هـل نـحـن هـكـذا .!.!.!.!.

[الهوى سلطان]

((((( يقال عنا هــذا ))))

شباب هذه الأيام ما فيهم خير .. الزمان تغير ومو مثل أول

يا ليت أيام زمان ترجع ... كانوا الناس إخوان ... وكل شي كان له طعم

هذه المقولات وغيرها نسمعها كثيرا تتردد في مجالس كبار السن

دوما وفي الغالبية يرون أن هذا الجيل لا يصلح لتحمل المسؤولية

وأن زماننا في كل أطرافه زمان لا يصلح للمعيشة ...

نسمعهم يتحسرون على أيامهم الماضية

ويصفوننا ويصفون زماننا بأمور التفاهة و الامور الغريبة !!

فهل نظرتهم صحيحة أم أنها ظالمة ؟؟

وهل هم دوما محقين فيما يذهبون إليه ؟


وهل يخلو عصرنا من كل شيء جميل لهذه الدرجة التي يرونها ؟؟؟

بإنتظار آرائكم

بعد ان اصابنا ما يسمى داء الاحباط

[The Dark Dragon]

والله يا هوى سلطان الموضوع مو هيك




بس نحنا فعلا جيل ما اتحمل مسؤولية...يعني عالاغلب هالشي مو بايدنا...بس بيضلوا الكبار يعايرونا بهالشي




وكمان اللي بيشوفوه الكبار مياعة وحركات ولدنة من تصرفاتنا..نحنا بنشوفه امر عادي...يعني كمان ابهاتن لابهاتنا(يعني بابونات بابانوتنا) كمان كانو يقولولن نفس الشي


بس نحنا الامور الغريبة والتطور اللي عم نمر فيه...اكتر بكتييييييييييييييييييييييييييييييييييييييييييييييي ير من اللي مر على ابهاتنا..مشان هيك ..كلامن النا اكتر بكتيييييييير من كلام ابهاتن الون



وشغلة الصداقة والخير للناس هي صحيحية....يعني كل شي حوالينا عم يخرب العلاقات الانسانية بين البشر..من التكنولوجيا والاختراعات وسهولة السفر وكتير غيرو





والي رجعة



واحلى هوى سلطان......واحلى ابو وديع







MAJD®....The Dark Dragon

[ابو نجبو]

شوف انو الجيل الجديد مابيتحمل مسؤولية مو مقياس لانو الظروف المعيشية تفرض تحمل المسؤولية
بس أكيد انو الجيل السابق أحسن مننا من كل النواحي على الاقل كانو عندو .....شوية......مبادئ

[الشيخ ابن مرهج]

و الله يا بعد حيي .. كلام التنين الأسود عين العقل ..

بس اختلف معاه في جزئية صغيرة لكن مهمة !!

ما راح أذكرها <<<<<<<<<<< علقتكم هههههههه

زمان أول كان الناس بسطاء ..

ما كان فيه تكنولوجيا أو اختراعات ..

هاذي الشغلات والله تعقد الحياة أكثر مما تسهلها ..

و بالتالي كان الناس يختلطون مع بعض و يعرفون بعض ..

حنا ذا الحين الجار ما يعرف جاره !!

قبل .. كانت الناس تحفظ أنساب بعض و بكل عفوية !!

و صراحه .. شباب هالأيام صايع مايع .. يتلي الموضة و يلهث وراء التقليد الأعمى اللي لا يرضي ديننا و لا عاداتنا و لا تقاليدنا و لا أعرافنا !!

لا و اللي قاهرني زيادة .. المصطلحات اللي يستعملها شباب هالأيام ..

مصطلحات تافهة .. سخيفة .. أغلبها من لغات أجنبية .. و بعضها ساقطة كمان !!

لا تزعلوا يا جماعة !!

أنا ماني متحامل على الشباب !!

لا و الله ..

أنا شاب بنفس عمركم ..

لكن يمكن أكون غير عنكم لأن توجهي ديني شوي !!

آخر شي أحب أضيفه يا الربع :

لا تنخدعوا بعبارة " عيش سنك " !!

لأن الشاب العربي عمره ما كان طايش أو إمّعه إلا في زمنّا هذا ..

زمن العجايب !!

[جان بن جاك الروسوي]

نحنا اكتر من هيك يا ابو شريك

1- سياسة : عايفين ربنا
2- اقتصاد : طفرانين ومع هيك اذا شفنا ليرة منبحترا (مظهرة طبعا)
3-فن : اسقط من هيك ما بتوقع في دانا هيفاء عمرو دياب صاحب الصوت الني ومع هيك يعتبر توب تجاه غيرو
4-عمل : تلات ارباعنا ما خرج نحمل مقص وما رح قول رفش
5- ثقافة: شوف وين صار مستوى الكتاب بيوصلك الجواب
6- علاقات اجتماعية : قمة التفكك بين الناس والاخوان حتى
7-اجتماعيا: مظاهر كذب نفاق محسوبيات وطق براغي
8-
9-
10-.
.
.
.
.
.
وبتقلي نحنا ما هيك لك يا زلمي القيم كلها ضاعت والعقل عنا مغيب والفلسفة معدومة والدين مجبرين فيه شئنا ام ابينا
والتفسخ والتحلل الاجتماعي هالكنا

على كل حال مشكور

[muthanna 007]

والله شوف يالهوى سلطان هم معهم حق بشي اه وشي لأ
اللي معهم حق فيه انه فعلاً احنا هلأ قاعدين ننصاع للحضارة الغربية وياريت بكل شي بس بالتفاهات والاشياء الفاضية مش بالعلم والمعرف اللي همه اخدوها منا واحنا استغنينا عنها وبكل بساطه والنص التاني اللي ما معهم حق فيه انه زمانهم غير زماننا يعني مافي المغريات اللي موجودة عنا هلأ ..................

وميرسي الك عالموضوع........

[تالين]

انا بشوف انو
كل جيل بيئول ليلي بعدو يا لطيف شو هجيل و من هالحكي
بس كمان ما ننسى انو الحياة عم تتغير من حولينا
و شفت هاد الشي انا بلحياة يعني كتير اهل عم يئولو لابنون ممنوع تسهر او تدخن او الخ
بس بيكون ابوه كان يعمل اكتر من هيك و بيعرف من حالو انو غلط منشان هيك حابب يعلم ابنو من دون ما يخسر شي ابنو ....
يسلمو على الموضوع الحلو

[بنوتة حلب]

اكيد الاهل ما بيشوفو حالون لما كانو بجيل الشباب شو كان يعملو ويفضعوا بصغرون
وانا برايي كمان انو التقدم التكنولوجي وشو ما طلبت بيحضرلك والتطور
بيخلي الواحد يعتمد على غيرو بشغلاتو وبطلباتو بس اكيد مو كل العالم

وكل ما زادت وسائل الراحة اكتر كل ما صار كسل
ومابيعود حدا بيتحمل مسؤولية

شكرا الهوى سلطان على موضعك
بتغيب بتغيب وبتجبلنا مواضيع جوهرية

[غابريال]

كاتب النص الأصلي : تالين

انا بشوف انو
كل جيل بيئول ليلي بعدو يا لطيف شو هجيل و من هالحكي
بس كمان ما ننسى انو الحياة عم تتغير من حولينا
و شفت هاد الشي انا بلحياة يعني كتير اهل عم يئولو لابنون ممنوع تسهر او تدخن او الخ
بس بيكون ابوه كان يعمل اكتر من هيك و بيعرف من حالو انو غلط منشان هيك حابب يعلم ابنو من دون ما يخسر شي ابنو ....
يسلمو على الموضوع الحلو

هاي هيي

[hamido1979]

كاتب النص الأصلي : الهوى سلطان

((((( يقال عنا هــذا ))))

فهل نظرتهم صحيحة أم أنها ظالمة ؟؟
ظالمة لانو كل عصر في الو ناسو و الو مبادؤو اللي بيمشي عليها
وهل هم دوما محقين فيما يذهبون إليه ؟
طبعاً لأ مو دائماً
وهل يخلو عصرنا من كل شيء جميل لهذه الدرجة التي يرونها ؟؟؟
كمان لأ عصرنا جميل جداً
بإنتظار آرائكم

بعد ان اصابنا ما يسمى داء الاحباط
بعيد الشر عنك هههههههههه

و الله زمان يا الهوى سلطان و ين هالغيبة اشتئنالك

و شكرا ع الموضوع الحلو

[اسبيرانزا]

والله التعميم داه مبدأ غلط لان زى ما فى شباب مش متحمل المسئولية برضو فى شباب يفرح القلب
وجيل اباءنا اكيد كان فيهم كلا النوعين ,, بس يمكن اللى خلاهما يحكموا علينا كدة اننا جيل الظروف والتكنولوجيا خلتنا مرتاحين ودا مش ذنبنا ,, صحيح هما تعبوا وشقوا دة لان ظروفهم زمان كانت صعبة
اما بالنسبة للروابط الانسانية بينا , فبصراحة ايوة متفككة ومش سبب واحد يقدر يفسرهذا التفكك يعنى ممكن تكون التربية موطتدتش هذه الروابط .....وممكن يكون زمام التقاليد بين الجيران والاهل والمواطنين اتحل عن زمان وممكن يكون السبب فى سايكولوجيه الجيل الجديد يعنى شخصيته كدة مختلفة لان العالم اصبح منفتح واصبحوا يشوفوا المجتمعات الامريكية والتسيب الاسرى اللى فيها
يعنى من الاخر ربنا يلطف بالجيل اللى بعدينا ليكون اسواء واكثر تفككا

[E L W A R]

يا أخي هاد الكلام معروف عند كل الكبار بالسن من خلقت الأرض
يعني أنا كان يحكيلي أبي عن أبوه وبيقول انو كان دئما بيوبخو لانو أخطأ بشي
وكان دائما بينتقدوا على لبسو وعلى تسريحتو وكان دائما يحكيلو عن زمانهون
ولهالأمر أبي بعمرو ما حاكاني على أساس زمانهون دائما بقلي كل وقت والو ملائكتو وكل زمان والو سيئاتو و حسناتو
وبيقلي انو كل جيل والو قاعدة عامة وهالقاعدة بيجوز تكون شاذة عند اللي قبلو واللي بعدو ويحكيلي انو تخيل تشوف شخص لابس طربوش وماشي بالشارع ؟؟ أكيد رح تشوف انو منظرو مو طبيعي مع انو قبل خمسين سنة كان بيعتبر لابس ومتأنق كمان
وأنا من جهتي بشوف هالشي صحيح لانو كل زمان والو ناسو

[معتر ليش ما بعرف]

كاتب النص الأصلي : ايمان عادل

والله التعميم داه مبدأ غلط لان زى ما فى شباب مش متحمل المسئولية برضو فى شباب يفرح القلب
وجيل اباءنا اكيد كان فيهم كلا النوعين ,, بس يمكن اللى خلاهما يحكموا علينا كدة اننا جيل الظروف والتكنولوجيا خلتنا مرتاحين ودا مش ذنبنا ,, صحيح هما تعبوا وشقوا دة لان ظروفهم زمان كانت صعبة
اما بالنسبة للروابط الانسانية بينا , فبصراحة ايوة متفككة ومش سبب واحد يقدر يفسرهذا التفكك يعنى ممكن تكون التربية موطتدتش هذه الروابط .....وممكن يكون زمام التقاليد بين الجيران والاهل والمواطنين اتحل عن زمان وممكن يكون السبب فى سايكولوجيه الجيل الجديد يعنى شخصيته كدة مختلفة لان العالم اصبح منفتح واصبحوا يشوفوا المجتمعات الامريكية والتسيب الاسرى اللى فيها
يعنى من الاخر ربنا يلطف بالجيل اللى بعدينا ليكون اسواء واكثر تفككا

انا معك بهالكلام يعني زماننا مو كلو سيء وكمان مو كلو جيد بس الاغلبية للطرف التاني ... يعني فينك تقولي نحنا الجيل الي فاتنا القطار وهلا عم ندور عقطار من برا يشيلنا

[jouliana]

يعني اذا اجينا نتطلع على واقع حياتنا
بنلاقي معهم حق
لانه على وقتهم ما كانو عايشين بالتطور الي عايشينه هالاء
كل شي تغير احنا هالاء بعصر العولمة وعلى زمانهم كانو يادوب
على حالهم و اكيد من عصر لعصر راح تفرق اشياء كتيره من هيك
بيشوفونا مو على محمل من الجديه

بس صدقني راح يجي وقت و نعيد اقواالهم للاجيال الي بتيجي وراناا
ونشوف الي عمره منشاف على وقتهم و نقول والله كنا بالف خير شو صار بالدنيااا

[ASH]

حلو كتير

اول شي نظرتي الشخصيه ، التطور و التكنولوجيا بيولدو جيل خامل و عن جد ما بيحسن يعمل شي ، خلينا نقارن حالنا بيلي قبلنا و بيلي بعدنا كمثال ب 5 سنين ، يلي قبلنا كانو اقوى عندهم جلد و تحمل و بيشوفو كل شي فينا مايع مع انو نحنى بنشوف انو نحنى مافينى شي غريب و قادرين نكون متلهم ، بس الحقيقه لا لانهم تحملو اعباء اكتر منا و حسنو انو يعملو شي لحالهم و يكوو حالهم ، بس نحنى معظمنا لو لا اهلو ما بيحسن يدعس نمله لانو بيجوز النمله تكلخو كف تبكي
هلأ يلي بعدنا انا ما بشوف واحد بعدي بجيل غير بحكي هل خروق هاد شلون بدو يعيش ، وليش هيك شكلو عاها ، و الله يعينا على الاكبر ، و و و و و و


يعني بنرجع لموضوع انو التكنولجيا هيك بتعمل بالواحد و الحياة و الرخاء و البسط "نستثني سوريا و فلسطين من كلمة بسط و رخاء"

هاد راي بشكل عام و لح ظل متابع الموضوع

[THE_unforgiven]

معون حق

[الهوى سلطان]

كاتب النص الأصلي : The Dark Dragon

والله يا هوى سلطان الموضوع مو هيك




بس نحنا فعلا جيل ما اتحمل مسؤولية...يعني عالاغلب هالشي مو بايدنا...بس بيضلوا الكبار يعايرونا بهالشي




وكمان اللي بيشوفوه الكبار مياعة وحركات ولدنة من تصرفاتنا..نحنا بنشوفه امر عادي...يعني كمان ابهاتن لابهاتنا(يعني بابونات بابانوتنا) كمان كانو يقولولن نفس الشي


بس نحنا الامور الغريبة والتطور اللي عم نمر فيه...اكتر بكتيييييييييييييييييييييي ييييييييييييييييييييييييي ير من اللي مر على ابهاتنا..مشان هيك ..كلامن النا اكتر بكتيييييييير من كلام ابهاتن الون



وشغلة الصداقة والخير للناس هي صحيحية....يعني كل شي حوالينا عم يخرب العلاقات الانسانية بين البشر..من التكنولوجيا والاختراعات وسهولة السفر وكتير غيرو





والي رجعة



واحلى هوى سلطان......واحلى ابو وديع







MAJD®....The Dark Dragon

كلامك جميل عزيزي وفي كثير من الصحة واتمنى ان تزال عن هذا الجيل الذي نمثله نحن ذاك الغبار
الذي وللاسف وضعه علينا اسلافنا ولنعمل سويا لنريهم اننا اهل للمسؤولية

تحياتي لك عزيزي

[dandon]

أنا بظن أنو فعلا جيل زمان كانو أحسن من هالجيل..لأكتر من سبب..و أهمون أنو فعلا ماعد في مبادئ
يعني هلق مافي شي بيفجأنا صار بمجتمعنا كلو عادي..وكمان هاد التحرر من المجتمع و المبادئ و الأصول لعبت دور.
بس كمان بتوقع الاجيال كلمالا عم تتغير..يعني هلق مثلا نحنا كيف بنطلع على الجيل الصغير يلي بعدنا..اي والله فظيعين..