ماذا تعرف عن سوريا؟؟؟؟

[فايق ورايق]

أخوتي الأعزاء كل واحد فيكن ئاعد بيحكي أنو سوريا عملت وسوريل شالت وحطت........

طيب أنو أنتو ما فكرتو شي يوم أنو ليش اسرائيل بتكره سوريا..؟؟هههه قال شو :قال خايفة على مصالح الشعب وبدا توزعلنا لكل واحد شوال ديمقراطية......اييييييييه خلى اسرائيل وأميركا و..و...و...،يشبعوا ديمقراطية تبعيت الفرنكين ....،لأنو نحنا مالنا مضطرين نتخلى عن ارضنا وعن عرضنا مشان كمشة ديمقراطية....وياريت انو تكون ديمقراطية....ولله شي متل الكذب اللي عم يصير بالعالم........ولله مو متل، لا،كذب اللي عم يصير وضحك ع اللحى.....قال بدن يانا نتخلى عن الشاطئ الأزرق مشان يصير مقر للأسطول الأميركي ....وعن الزبداني حتى يصير قاعدة عسكرية لاسرائيل.............رح احكيلكن شغلة........روحو قولوا لاسرائيل انو بس يموت أخر رضيع بسوريا ....وبس يفني شجر الزيتون بأرضنا وما بئى ينبت بحدايقنا الورد .....وقتا بس فينن يجو ياخدو هالأرض....وكفى.

بحبك يا سوريا ...............بحبك:ha rt::hart :: hart:

سوريا الله حاميها

[Fares]

يا أخي فايق ورايق....

الديمقراطية ليست منتج أمريكي أو إسرائيلي...
حقوق الإنسان ليست بدعة امبريالية لخرق وحدتنا الوطنية...
أن تحاول أن تعيش ليس جرماً من تلفيق محكمة العدل الدولية...

أنا قبل ما فكر ليش إسرائيل بتكره سوريا، بدي فكر ليش مسؤولينا بيكرهو سوريا...

نحن لسنا مضطرين أن نتخلى عن أرضنا مقابل (كمشة ديمقراطية)... صح هالكلام. بس مين يلي قال أن الديمقراطية ما بتجي إلا إذا تخلينا عن أرضنا...
بدي أسألك سؤال: ليش منرضى نتخلى عن شعبنا وكرامتنا وتاريخنا وأفكارنا وآمالنا وأحلامنا... كلشي مسموح نتخلى عنو بس الأرض خط أحمر؟؟
كل هدول لازم يكونو خط أحمر... شو فائدة الأرض إذا يلي عم يعيش على هذه الأرض ممنوع من التنفس، من النظر، من الضحك ومن البكاء؟؟

تعليق أخير على آخر جملة كتبتها: "سوريا الله حاميها"
هاي الجملة كل ما اسمعها بشعر بالأسى...
يكتر خيرو الله لأنو عم يحمي سوريا... مع أنو حماية سوريا من مهام أشخاص تانين غير الله!!!


وللحديث تتمة....

[abosleman]

كاتب النص الأصلي : fares

يكتر خيرو الله لأنو عم يحمي سوريا... مع أنو حماية سوريا من مهام أشخاص تانين غير الله!!!

كلامك جواهر وهي اكبر جوهرة
واسمحلي ضيف شغلة من بعد اذنك
لتحمي بلدك وارضك لازم تحمي ابناء هالبلد
وماتحيجون يتغربو ويتبهدلو

[blade]

لتحمي بلدك وارضك لازم تحمي ابناء هالبلد
وماتحيجون يتغربو ويتبهدلو

لانه شو قيمة الارض بلا شعب

[rammstein]

كاتب النص الأصلي : blade

لانه شو قيمة الارض بلا شعب

لك فشرت.........
لك نحنا شعبها........واصلها واهلها......
اما امثالك ممن ينكرون اصلها فمالهم اصل........
لك سوريا الله حاميها.......

[Fares]

كاتب النص الأصلي : rammstein

لك فشرت.........
لك نحنا شعبها........واصلها واهلها......
اما امثالك ممن ينكرون اصلها فمالهم اصل........
لك سوريا الله حاميها.......

طول بالك أخي مانها مستاهلة كل هالعصبية.... رووووووووق....

بعدين يلي عم يقصدو blade أنو أبسط حقوق الشعب مانها موجودة عندنا... ما بدي بلش عد لأنو إذا بلشت عد شو ناقصنا من مقومات الحياة كإنسان بطوّل لخلص...
ومن هذا المنطلق إذا الشعب مانو عايش يعني فهو ميت، وإذا الشعب ميت يعني لا يوجد شعب... هذا هو الاستنتاج البسيط الذي قام به blade على ما أعتقد...

أما أن ترمي الاتهامات، وتنسب أن فلان ليس له أصل، فاسمحلي، هذا ليس من أصول الحوار

على كل إذا كنت أنا مخربط ممكن أنو blade يشرحلنا وجهة نظرو....

[rammstein]

سوريا الله حاميها........
سوريا الله حاميها........
سوريا الله حاميها.........
:l arg:

[rammstein]

كاتب النص الأصلي : fares

طول بالك أخي مانها مستاهلة كل هالعصبية.... رووووووووق....

بعدين يلي عم يقصدو blade أنو أبسط حقوق الشعب مانها موجودة عندنا... ما بدي بلش عد لأنو إذا بلشت عد شو ناقصنا من مقومات الحياة كإنسان بطوّل لخلص...
ومن هذا المنطلق إذا الشعب مانو عايش يعني فهو ميت، وإذا الشعب ميت يعني لا يوجد شعب... هذا هو الاستنتاج البسيط الذي قام به blade على ما أعتقد...

أما أن ترمي الاتهامات، وتنسب أن فلان ليس له أصل، فاسمحلي، هذا ليس من أصول الحوار

على كل إذا كنت أنا مخربط ممكن أنو blade يشرحلنا وجهة نظرو....

واحد عم ينكر وجودك شو بكون يا اخي؟؟؟؟؟؟؟؟
انا شب عايش بسوريا من 28 سنة وابي عايش فيها من 70 سنة ومالنا متحزبين ولا سياسيين وعايشين احلى عيشة؟؟؟؟؟ وين هي الحقوق الي ضايعة عليي وما عم لاقيها؟؟؟؟؟؟؟؟
حبيبي العفو منك كل انسان بقول انو نحنا مو عايشين كبشر بسوريا بكون اما مريض او حاقد.........لانو ما في عاقل بيقدر ينكر لانسان واقعه؟؟؟؟؟؟ ولا لكون مالي من البشر ومالي حاسس؟؟؟؟؟؟؟؟
اما اذا كانت الحقوق ليكون الانسان انسان هي انك تسب الحكم والدولة وتركب سيارتك وتدعس تلاتة وما حدا يحكي معك ......فالعفو نحنا عنجد مو بشر..........
اما انت يا اخي اذا كنت عنجد متل ما كاتب تحت اسمك انك عايش بالمانيا فاذا كنت زلمة ابن زلمة تجرا مرة وقول امام الناس انك تنكر المحرقة اليهودية او الهولوكوست......وشوف حقوق الانسان شلون لح تتمارس عليك من كل الجهات...........
اما عن الحوار عزيزي .........ليس من اصول الحوار ان تنكر المقابل.......او تلغيه....
تحياتي الك.......

[Fares]

كاتب النص الأصلي : rammstein

واحد عم ينكر وجودك شو بكون يا اخي؟؟؟؟؟؟؟؟
انا شب عايش بسوريا من 28 سنة وابي عايش فيها من 70 سنة ومالنا متحزبين ولا سياسيين وعايشين احلى عيشة؟؟؟؟؟ وين هي الحقوق الي ضايعة عليي وما عم لاقيها؟؟؟؟؟؟؟؟
حبيبي العفو منك كل انسان بقول انو نحنا مو عايشين كبشر بسوريا بكون اما مريض او حاقد.........لانو ما في عاقل بيقدر ينكر لانسان واقعه؟؟؟؟؟؟ ولا لكون مالي من البشر ومالي حاسس؟؟؟؟؟؟؟؟
اما اذا كانت الحقوق ليكون الانسان انسان هي انك تسب الحكم والدولة وتركب سيارتك وتدعس تلاتة وما حدا يحكي معك ......فالعفو نحنا عنجد مو بشر..........
اما انت يا اخي اذا كنت عنجد متل ما كاتب تحت اسمك انك عايش بالمانيا فاذا كنت زلمة ابن زلمة تجرا مرة وقول امام الناس انك تنكر المحرقة اليهودية او الهولوكوست......وشوف حقوق الانسان شلون لح تتمارس عليك من كل الجهات...........
اما عن الحوار عزيزي .........ليس من اصول الحوار ان تنكر المقابل.......او تلغيه....
تحياتي الك.......

أول شي مرحبا....

إذا أنت شايف أنو الوضع بسوريا عال العال حريتك يا أخي، هاي وجهة نظرك يلي أنا بحترمها، بس بالمقابل من حق الآخر (وبالتالي من واجبك تجاهه) أن تحترم وجهة نظره أيضاً...

أما عم الحقوق الضائعة التي تسأل عنها، فأنا رح أذكرلك على سبيل المثال وليس الحصر عدة أمثلة وبمواضيع مختلفة:

أولاً. الاعتقالات التي جرت وتجري بشكل شبه يومي لأشخاص كل ذنبهم أنهم فتحوا فمهم وتكلموا عن بعض ما يجول في خواطرهم
ثانياً. الأحكام بالسجن على عدد كبير من الشخصيات الواعية والمثقفة في سوريا وأقل حكم كان 3 سنوات ويصل أكبر حكم إلى الـ12 سنة على ما أذكر... فيك تتخيل شو معناة 12 سنة سجن مشان كلمة انحكت شو ما كانت هاي الكلمة؟؟؟
ثالثاً. حتى الآن هناك مناطق ريفية بسوريا لا تصلها الماء والكهرباء (أنا عم أعرف شو عم أحكي)..
رابعاً. قانون الطوارئ الذي نحن تحت حكمه منذ أكثر من 40 سنة إلى الآن الذي يسول للحاكم العرفي اعتقال من شاء وقت ما شاء إلى ما يشاء...
خامساً. دخل المواطن الغير متناسب مع متطلبات الحياة.
سادساً. لا أريد أن أتحدث عن مشاكل من قبيل التلوث والطرقات وغيرها من الأمور لأنها غير واردة أبداً ولا تعتبر حتى من الرفاهيات عندنا...

هذه لمحة موجزة وموجزة جداً (مشان ما يضيق خلق يلي عم يقرا).... والأمثلة الأخرى كتيرة....

أما عن إلغاء الآخر، فلم يقم أحد بإلغاءك أو إنكارك.. وإنما أنت الذي اتهمت كل مين بخالفك بالرأي بأنه إما مريض أو حاقد...

نقطة أخيرة عن مكان إقامتي حالياً.... فأنا من سكان زمبابوي بس قلت أنو إذا بكتب أنني عايش بألمانيا بيكون أوجب!!!!!!!!!!!!!!!!!

[SaKRaN]

وبحب ضيف شغلة... الشب rammstein عميقول انو هو عايش صرلو 28 سنة ووالدو صرلو 70 سنة ومرتاحيين الله يطول بعمرون وعمر الجميع بس هادا مو مقياس اذا انت عايش منيح يعني الكل عايش منيح !!!!!!
يعني انت شكلك مابتروح على الارياف والمناطق الفقيرة والمعدمة وبتشوف الشعب شلون صاير فيه ومابتسمع بالاخبار شلون حكمو على كيلو وعلى اللبواني وعلى البني وعلى امثالون بس لانو قالو لازم يصير بسوريا ديموقراطية ولازم تصحيح العلاقات السورية اللبنانية !!!!!
ومابتعرف عم قانون الطوارئ الي قال عنو الاخ fares !!!
ومابتعرف انو ارضنا صرلها من 67 محتلة ولهلق عميحكو عن المواجهة والتصدي والمقاومة واذا انفضحو انو في محادثات سرية على طول بيقولو انو السلام الخيار الافضل وبيقول عن بشار رجل السلام !!!!!!
مابتعرف انو كل البلدان عمتتقدم وبلدنا كل مالو لورا من زيادة اسعار وغلاء وفساد ونصب ومحسوبيات!!!
ومابتعرف انو بس عنا رأي واحد ومجلس شعب ات توجه واحد!!!!!!
ربك قال (وخلقناكم شعوب وقبائل) يعني مو كل البشر راي واحد !!
وربك قال (وامركم شورى بينكم)!!!
يعني من وين الديموقراطية ؟؟
القران نزل بامريكا وله عند اليهود ؟؟!
مو انتو عمتقولو وتحكو العرب والعروبة والتمسك بالمواجهة والتصدي ومن هل الشعارات ؟!؟
يعني انتو عرب ومسلمين ومتمسكيين بعروبتكم ودينكم !!
طيب خلص اذا ربك نزل القران على العرب وامرهم انو يكون في شورى بينون شلون اخترعتو انو الديموقراطية مستوردة وغربية ؟!!!!!!!!!!!!
ياريت اذا بدك اترد علي يا rammstein رد على نفس حكي وعلى نفس الكلام الي هلق كتبتو او ماترد بيكون احسن لانو بعرف ردودك هلق بتمسكلي كلمة وبتحكي كم كلمة الي انا حفظتون وبتقلي بالاخير انتو المعارضة مابتحبو سوريا وبتحبو بس اتسبو !!!!!!!!!!!!!!!!!!!!!!!!!!!!!!!!!!!!!!
ياريت اتفتح مخك ويصير عقلك يتقبل الراي الاخر انا بعزرلك لانو مالك متعود على هيك شي بس اتعود لانو الفرج قريب !

[rammstein]

كاتب النص الأصلي : fares

أول شي مرحبا....

إذا أنت شايف أنو الوضع بسوريا عال العال حريتك يا أخي، هاي وجهة نظرك يلي أنا بحترمها، بس بالمقابل من حق الآخر (وبالتالي من واجبك تجاهه) أن تحترم وجهة نظره أيضاً...

أما عم الحقوق الضائعة التي تسأل عنها، فأنا رح أذكرلك على سبيل المثال وليس الحصر عدة أمثلة وبمواضيع مختلفة:

أولاً. الاعتقالات التي جرت وتجري بشكل شبه يومي لأشخاص كل ذنبهم أنهم فتحوا فمهم وتكلموا عن بعض ما يجول في خواطرهم
ثانياً. الأحكام بالسجن على عدد كبير من الشخصيات الواعية والمثقفة في سوريا وأقل حكم كان 3 سنوات ويصل أكبر حكم إلى الـ12 سنة على ما أذكر... فيك تتخيل شو معناة 12 سنة سجن مشان كلمة انحكت شو ما كانت هاي الكلمة؟؟؟
ثالثاً. حتى الآن هناك مناطق ريفية بسوريا لا تصلها الماء والكهرباء (أنا عم أعرف شو عم أحكي)..
رابعاً. قانون الطوارئ الذي نحن تحت حكمه منذ أكثر من 40 سنة إلى الآن الذي يسول للحاكم العرفي اعتقال من شاء وقت ما شاء إلى ما يشاء...
خامساً. دخل المواطن الغير متناسب مع متطلبات الحياة.
سادساً. لا أريد أن أتحدث عن مشاكل من قبيل التلوث والطرقات وغيرها من الأمور لأنها غير واردة أبداً ولا تعتبر حتى من الرفاهيات عندنا...

هذه لمحة موجزة وموجزة جداً (مشان ما يضيق خلق يلي عم يقرا).... والأمثلة الأخرى كتيرة....

أما عن إلغاء الآخر، فلم يقم أحد بإلغاءك أو إنكارك.. وإنما أنت الذي اتهمت كل مين بخالفك بالرأي بأنه إما مريض أو حاقد...

نقطة أخيرة عن مكان إقامتي حالياً.... فأنا من سكان زمبابوي بس قلت أنو إذا بكتب أنني عايش بألمانيا بيكون أوجب!!!!!!!!!!!!!!!!!

اولا نقاشك اخي هو نقاش مثقف ومتحضر وهذا الكلام الي بينسمع ........
عزيزي الكريم للناقش افكارك.......
اولا عن الاعتقالات.....عزيزي الكريم لا يوجد دولة في العالم لا يعتقل فيها معارضين وسياسيين واكبر مثال على ذلك امريكا حامية الديمقراطية العالمية يعتقل فيها قرابة 20000شخص فقط لانهم مسلمون؟؟؟؟؟؟؟؟ليش ما حدا نط وقال انو جورج بوش نظامه قمعي واستبدادي؟؟؟؟؟؟؟؟ومثال اخر اسرائيل نائب في البرلمان عزمي بشارة رفعت عنه الحصانة ومطلوب القاء القبض عليه ليش؟؟؟؟؟لانو انتقد اولمرت وقت الحرب على مناة الجزيرة........بقى ليش هدول ديمقراطيات عريقة ونحنا استبداديين وغيرو؟؟؟؟؟؟؟؟ وبضيف شغلة انو حط ببالك اخي ما في حدا بكون قاعد ببيتو وعايش متل العالم والناس وبيجي الامن بيقبض عليه بلا سبب؟؟؟؟؟؟؟؟؟هي بالافلام بتصير مو عنا.....الا كم واحد شغلتهم يالفو قصص........
ثانيا احكام السجن على المثقفين.....عزيزي هل سالت نفسك مرة مين هالبيسمو نفسهم مثقفين ؟؟؟؟؟؟مامون الحمصي؟؟؟؟ولا رياض سيف؟؟؟؟؟؟ولا ميشيل كيلو؟؟؟؟؟؟؟ولا انور البني؟؟؟؟؟؟؟ولا كمال النبواني؟؟؟؟؟؟ اعطيني اسم اي واحد منهم ما بتعرف قصتو وانا بقلك اعمال هالمثقف الي بترفع الراس.......
ثالثا عن الماء والكهرباء كلامك صح......انا ما عم قلك انو عايش بدولة نفطية ولا بدولة اوروبية.....نحنا عايشين بالشرق الاوسط.......اذا بدك تقارنني فقارنني بالدول المحيطة التي تملك نفس الناتج المحلي والادارة.......اما مو تقارن بين سوريا وفرنسا؟؟؟؟؟؟؟؟ولا احد ينكر انو لسى ما وصلنا للكمال.......
رابعا قانون الطوارئ وانا معك بهي مية بالمية.........ولا تنسى انو بشار الاسد ورث الحكم تحت قانون الطوارئ مدة 30 سنة ما بيقدر يششلو الا بعد اصلاحات معينة لانو ازالته مباشرة يمكن تفتح بواب على الدائرة التي حوله......ولا تنسى انو نص البلاد العربية تحت قانون الطوارئ.......
خامسا دخل المواطن.......صحيح لا يتناسب ولكن لا تنسى انو الدكتور بشار صرلو بالحكم سبع سنوات رفع فيها المعاشات للموظفين ست مرات اي ما مقداره 103% مما كانت عليه اضافة الى المكافئات والهبات.......طيب ايهما افضل مضاعفة المعاش ام ما كنا عليه؟؟؟؟؟؟؟؟؟ وبرايي الامور كل مالها في تحسن بس بدها وقت.....
سادسا اما عن التلوث والطرقات فلا تنسى ان دمشق هي اقدم عاصمة بالتاريخ وكلها اثريات لذلك مو من السهل انك تنظم السير واكبر مثال عندما ارادوا منذ فترة ان يوسعو الطريق الرايح على ساحة المرجة وارادوا ازالة ما يسمى بخان الزيت....اعترضت الاونسكو وهددت بازالة دمشق من قائمة المدن التراثية.؟؟؟؟؟؟؟؟
عزيزي الكريم حط ببالك شغلة....عنا بهالبلد لسى في ناس ما وصلت لمستوى ثقافي معين لحتى تفتح موضوع حواري......المهم انها تكتب شي.....فاذا كان واحد متخانق مع موظف كهربا بصير معارض للنظام والدولة......واذا واحد مطرود اخوه من الجامعة بيصير معارض للنظام والدولة وبسب يمين وشمال........واول كلمة اذا قلت انك بتحب بلدك بقلك انت بعثي؟؟؟؟؟؟؟ بقى لا تناقش مين ما كان............
وعذرا للاطالة.......

[دانيا22]

سوريا الله حاميها كمشت تراب منها بتسوه كل الديمقراطيه بيكفي عايشين معززين مكرمين بيكفي الامان يا جماعه والله عايشين بالف نعمه والحمد لله

[Fares]

كاتب النص الأصلي : rammstein

اولا نقاشك اخي هو نقاش مثقف ومتحضر وهذا الكلام الي بينسمع ........
عزيزي الكريم للناقش افكارك.......
اولا عن الاعتقالات.....عزيزي الكريم لا يوجد دولة في العالم لا يعتقل فيها معارضين وسياسيين واكبر مثال على ذلك امريكا حامية الديمقراطية العالمية يعتقل فيها قرابة 20000شخص فقط لانهم مسلمون؟؟؟؟؟؟؟؟ليش ما حدا نط وقال انو جورج بوش نظامه قمعي واستبدادي؟؟؟؟؟؟؟؟ومثال اخر اسرائيل نائب في البرلمان عزمي بشارة رفعت عنه الحصانة ومطلوب القاء القبض عليه ليش؟؟؟؟؟لانو انتقد اولمرت وقت الحرب على مناة الجزيرة........بقى ليش هدول ديمقراطيات عريقة ونحنا استبداديين وغيرو؟؟؟؟؟؟؟؟ وبضيف شغلة انو حط ببالك اخي ما في حدا بكون قاعد ببيتو وعايش متل العالم والناس وبيجي الامن بيقبض عليه بلا سبب؟؟؟؟؟؟؟؟؟هي بالافلام بتصير مو عنا.....الا كم واحد شغلتهم يالفو قصص........
ثانيا احكام السجن على المثقفين.....عزيزي هل سالت نفسك مرة مين هالبيسمو نفسهم مثقفين ؟؟؟؟؟؟مامون الحمصي؟؟؟؟ولا رياض سيف؟؟؟؟؟؟ولا ميشيل كيلو؟؟؟؟؟؟؟ولا انور البني؟؟؟؟؟؟؟ولا كمال النبواني؟؟؟؟؟؟ اعطيني اسم اي واحد منهم ما بتعرف قصتو وانا بقلك اعمال هالمثقف الي بترفع الراس.......
ثالثا عن الماء والكهرباء كلامك صح......انا ما عم قلك انو عايش بدولة نفطية ولا بدولة اوروبية.....نحنا عايشين بالشرق الاوسط.......اذا بدك تقارنني فقارنني بالدول المحيطة التي تملك نفس الناتج المحلي والادارة.......اما مو تقارن بين سوريا وفرنسا؟؟؟؟؟؟؟؟ولا احد ينكر انو لسى ما وصلنا للكمال.......
رابعا قانون الطوارئ وانا معك بهي مية بالمية.........ولا تنسى انو بشار الاسد ورث الحكم تحت قانون الطوارئ مدة 30 سنة ما بيقدر يششلو الا بعد اصلاحات معينة لانو ازالته مباشرة يمكن تفتح بواب على الدائرة التي حوله......ولا تنسى انو نص البلاد العربية تحت قانون الطوارئ.......
خامسا دخل المواطن.......صحيح لا يتناسب ولكن لا تنسى انو الدكتور بشار صرلو بالحكم سبع سنوات رفع فيها المعاشات للموظفين ست مرات اي ما مقداره 103% مما كانت عليه اضافة الى المكافئات والهبات.......طيب ايهما افضل مضاعفة المعاش ام ما كنا عليه؟؟؟؟؟؟؟؟؟ وبرايي الامور كل مالها في تحسن بس بدها وقت.....
سادسا اما عن التلوث والطرقات فلا تنسى ان دمشق هي اقدم عاصمة بالتاريخ وكلها اثريات لذلك مو من السهل انك تنظم السير واكبر مثال عندما ارادوا منذ فترة ان يوسعو الطريق الرايح على ساحة المرجة وارادوا ازالة ما يسمى بخان الزيت....اعترضت الاونسكو وهددت بازالة دمشق من قائمة المدن التراثية.؟؟؟؟؟؟؟؟
عزيزي الكريم حط ببالك شغلة....عنا بهالبلد لسى في ناس ما وصلت لمستوى ثقافي معين لحتى تفتح موضوع حواري......المهم انها تكتب شي.....فاذا كان واحد متخانق مع موظف كهربا بصير معارض للنظام والدولة......واذا واحد مطرود اخوه من الجامعة بيصير معارض للنظام والدولة وبسب يمين وشمال........واول كلمة اذا قلت انك بتحب بلدك بقلك انت بعثي؟؟؟؟؟؟؟ بقى لا تناقش مين ما كان............
وعذرا للاطالة.......

مرحبا.....

أنا ما ذكرت ابداً مقارنة بين سوريا وأي دولة ثانية.... لا أميركا ولا إسرائيل بالديمقراطية أو بغيرها...
بس قصدي أنو غذا عندنا تحفظات على الديمقراطية الغربية (إذا بيصح هيك نسميها)، لا يعني أن لا نعيش نحن بحرية وديمقراطية...

مشان شغلة الاعتقالات العشوائية... يا سيدي بتصير، ما بالأفلام، وإنما على أرض الواقع... وصدقني أني عم أحكي من تجربة!!!
أما بالنسبة للبني، أو كيلو، أو غيرهم كتير... فأنا سمعت وجهة نظر الحكومة وسمعت وجهة نظرهم وقريت هم شو كاتبين... يعني أنا التهم بحد ذاتها بترفعلي ضغطي!! يعني ( النيل من تماسك الأمة - إضعاف الروح المعنوية للشعب - المطالبة بتغيير الدستور بطريقة غير دستورية - ........) يعني التهم كتير فضفاضة وقابلة للأخد والعطا.. والأكتر من هيك أن التهم كلها تهم سياسية، والمحكمة سياسية بحتة... وهذا بحد ذاته خطأ وتعدي على حقوق المواطن...

مشان معيشة المواطن والخدمات يلي عم تتقدملو... يا أخي لو بيعملو قانون أنو كل مسؤول من هالكبار يلي عم يتنفعو ع حساب الشعب، بيدفع 5% من قيمة النصبة يلي نصبها وبيجمعو هالأموال وبيوزعوها عالشعب، كنا عشنا أحلى عيشة الله وكيلك... بلدنا مانو فقير... إمكانياتنا ليست بالقليلة... طاقاتنا قدراتنا إبداعنا، كلها أمور نحسد عليها... بس المشكلة كلشي عم يبنهب وينسرق وينقتل!!!

مشان قانون الطوارئ، أنا لا أجد أي مبرر لاستمراره يوماً إضافياً.... يعني معقول عايشين اربعين سنة تحت قانون الطوارئ؟؟؟ لك إذا طوارئ تستمر لمدة أربعين سنة معناها هاي حياتنا الطبيعية هي طارئ بحد ذاته!!! كمان بهالحالة لازم ينلغى قانون الطوارئ لأنو صار حالة معيشية يومية

وشكراً

[Fares]

كاتب النص الأصلي : دانيا22

سوريا الله حاميها كمشت تراب منها بتسوه كل الديمقراطيه بيكفي عايشين معززين مكرمين بيكفي الامان يا جماعه والله عايشين بالف نعمه والحمد لله

حلو حبك للبلد ولتراب البلد....

بس يعني شو بيضر لو هالتراب معو هيك شي رشة ديمقراطية؟؟؟

إي شو هني لبن وسمك لحتى ما يجتمعو مع بعض؟؟!!؟!

[rammstein]

كاتب النص الأصلي : دانيا22

سوريا الله حاميها كمشت تراب منها بتسوه كل الديمقراطيه بيكفي عايشين معززين مكرمين بيكفي الامان يا جماعه والله عايشين بالف نعمه والحمد لله

هذا كلام الانسان الي بخاف على بلده .............والله نحنا عايشين بالف خير.......

[rammstein]

كاتب النص الأصلي : fares

مرحبا.....

أنا ما ذكرت ابداً مقارنة بين سوريا وأي دولة ثانية.... لا أميركا ولا إسرائيل بالديمقراطية أو بغيرها...
بس قصدي أنو غذا عندنا تحفظات على الديمقراطية الغربية (إذا بيصح هيك نسميها)، لا يعني أن لا نعيش نحن بحرية وديمقراطية...

مشان شغلة الاعتقالات العشوائية... يا سيدي بتصير، ما بالأفلام، وإنما على أرض الواقع... وصدقني أني عم أحكي من تجربة!!!
أما بالنسبة للبني، أو كيلو، أو غيرهم كتير... فأنا سمعت وجهة نظر الحكومة وسمعت وجهة نظرهم وقريت هم شو كاتبين... يعني أنا التهم بحد ذاتها بترفعلي ضغطي!! يعني ( النيل من تماسك الأمة - إضعاف الروح المعنوية للشعب - المطالبة بتغيير الدستور بطريقة غير دستورية - ........) يعني التهم كتير فضفاضة وقابلة للأخد والعطا.. والأكتر من هيك أن التهم كلها تهم سياسية، والمحكمة سياسية بحتة... وهذا بحد ذاته خطأ وتعدي على حقوق المواطن...

مشان معيشة المواطن والخدمات يلي عم تتقدملو... يا أخي لو بيعملو قانون أنو كل مسؤول من هالكبار يلي عم يتنفعو ع حساب الشعب، بيدفع 5% من قيمة النصبة يلي نصبها وبيجمعو هالأموال وبيوزعوها عالشعب، كنا عشنا أحلى عيشة الله وكيلك... بلدنا مانو فقير... إمكانياتنا ليست بالقليلة... طاقاتنا قدراتنا إبداعنا، كلها أمور نحسد عليها... بس المشكلة كلشي عم يبنهب وينسرق وينقتل!!!

مشان قانون الطوارئ، أنا لا أجد أي مبرر لاستمراره يوماً إضافياً.... يعني معقول عايشين اربعين سنة تحت قانون الطوارئ؟؟؟ لك إذا طوارئ تستمر لمدة أربعين سنة معناها هاي حياتنا الطبيعية هي طارئ بحد ذاته!!! كمان بهالحالة لازم ينلغى قانون الطوارئ لأنو صار حالة معيشية يومية

وشكراً

اما عن الديمقراطية فاذا الشعب لم يصل الى مستوى ثقافي معين فانه لا يحسن استخدامها......واكبر مثال هو منتدانا........انت اعطيت هامش معين لتعبر عن رايك فناقشت بشكل هادئ.....اما غيرك لما بتعطيه هامش حرية بصير بسب البلد وبيشتم الدولة وبساوينا ساكنين بجهنم..؟؟؟؟؟؟ شفت شو الفرق.......
اما عن كيلو والبني فاعتقد انهم اما اغبياء او متصلين بجهة اخرى او يهدفون للفت النظر........
عزيزي الكريم عند تازم العلاقات بيننا وبين لبنان ووصولها الى مرحلة القطيعة وكل طرف يبحث عن حجج تقوي موقفه يقفز هؤلاء الذين يدعون انهم مثقفون ويصدرون بيانا يطلبون فيه تصحيح العلاقة واننا بسوريا نسعى لتازيمها؟؟؟؟؟؟ وكانهم يطعنون بموقف الدولة السورية بالصميم من الداخل بعد وقوف الخارج ضدنا........يعني برايك شو لازم تعمل الدولة معهم؟؟؟؟؟؟؟ تصدر بيان شكر لهم ولا تساويلهم تماثيل؟؟؟؟؟؟؟؟ حتى ولو كانت دولتك على خطا يجب ان نقف صفا واحدا في الازمات ......مو كل واحد يغني على ليلو؟؟؟؟؟؟؟صح؟؟؟؟؟؟؟

[shadi]

انا بدي الكن انو لسه كل واحد بيحكي انو الشعب السوري مظلوم هو بكون ظالم حاله قال شو كل واحد بدو يتمرد ومابصير حدا يحكي معو خلي اول هو يحافظ على حاله بعدين يطمنطق
والله احسن بلد سورية واحسن شعب السوري واحسن رائيس بشار الاسد الله يحمي من عيون الحساد والضيقة وسورية الله حاميها وبشار راعيها



وسورية الله حاميها وبشار راعيها وسورية الله حاميها وبشار راعيها
وسورية الله حاميها وبشار راعيها وسورية الله حاميها وبشار راعيها
وسورية الله حاميها وبشار راعيها وسورية الله حاميها وبشار راعيها
وسورية الله حاميها وبشار راعيها وسورية الله حاميها وبشار راعيها
وسورية الله حاميها وبشار راعيها وسورية الله حاميها وبشار راعيها

[أبو شريك]

والله احسن بلد سورية واحسن شعب السوري واحسن رائيس بشار الاسد الله يحمي من عيون الحساد والضيقة وسورية الله حاميها وبشار راعيها

القرد بعين أمو غزال ..




مع كامل الإحترام ..