أي نوع من الصديقات أنت

[ABOO_3BDOOO]

أي نوع من الصديقات أنت
الصديقات انواع .. فاي نوع من الصديقات انت ؟؟؟
الصداقه كنز لا يفنى شعاري في الحياة ...
ولكن في هذا الزمان يقل الاصدقاء الاوفياء بل الصديقه الوفيه في هذا الزمان كالؤلؤة في البحر نادرة ..
ترى اي من الصديقات انت ..و كم نوع من هذة الصديقات لديك في حياتك ؟

1- الصديقة المنعشه : صديقة أصغر منك سناً ، ستشعرك كم أنت محظوظة أنك وصلت لهذة المرحلة
ستأخذين من نشاطها وحماسها وتتعلمين منها كل ما هو حديث وجديد
2- الصديقة المماثلة : لها نفس تخصصك أو لها نفس اهتماتك أو تسكن في نفسك شارعك ،هذه الصديقة التي تعيش حياة مماثلة لحياتك هي الوحيدة القادرة علي أن تفهم وجهة نظرك أو أفكارك عندما تحتاجين إلى من تشكين له همومك .
3- الصديقة الحكيمة : صديقة تشعرين أنها لديها خبرة في امور كثيرة ، ووجودها في حياتك يشعرك بالأمان ،
فعند أي معضله ستجدين من يمد لك يد العون بالمشورة والنصيحة .
4- الصديقة المرحة : تنسيك ، عندما تتحدثين إليها ، مشاكلك وقلقك فهي قادرة علي تخفيف الحزن عنك
بل قادرة علي أن تحملك علي الأبتسام وربما الضحك بأعلي صوتك .
5- الصديقة المعاكسة : هي صديقة تختلف في كل شي عنك ، فإذا كنت في القسم العلمي فهي بالقسم الأدبي وإذا كنت ميسورة الحال فهي أقل منك .ستعطيك وجهة النظر الأخري من الحياة بل وتجعلك تشعرين أنه ليس بالضرورة أن ما عند الاخرين الذين يختلفون عنك في كل شي أفضل مما عندك ، بل تدفعك للشعور بالسعادة بما لديك.

6- الصديقة التاريخية : شاهد عيان علي تقلبات حياتك ،، مدها وجزرها هذه الصديقة قابلتها ربما علي مقاعد الدراسة في المرحلة الأبتدائية أو المتوسطة فهي من الصديقات الثمينات ،، احرصي عليها وإن بعدت بينكم المسافات


انشاء الله يكون عجبكم الموضوع



مع تحيات ابو عبدو

[abu-wdea3]

يسلمو ابوعبدو موضوعك بجنن
انا عندي من جميع الأنواع ههههههههههههههه

[ABOO_3BDOOO]

على راسي ابو وديع الله يكتر المحبين
يسلمو علا المرور كتير

ابو عبدو

[msham]

متل ما قالتلي رفيقتي أنا بين نوع الصديقة المرحة والصديقة المعاكسة ......
عندي من كل أنواع الصديقات ما عدا الصديقة المنعشة والمماثلة ....

[moh84]

شكرا اخي على الموضوع
بس ما حكتلي عن الصديق السئيل شو مواصفاته

[Eh@Ab]

هههههههههههههههههه

موضوع حلو وبضحك

[abeer03us]

أنا خليط من كل هالأنواع...فيها شي مشكلة ولا لازم اكون صديقة محددة ..
ما بعرف المهم أنا هيك...شكراً على الموضوع حلوووو

[ABOO_3BDOOO]

كاتب النص الأصلي : msham

متل ما قالتلي رفيقتي أنا بين نوع الصديقة المرحة والصديقة المعاكسة ......
عندي من كل أنواع الصديقات ما عدا الصديقة المنعشة والمماثلة ....

انشاء الله الله بيرزقك من كل نوع صديقات ومن كل نوع اكتر من وحدة


الله يوفقك
وشكرا على المرور الطيف

[ABOO_3BDOOO]

كاتب النص الأصلي : moh84

شكرا اخي على الموضوع

كاتب النص الأصلي : moh84

بس ما حكتلي عن الصديق السئيل شو مواصفاته

طبعا الصديق السئيل انا ما ذكرت شو مواصفاتو
لان كان موضوعي جدي المهم الصديق السئيل بكون

اولا سئيل

تانيا تقيل دم يعني بيطلع شي 2000 كيلو

ثالثا بكون مو مهضوم يعني اذا اشربت معو شي مصنع ببسي ما بينزل ببلعومك

رابعا بتكون ريحت الزنخة طالعة منو من شي 200 متر من قد مانو زنخ وزنخ بالفلسطيني يعني مرييييق

خامسا ما بتشتهي ولا باي مكان

سادسا مستحيل تفقدلو اذا اطلعتو انت والشباب وانسيتو


سابعا امرق منو الله ما خلق

ثامنا ...................................... الى اخره

انشاء الله بكون عطيتك صفاتو كلها سلامات شكرا على المرور الطيب



مع تحيات ابو عبدو

[ABOO_3BDOOO]

كاتب النص الأصلي : abeer03us

أنا خليط من كل هالأنواع...فيها شي مشكلة ولا لازم اكون صديقة محددة ..
ما بعرف المهم أنا هيك...شكراً على الموضوع حلوووو

لا بصير مين قال انو مابصير يا عبير وخاصة لانك بتحبي شرين متك مو واضح

بس في شغلة لازم تكون موجودة وهي الميول لنوع واحد اكتر من الانواع التانية


فمن الممكن انو تكوني مثلا ميالة انك تكوني المرحة اكتر من الانواع الباقية


وشكرا على المرور الحلو

[ABOO_3BDOOO]

كاتب النص الأصلي : Eh@Ab

هههههههههههههههههه

موضوع حلو وبضحك

حلو فهمنا بس ليش بيضحك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟ظظ



ممكن توضحلي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟



وشكرا كتير على المرور

[abeer03us]

شكراً..مضبوط أنا بميل للصديقة المرحة أكتر شو عرفك؟؟؟؟
على كل الأحوال ميرسي على الرد

[ABOO_3BDOOO]

كاتب النص الأصلي : abeer03us

شكراً..مضبوط أنا بميل للصديقة المرحة أكتر شو عرفك؟؟؟؟
على كل الأحوال ميرسي على الرد

ولو اذا انا ما عرفت مين بدو يعرف
واضح من كلامك يا عبير
بعدين انا دارس فلسفة وهي شغلتي

شفتي موضوعي <<< اختبارات نفسية >>>
ولا لا اذا ما شفتي بسرعة روحي على قسم فلسفة وعم نفس وحللي شخصيتك او بعض جانب شخصيتك
خلينا على تواصل شكرا على الصراحة

[abu-wdea3]

كاتب النص الأصلي : ABOO_3BDOOO

طبعا الصديق السئيل انا ما ذكرت شو مواصفاتو
لان كان موضوعي جدي المهم الصديق السئيل بكون

اولا سئيل

تانيا تقيل دم يعني بيطلع شي 2000 كيلو

ثالثا بكون مو مهضوم يعني اذا اشربت معو شي مصنع ببسي ما بينزل ببلعومك

رابعا بتكون ريحت الزنخة طالعة منو من شي 200 متر من قد مانو زنخ وزنخ بالفلسطيني يعني مرييييق

خامسا ما بتشتهي ولا باي مكان

سادسا مستحيل تفقدلو اذا اطلعتو انت والشباب وانسيتو


سابعا امرق منو الله ما خلق

ثامنا ...................................... الى اخره

انشاء الله بكون عطيتك صفاتو كلها سلامات شكرا على المرور الطيب



مع تحيات ابو عبدو

هههههههههههههههههههههههه
بزكرني بواحد هون بالأخويه

[ABOO_3BDOOO]

كاتب النص الأصلي : abu-wdea3

هههههههههههههههههههههههه
بزكرني بواحد هون بالأخويه

مين هوه ابو وديع ممكن توضح لا يكون انا


شكرا على التعليق الحلو

[abeer03us]

رايحة فوراً...كتير بحب هيك مواضيع...
معليه انا جديدة بالمنتدى ميرسي لأنك ساعدتني

[ABOO_3BDOOO]

كاتب النص الأصلي : abeer03us

رايحة فوراً...كتير بحب هيك مواضيع...
معليه انا جديدة بالمنتدى ميرسي لأنك ساعدتني

اهلا وسهلا ونورتي المنتدى

اوكي عم استنى الرد

يالله لا تطولي

بس بدي رد صاروخي

[ماما منوشه]

حسب ما بيقلي كتير من رفاقي انا الصديقة الحكيمة احيانا والصديقة المرحة احيا اخري
عندي كل انواع الاصدقاء بس تواجد الصديقة التاريخ قليل بحياتي يعني ما في غير واحدة بعرفها من اكتر من 12 سنة
شكرا عى الموضوع الاكثر من رائع