حركة فتح على عدم فتح ملفه
فهمي هويدي لفلسطين الآن :فتح لا تجرؤ على فتح ملف اغتيال عرفات في الوقت الراهن


غزة – خاص – فلسطين الآن – أكد المحلل السياسي الأستاذ فهمي هويدي أن قيادة حركة فتح غير مستعدة لفتح ملف اغتيال الشهيد ياسر عرفات مشيراً إلى أن قصة ياسر عرفات ستبقى لغزة يصعب فضه في الوقت الراهن وأوضح هويدي أن الضجة التي رافقت اغتيال الحريري جاءت لفلفة وطمس عملية اغتيال عرفات لأن ذلك كان مطلباً محلياً وإقليمياً ودولياً .
وبين هويدي في حوارٍ خاص أجرته شبكة فلسطين الآن أن من لفلفوا القضية هم مسئولين عن القضية الفلسطينية الآن منوهاً إلى أن الذين ساروا في جنازته هم الذين حاولوا إغلاق الملف بسرعة ورفضوا تحليل الجثة ، وقال هويدي :" كنت قد كتبت مقالاً أطالب فيه بالإبقاء على ملف عرفات مفتوحاً فهاجمني بعض الذين تستروا على الجريمة ، والآن يقولوا عنه شهيد قتل بأيدي ليست معروفة بالضبط ، الشكوك واسعة ممن كانت لهم مصلحة اختفاء ياسر عرفات ".
وفيما يتعلق بمؤتمر أنابوليس أوضح هويدي أن المؤتمر لن يتكلم في الأمور الأساسية بل في النقاط الهامشية مشيراً إلى أن التساؤل الذي يجب طرحه ماذا ستخسر القضية الفلسطينية بعد مؤتمر أنابوليس ، وقال هويدي :" أرجو أن لا يكون المؤتمر بدايةً للتطبيع الذي يتجاهل القضية الفلسطينية فالجهد الإسرائيلي كان باستمرار ساعياً إلى التطبيع مع العالم العربي ، والمؤتمر سيفتح ملفات جانبية يستمر فيها التطبيع باسم الحوار حول المبادرة العربية ".
وأضاف هويدي :" إن القضية الفلسطينية ليست الهدف الرئيس في المؤتمر بل هي الجسر والوسيلة التي تستخدم للوصول إلى أهداف أخرى من بينها محاولة الإيهام بالحل وتسكين الموقف العربي لتمكين الإدارة الأمريكية من أن تنجز شيئاً ". وأكد هويدي أن خالد مشعل لم يكن مخطئاً فيما قاله من أن هدف أنابوليس التغطية على حرب إقليمية ستشنها أمريكا .
أما بخصوص الحوار الفلسطيني قال هويدي أن مفتاح الحوار سيبقى بيد أمريكا إن بقيت السلطة ممتثلة للضغوط الأمريكية والإسرائيلية مشيراً إلى أن إسرائيل تشترط على أبو مازن لاستمرار التعاون قطع الجسور بينه وبين حماس .
وأوضح هويدي أن إسرائيل مصرة على هذا الطلب وتضغط على عباس باستمرار حتى أن أولمرت في أول اللقاء الذي جمعهم سأله إن كان تحدث مع حماس مبيناً أن حواره مع حماس موضوع يقلق إسرائيل كثيراً .
وفي ذات الوقت قال هويدي أن هناك كثير من العقول المدركة للمصلحة الفلسطينية في الساحة الفلسطينية والتي تعي بأن مع التحالف مع إسرائيل يضعف أبو مازن وأن احتمائه بإسرائيل يضعف أبو مازن فلسطينياً .
وأكد هويدي أن أبو مازن لا يمثل إلا عدد من الأشخاص موجودين في السلطة أو على الأكثر فريق السلطة في الضفة الغربية وأن إن ذهب لمؤتمر أنابوليس والصف الفلسطيني منقسم فما يلتزم به غير ملزم للفلسطينيين .
أما بخصوص مشروع القرار الذي تقدم به مندوب فلسطين في الأمم المتحدث قال هويدي :" إن هذا خطأ جسيم ولا أظن أنه تصريح شخصي من مندوب فلسطين ، وإن ما قام به جريمة كبرى لا تشرف الذين قاموا بها ولا تسيء لحماس بقدر ما تسيء لمن تقدم بها ".
وفيما يتعلق بمؤتمر الفصائل الذي دعت إليه حماس في دمشق كشف هويدي على أن هذا المؤتمر يشكل خطر كبير على أبو مازن لأنه يكشف حجم المعارضة لموقفه على نحو يختلف عما هو ذائع في الإعلام فليست حماس فقط من يقف في المعارضة بل فصائل ومثقفين يقفون بصف المعارضة وإن اختلفت أسبابهم ، وأكد هويدي أن هذا يزعج أبو مازن كثيراً بل ويزعج الأمريكيين وبعض الدول العربية المتواطئة مشيراً إلى أن الضغوط التي مورست على سوريا لتأجيل المؤتمر لم تكن من قبل أبو مازن بل من قبل أطراف إقليمية متعددة .
وفي موضوع الحصار الذي تفرضه إسرائيل على قطاع غزة قال هويدي :" إن هذا الحصار جريمة ضد الإنسانية والذين يحاصرون مجرمون والذين يتسترون مجرمون ولن يغفر لهم التاريخ عملية إذلال وتعذيب الشعب الفلسطيني "، مستنكراً تواطؤ العالم على خنق قطاع غزة ومؤكداً على حق الشعب الفلسطيني بمقاومة الاحتلال الإسرائيلي طالما بقي هذا الاحتلال .
واستنكر هويدي ما يحدث في الضفة الغربية من تنسيق أمني مع الاحتلال واعتقال للمجاهدين والمقاومين موضحاً أنه أمر مشين لا يستطيع أن يقبله أي فلسطيني وطني مخلص .

[yass]

هلأ صار غالي عليك عرفات؟؟ شو رأيك بالسبعة القتلى بمسيرة الأمس؟؟

[Ms. J.A]

كاتب النص الأصلي : yass

هلأ صار غالي عليك عرفات؟؟ شو رأيك بالسبعة القتلى بمسيرة الأمس؟؟

في العهد البيزنطي في فتحاوية قتلو 7 حمساوية
ليش ما نحاسبهم ؟!
هيك رح يكون جوابو الخنفشاري
اما بالنسبة لسؤالو اللي بيحشر اي حد بالزاوية
ف لاحظت عدة أمور أولها
الوكالة اللي نقل منها الخبر
والزلمة اللي حلل
والبقعة الجغرافية اللي حلل منها
رح اطنش انو الوكالة لحماس وانو الكائن هداك حمساوي بيحكي من غزة " اللي ممنوع حد يجيب سيرة فتح بالمنيح فيها " واحاول أجاوب ع سؤالو:
مين سمم عرفات ؟
اسرائيل
ومعنى اسرائيل شامل للاسرائيلين انفسهم ومن تعاون معهم من أذنابهم بغض النظر عن فصيلهم السياسي !
يعني واحد !@#$ وقليل نخوة و وطنية وسمم رئيسو لأهدافو الشخصية ومصالحو
تنظيمو اللي مش قادر يمسك عليه ممسك شو بيطلع بإيدو " حجة المفلس "
بعدين التقارير اللي عن حالة الرئيس الله يرحمو غامضة وما كشفت اشي
من وين بدنا نأكد عالحكي هاد ؟!

[ارسلان]

عفوا كان السؤال يلي لازم ينطرح من اعاد اغتيال ياسر عرفات ولاي مصالح يعمل واي دين يعتنق

[المطارد رقم 1]

كاتب النص الأصلي : yass

هلأ صار غالي عليك عرفات؟؟ شو رأيك بالسبعة القتلى بمسيرة الأمس؟؟

مصدرك يا روحي من وبن هالخبر من تلفزيون دايتون ( فلسطين ) الناطق باسم اليهود
اللي كتب خبر عاجل مقتل 12 في غزة على يد حماس

ولا كذبة وبدك اياها

ثانياً عرفات مو حكر لفتح ومن حقنا نعرف مين اللي قتله مو بنقتله وبنرقص في عزاه
وين هالجماهير هاي كانت بالذكرى الأولى والثانية ولا هلق صحيوا وين كانوا لما كان محاصر
يا اخي ربنا خلقلنا عقل نفكر فيه قبل ما ايدينا تكتب ونكذب

وعدد القتلى هم اربعة قتلوا بأحداث الشغب منهم واحد من حماس ومن آل النجار قنصته عناصر فتح وهو من اشعلت بعده الاحداث بسببهم

يا اخي قياداتهم رموهم للموت وللاحتكاك بحماس وهم برام الله بأوكار الخزي والعار والبارات والحانات مع أولمرت ورايس

دم الاربعة اللي بغزة برقاب أسيادهم اللي رموهم للموت وصنعوا هالفتنة ليواجهو الشرطه
حماس هي اصلا اللي اعطتهم التصريح لإقامة الحفل

ولا شو بتفسر دخول شاحنات القبعات وعلام فتح عبر معبر اليهود كرم ابو سالم الهم مخصوص
والقطاع محاصر وجوعان ما بيدخله لا حليب ولا أدوية
ياريت تعقل وتفهم ؟؟؟

[yass]

ياريت تعقل وتفهم ؟؟؟

ناطرك عشان تعطيني دروس بالحياة و تخليني أفهم و أعقل .... يعني مو مشان شي بس متأكد اذا حطيت شهاداتي فوق بعض بيطلعو بطولك... يعني صعب أنت تعلمني الفهم و العقلانية

أنت واحد ميؤوس منك حقيقة.. و هاي ثاني مرّة بحياتي يصيبني اليأس من حدا, ما عندك امكانية تناقش بدون ما تجرّح و تغلط عالعالم..الله يساعدك صراحة و لا يحيجك تطلع من غزّة لآنك برا راح تتعذّب كتيييييير

من ناحيتي أنا ما راح ارجع رد بمواضيعك لذلك تقدر تطالع عقدة نقصك و تغلط علي هون قد ما بدك و تشبع الأنا المريضة تبعيتك و تعتبر حالك ربحان علي لأني ما راح أرد... و أدعو الزملاء بالمنتدى الى عدم التعامل معك حتى تتعلّم تناقش بدون رشاش اهاناتك, يللي على فكرة انصحك توفره لغيرنا

[BL@CK]

اي و المعنى يعني الله و ايدو مين ما كان ..

هل يستدعي خائن متل ياسر عرفات التحقيق في أسباب اغتياله

و اللهي هزلت ..

[Ms. J.A]

كاتب النص الأصلي : yass

ناطرك عشان تعطيني دروس بالحياة و تخليني أفهم و أعقل .... يعني مو مشان شي بس متأكد اذا حطيت شهاداتي فوق بعض بيطلعو بطولك... يعني صعب أنت تعلمني الفهم و العقلانية

أنت واحد ميؤوس منك حقيقة.. و هاي ثاني مرّة بحياتي يصيبني اليأس من حدا, ما عندك امكانية تناقش بدون ما تجرّح و تغلط عالعالم..الله يساعدك صراحة و لا يحيجك تطلع من غزّة لآنك برا راح تتعذّب كتيييييير

من ناحيتي أنا ما راح ارجع رد بمواضيعك لذلك تقدر تطالع عقدة نقصك و تغلط علي هون قد ما بدك و تشبع الأنا المريضة تبعيتك و تعتبر حالك ربحان علي لأني ما راح أرد... و أدعو الزملاء بالمنتدى الى عدم التعامل معك حتى تتعلّم تناقش بدون رشاش اهاناتك, يللي على فكرة انصحك توفره لغيرنا

يعني ازا انت ايئست انو شو اعمل
أمري ل الله
\رح أرد عليك

[Ms. J.A]

كاتب النص الأصلي : BL@CK

اي و المعنى يعني الله و ايدو مين ما كان ..

هل يستدعي خائن متل ياسر عرفات التحقيق في أسباب اغتياله

و اللهي هزلت ..

اه لأنو الخائن اللي بتحكي عنو انسان قبل اي اشي
واغتيالو جريمة لازم ينعرف اللي عملها !!
الخائن اللي اسمو ياسر عرفات اغتالو ليجيبو واحد !@#$% اسمو ابو مازن محلو ووصلنا للي وصلنالو !
ياسر عرفات وان كان عليه العديد من الخطوط الحمراء
نبي قبال الموجودين هلأ !

[BL@CK]

كاتب النص الأصلي : LaMoUsH

اه لأنو الخائن اللي بتحكي عنو انسان قبل اي اشي
واغتيالو جريمة لازم ينعرف اللي عملها !!
الخائن اللي اسمو ياسر عرفات اغتالو ليجيبو واحد !@#$% اسمو ابو مازن محلو ووصلنا للي وصلنالو !
ياسر عرفات وان كان عليه العديد من الخطوط الحمراء
نبي قبال الموجودين هلأ !

إنسان ..

رح آجي معك و أقلك أنو إنسان ما رح أزعل عليه بنوب بنوب ..

الفرق الجوهري بين عرفات و بين اب مازن

عرفات كان كاسر ايدو و شاحد عالقضية الفلطسينية و تحت الضو يبيع الدنيي كلا . أما أب مازن باعا علنا ً

و الله حيو العربان ..

[ارسلان]

كاتب النص الأصلي : المطارد رقم 1

مصدرك يا روحي من وبن هالخبر من تلفزيون دايتون ( فلسطين ) الناطق باسم اليهود
اللي كتب خبر عاجل مقتل 12 في غزة على يد حماس

ولا كذبة وبدك اياها

ثانياً عرفات مو حكر لفتح ومن حقنا نعرف مين اللي قتله مو بنقتله وبنرقص في عزاه
وين هالجماهير هاي كانت بالذكرى الأولى والثانية ولا هلق صحيوا وين كانوا لما كان محاصر
يا اخي ربنا خلقلنا عقل نفكر فيه قبل ما ايدينا تكتب ونكذب

وعدد القتلى هم اربعة قتلوا بأحداث الشغب منهم واحد من حماس ومن آل النجار قنصته عناصر فتح وهو من اشعلت بعده الاحداث بسببهم

يا اخي قياداتهم رموهم للموت وللاحتكاك بحماس وهم برام الله بأوكار الخزي والعار والبارات والحانات مع أولمرت ورايس

دم الاربعة اللي بغزة برقاب أسيادهم اللي رموهم للموت وصنعوا هالفتنة ليواجهو الشرطه
حماس هي اصلا اللي اعطتهم التصريح لإقامة الحفل

ولا شو بتفسر دخول شاحنات القبعات وعلام فتح عبر معبر اليهود كرم ابو سالم الهم مخصوص
والقطاع محاصر وجوعان ما بيدخله لا حليب ولا أدوية
ياريت تعقل وتفهم ؟؟؟

روح الله يحشرك مع الزهار وهنية

والله العظيم انا اول مرة اشوف ناس بيشرو الكذب شرب وبيفطرو الكذب وبصومو على الكذب على فكرة انا بحيك ما ضل حاجة عشان انسجلكم في كتاب قينس للارقام القياسية في الكذب

يا ابني ما حلك تفهم يعني بس الله يخليك فكر بعقلك ولو مرة واحدة واتحرر من افكارك السودة فكر بمنطق هاي الناس ليش ما كانت تطلع في الذكرا الاولى والثانية
ومن يستطيع ان يخرج متل هكذا عدد الا الحقد الذي زرعتموه فيهم وخيبت املهم بما تحملون من شعارات

اقلك اشي انا بتكلم بشكل حيااادي وبرود اعصاب وباكل لبن

انتم بصراحة حولتم كل غزة لا كل الشعب لدحلان حولتموه لسميح المدهون رحمت الله عليه

ياعمي والله انا بحيك على كذبك وعلى قدرتك في الكذب مش عارف اذا انتم بتفكرو الناس اغبياء لهاي الدرجة او ما بعرف يمكن
عندكم قانون اكذب ثم اكذب حتى تصدق نفسك

بعدين انا مش مضطر ارد على كذبك المفضوح وعليه بترحم على الشهداء يلي سقطو بدم الانقلابين القتلة
اه صحيح مين وين جبت هدول الاربعة قتلة من التنفيذية دخلك على مين انتا بتضحك قاعد

وعشان الاعلام والريات
يعني انتم احسن من غيركم روح شوفالدخان يلي بتهربو وصار مصدر رزقكم الاول دخلك ليش ما بتهربو طحين وادوية

يارجل روح الله يرحمك لما ادور الدنيا والله منا عارف ايش هتحول اكيد هتحكي انا حزب شوعي .......

بنصحك ما تستمر بالكذب انفضحتم وسقطت ورقت التوت وصار يلي صار قال دايتون قال هههههه

[المطارد رقم 1]

كاتب النص الأصلي : ارسلان

روح الله يحشرك مع الزهار وهنية

والله العظيم انا اول مرة اشوف ناس بيشرو الكذب شرب وبيفطرو الكذب وبصومو على الكذب على فكرة انا بحيك ما ضل حاجة عشان انسجلكم في كتاب قينس للارقام القياسية في الكذب

يا ابني ما حلك تفهم يعني بس الله يخليك فكر بعقلك ولو مرة واحدة واتحرر من افكارك السودة فكر بمنطق هاي الناس ليش ما كانت تطلع في الذكرا الاولى والثانية
ومن يستطيع ان يخرج متل هكذا عدد الا الحقد الذي زرعتموه فيهم وخيبت املهم بما تحملون من شعارات

اقلك اشي انا بتكلم بشكل حيااادي وبرود اعصاب وباكل لبن

انتم بصراحة حولتم كل غزة لا كل الشعب لدحلان حولتموه لسميح المدهون رحمت الله عليه

ياعمي والله انا بحيك على كذبك وعلى قدرتك في الكذب مش عارف اذا انتم بتفكرو الناس اغبياء لهاي الدرجة او ما بعرف يمكن
عندكم قانون اكذب ثم اكذب حتى تصدق نفسك

بعدين انا مش مضطر ارد على كذبك المفضوح وعليه بترحم على الشهداء يلي سقطو بدم الانقلابين القتلة
اه صحيح مين وين جبت هدول الاربعة قتلة من التنفيذية دخلك على مين انتا بتضحك قاعد

وعشان الاعلام والريات
يعني انتم احسن من غيركم روح شوفالدخان يلي بتهربو وصار مصدر رزقكم الاول دخلك ليش ما بتهربو طحين وادوية

يارجل روح الله يرحمك لما ادور الدنيا والله منا عارف ايش هتحول اكيد هتحكي انا حزب شوعي .......

بنصحك ما تستمر بالكذب انفضحتم وسقطت ورقت التوت وصار يلي صار قال دايتون قال هههههه

ههههه إفلاس في الرد ارجو المحاولة فيما بعد
حماس ماهربت دخان هات دليلك بسرعة انا بحب الادلة وبأجيبلك كل شي بالدليل
وهات دليل لما قال تلفزينون فتح ( فلسطين ) 9 قتلى ابو الفتنة وينهم 9
هم 6 واحد من آال النجار من حماس قتلته قناصة فتح والتاني من ال قديح بحادث سير لا تكذبني معي دليلي وتقريره الطبي من مستشفى شهداء الاقصى بدير البلح لما اهله طلبوا من المشفى انهم يكتبوا بالتقرير انه انقتل طخ

وين هالجماهير وفت ماكان ابو عمار محاصر شهور وينهم بالذكرى الأولى والتانية
في رجل في فتح قال رح نفتح ملف اغتياله وتسممه ولا بس نرقص ونروح
بتقتلوا القتيل وبترقصوا بذكراه مين قتلك يا عرفات وحطلك السم ؟؟؟؟؟؟؟؟؟؟؟؟؟؟؟؟؟؟؟؟؟؟ظ

[Ms. J.A]

أكل الأرنب الجزرة
هيك سمعت بس ما معي دليل !

[ASH]

ولله امركم غريب يا هل شعب ، ما صدقتو امتى مات ، ولما مات بدكم تعملو شهيد

ومشان يصير شهيد لازم يكون اليهود سممو او قتلو ، مع انو كتير دلائل بتشير انو نقل من الداخل يعني منكم و فيكم ، ما دخل اليهود بهل موضوع بعتقادي .. بس لازم نلاقي شي نعلق مشمعنا عليها قمنا شفنا اليهود ..

بعدين شو عم عرفات ليش ماعم افهم انا شو الشي يلي عملو ليكون شخصية فلسطين الأولى مثلا ، مع اني بشوف انا الشب الفلسطيني يلي معي بالشغل شخصيه مهم اكتر منو ..

انا يلي لح يجلطني انو التخابط الفكري بينكم حماس و فتح ، و يلي مع حماس بيطلع الفتحويه يهود ابن عن جد ، ويلي مع فتح بيطلع الحمساويه يهود من الجذور ، يعني بالله مو شي بيضحك ، مو بتحسوها مهزله و كل مالها الفجوه عم تكبر و تكبر وتكبر ...

انا كل شي فهمتو بالدنيه ، بس هاد دحلان يلي كان صبي شاي و قهوه ، كيف صار هيك ما بعرف !!

[Ms. J.A]

كاتب النص الأصلي : ASH

ولله امركم غريب يا هل شعب ، ما صدقتو امتى مات ، ولما مات بدكم تعملو شهيد

ومشان يصير شهيد لازم يكون اليهود سممو او قتلو ، مع انو كتير دلائل بتشير انو نقل من الداخل يعني منكم و فيكم ، ما دخل اليهود بهل موضوع بعتقادي .. بس لازم نلاقي شي نعلق مشمعنا عليها قمنا شفنا اليهود ..

بعدين شو عم عرفات ليش ماعم افهم انا شو الشي يلي عملو ليكون شخصية فلسطين الأولى مثلا ، مع اني بشوف انا الشب الفلسطيني يلي معي بالشغل شخصيه مهم اكتر منو ..

انا يلي لح يجلطني انو التخابط الفكري بينكم حماس و فتح ، و يلي مع حماس بيطلع الفتحويه يهود ابن عن جد ، ويلي مع فتح بيطلع الحمساويه يهود من الجذور ، يعني بالله مو شي بيضحك ، مو بتحسوها مهزله و كل مالها الفجوه عم تكبر و تكبر وتكبر ...

انا كل شي فهمتو بالدنيه ، بس هاد دحلان يلي كان صبي شاي و قهوه ، كيف صار هيك ما بعرف !!

اليهود قتلو بايدين فلسطينية 100%
اما بالنسبة لدحلان
فهذا من فضل ربي يا زلمة !
فكرك المساعدات الضخمة اللي بتوصل للشعب الفلسطيني لمين بتروح ؟
النا ؟
لأ !
بتروح لتعمل لأبو مازن ودحلان والجماعة اللي فوق مناصب ومراكز وثروات
وهاد الشي متأكدين منو
لأنو كلهم كانو ولا اشي وصارو من اصحاب الملايين

[ASH]

كاتب النص الأصلي : LaMoUsH

اليهود قتلو بايدين فلسطينية 100%
اما بالنسبة لدحلان
فهذا من فضل ربي يا زلمة !
فكرك المساعدات الضخمة اللي بتوصل للشعب الفلسطيني لمين بتروح ؟
النا ؟
لأ !
بتروح لتعمل لأبو مازن ودحلان والجماعة اللي فوق مناصب ومراكز وثروات
وهاد الشي متأكدين منو
لأنو كلهم كانو ولا اشي وصارو من اصحاب الملايين

حلو انو في ناس مقتنعه بانو يلي قتلو من الداخل

بعدين لزيدك من الشعر بيت ، ابو مازن كان مدرس بقطر ، بتعرفي شو يعني مدرس يعني مجرد مدرس و صار رأيس كيف ماعم افهم ، و ولادو كلهم و احفادو و يمكن هوه كمان معهم جنسيه كنديه ، الحكي مو متناقل الحكي انا بعرفو ، و جوزات السفر انا شفتها بعيني ماحدا حكالي هل شي ، انا شفتها ، و لو حدا بدو يناطح بحكيلو اسم شركة ابنو يلي بقطر و يلي ما بيعود فيها ، لانو الحمد لله من كتر المصاري كل يوم ببلد و بكل بلد شركه ..

و بيحكولي هدول هاممتهم فلسطين اصلن

[ارسلان]

ليس بالضرورة ان نقتل الله في قلوب الناس لكي نُثبت لهم مقدرتنا الفائقة على تطبيق اية القتال في الفرءان

كلكم هروين الشعوب كلكم تتقنون فنون التخدير

ثق بي انت لن تستطيع تخدير الله بكلامك المعسول

على الاقل ابو مازن وجماعته لم يصدرو فتوا بتحليل الدخان وبتر السيقان

قتلة...

[ارسلان]

كاتب النص الأصلي : المطارد رقم 1

ههههه إفلاس في الرد ارجو المحاولة فيما بعد
حماس ماهربت دخان هات دليلك بسرعة انا بحب الادلة وبأجيبلك كل شي بالدليل
وهات دليل لما قال تلفزينون فتح ( فلسطين ) 9 قتلى ابو الفتنة وينهم 9
هم 6 واحد من آال النجار من حماس قتلته قناصة فتح والتاني من ال قديح بحادث سير لا تكذبني معي دليلي وتقريره الطبي من مستشفى شهداء الاقصى بدير البلح لما اهله طلبوا من المشفى انهم يكتبوا بالتقرير انه انقتل طخ

وين هالجماهير وفت ماكان ابو عمار محاصر شهور وينهم بالذكرى الأولى والتانية
في رجل في فتح قال رح نفتح ملف اغتياله وتسممه ولا بس نرقص ونروح
بتقتلوا القتيل وبترقصوا بذكراه مين قتلك يا عرفات وحطلك السم ؟؟؟؟؟؟؟؟؟؟؟؟؟؟؟؟؟؟؟؟؟؟ظ

ما زلت تتابع طقوسك في بيت الشيطان لا تجهد نفسك لقد استحوزت على ثقته بكل جدارة بل انه يخافك ايضا على عرشه
انا حق مفلس ياهذا لكن افلاسي افخر فيه انا افلست من اي شيء يربطني بحزبكم الشيطاني حزب الشيطان

لذلك افخر بافلاسي

الدخان .... كم هي نشوته تحت حكم ايها الفتى المغرور بقدرتكم على حبك الكذب بمقاس الشيطان

لقد ناديتم بتحريمه في سجن النقب ولكن اعترض عليكم المفتي مفتيكم ( اتحفظ على اسمه خوفا على ركبتيه )
فكان مكروه وبعد ان خرج من السجن حرمتموه تحريما مطلقا .... اليوم الدخان هو المصدر الاساسي لمليشيا الشيطان
اليوم تتاجرون فيه كتجارتكم بالدين والقرءان لنقارن سعر الانسان وسعر الدخان اليوم بالله عليك استيقظ من حرر نفسك من نسيج الكذب الذي نسجوه حولك الكل يعرف من يتاجر بالدخان من يمسك اسعاره من يستغل الناس به
لكن كان الشعب اوعى من مكائدكم فامتنع عن التدخين

عدد القتلى عندكم ينجيكم ن عذاب الله الحمدلله تقول انهم لم يكونو 9 الحمدلله الذي سيسامحنا لان عدد القتلى هم 7 سحقا لهذا التفكير المظلم

اسمح لي ايها الشيطان ان اتضامن معك فهؤلاء اغتصبو حقك في عملك

اكثر من نصف مليون جائع خرجو يدفعهم صراخ الاطفال ومناظر ابنائهم المبتورة اقدامهم وافواه جوعا للصدق
اناس ارادو ان يتحررو من تخديركم لهم ارادو ان يتحررو من منطقكم الاعوج

اكثر من نصف مليون انسان لا يساون في نظركم اكثر من طلقة مطلية باعمال السحرة

سحقا للارض التي تحبل بشياطين الانس سحقا للارض التي تحمل شياطين في زي ملائكة

اذهب فلقد ان اان اغتصاب تراث الله وتراث الامة
****

انصحك بقرائة كتاب

دعاة لا قضاة

لعلك تنجو بنفسك من مقصلة التاريخ