حسومتنا العزيز

[Syrian Gay]

اما بعد

خيو بدي تغيرلي اسمي

مو تغير تغير بس بدي تشيللي الشحطاية النازلة (نسيت اسما كلاش فلاش .. المهم)

يعني بدو يصير Syrian Gay ولا تقوم تنسالي انو الـS والـG أحرف كبار الله يرضالي عليك


بس على شرط (فوق حقو دقو )
انو ما بدي حط بتوقيعي انو (انا بسن ورمح _سابقاً) حاكم مبينة واصلن ما حدا بدو يحس على هالشحطة بس انا متجاكر من هالشحطة بشان هيك بدي غيرها
وكمان لأن ما بيوسع توقيعي اكتر من 255 حرف .. وماعاد يوسع توقيعي

[Hus]

يا هلا ،، .. (بالنسبة للتوقيع مافي مشكلة منتصرف)

بالنسبة لتغيير الإسم ، ذكّرنا بالموضوع هذا لمن يتحقق الشرطين التاليين:
1- يصير عدد مشاركاتك اكثر من 1650 (من حيث ما راعيت بطلبك هنا ما هو مشار هنا يتأخر الرد في البريد و قد لا يصل في الحالات... )
2- يكون انقضى على هذا الطلب اكثر من 7 ايام من تاريخ ارساله (من حيث هلق رمضان و في مسلسلات كتير ما حدى فاضي .. )

[Syrian Gay]

العمى العمى

انو انت حكيم شو مشان ..

وشو مشان مشاعري النفسية يللي عم تحطملي ياها ..

بالنسبة للشرت الاول انو لازم يكون عدد المشاركات 1650 ؟ مو كانوا اقل
وبشان الشرت الطاني انو انقضى 7 ايام .. العمى يكون انقرضنا ليومها .. قال 7 قال (قال قائم قال ... ومطول الكلمة وشايف حالو علينا )


بس حكيم اول مرة بشوف هالقانون
انو سامحنا بخيرك لأن ماني من رواد البريد كتير وما بحبو
وهادا القانون :

4- في حال تم توجيه الطلب بصفة شخصية .. (لا توجه طلبك "يا حكيم بدي كذا "، "يا Godfather "، يا فلان .. حينما يكون الطلب عام)
_في حال الطلب موجود بصفة شخصية مثل "يا Godfather بدي تغييرلي اسمي" لو دخلت انا ووجدت الطلب لـ Godfather بخرج قبل ما كفي قرائة، لاني لست معني .. وهيك ايضا.. بالتالي ما توجهك كلامك بصفة شخصية اذا لمن طلبك عام (منشان يتم الإستجابة ليه اسرع)

ولا ننساك انت ابو وردة (انو ما تعبت ايدك من كتر ما تحمل هالباقة طيب غيّر أيدك )

[Syrian__Angel]

عم يمزح معك ..
بس احزر شو ؟ انو انت حطّيت القانون اللي ما بيتوافق مع طلبك

ليش موجــّه الطلب بصفة شخصية .. هلأ بدّو يتأخر الرد وقد لا يصل

[Syrian Gay]

كاتب النص الأصلي : Syrian__Angel

عم يمزح معك ..
بس احزر شو ؟ انو انت حطّيت القانون اللي ما بيتوافق مع طلبك

ليش موجــّه الطلب بصفة شخصية .. هلأ بدّو يتأخر الرد وقد لا يصل

ولي على حظي شو غبي

شو قد لا يصل

انو تعبت بالكتابة عالفاضي

يللا حكيم لا تتأفلم عليي .. ما بقدر اصبر بنوب (هللا قصداً فيي بيأخر حالو )

[Syrian__Angel]

اي بدّك تصبر وتطوّل بالك ،ما حدا احسن من حدا

موضوعي صرلو 3 ايام ما ردّ عليه .. لاء وصار عندي مشكلة تانية وبعدني ناطرة عالدور

احضرلك شي مسلسل بهالاثناء ، او استنّى لتطلع ديعايات بركي بيحنّ الحكيم وبيدخل

[Syrian Gay]

بس انا شغلتي سهلة عليه

بس انت مشكلتك عويصة بدها علاج


انو كل ربع ساعة في دعايات بس هو قصدا ما عم يرد

[كهربجي]

تسقط البيروقراطية

[Hus]

كاتب النص الأصلي : كهربجي

تسقط البيروقراطية

تسقط تسقط تسقط

[SABE]

هلا سيريان .. اي خيو, القصة وما فيها إنو صار إجتماع إستثنائي للقيادات العليا, و تم البت بقبول طلب تعديل الإسم ..

تم التعديل

[Syrian Gay]

كاتب النص الأصلي : SABE

هلا سيريان .. اي خيو, القصة وما فيها إنو صار إجتماع إستثنائي للقيادات العليا, و تم البت بقبول طلب تعديل الإسم ..

تم التعديل

العمى العمى شو هالحكي

اي منيح

بس المهم تغير و اخيرا وبعد جهد جهيد ومحاولات مع الحكيم (رئيس الجمهورية الاخوية الديكتاتورية) تم التغيير



بس شو بشان حنيت لأسم القديم

بدي رجعو مع شخطة

لك لا عم بمزح قال رجعو قال بدو شهر ليرجع
بس تسلاية كل يوم رجعولنا ياه مع شخطة وبلا شخطة تسلاية عليكون شوي بلكي تتربو وتصيرو ديمكراطيين