ولد وأبوه

[امرأة من ورق]

هلأ الواحد بيتجوز وبيصير عندو ولد...... هاد شي حلو
بس لما بصير عندو ولد بيبطل اسمو الفلان وبيصير اسمو ابو الفلان والمرأة بيصير اسمها ام الفلان على اسم الولد
طيب ليش هيك؟؟؟ ليش لحتى يلتغى اسم الاب (اجتماعيا طبعا يعني رح يضل اسمو عالهوية متل ماكان بس بين الناس بينتسى اسمو الاصلي) انو ليش انا بحسها فيها الغاء لشخصية الاب والام

وكمان ليش اذا اجى اول ولد بنت وسموها مثلا رباب بيصير اسم الاب ابو رباب
وبيجيبو تاني ولد واجت بنت بيضل الاب ابو رباب
وبيجيبو تالت ولد واجت بنت بيضل الاب ابو رباب
ونفس الشي لو جابو عشر بنات بيضل الاب ابو رباب
بس يجي الصبي لو بعد عشر بنات بيصير الاب على اسم الصبي يعني مثلا ابو باسم

ليش؟؟؟؟؟؟؟؟؟؟

[محمد ابراهيم]

كاتب النص الأصلي : امرأة من ورق

بس يجي الصبي لو بعد عشر بنات بيصير الاب على اسم الصبي يعني مثلا ابو باسم

ليش؟؟؟؟؟؟؟؟؟؟

الاب حر انو يحب يسمع كلمة ابو باسم وما حابب يسمع ابو رباب لولا الظروف ما كان سمعها اساسا
وكمان الناس احرار يقولو ابو باسم وما يقولو ابو رباب



وكمان مو من حق رباب تقرر الاسم اللي الاب رح يتنادى فيه ولا انتي ولا اي حد


عاش باسم وابوه
عاش
عاش

[Willi]

والله هون باميركا مافي شي من هالحكي

من اول ما اجيت على اميركا ما سمعت حدا عيط لابي ابو جاد

[الحاج متولي]

كاتب النص الأصلي : امرأة من ورق

هلأ الواحد بيتجوز وبيصير عندو ولد...... هاد شي حلو
بس لما بصير عندو ولد بيبطل اسمو الفلان وبيصير اسمو ابو الفلان والمرأة بيصير اسمها ام الفلان على اسم الولد
طيب ليش هيك؟؟؟ ليش لحتى يلتغى اسم الاب (اجتماعيا طبعا يعني رح يضل اسمو عالهوية متل ماكان بس بين الناس بينتسى اسمو الاصلي) انو ليش انا بحسها فيها الغاء لشخصية الاب والام

وكمان ليش اذا اجى اول ولد بنت وسموها مثلا رباب بيصير اسم الاب ابو رباب
وبيجيبو تاني ولد واجت بنت بيضل الاب ابو رباب
وبيجيبو تالت ولد واجت بنت بيضل الاب ابو رباب
ونفس الشي لو جابو عشر بنات بيضل الاب ابو رباب
بس يجي الصبي لو بعد عشر بنات بيصير الاب على اسم الصبي يعني مثلا ابو باسم

ليش؟؟؟؟؟؟؟؟؟؟

والله أنا مستغرب من هادا الحكي علشان عندنا في سوريا بينادو لكل واحد حتى قبل ما يتجوز بأبو فلان على حسب إسم الأب يعني مثلا أنا من أول ما أصبح عمري 13 سنة كان الناس كلها إلي بتعرفني وبتعرف والدي بينادولي أبو خليل على إسم والدي (الله يرحمو) وهاي إيشارة لإلي علشان الإسم يمشي عليّ لغاية ماأتزوج وأسمي إبني خليل علشان إسم الوالد يتم ملازمني
طبعاأنا بحكي على أكثر الناس الموجودين بسورية بس مش الكل
وكمان أغلب الأولاد أول ما بيجيهم بنات بيسموهن على حسب إسم الأم
ولكن للأسف الشديد قلة عقل بعض الشباب إلي طالعة اليوم وتفاهتهن وتظاهرهن بالتمدن أو على رأي الشباب (الموضة) فبيقولو (ياي إسم البابا كان موضة قدية كتير كتير بدنا شي إسم يكون هاي كلاس يعني إسم شي مطرب أو راقص أو مطربة هيك يعني يكون جانتي كتير جانتي ) وطبعاً أحياناً تسلط الزوجة على الزوج يبخليها تمنعو يكتب إسم أول ولد على إسم البابا تبعو لإني هادا الشي بيخليها تتذكر حماها دائماً
لك آه شوبدي إحكي لإحكي كل الدنيا ماشية بالمقلوب
أما بالنسبة لكون الواحد بينسما أبو فلان على إسم أول ولد فقط فعلى ماأعتقد لأن الولد الأول هو الإسم اللذي ينادا به حتى من قبل أن يتزوج الشخص وليس من الممكن أن يتغير إسم (أبو فلان )كل ما بيجي ولد جديد لأنه إذا دل فإنه يدل على جزء من شخصية الرجل وليس من الممكن أن يكون الرجل في كل فترة من الزمن بشخصية جديدة
تحياتي الحاج متولي

[ayham-hemo]

شوفي يا ستي جبت سطل أفكاري بما يتعلق بهالمسألة.
الابوين بيصير اسمهم أبو وأم الولد الاكبر لأنو بصراحة هو بيكون أغلى ما عندهم وبيعتزو بأسمو لدرجة أنهم بيبدو أسمو على أسمائهم الشخصية -متل ما بيبدو كلشي ألو ولو على حساب صحتهم وراحتهم-، وهي سنة الكون وهي الفطرة اللي الله سبحانو وتعالو خلقها فينا، وبتخلينا نفني عمرنا لارضاؤو وسعادتو...
بالنسبة للقضية التانية أنو ليش بيتغلب أسم الولد على البنت ولو أجى عاشر مولود، لأنو ببساطة الولد الذكر هو اللي راح يحمل أسم العيلة ويضمن استمرارية النسب -متل ما بتعرفو- وأكراما لهالشي بيأخد اسمو الاولية على أسم أهلو بمجرد قدومو على هالدنيا، بالأضافة لانو مجتمعنا العربي معروف أنو مجتمع منجب للذكور بشكل عام، وغالباً في ذكر بالاسرة بيكون أسمو هو الغالب على أسم أهلو، بمعنى لو مجتمع بينجب الاناث بشكل اكتر كانت من الطبيعي يتمشي هالموضة ويصير أسم البنت هو الغالب على اسماء الاهل، يعني فيلك تقولي عادة قديمة ودارجة.
بحب ضيف شغلة أخيرة أنو مجتمعنا بيربي الشب من صغرو على أسمو البديل فبتلاقيه من صغرو أبو فلان -وطبعاً هالفلان ذكر- لانو هالشي -حسب اعتقادهم وبالتجربة- بيخليه يصير رجل بسرعة اكبر وقادر على تحمل المسؤلية بشكل أكبر لهيك شخص بيكبر على هالفكرة متوقعة انو يرضى يغير اسم البكر لاسم صبية، لك أكتر من هيك ناس كتير بيضل أسم الذكر -أبو فلان وأم فلانة- حتى لو ما أجى هالذكر أبداً وكل الخلفة كانت بنات.
لهيك يا صبية الله يرضى عليكي ماتحاولي تغيري هالموضى ونصير ابو فلانة مو حلوة بحقنا منوووووووب منوووووووب.


الله حيووووووو الدعم اللوجستي

[Government]

ام شو حضرتك بلا صغرة

[امرأة من ورق]

كاتب النص الأصلي : محمد ابراهيم

الاب حر انو يحب يسمع كلمة ابو باسم وما حابب يسمع ابو رباب لولا الظروف ما كان سمعها اساسا
وكمان الناس احرار يقولو ابو باسم وما يقولو ابو رباب



وكمان مو من حق رباب تقرر الاسم اللي الاب رح يتنادى فيه ولا انتي ولا اي حد


عاش باسم وابوه
عاش
عاش

عن جد افحمتني ...... كلامك كتير مقنع

[امرأة من ورق]

كاتب النص الأصلي : Willi

والله هون باميركا مافي شي من هالحكي

من اول ما اجيت على اميركا ما سمعت حدا عيط لابي ابو جاد

من حسن حظ الوالد انو راح على امريكا
شو بدو يتسمى على اسمك


عم امزح اكيد هوي بيتشرف فيك
بس انو ظريف يحافظ على شخصيتو ويضل الو اسمو الشخصي ومايلتغى بمجرد انو صار اب

[امرأة من ورق]

كاتب النص الأصلي : الحاج متولي

والله أنا مستغرب من هادا الحكي علشان عندنا في سوريا بينادو لكل واحد حتى قبل ما يتجوز بأبو فلان على حسب إسم الأب يعني مثلا أنا من أول ما أصبح عمري 13 سنة كان الناس كلها إلي بتعرفني وبتعرف والدي بينادولي أبو خليل على إسم والدي (الله يرحمو) وهاي إيشارة لإلي علشان الإسم يمشي عليّ لغاية ماأتزوج وأسمي إبني خليل علشان إسم الوالد يتم ملازمني

طبعاأنا بحكي على أكثر الناس الموجودين بسورية بس مش الكل
وكمان أغلب الأولاد أول ما بيجيهم بنات بيسموهن على حسب إسم الأم
ولكن للأسف الشديد قلة عقل بعض الشباب إلي طالعة اليوم وتفاهتهن وتظاهرهن بالتمدن أو على رأي الشباب (الموضة) فبيقولو (ياي إسم البابا كان موضة قدية كتير كتير بدنا شي إسم يكون هاي كلاس يعني إسم شي مطرب أو راقص أو مطربة هيك يعني يكون جانتي كتير جانتي ) وطبعاً أحياناً تسلط الزوجة على الزوج يبخليها تمنعو يكتب إسم أول ولد على إسم البابا تبعو لإني هادا الشي بيخليها تتذكر حماها دائماً
لك آه شوبدي إحكي لإحكي كل الدنيا ماشية بالمقلوب
أما بالنسبة لكون الواحد بينسما أبو فلان على إسم أول ولد فقط فعلى ماأعتقد لأن الولد الأول هو الإسم اللذي ينادا به حتى من قبل أن يتزوج الشخص وليس من الممكن أن يتغير إسم (أبو فلان )كل ما بيجي ولد جديد لأنه إذا دل فإنه يدل على جزء من شخصية الرجل وليس من الممكن أن يكون الرجل في كل فترة من الزمن بشخصية جديدة

تحياتي الحاج متولي

تحياتي الك الحاج متولي ابو خليل
بس كأنو انا حسيت من حكيك انو نحنا لازم نتقيد بكل شي من العادات اللي عنا بدون حتى مانفكر فيها ونفكر اذا في شي تاني ممكن يكون صحيح وسليم اكتر منها
وبعدين ليش الاتهام لاي حدا طلع عن هي التقاليد انو تابع الموضة...... يمكن يكون مفكر بالموضوع بشكل عقلاني اكتر من كل اللي عم يتبعو التقاليد ويكون وصل للتتغير عن طريق واعي وماهوي تقليد للغرب ابدا

وبكل الاحوال نحنا بحاجة انو نفكر بالاشياء اللي بنعملها واللي ورثناها عن اجدادنا القدماء...... وبعد التفكير بالسلبيات والايجابيات بنقرر اذا لازم نضل عليها او نغيير عنها..... وهاد اللي بتمنى انو يصير ولهي انا طرحت الفكرة هون

[ابومزيد]

كاتب النص الأصلي : امرأة من ورق

بس انو ظريف يحافظ على شخصيتو ويضل الو اسمو الشخصي ومايلتغى بمجرد انو صار اب

هههههههههههه
ليش مين قلك انو ال ابو فلان ما بيكنلو شخصية ضاربة على كل الشخصيات اللي بالبيت

[Majood]

أنا أبي كان أبو المجد و حتى لما اجى سيزار ضل أبو المجد ( مو لأنو اسمي اسم ينطبق عالجنسين لأ)........... رفض يغير............
عفوا منك سيزار.......................ز

يا حاج متولي ........... انو برأيك لازم الواحد يسمي ابنو او بنتو على اسم ابو و امو ؟
طب وبعدين ............. وضحة بنت وضحة وضحة بنت وضحة وضحة بنت وضحة
عثمان بن عثمان عثمان بن عثمان عثمان بن عثمان
ما بيصير ............... الواحد لازم يختار اسم مناسب لأبنو او بنتو بحرية دون التقيد بأسم ابو و امو ........... ما في داعي ............. الدنياعم تتطور والناس عم يزداد وعيها ........... ما عم قللك سمي اسماء هشك بشك لأ ........... بس التسلسل الأسمي بالعيلة مو مريح .........

[Abu ToNi]

يمكن لأنه بوجود الولد بحيات الأهل بتتغير حيات الأهل يعني بصيروا عايشين في عيون ابنهم

بصيروا بعيشوا حياتهم في تجارب ابنهم بيزعلوا وقت بيزعل بعصبوا وقت بعصب وبيفرحوا وقت بيفرح

يمكن مشان هاد الشي بتتغير التسمية

[بقـ انسان ـايا]

كاتب النص الأصلي : Willi

والله هون باميركا مافي شي من هالحكي

من اول ما اجيت على اميركا ما سمعت حدا عيط لابي ابو جاد

ولك والله انك منتا عايش ماني عارف كيف متحمل الغربة يا مان بس بعين الله

[بقـ انسان ـايا]

بس بجد كلمة ابو يعني انتا هلا مسؤل عن عيلة

وكمان لحتا ما يضل تحت مظلة العزابية

يعني هيك يبين انو متزوج وعندو ولاد ومستقر


يعني

شكراااا

[امرأة من ورق]

كاتب النص الأصلي : ayham-hemo

شوفي يا ستي جبت سطل أفكاري بما يتعلق بهالمسألة.
الابوين بيصير اسمهم أبو وأم الولد الاكبر لأنو بصراحة هو بيكون أغلى ما عندهم وبيعتزو بأسمو لدرجة أنهم بيبدو أسمو على أسمائهم الشخصية -متل ما بيبدو كلشي ألو ولو على حساب صحتهم وراحتهم-، وهي سنة الكون وهي الفطرة اللي الله سبحانو وتعالو خلقها فينا، وبتخلينا نفني عمرنا لارضاؤو وسعادتو...

مشكور انت وسطل افكارك

هلأ منشان انو الابوين عندون الولد اغلى من كلشي بالحياة هاد شي صح....... بس ليش لحتى مايحافظو على اسمائهم..... يعني هيك مارح يكون الولد خسر شي ابدا ومارح يكون نقص عليه شي...... والاهل بيضلو حاسين اكتر بقيمة شخصية الون بالاضافة لانو مارح يحسو انو بعدو عن الولد ولا شوي

بالنسبة للقضية التانية أنو ليش بيتغلب أسم الولد على البنت ولو أجى عاشر مولود، لأنو ببساطة الولد الذكر هو اللي راح يحمل أسم العيلة ويضمن استمرارية النسب -متل ما بتعرفو- وأكراما لهالشي بيأخد اسمو الاولية على أسم أهلو بمجرد قدومو على هالدنيا، بالأضافة لانو مجتمعنا العربي معروف أنو مجتمع منجب للذكور بشكل عام، وغالباً في ذكر بالاسرة بيكون أسمو هو الغالب على أسم أهلو، بمعنى لو مجتمع بينجب الاناث بشكل اكتر كانت من الطبيعي يتمشي هالموضة ويصير أسم البنت هو الغالب على اسماء الاهل، يعني فيلك تقولي عادة قديمة ودارجة.
بحب ضيف شغلة أخيرة أنو مجتمعنا بيربي الشب من صغرو على أسمو البديل فبتلاقيه من صغرو أبو فلان -وطبعاً هالفلان ذكر- لانو هالشي -حسب اعتقادهم وبالتجربة- بيخليه يصير رجل بسرعة اكبر وقادر على تحمل المسؤلية بشكل أكبر لهيك شخص بيكبر على هالفكرة متوقعة انو يرضى يغير اسم البكر لاسم صبية، لك أكتر من هيك ناس كتير بيضل أسم الذكر -أبو فلان وأم فلانة- حتى لو ما أجى هالذكر أبداً وكل الخلفة كانت بنات.

مابظن انو نحنا شعب منجب للذكور ...... هلأ فيك تقول محب للذكور اي ممكن
اما انو الولد رح يحمل اسم العيلة؟؟؟ هلأ خليك واقعي لسه حدا هلأ عم يحيي اسم العيلة؟؟ يعني هلأ انت بتعرف مثلا اسم جدك التالت مارح تقلها وقول العاشر او العشرين..... يعني هي ببساطة موروثات فكرية قديمة وفيك تقول بالية بس مانها من واقعنا الحالي ابدا
بعدين ليش مابتفكرو بالبنت ونفسيتها كيف رح تتأثر لما بيصير فيها هيك شي...... وانها رح تحس انو اجى الذكر اللي لسه ماعمرو غير يوم واخد منها شي طول عمرها حستو من حقها
وانا معك انو هي مابتتجاوز كونها عادة قديمة ودارجة

لهيك يا صبية الله يرضى عليكي ماتحاولي تغيري هالموضى ونصير ابو فلانة مو حلوة بحقنا منوووووووب منوووووووب.

اي معك حق مو حلوة بحقكن..... لانو الرجولة صفيت بهي وبس

[ابومزيد]

احلى شغلى وتعقيباعلى الموضوع الاساسي
بتصير معي كتير بس اتعرف على حدا من الجالية الغير مثقفة معظمون بيقللي (ابو شو؟ بلاصغرة)
بقللو بكير على ابو بيقللي بااااااااااطل عالرجال كأنو من تمام الرجولة انو الواحد يكون ابو شغلة

[امرأة من ورق]

كاتب النص الأصلي : GOVERMENT

ام شو حضرتك بلا صغرة

[ابومزيد]

مابظن انو نحنا شعب منجب للذكور ...... هلأ فيك تقول محب للذكور اي ممكن

لا مزبوط نسبة البنات للشباب عنا كل 100 بنت 107 شباب