لماذا يلجأ البعض منا إلى كتمان آلامه و أحزانه؟

جمانة شهاب · 03/12/2006

كلنا تجمعنا نفس المشاعر.. مشاعر الحزن و الألم و الأسى التي قد تعترينا من

حين إلى آخر

حاملة معها الدموع و الوجع

البعض منا قد يلجأ إلى أقرب إنسان إليه و يفرغ له مكنوناته و يشكي له همه

و البعض الآخر قد ترتسم تلك المشاعر على وجهه و تنطق لنا بما لم يبح به لسانه

من وجع و حرقة

و منا من لا يفصح عن تلك المشاعر و تبدو تعابير وجهه صماء مبهمة لا علاقة لها بما يدور في جوفه

لماذا هذا الاختلاف يا ترى؟؟

و لماذا يجمع البعض منا همومه و أحزانه و يضعها في صندوق محكم الاغلاق و

يعلقها في رف مهجور داخل الغرفة؟؟

إذا كنت أنت أخي او أختي القارئة ممن يلجأوون إلى الكتمان

ما الذي يدفعك إلى ذلك؟

أهو خوف من استهزاء الناس و سخريتهم؟

أم هو شعور بالضعف أمام الآخرين؟

أم تراك تأخذ بقول

(( الشكوى لغير الله مذلة ))

؟؟؟

أتمنى سماع آرائكم و تعليقاتكم حول الموضوع

هي الايام · 03/12/2006

مشكورة اختي على الموضوع

انا من النوع يلي ما بخلي شي بقلبي يعني لما بكون مجروح جرح كبير في وحدة من الناس تقدر تفهمني
و تعطيني بعض النصائح يلي تخليني اتغلب على هل الجرح يلي فيني و ه الانسانة انا بلاحظ ان كل واحد من الشباب و الصبايا بيحبوها و يتعلقو فيها و على الاغلب بتكون صديقة الهون اكيد عرفتو عن مين بحكي عن الخالة اخت الماما غالبن بتكون صديقة لانو في تفارب بالعمر صح
يعي بالنهاية مابحب خلي شي مكبوت جوة و الا بيطق قلبي

Norita · 03/12/2006

أنا صايرة عم أتاكد من شغلة
أنو الزلمة لما ما بيحكي شي عن آلامو فهو لحتى يخلي الناس تشفق عليه !!!

عاشق سلاف · 03/12/2006

شكرا على هذا الموضوع

وانا برأيي أنه ما في انسان ما عنده شخص قريب منه بيقدر يحكيله كل همومه ومشاكله

ولازم الواحد يحكي عن حاله لحتى يروح عن نفسه

لانه الكتمان يضيق القلب ويكتم على النفس

ولكن البوح بما لديك حتى ولو لشخص واحد فقط يجعلك تشعر بالراحة والسعادة الداخلية

تحياتي

nen0us · 03/12/2006

اقتباس:

كاتب النص الأصلي : Norita

أنا صايرة عم أتاكد من شغلة
أنو الزلمة لما ما بيحكي شي عن آلامو فهو لحتى يخلي الناس تشفق عليه !!!

انا مش معك بهاي.. فأنا مثلا بحبش اشكي همومي ومشاكلي، ومدامي مش مفرجي الي جواتي ما حدا رح يعرف بل اصل انو عندي مشاكل.. فهيك ما رح يشفقوا علي. فمتلن انا اذا عندي مشاكل بكتم حالي قدام غيري وبفرجيهن الوجه المرح مني.. اما اذا كان صعب فبفضل الانفراد، وطبعا بحبش اشفق حدا علي.
اما بالنسبة لليش هيك انا بسوي:
انا طبيعتي انسان راكز هادي ما بحب اوجع راس غيري بهمومي. والحل لمشاكلي ما بلاقي الا لما اقعد لحالي اصفي ذهني وافكر بهدوء... واذا ما كان في حل لأيش اوجع راس غيري من اصحابي بولولاتي؟!
واذا كان لا بد لازم اعمل اشي بالموضوع ومش ملاقي عندي الجواب فيمكن اتوجه للناس هلي عنجد تفهم في مشكلتي وتعطيني الدروب الي ممكن اسلكها، وطبعا الباقي علي.

شكرا عالموضوع

قهوة دايمي · 03/12/2006

لا تشكو للناس جرحاً أنت صاحبه ....لا يؤلم الجرح إلا من به ألم

أحيانا .. أرى أن أحزان الآخرين .. ومصائبهم ... أكبر مني ومن حزني ..
لهــذا لا أبوح شاكيا بالحزن ..

قد أعبر عنه ..

لكن كل واحد ( اللي فيه مكفيه )

اية الرحمان · 03/12/2006

شكرا على هذا الموضوع لانو عن جد مهم والله انا شخصيا اشبه بالeponge بمتص كل الصدمات والمشاكل الي بتخصني وبتخص غيري وبعمري ما التقيت بشخص بنت او ولد يمكن احكيلهن او افضفض على جواتي من شان هيك تربى عندي هالكبرياء هالقوة من الخارج المراء الحديدية ما بحب الشفقة والكلام الزايد مسكينة ومادري شو....الخ ومن جوة بركان حزن والام اداوي جروحي بروحي او تاخذ روحي

shift · 04/12/2006

يا ريت حدا بيفهم لنحكيلوا!!!!!!!!!!!!!!!!!!!!!!!!!!!!

abu-wdea3 · 04/12/2006

"ابكي والصمت يجرحني"

جمانة شهاب · 04/12/2006

مشكورين جميعا على الرد و الحوار و التفاعل مع الموضوع..

خارج السرب · 04/12/2006

اقتباس:

كاتب النص الأصلي : قهوة دايمي

لا تشكو للناس جرحاً أنت صاحبه ....لا يؤلم الجرح إلا من به ألم

أحيانا .. أرى أن أحزان الآخرين .. ومصائبهم ... أكبر مني ومن حزني ..
لهــذا لا أبوح شاكيا بالحزن ..

قد أعبر عنه ..

لكن كل واحد ( اللي فيه مكفيه )

لا زيادة :

وإن اختلفت الطريقة والشرح ولكن المضمون نفسهـ

شكرا ً

Gilgamish · 04/12/2006

اقتباس:

كاتب النص الأصلي : عاشق سلاف

شكرا على هذا الموضوع

وانا برأيي أنه ما في انسان ما عنده شخص قريب منه بيقدر يحكيله كل همومه ومشاكله

ولازم الواحد يحكي عن حاله لحتى يروح عن نفسه

لانه الكتمان يضيق القلب ويكتم على النفس

ولكن البوح بما لديك حتى ولو لشخص واحد فقط يجعلك تشعر بالراحة والسعادة الداخلية

تحياتي

كل شى الى قلتو صح بس فى ناس ماعدها ولا واحد تشكيلو

mnhoos · 04/12/2006

لأنو
أتركيها بالقلب تجرح
ولا تطلع لبرا وتفضح

نائب الرئيس · 04/12/2006

والله لا اشكي لانهم لا يستحقون الصراحة معهم

اية الرحمان · 04/12/2006

معك حق نائب الرئيس

نائب الرئيس · 04/12/2006

اقتباس:

كاتب النص الأصلي : اية الرحمان

معك حق نائب الرئيس

هلا هلا عمتي

شايف انه عجبك الرد .....

هاد رد الزعماء بس

شكرا

اية الرحمان · 04/12/2006

وبس الزعيم يالي بيفهم عالزعيم

مو هيك

اية الرحمان · 04/12/2006