دور القوى الديموقراطية في الانقلاب الأبيض

[حسون]

أنا شخص لا أثق بما تتكلمه الحكومة السورية و خصوصا بحديثها عن انقلاب أبيض
و حتى لو قلنا أن المتهم بريء قبل إثبات إدانتهه و تحقق ما تقوله الحكومة السورية فهي لا تفعل ذلك عن طيب خاطربل نتيجة للتراكمات التي صنعتها على نفسها حكومة بشار الأسد التي تدعي الديموقراطية في حين ظهرت كحكومة إرهابية استبدادية بضربها المتظاهرين بالشوارع و اقتحام بيت شادي دليلة واغتيال رفيق الحريري إضافة لبعض التصرفات الغبية كزج مهند الدبس و محمد عرب بالسجن
و لكن هذه الأفعال لم تكن لتظهر للعيان في جميع أنحاء العالم ليروا ديكتاتورية بشار الأسد لولا نضال المعارضة السلمي في المجالين الإعلامي و الاحتجاجي بالإضافة لنضال بعض قنوات الإعلام الديموقراطية كالحرة و الجزيرة و أقدم لهما جزيل الشكر بالإضافة لتقديم شكر لموقي الأخوية و الحوار المتمدن
و غدا يذوب الثلج و يظهر المرج

و دمتم

[عاشق من فلسطين]

حسون الغالي انا معك بكل شي الا بنقطة واحدة .. وما توقعت تطلع منك

واغتيال رفيق الحريري

يعني والله بدها شوية منطق ..

[krimbow]

يعني والله بدها شوية منطق

متل ما قال حسون "بوكرا بيدوب التلج و بيبان المرج"

[عاشق من فلسطين]

متل ما قال حسون "بوكرا بيدوب التلج و بيبان المرج"

يعني أنت معو أنو نحنا اغتلنا رفيق الحريري ..
ليك أنا ماني عم أنكر هالشي من باب أني سوري ولازم أنكر .. لأنو الحق حق .. بس نحنا مالنا مصلحة باغتيال الحريري .. مو أكتر ..
وبالنسبة لبكرا بيدوب التلج وببان المرج .. فالمرج باين من هلا .. يابس وخريفي ..

[حسون]

[quote="krimbow"]

متل ما قال حسون "بوكرا بيدوب التلج و بيبان المرج"

يا عيني عربك

[حسون]

كاتب النص الأصلي : عاشق من فلسطين

حسون الغالي انا معك بكل شي الا بنقطة واحدة .. وما توقعت تطلع منك

يعني والله بدها شوية منطق ..

يعني هادا رأيك و أنا بحترمو

[krimbow]

يعني أنت معو أنو نحنا اغتلنا رفيق الحريري ..
ليك أنا ماني عم أنكر هالشي من باب أني سوري ولازم أنكر .. لأنو الحق حق .. بس نحنا مالنا مصلحة باغتيال الحريري .. مو أكتر ..
وبالنسبة لبكرا بيدوب التلج وببان المرج .. فالمرج باين من هلا .. يابس وخريفي ..

اكيد مو نحنا يلي اغتلنا بس انا بشوف انو المخابرات السورية هيي يلي اغتالتو نتيجة تحليل خاطئ للأحداث
القرار 1559 طلع بالصيف و ما في شي بيرجعو و طبعا سوريا كانت رح تطلع من لبنان حتى لو كان الحريري عايش
بس الحكومة الغبية رأت انو لبنان مستقل بدون الحريري أفضل من لبنان مستقل و الحريري يللي بحب لبنان و عندو القدرة على توحيد الصفوف و علاقات خارجية ممتازة عايش
كان بتصورون أنو باغتيالو رح تتشرذم المعارضة اللبنانية و رح يرجع يبوسوأ أيد السوريين ليتدخلوا مرة تانية و يحلوا المشاكل اللبنانية
يمكن ما يكون القرار خاطئ و يكون حجة لضرب الحرس السوري القديم بمباركة دولية
ع العموم بوكرا بيدوب التلج و بيبان المرج

[sezar]

و غدا يذوب الثلج و يظهر المرج

[baathy]

حكومة بشار الأسد التي تدعي الديموقراطية في حين ظهرت كحكومة إرهابية استبدادية بضربها المتظاهرين بالشوارع

لو كانت نتل نا عنبتحكي حكومة أستبدادية ما كنت أنا بسورية قاعد عم بشاركة بهالمنتدى الحر مع العلم أنو من السهل جدا حجب الموقع

[baathy]

أو أغلاقه و أسكات أمثالك يلي معتبرين نفسهون معارضة مع أنو هنين عم بيعبو وقت

[baathy]

مو أكتر من هيك.........

[حسون]

أخي البعثي
مع كل الاحترام لرأيك
يمكن معك حق شوي بس هالشي مانو كافي
يعني كيف حكومي ديموقراطيي بتحط 2000 سجين سياسي بالسجن
بس بضل بعترف أنو بشار أحسن من أبوه بس هالشي ما بيعني أنو منيح

[sezar]

أنو من السهل جدا حجب الموقع

يعني شايف الفكر الحزبي طلع منك بتلقائية و بدون تكلف

أو أغلاقه و أسكات أمثالك يلي معتبرين نفسهون معارضة مع أنو هنين عم بيعبو وقت

بعدك عم تحاول تمارس سياسة حزبك

يعني الموضوع واضح و شكرا انك برهنت على كلام الزميل حسون

شكرا

[sezar]

بشار أحسن من أبوه بس هالشي ما بيعني أنو منيح

يعني فرخ البط عوام بس مارح يسبح متل ابو بس معو معو بيسبح