الجامعة

[mey]

اولا بدي ياكن تقولو اللهم صلي عل مهجة قلوبنا خير الانام محمد (للمسلمين طبعا)
انا شايفة شباب ها الايام بدن يدخلو الجامعة منشان
-التحرر (بنات)
-تكوين شلة....
-الي ما عندو صديقة بدو يدور و الى ما عندها صديق كمان
-و اللي بقلك المهم اخدت البكلوريا
يعني قليل اللي بدو يوسع معارفو و يدرس
ولا شو رايكن

[طنش تعش]

اولا اهلا وسهلا فيكي
بعدين الموضوع لفتني ...وحلو وواقعي:
هلق بالنسبة لشباب هالايام انا مابعارض كلامك بالنسبة لاغلبية شباب اليوم من وجهة نظري من الي عم شوفو وعيشو...
عاايامي بالبكالوريا كنت كمان هيك واغلبية اصدقائي هيك...بس انا نفدت وغيري مانفد ...
وفي كتير منون ضل يقدم سنة وتنين وتلاتة ومانقطعت صلتي معهم...
وكان همهون الوحيد الجامعة والبنات والعلاقات والصياعة...بس هنن مادخلو بجو الجامعة
بينما انا عرفتو...والجو كلو هيك يعني حتى الي حابب يدخل عالجامعة مشان يدرس بس ....بدو يااما يدخل بالجو الماشي....يااما بدو يحس حالو معزول...
بس كل شخص هوي وشطارتو ووعيو....فينو الشخص ينظم اموري مابين علاقاتو ومعارفو ودراستو من دون اي مشاكل....يعني كمان الواحد مافينو يعيش من دون معارف واصدقاء ....
بس الشي الي بياثر هون طريقة الشخص باختيار الاصدقاء...
وبالنهاية هي حياة وبدا تمشي وكل شخص هوي وشطارتو وسلاستو وطريقة تعاملو بدبر امورو...
مشكورة..

[mey]

شكرا عالرد هلا عجبني ردك كتير لانو نفس رايي يعني انو فينل نكون كووول بس بالحد المعقول و فينا ندرس يعني بدها شوية شطارة موووووووووو

[cold vampire]

مرحبا mey الموضوع كتير حلو ويسلمو ايديكي عليه بس انا رايي غير عن رايكم صح انو في كتيييير شباب وبنات بفكرو هاد التفكير بس مالكم في كتيييييير بنات وشباب مو رايحين يلعبوا كمان ويتسلو ورايحين ليبنو مستقبلهم ويتعلمو وبعدين صح انو الواحد ما بقدر يعيش لحالو يعني من غير صداقات بس انا بعرف كتير بنات ما بيحكو مع شباب وكتير شباب ما بيحكو مع بنات هلا هدول مو معقدين يعني هلا صحبت البنت لبنت بطلت تنفع ولا شب يصاحب شب بطلت تزبط ؟؟؟؟
وبتضل الشغله شغله انو الواحد بيقدر ينسق بين دراستو والصداقات ؟؟؟
وبالنسبه لالي يلي داخل الجامعه بس ليحكي مع بنت ويلي داخله الجامعه بس لتحكي مع شب هدول فاشلين لانه مو فارئه معهم الدراسه اصلا وبامكانه /ها يروحوا على اي مول على اي كوفي شوب ويتعرف على بنات وشباب ..... يسلمو على الموضوع

[جان بن جاك الروسوي]

والله ما بعرف شو بدها هالطازجة انو بدها نفوت عالجامعة نصلي ونصوم وندرس ليل نهار العمى شو هاللقش

[dot]

اخ من الجامعة شو حلوة بس نفهما

[cold vampire]

كاتب النص الأصلي : جان بن جاك الروسوي

والله ما بعرف شو بدها هالطازجة انو بدها نفوت عالجامعة نصلي ونصوم وندرس ليل نهار العمى شو هاللقش

انا ما قلت فوت صلي وصوم وادرس ليل نهار انا كنت عم بحكي عن الشباب والبنات يلي فايتي عالجامعه لهدف واحد بس هو انهم يتعرفو ...... ما قصدت الكل

[betty_palestine]

مهو الشهوة الدنيوية ما بتقدر تخلي شب ما يصير على علاقة ببنت او يعملو شلة شباب وبنات النفس طماعة والشيطان شاطر والانسان مرات بكون ضعيف قدام هيك شغلات

[cuty]

ليش الشلة ما بنعتبر زمالة و بس......مو ضروري يدخل شباب بالموضوع

بس لو صار.........بكون زمالة بس مو اكتر .....ما ناخدها من منحى تاني

لانو لو هيك بنفكر كان لا بنمشي بشغل ولا بجامعة و لا بشي

صدقوني يلي بتاخد الموضوع عادي و ما بتفكر فيه و بتعطيه اكبر من حجمو هدول يلي بينجحو

خلونا نفكر بالطريقة المنيحة .......و ما ننظر للامور نظرة تانية

و يسلمووووو عالموضوع الحلو

[MadMax]

كاتب النص الأصلي : mey

اولا بدي ياكن تقولو اللهم صلي عل مهجة قلوبنا خير الانام محمد (للمسلمين طبعا)
انا شايفة شباب ها الايام بدن يدخلو الجامعة منشان
-التحرر (بنات)
-تكوين شلة....
-الي ما عندو صديقة بدو يدور و الى ما عندها صديق كمان

شو هالحكي ...؟؟!!



و الله انا فكرت الشباب رايحين يدرسوا و يأمنوا مستقبلهون

[mey]

اللى بيسمع البعض بيقول ما شافو الجامعة
وانا عم قول ليش ما نكو ن ادكي و يكون الهدف الاول و الرئيسى توسيع المعارف
و بعدين انا مع امر الشلة بس علاقة حب ما كثير داخلة مخي و كل واحد الو راى
CHACUN A SON MOT A DIREمووووو

[cuty]

bravo

c ca

nous sommes libres

[ابو نجبو]

والله شوي من هالشي و شوي من هاداك الشي بتمضى الايام والواحد مابيحس الا وهو تخرج

[The Dark Dragon]

كاتب النص الأصلي : ابو نجبو

والله شوي من هالشي و شوي من هاداك الشي بتمضى الايام والواحد مابيحس الا وهو تخرج

انشاء الله الف الف مبروك...والله فرحتلك من كل قلبي عالتخرج

:hash ish:

[The Dark Dragon]

اما مشان موضوع الجامعة(بعد ما زتيت السيجارة وغسلت وجهي)

فانا بشوف..وانا بكامل قواي العقلية


انو الجامعة فيها اصناف مصنفة تصنيفا دقيقا


1-صنف فايت لحتى يتعلم...ومو شايف قدامو غير المحاضرات...يعني بمعنى تاني فايت ينحت الكتب مفكر حالو بكالوريا...يعني شي ومنو....وخاصة بعض البنات اللي بيعجبو بشي دكتور مهلل بالجامعة وبيصيروا يعتبروا نبي

2-صنف فايت لحتى يصيع وبس...يعني شباب فايتين بس ليتعرفو على بنات وبنات فايتين بس ليتعرفوا على شباب....مشان يحكوا عن مغامراتن لصحابن


3-صنف غيروا فايت لحتى يدرس...واذا تعرف على حدا ما بيقول لأ....يعني لزوم الشللية والصحوبية


4-وصنف بيعيش الحياة الجامعية متل ما لازم( لا ينصح به الأطباء)...يعني بيدرس شوي....وبيصاحب شوي....وبيصيع شوي


5- الصنف الخامس والاهم هو الصنف اللي متل فخامتي ...يعني بيدرس قبل الفحص بيومين....بيصييييييع كل الايام.....عندو صحاب كتير...ومو منقص على حالو شي....واحلى مغامرات بالجامعة..واحلى شلة

[mey]

لك هاد الحكى المظبوط و انا من الصنف4
و مشى حالي ودايمامن 5 الاوائل

[The Dark Dragon]

كاتب النص الأصلي : mey

لك هاد الحكى المظبوط و انا من الصنف4
و مشى حالي ودايمامن 5 الاوائل

له له


رح تخليني ازعل منك...ما قلتلك لا ينصح به الأطباء...لانو صنف مستقيم متل ما بيقولوا



حاكم الاطباء دائما ما بيحبوا الصح


خليكي من الصنف الخامس..هادا بنصح فيه انا

[mey]

لعيونك وصنف6 كمان