|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
08/05/2007
|
#1 | ||||||
|
مشرف متقاعد
|
تسطيـــــــلة رقم // 25 // ..
اسماااع لا تسكر النافزة .. !!!!!!!! يعني أنو ممكن نشوف أنو الأرقام ما هيي كتير ذات قيمة .. طالما بلشنا من رقم //25// .. ما أصلا ً أصلا ً .. كل شي بالنازل .. شو العبرة من أنو نبلش بـ( أولا ً ) إذا كان الـ(آخرا ً) معروف شو دين اللي نفضه ؟ جد جد !! .. اصفون معي اخي والمستمع .. ( هاد إذا حضرتكـ ما سكرت الصفحة بخلقتي وقلت :شو هالموضوع المعلاق ) ليش نحن منبلش دايما ً بـ أولا ً ؟ طالما نحن آخدين الزبدة .. هيكـ مقدما ً ..أنو على كيس خيش .. على بلاطة ..أو على دلعونا .. يعني شو عم تفرق معكـ تقبر عين أهلكـ ؟ يعني نائصنا أنو بلا ظغرة ... طئطئة حناكـ وشلي عالفاضي ؟؟ ولا عنا فائض من الـ أولويات مو عرفانين وين نروح فيه ؟ طيب كيف منقول أولا ً .. كيف إلنا عين .. طالما نحن متشعلقين بـ إشطمان الطرماي الحضاري .. وعم نتزحلط زحلطة ؟ كيف إلنا وج ( الله لا يسيئكـ ) نقول أولا ً .. طالما ً نحن عم ناكل الـ فضلة ( الله يعزكـ ويزيدكـ فضل ) أنو مدري كيف .. يعني ما خرج تركب .. خاصة أنو أذا بتلاحظ معي .. أنو حتى النهار ...ما بيبلش عنا من أولا ً !! نحن منلحق النهار بعد ما يكونوا ببنغلاديش سكّروا وصرفوا آخر زبون .. وشنكلوا عالبيت . بعدين شو هي أولا ً .. يا فطحل ؟ طالما أنت بالأصل .. كلما تحاول تصير أولا ً بـ شي طابور .. بيسلخوكـ رفسة بتجيب (آخرة) سنين سلسفيل أهل الحكاية معكــ .. بعدين تعا لهون تكة !!! كيف بتتجرأ .. أنكـ تقول( أولاً ) _طالما أنت بطبيعة الحال وبأي تفتيــقة ردت تتــفتــّــقها _ مو عرفان من وين تبلش ؟ لا ...أورفواركـ بئا أخينا .. .. هي تسطيلة . حبيبي المستمع ( اسمحلي قلكـ (حبيبي) لأنو بيكفي أنكـ وصلت لهون بالقراية لأعرف أنو الكيميا بلشت تشرطق بيناتنا .. أنا على سقة .. وحياة مرت أخي ) حبيبي المستمع .. كل ما سمعت .. من تسطيل مبرمج يندرج تحت ترقيم ( أولا ً ) له !!!
أراكـــــــــــ عصي الدمع ..شيمتكـ الصبر ..
أما للهوى نهي .. لديكـ ولا أمر .. نعم أنا مشتاق ٌ وعندي لوعة ٌ ... ولكن مثلي لا يذاع له سر .. |
||||||
|
|
09/05/2007
|
#2 | ||||||
|
عضو
-- قبضاي --
|
اضربها صرما تعيش مرتاح !!
إنني أرفض اختيار طريق ،، لأنه يقيدني
أفضل البقاء في مفترق الطرق .. أنني أعاني الحرية ولا أمارسها !! CHE* |
||||||
|
|
|
09/05/2007
|
#3 | ||||||
|
أميـــــــــ
|
خالص الصبي يا حرام
بس فيها بخش نظر هاه دخلك، هي لاطشها من شي سكيتش لزياد؟ والله صرلي زمان ما تابعت مقالاتو
عندما تتأجج نار التحششيش .. تنأى الحشائش بالحشيش الحشحشش ..
وحشيشة التحشيش .. عمر أحشش .. حش الحشائش في حشيش محشش .. حشاش يا أخا الحشيش .. حشش على تحشيش محششنا القديم .. سوريا الله حاميا jesus i trust in you |
||||||
|
|
|
09/05/2007
|
#4 | ||||
|
عضو
-- مستشــــــــــار --
|
اسلوب رحباناوي فعلاً .. بس ما فريق هيك شي من قبل .. وما بظن لـ زياد .. لأنو سيادتو .. بيقول عادة .. عزيزي المستمع .. مو حبيبي المستمع .. أذا الموسيقار مو هوي الكاتب ..
أكيد الكاتب شب سوري .. عـ الأأغلب جامعي
أن خدعونا مرة .. تباً لهم , أن خدعونا مرتين .. تباً لنا
Amarta <3 ܒܪܠܝܒ |
||||
|
|
|
09/05/2007
|
#5 | |||||||
|
أميـــــــــ
|
اقتباس:
|
|||||||
|
|
|
09/05/2007
|
#7 | |||||||
|
مشرف متقاعد
|
اقتباس:
أهم شي بخش النظر .. طالما أنو من الدقدسة ... والبحبشة ... لاقيته .. وساعتها ما بيهم .. إذا كان المقال .. لزياد أو لأي متزحلط على صرماية هازا الوطن .. بيكفيني .. أنو في واحد عم يطنغر .. ويسمع .. وقللو حبيبي . تشاو .. ميرسي . |
|||||||
|
|
|
09/05/2007
|
#8 | |||||||
|
مشرف متقاعد
|
اقتباس:
يمكن .. لأنو عم بتمسخر ع حالي .. وع كل شي مزروكـ معي بهالدنيا .. قلت أنو رحباناوي .. سيدي .. مو بيناتنا .. المهم الزبدة يا طيب ..  |
|||||||
|
|
|
09/05/2007
|
#10 | ||||||
|
عضو
-- قبضاي --
|
وتحية لفنان الشعب ( سيد درويش ) !!
|
||||||
|
|
|
09/05/2007
|
#11 | ||||||
|
مشرف متقاعد
|
وبشرفي وبضميري وبولادي وبراس مرتي ووومالك يمين تحلفني . بس رح احلف . وحياة يلي نفضني ونفضك ورفسني ورفسك ودعكلني ودعكلك وعجني وعجنك وفرمتني وفرمتك انو بيطلع معك يامان .
لك أحلا شريك والى الامام سر بس دير بالك من الحيط تم ....
إذا أنصت قليلاً ........ فسوف تسمع صوت السنافر
عفكرة ... حمص أنا حاميها |
||||||
|
|
|
09/05/2007
|
#12 | ||||||
|
مشرف
|
 انو هيك كتير شو مشانك انت لا بجد يعني خلص يا مان بشرفك كيف هيك انو معقول من الآخر خلص روح طلاااااااااع
كان اسمه.. .
لا تذكروا اسمه! خلوه في قلوبنا... لا تدعوا الكلمة تضيع في الهواء، كالرماد... "We ask the Syrian government to stop banning Akhawia" |
||||||
|
|
|
10/05/2007
|
#13 | ||||||
|
عضو
-- زعيـــــــم --
  |
ايه يا سيدي كلامك فيو شقفه نظر سواء كنت لاطش الموضوع او مبدع فيه لوحدك يعطيك العافيه الحلو بموضوعك بتحسو متل لغز وبدك ناس تفهم معناه بقى سمعت انو هون في هيك ناس بقى ..... انا بضيف على موضوعك "اولا.... "تانيا.... "اخيرا خير الكلام ما قل ودل (وحياتك بعرف انو ما الا علاقه بالموضوع بس هيك خطر ع بالي) شكرا
G.W
|
||||||
|
|
|
10/05/2007
|
#14 | ||||||
|
مشرف متقاعد
|
دي بس بقا ..... !! أنو يعني ع مبدأ ... التصطيل بيجر بعضو .. تراعى إلى زهننا بعض الأفكار ( الزنخة ) بيضل معلـــّق بتمـــّــو للواحد شغلات .. يعني ما كتير بيحسن بيقولها .. خوفا ً من أنو يعني كل بني آدم يجي يكبــّر الهادا بالهادا .. ويقول ( شوقصدو ) ؟ حتى الصطلة صار بدها (من أين لكـ هازا ) ؟؟ شه !!!! إشي بيقولوا زياد .. وإشي بيقولوا : والله إذا أنت كاتب الموضوع معناتا شغلة ... !! يعني عم نجئجئ الطاصة بأسئلة .. أنو مابعرف .. بتشبه البويا على كلاش ديري .. كيف يعني ؟ ما كلامنا أصلا ً .. عن كيف يعني .. ليش دايما ً أول سؤال بيتبادر للزهن .../// منــــّــنلو /// ؟ هلأ انو نفهم ... شغلة منيحة .. والأمنــــح .. أنو نفهم أنو اللي فهمناه مفهـــوم بلا ما نتعب حالنا وغيرنا بالــ بيض و البيض يا أكابر .. أكيد مو يلي ببالكون منو .. !! البيض محصول متوفر .. وبكسرة,, عند أمسالنا لما منشوف انو أحدهم / نّ ... عطس فكرة عجبتنا .. فـ منصير كلنا مبنـــــــدئيــــن في النقد ( البنـــّــاء ها ) .. ومنقعد مننزللنا كم غيمة على كم عصفور أزعر .. ومنساوي عجة ... يعني بإمكانكـ تبيض .. ع مين ما بدكـ .... إلا ع واحد اعتنق الصطل .. ونزّل البربيش وقال يااالله .. لأنو المصطول بيعرف حالو حتى لو كان قاعد بالبانيو .. أنو شو ؟ أنو تحتو يابس .. إي .. ....... مو ؟ شوف .. حياتي......... فيكـ تتركني وتنــزل عاليمين إزا وجعكـ مخكـ .. صدقني مالي مستني حدا يجي يقللي .. عم تحكي مزبوط .. لأنو المرحات من ظغري ما كنت حبها .. بتعرف ليش ؟ لأنو دايما ً كنت آكل قتلة من ( محمود دباح البقر : رفيقي بالصف ) كل ما انضرب ع قلبي بشي مرحى ..  ع كلن لا كتير تعلا وتوطى مان.. لأنو متل ما أنت عم تلطــّش في غيركـ ئضــّــا وصضــّــا ع مدارس الحريم .. ومنعجبكـ ها .. هالحكي مو لحدا معين . وبتوقع ها والله أعلم .. ما الو علاقة بالشي اللي انحكا فوق .. بس أنو الفكرة كركرتني وضرب الفاز عالنيوترال .. و انمخط الحكي لوحده .. فااااااااااا ... برضون .... بتلاقيها منيحة هيكـ ؟ عن نفسي .. انا ما حبيتللكـ ياها حياتي |
||||||
|
|
|
10/05/2007
|
#15 | ||||||
|
عضو
-- مستشــــــــــار --
|
راح أدعيلك يا موسيئار بالشفا ان شا الله . و ربك كريم
 يعني من شهر تقريباً قرئتها انا و لهلاء عم بقلب فيها شمال و يمين فوق و تحت وش و قفا مو رضيانة تركب معي .. سامحني عمو الموسيئار محسوبك يبدو و الله أعلم عاقل كتير بعيد عنك  نصيحتي الك أن لا تصغي لتلك الأصوات النشاز التي تحاول إعتراض طريقك .فلا تصغي لحديث الإفك الذي يتفوه به البعض هنا و تابع مسيرتك حتى النصر المؤزر .. بايوو
إن تراب العالم لا يغمض عيني جمجمة تبحث عن وطن!
19 / 6 / 2007 |
||||||
|
|
|
10/05/2007
|
#16 | ||||||
|
عضو
-- مستشــــــــــار --
|
هو انا حاسة ان الموضوع حلو مجرد احساس يعنى
لانى اصلا مش فاهمه معظم الكلام ولا عارفة اترجمه
ورؤوس الناس على جثث الحيوانات
ورؤوس الحيوانات على جثث الناس فتحسس رأسك فتحسس رأسك! اذا كان احد قد اعترض طريقنا فمن المحتمل ان نكون نحن قد اعترضنا طريق شخص ما. فأنا التى اخترت منذ البداية ان اخسر العالم كله على أمل ان اربح نفسى. |
||||||
|
|
|
11/05/2007
|
#17 | ||||||
|
أميـــــــــ
|
اي خيي مايسترو
لا تواخزنا لا يمين و لا شمال و مش قاصد شي وحياة اختي الضو الواطي محروق مضوي العالي تاقدر اقشع مش قاصد شي و حياة اختي و ازا زعجناكم بيييييأمركم يا خيي بس يعني هيك اسلوبك كتير قريب من اسلوب زياد و هالشي مو غلط و التبس علينا الموضوع بس بيييييأمركم يا خيي شو بدكم ازحف؟ بزحف ياعطيكم العافية بمشي؟ |
||||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 18:47 (بحسب عمك غرينتش الكبير +3)