لماذا يتباهى الشباب بكثرة علاقاتهم بالبنات؟؟؟؟

[بنوتة حلب]

موضوع ..جدير بالنقاش.. ولدي الكثير من التساؤلات
والاستفساار من هذه التصرفاات ...
في ظل الانفتاح الاجتماعي الذي تعيشه المجتمعات الغربية تغير الكثير من العادات والمفاهيم والتقاليد.. والأفعال في حياتنا...فبعد ان كانت العلاقة بين الشاب والفتاة مرفوضه .. أصبح أمراً عادياً ومألوفاً ان الشباب ينتقلون من علاقة الى أخرى .. ومن فتاة الى اخرى..؟؟؟هذ الامر شي عادي لدى المجتمعات الغربية لكن اصبحت تنتشر وبشكل رهيب في مجتمعاتنا العربية....والخطير في الامر استسهال العلاقات العاطفيه وتعددها واعتبارها امرا عاديا لدى كل شاب.....
اصبح تباهي الشاب بكثرت تعدد علاقاته ومعرفته بالبنات شي عادي وطبيعي...حيث يعتبر هذا الشي في نظر اصدقائه بالشجاعه....يباهى الشاب بان الفتيات يدرن من حوله ويسعين اليه.....بالاضافه الى ما يقوم به الشباب من نشر القصص والحكايات التي تدور بينهم وبين الفتيات..
( أحبك .. لن انساااك .. سأبقى معك للابد .. ارتحت لك .. انتي غير عن كل البنات .. حبيتك من اول نظره و.. و.. و.. )) وغيرها من الكلمات التي تجعل الفتاة تعيش في عالم من الاوهام...تحلم وتبني حياتها مع ذلك الشاب
ولكن بعد مايفقد ذلك الشاب الفتاة اعز ماتملك الا وهو شرفها....يتخلى عنها وقد يفضحها في كثير من الاحيان ويستغل ضعفها وخوفها للفضيحه......وبذلك تخسر الفتاة شرفها وشرف اهلها....ناسية ومتناسيه انه هناك عقاب ينتظرها من خالقها....نسيت مراقبة الله لها وكل ذلك بسبب الكلام المعسول الكاذب الذي اغراها به احد اولاءك الشباب.....يتركها بعد ان اوهمها بالزواج ويسير ماشيا فاضحا ومتفاخرا بما فعله
و الاخطر من ذلك ان بعض من هؤلاء الشباب يستغلون الفتاه بطريقه اخرى حيث لا يفقدها شرفها ولكنها في الحقيقه قد فقدته ولكن لا يستطيع الطب الشرعي اثبات تلك الفضيحه... الفضيحه التي لا تدركها غير الفتاه بعد ان تصبح رخيصه ...لماذا كل هذا التباااهي والافتخااار ؟؟؟ لماذا كل هذه النذاله والاهانه في حق الفتاه؟؟؟؟
لما لا ينظر الشاب لهذه الفتاه على انها اخته او امه او احدى اقاربه؟؟؟؟
ام انه تحدي بينه وبين الشباب ..من يقدر على اصطياد اكبر قدر ممكن من الفتيات؟؟؟؟ ام انه يرضى غروره بهذه الطريقه ؟؟؟ ام انها وسيله لاشباع رغباته الدنيئه؟؟؟؟
هذا واقع للآسف
يخاف الشاب على اخته من بقيه الشباب .. ولا يخاف من عقاب الله
ان الله شديد العقاب...
ايها الشاب الا تخااااف من ان يعاقبك الله في امك او اختك او احد اقاربك
قد يعاقب الله فيهم و هذا عقابك بالدنيا فما بالك بالاخره
اسئله تحتاج الى اجابات.....
لماذا يتباهى الشاب بتعداد علاقاتة بين الفتيااات ؟؟؟؟؟؟
لماذا تستهل الفتايات محادثه الفيان واتيان المعصه؟؟؟؟؟؟
ام هي عادة تبدأ في سن المراهقة وتبقي ملتصقة بالشاب الى ما بعد المراهقة؟؟؟؟؟
ام هو ضعف الوازع الديني الذي ينشا فيه الاولاد هذه الايام في الاسر؟؟؟؟؟
ام هي ضريبه التفتح في المجتمعات؟؟؟؟؟
هل التلاعب في المشاعر أصبح عاديا .؟؟؟؟
ام نسيان يوم الاخره والعقاب والحساب اصبح موضه العصر؟؟؟؟؟؟؟؟

[lucky]

باختصار بتعفي ليش؟؟؟
لإنهن معقديـــــــــــــــــــن

[بنوتة حلب]

ههههههههههههههههه
اي والله معك حق

[magicman]

لماذا يتباهى الشاب بتعداد علاقاتة بين الفتيااات ؟؟؟؟؟؟

يظن انها رجولة (شوفة حال)

لماذا تستهل الفتايات محادثه الفيان واتيان المعصه؟؟؟؟؟؟

ليس دائماً يكون هنا معصية

ام هي عادة تبدأ في سن المراهقة وتبقي ملتصقة بالشاب الى ما بعد المراهقة؟؟؟؟؟

حسب حالة الشب وحالة البنت النفسية

ام هو ضعف الوازع الديني الذي ينشا فيه الاولاد هذه الايام في الاسر؟؟؟؟؟

هو ليس ضعف بل هو فقد لرجوليته ولكن ليس في جميع الحالات

ام هي ضريبه التفتح في المجتمعات؟؟؟؟؟

بالضبط

هل التلاعب في المشاعر أصبح عاديا .؟؟؟؟

اوافقك الرأي نعم اصبح عادياً

ام نسيان يوم الاخره والعقاب والحساب اصبح موضه العصر؟؟؟؟؟؟؟؟

بالضبط

بالختام يوجد عاطفة لدى الشباب يرودون تفريغها رح تسأليني من وين هادي الغريزة بتنشأ ؟؟؟
انا بحكيلك هو نقص في حنان الوالدين لابنائهم او انهم لايوجد لديهم اخوات

اشكرك على الموضوع الجوهري الذي يتناسب واقعنا في الصميم
اشكرك بعنف حقيقة

احتراماتي المتواضعة magicman

[بنوتة حلب]

يا هلا وشكرا على ردك وشرحك نورت

[Odell]

كاتب النص الأصلي : magicman

بالختام يوجد عاطفة لدى الشباب يرودون تفريغها رح تسأليني من وين هادي الغريزة بتنشأ ؟؟؟
انا بحكيلك هو نقص في حنان الوالدين لابنائهم او انهم لايوجد لديهم اخوات

انا ما عندي خوات بس انا محترم مع الكل و مع البنات بالزات

ومن ناحية نقص الحنان فانا مو لاقي رابط و علاقة شو دخلو ؟؟

بس ا

[magicman]

اخي الكريم عندما لاتجد من يضمك الى صدره ويخفف عنك لا اقول صديقك لان صديقك لايدوم لك ولا يخلص لك كما تخلص لك الفتاه ! انا اتكلم كما قالت الدكتورة نجوى .دكتوراه في علم النفس واساليب التربية الحديثة , وهذا بمثابة رأي لايعبر عن رأي الاغلبية انا اقول رأيي فقط!

ان شاء الله تكون وضحت الامور

لك مني جزيل الشكر والامتنان على التعقيب البنّاء!

[abu-wdea3]

كلامك صحيح بس ما لازم نعمم الشغله يعني مو كل الشباب متل ما زكرتي

بعدين كل انسان بينظر للشغله هي من جهه في ناس بتقول انو حرام و مالازم يحكي مع بنات ومالازم يطلع وفي ناس بتقول عادي خلي ينبسط دون رقابه

اما نوعي المفضل فهو الحل الوسط يعني الصداقه الشريفه يلي تكون غالبا عالأنترنت او بالمدرسه او بالجامعه او...او...الخ

يعني نحنا ما لازم كل ما شفنا شب مع بنت نقول ليكو البنت مو شريفه والشب صايع ضايع

بعدين بالنسبه للي بيفتخرو في مو عين نوع بكون عن جد محبوب وراكبو الغرور ونوع ضعيف الشخصيه بيعمل هالشغله مشان يصير زلمه بنظر اصدقائه




شكرا لصاحبه الموضوع لطرحها الموضوع
الشيق



~أبووديع~

[achelious]

أنا ضد...
أنا ضد التعميم..والتأميم..
أنا ضد ..المقدمة..وضد الأسئلة..
أنا ضد..نسيان يوم الآخرة والعقاب..والحساب أصبح موضه..وضد التخويف...
أنا ضد..التلاعب في المشاعر أصبح عاديا..وضد..إنو يكون بس ضد البنات..
أنا ضد..إنو تكون البنت ضحية..وضد..إنو ماتكون غير ضحية..
بالمقابل..
أنا مع التدقيق..والتمحيص..
ومع..العلاقات الصحية..
ومع..إنو تكون لكل شب شخصية..
ومع..البنت القوية
ومع..إنك تعيدي طرح الموضوع
ومع..إنك تعرفي إنو كلمة"جنتل مان" إجت لتعبر عن الرجل الذي لا يتحدث عن ما بينه وبين صديقته..للآخرين..
ومع..إنو بدك الكل يكون "جنتل"
وأخيرا وليس آخرا... تنـــــــــــــــــــــــ ــــــــــويه بسيط
إنتي سامعه..بالقاعدة اللي بتقول.."الحجه لا تقام على غير العاقل""..ما بعرف..
بس بعرف إني مع إنك تحددي من هو العاقل..؟
وأخيرا بحب الفت انتباهك إلى إنو..الوازع.."أي وزاع"..مش إذا كان ديني بالذات ..بيكون في النفوس..وليس يكون الأولاد في الأسر فيه..

[HOSAM4U]

شكرا كتير عالموضوع اللي عما يتزايد يوم بعد يوم
بالنسبة لهالشباب للي عما تحكي عنهون يعني مابتصور اديش مغرورين ومحسبين حالهون انو عما يعملوا شي
وهالشي يعني مافي واحد مننا الا ماعما يدايق منو انو بيكون الواحد قاعد مع زملائه بالجامعو مثلا بيقوم بيترك اصدقائه مشان يحكي مع شي وحدة من هالبنات الي عقلهون خفيف ...........
وانا اول واحد بحتقر هيك اشكال واكيد هاد\ مرض نفسي.......
ةبالنسبة للي بيعلق البنت فيه وبكون كاذب هاد توقعي منو اكتر من هالشي"""""""
وانا مريت بهيك تجربة والحمدلله اني طلعت قدها وعرفت شواتصرف

ومشكورة كتير عالموضوع مرة تانية

[zekra]

كاتب النص الأصلي : achelious

أنا ضد...
أنا ضد التعميم..والتأميم..
أنا ضد ..المقدمة..وضد الأسئلة..
أنا ضد..نسيان يوم الآخرة والعقاب..والحساب أصبح موضه..وضد التخويف...
أنا ضد..التلاعب في المشاعر أصبح عاديا..وضد..إنو يكون بس ضد البنات..
أنا ضد..إنو تكون البنت ضحية..وضد..إنو ماتكون غير ضحية..
بالمقابل..
أنا مع التدقيق..والتمحيص..
ومع..العلاقات الصحية..
ومع..إنو تكون لكل شب شخصية..
ومع..البنت القوية
ومع..إنك تعيدي طرح الموضوع
ومع..إنك تعرفي إنو كلمة"جنتل مان" إجت لتعبر عن الرجل الذي لا يتحدث عن ما بينه وبين صديقته..للآخرين..
ومع..إنو بدك الكل يكون "جنتل"
وأخيرا وليس آخرا... تنـــــــــــــــــــــــ ــــــــــويه بسيط
إنتي سامعه..بالقاعدة اللي بتقول.."الحجه لا تقام على غير العاقل""..ما بعرف..
بس بعرف إني مع إنك تحددي من هو العاقل..؟
وأخيرا بحب الفت انتباهك إلى إنو..الوازع.."أي وزاع"..مش إذا كان ديني بالذات ..بيكون في النفوس..وليس يكون الأولاد في الأسر فيه..

شبك انبدرت

[شامي من طوكيو]

بسبب الغزو الفكري ..........

[امير الاردن]

الموضوع كتير حلو بس متل ما في شباب بعملو هيك كذلك الامر عند البنات يعني هيك وهيك بالاختصار المفيد البنت لازم تحافظ على سمعتها ومظهرها وما تعطي عني لاي شاب وانتي قولتي عن مخافة الله ويوم العقاب والصبية تخاف الله بلبسا بس تطلع شوي راح تتفجر على البنطلون واذا طلعت على الكلية تقولي راح تطلع على سهرة او ما شابه وبترش اننتين عطر تترك بصمات بس تمشي والتنورة من فوق لا فوق كل هادا ما اله دور وبنعكس على الشباب بس مو الكل من الطرفين بشكل عام ومشكوره على الموضوع

[بنوتة حلب]

شكراااا للكل على مشاركتون وارائون
بس ليش هالعصبية والتهجم علي
انا معم خص الشباب كلون
انتو بردودكون كمان قلتلو انو في ناس هيك وفي ناس هيك
الحبابين ماعم نقرب صوبون
بس المو حبابين هنن الي عم ناقش امرون
يعني انتو اخدتوا على حاصلكون !!!!!!!!!!!!!!!!!!!


بس برايي انو ماالو داعي هالكلام كلو انا طرحت موضوع للنقاش لنتناقش مو كل شب ياخود على حاصلو
ويقلي عيدي صياغه الموضوع


على كلن وبالنهاية كلها وجهات نظر وانا بحترمها ومافيني قول غير هيك

[oaddah]

بصراحة موضوعك لفت انتباهي كثير

وها الظاهرة منتشرة كتير في مجتمعاتنا والمشكلة ان اللي ينقص عليهن اغلبهن بين14 و ال 20 يعني مو حرام

بنت بهالعمر تفقد شرفها وليش الشاب مابراعي ان البنت حساسة ....

حتى البنت عليها كمان حق يعني لانو كمان البنت بتغلط بتصرفات من هالنوع احيانا

والسبب هو تربية الاباء لبناتهم يعني السبب هو انا الاهل ( راخينلن الحبل شوي)

أعذريني أختي أنا أعتبر الكل مشترك (( ما وما بدنا نحط الخطأ على الشاب فقط ))

والسبب هو ضعف الوازع الديني الذي ينشا فيه الاولاد هذه الايام في الاسر...

والسبب التاني هو تربية الاب واهتمامه بابنه او بنته

والله يصلح الجميع

[meYnot]

التعميم غير صحيح بالمرة...........
في طفولتي وحتى بمراهقتي كنت شخصية صارمة مع البنات لدرجة تصل الى اني أخترع مسميات (القاب) للبنات ويتناوله الناس حتى يصبح هو اسمها .. حتى المحاضرين بالجامعة يستخدمون تلك الألقاب لها... فهي ليست بذيئة بالتأكيد ولكن للسخرية وهي تشبة الأسم الذي اطلقه عليها.. هههههه

على اية حال... التعميم خطأ .. على الأقل بالنسبة لي!

[bars]

بصراحة متل ما قال وضاح مو لازم نحط الحق عالشب لانو بصراحة بنات هالايام اللهم جيرنا وفهمكم كفاية

[أبو وديع و بس]

أولا شكرا كتير لطرح هالموضوع
وأنا مابعرف ليش الشب بيتباهى بهالشغلة بس بعتقد أنو بيشعر من خلاله برجولة أو بغرور أنو البنات راكضة عليه أو أنو مشي مع أكتر من بنت ....

وبستغرب حقارته بأنو يستغل عواطف البنت ويسمعها كلام معسول مشان يوصل لغاية بشعة كتير ... بتأثر على البنت أكتر من عليه

و طبعا بدنا نركز أنو مو كل الشباب هيك وأنا بالنسبة إلي كشب بحب كتير الصداقة البريئة بين الشب والبنت يلي هيي قليلة و بتعتمد على شخصية الشب أو البنت و يلي ببعض الأحيان بيرفضها مجتمعنا العربي و يلي صعب يلاقي الواحد متلها إلا في بعض الأماكن ( ويمكن مو الكل بيوافق على هالرأي ) بس الشب أو البنت المربايين ويلي بيجربوا هالصداقة بيعرفو قديش حلوة وأنا لهلق ماعم لاقي المكان يلي ممكن أتعرف في على صداقة بريئة من هالنوع .

و كمان بستغرب كيف الشب بيجامل بنت و هو مابيشعر تجاهها ببعض الأحيان حتى بالإعجاب؟ يعني أنا مابتوقع حالي جامل بنت إذا مو معجب فيها ؟