ليش التطنيش ......؟

[romadiz]

مسا الخير

القصة باختصار....
من شي يومين بدخل ع البيت و اذ البيت ممسوح . منضّف ع الاخير .
ما عرفت مين ماسحوا .
مسكت الهاتف و بعتت SMS للشرطة حتى اعرف شو السبب , لأن أول مين خطر ع بالي بأنو يكون عامل هيك عملة هو البوليس .

اكتبتلهون

س : وين طارو مرفقاتي و لغيتو تعريفي

ج : ايا مرفقات وأيا تعريف ؟

س : ليش ما عم اقدر اشترك بالمواضيع ؟
كل مرة بتطلعلي هالرسالة
romadiz و الله يا معلم ماعندك صلاحية لتوصل لهي الصفحة. مدري ليش :

1. يمكن ماعندك تصريح أنو تفوت على هي الصفحة ، رأو الظاهر أنك عم تحاول تعدل لشي حدا أو عم تجرب توصل لخصائص أدارية. على كل حال تأكد أنو أنت مصرحلك أنو تدخل عهالقسم من صفحة نظام القسم.
2. إذا كنت عم تحاول المشاركة، يمكن تكون الأدارة موقفة حسابك، أو يمكن حسابك لسى ماتنشط يا حبيب .
3. لو تصويت-استفتاء، وانت مش مصوّت فيه او مشارك فيه. فما حتقدر اتشوف نتيجتو لبعد ما اتصوت.

ولهلق ناطر الرد و ما في رد ....

يعني لو كان حمام زاجل جايبلي الرد كان وصل من زمان .

رجاء لاتقولولي انو الموضوع مانو من هالقسم .يعني لو لاقيت العدة بحارتنا ماكنت رحت فتش وصيح بحارة تانية .

ياشباب انا مضيع كل المرفقات , اذا حدا بيلاقي شي مرفق بالطريق يبقى يندهلي .

وشكرا

[Barleb]

ولله بكيتني

[Ms. J.A]

اللي فهمتو انو مش لحالك المرفقات ما كانو بينزلو معو
مبارح هيك كان يصير معي واليوم المسا مشي الوضع هلأ بجربلك وبردلك خبر !

[الآلهة]

لك صحيح زكرتوني انا الآلهة شخصيا عم يصير معي هيك
لك شو القصة

[Syrian Gay]

لك الزلمة عم يقول على مرفقات هو منزلون طااااروا ..

مو قصدو على التحميل من اخوية ..

انا هيك فهمت

[butterfly]

يمكن لأنو في عشرين موضوع بالبريد بيحكو عن نفس النقطة
ويمكن لأنو مكان التساؤلات البريد مو الرسائل الخاصة
ويمكن لأنو ما حابب المشرف يرد على حدا
ويمكن لأنو المشرف نفسية محمضة

[romadiz]

كاتب النص الأصلي : Barleb

ولله بكيتني

الله لا يبكيك ع غالي يا طيوب .
بس الله يخليك اذا شفتلي شي مرفق أو مرفقة بالطريق تبقى لا تنسانى .

كاتب النص الأصلي : Syrian Gay

لك الزلمة عم يقول على مرفقات هو منزلون طااااروا ..

مو قصدو على التحميل من اخوية ..

انا هيك فهمت

مظبوط .
أنا هالحالة بصراحة صادفتها هون بالمنتدى أكتر بكتير من المنتديات التانية .
عم تسأل أي حالة ؟
حالة أنو الواحد يفهم عليك وقت اللي حكيك مابيفهم

كاتب النص الأصلي : butterfly

يمكن لأنو في عشرين موضوع بالبريد بيحكو عن نفس النقطة
ويمكن لأنو مكان التساؤلات البريد مو الرسائل الخاصة
ويمكن لأنو ما حابب المشرف يرد على حدا
ويمكن لأنو المشرف نفسية محمضة

+أنا تبقى رح اقرا كل مواضيع المنتدى قبل ما نزل موضوع .
لأن أنا بعرف بقرا .
أنا بقرا .
+ المحل مالو دخل بشئ
يعنى هلق اذا بروح ع البريد و بطرح الموضوع بيرجعو المرفقات ؟
+ لأ , بالعكس . المشرف كـــــــــــــــــــــان يرد ع تسائولاتي . بس بعدين تنشطتني .
+ ما بظن أنو المشرف نفسيتو حامضة ( مع أنو مرة كتبتلو رسالة عبرتلو فيها عن رأيي , و بديت الرسالة بمسا الخير , و وقت اللي رد عليي لا سمعت لا مسا الخير و لا مسا ال.... )
يعني إذا هو دكتور , ع الصيادلة ما بيمسى ؟
ممكن كان مزاجو معكر و ماكان فاضيلي.

هلق أنا كيف اكتشفت هالمشكلة رح أحكيلكون .

شفت غنية نصري شمس الدين (طرطوس ) و كنت من زمان عم دور عليها و ملعم لاقيها ف لاقيتها هون وانبسطت و طار عقلي من الفرحة متل هاد ====>
متل المتل مابيقول ( إجت الحزينة لتفرح مالاقتلا بالفرحة مطرح )
_ ع ذكر الأمثال.... في موضوع هون عن الأمثال الشعبية ؟

إذا بدكون تراضوني ...بتبعتولي الغنية ع الايميل .

و شكرا لإصغائكون

[Syrian Gay]

كاتب النص الأصلي : romadiz

مظبوط .
أنا هالحالة بصراحة صادفتها هون بالمنتدى أكتر بكتير من المنتديات التانية .
عم تسأل أي حالة ؟
حالة أنو الواحد يفهم عليك وقت اللي حكيك مابيفهم

هللا الفهمان بيفهم علي ..

بس المو فهمان فـ ...

وخلي يسأل حدا فهمان يقوللوا شو قصدي بالنقاط

[butterfly]

كاتب النص الأصلي : romadiz

+ ما بظن أنو المشرف نفسيتو حامضة ( مع أنو مرة كتبتلو رسالة عبرتلو فيها عن رأيي , و بديت الرسالة بمسا الخير , و وقت اللي رد عليي لا سمعت لا مسا الخير و لا مسا ال.... )
يعني إذا هو دكتور , ع الصيادلة ما بيمسى ؟

اي مسا النور يا رب

[dandon]

يعني انا كمان عم يصير معي نفس الشي..

[romadiz]

كاتب النص الأصلي : Syrian Gay

هللا الفهمان بيفهم علي ..

بس المو فهمان فـ ...

وخلي يسأل حدا فهمان يقوللوا شو قصدي بالنقاط

انا فهمان عليك .
بس لحتى يفهم المو فهمان شو فهمانين من المفهوم بدك تضطر أنك تفهّم أكتر .
وفكرك أنو الموفهمان ع فهمنا رح يفهم شو فهمانين .

انا بالنسبة الي ماني فهمان شي .
شو الواحد لازم يفهم .
فهموني ....

أنا اللي بفهموا أنو لازم يتفعل اشتراكي .

وين اشتراكي ؟؟؟

وين الرأسمالي ؟؟؟

وبدي غنية ( وقفني خليني بوس , شبابيك الحلوة بطرطوس )

[black_iris]

هلأ أنا والله ما فهمت ولا شي
بس على كل حال .. فهمت شغله صغيره على قد مستوى تفكيري
إنو التحميل (معلق) فتره المسا فأي حد بجرب ينزل شي المسا بتنطلو تبع (ما عندك صلاحيه)
فلو جربتو تنزلو مرففات فتره النهار ما بكون في مشكله

[butterfly]

كاتب النص الأصلي : romadiz

انا فهمان عليك .
بس لحتى يفهم المو فهمان شو فهمانين من المفهوم بدك تضطر أنك تفهّم أكتر .
وفكرك أنو الموفهمان ع فهمنا رح يفهم شو فهمانين .

انا بالنسبة الي ماني فهمان شي .
شو الواحد لازم يفهم .
فهموني ....

أنا اللي بفهموا أنو لازم يتفعل اشتراكي .

وين اشتراكي ؟؟؟

وين الرأسمالي ؟؟؟

وبدي غنية ( وقفني خليني بوس , شبابيك الحلوة بطرطوس )

لك اشتراكك مفعل وعين الله عليه
ما معقول يا زلمي شو بتنق
بس ..

هق مافي مشكلة بالمرفقات بس احنا عم بنوقف تحميل المرفقات (او هال الكام فقط) رح نوقف تنزيل المرفقات من قبل الأعضاء بالفترة المسائية (فترة الزحمة) لإنو الشباب ما عم بيقصرو بنوب، كلو بيدخل المسا وخود على تنزيل ، هلق بحد زاتو التنزيل مافيه مشكلة بس المشكلة بتحكم بالتفهمن ، بيتفهمن البعض وبيتستخدم برامج تنزيل وتسريع تنزيل .. (في برامج من هدول فاشلة بتفتح 10 قنوات اتصال بالسيرفر لتنزل فرد فايل كتير اصلا هوي صغير) ، فعم ينضرب التحميل ب 5-10 .. يعني بيكون في 30 شخص عم بينزلو مرفقات بنفس اللحظة بس بحكم التفهمن واستخدامهم برامج تنزيل مرفقات (من نوع ما تشد ايدك) .. بيعملو ضغط و كأنو 300 شخص عم بينزلو المرفقات بنفس التكي .. فعم بيبطئ هذا التصفح حبتين وهيك مسائل، فلهيك هال الكام يوم رح نوقف المرفقات بالفترة المسائية، لبين ما نحل الموضوع بطريقة (طيخ طاخ) ،
وطيخ طاخ هاي بقا يا سيدي يا اما
طيخ: والي هيي الي بيستخدم برنامج تسريع تنزيل _والبرنامج من نوع ما تشد ايدك الي بيفتح 10 قنوات اتصال ع الفاضي_ فهذا بينحج اوتوماتيك (اقصد بيتوقف اشتراكو بوقتها)
او
طاخ: وطاخ بقا انو الي بيستخدم برنامج تسريع تنزيل مرفقات الي بيفتح 5-10 قنوات بينفتحلو فقط قناة واحدة و بيتسكر الباقي و خص نص بيصير تنزيل المرفقات عندو ابطئ .. (جكر )

هذا الوضع .. وشكرا لتفهمكم _ولو اني شامم ريحة امتعاض _

[romadiz]

كاتب النص الأصلي : butterfly

اي مسا النور يا رب

يسعدلي هالمسا و ما ننحرم منو يا حق .

[romadiz]

كاتب النص الأصلي : black_iris

هلأ أنا والله ما فهمت ولا شي
بس على كل حال .. فهمت شغله صغيره على قد مستوى تفكيري
إنو التحميل (معلق) فتره المسا فأي حد بجرب ينزل شي المسا بتنطلو تبع (ما عندك صلاحيه)
فلو جربتو تنزلو مرففات فتره النهار ما بكون في مشكله

كاتب النص الأصلي : butterfly

لك اشتراكك مفعل وعين الله عليه
ما معقول يا زلمي شو بتنق
بس ..

شكرا كتيــــــــــــــــــــــ ــر ع الرد .
ولا تواخذونا ...

[علي هواري]

كاتب النص الأصلي : butterfly

لك اشتراكك مفعل وعين الله عليه
ما معقول يا زلمي شو بتنق
بس ..

بدكن الصراحة عنجد نقاق كتير بس مهضوم

وأنا بحب النقاقين كمان

شو رايكن نفتح شلة ونسميها النقاقيييييييين