بوش يصفق ورياض الترك يرحب لتصفيقه

[ظل جيفارا]

مرحبا شباب يعني انا ظل جيفارا حر مستقل وطني بدرجة كافية لأحشر نفسي في هموم الوطن وقضاياه أنظر إلى الحكومة وخصوصا اجهزتها الأمنية وفريقها الإقتصادي فأرى ما لا يعجبني وما لا أتمناه لوطني فلابد ان اتوجه بنظري إلى الفريق الأخر وهذا ما حصل أنا اليوم ارحب بأي خطوة ديمقراطية للتغيير .
ولكن علمتني التجربة ان التغيير عليه ان يكون وطنيا وان اميركا بسياستها التي اعتقد انها اضحت واضحة الملاحك لم ولن تقف مع مصالح الشعوب وان كل ديمقراطية اميركا المزعومة هي الموت والدمار وسرقة الموارد الوطنية
ولنتعالى عن كل ما قلت وعن فكرتي عن اميركا ولكن اعتقد انه من المبخس بحق شعبنا السوري ان ننكر انه قد اتخذ قراره " نحن ضد اميركا وسياساتها في المنطقة " وهذا رأي الشارع العريض من الشعب السوري وإن كان قد يختلف مع النظام او يتفق ولكنه متفق على رفض سياسة اميركا في منطقتنا
بعد ان اقام اعلان دمشق ما سمون مؤتمر التجمع الوطني المعارض في سوريا جاء بوش ليرحب بالخطوة حيث قال : "أصفق للتشكيل الأخير للمجلس الوطني لإعلان دمشق فإن النساء والرجال الشجعان الذين شكلوا هذا المجلس يعكسون رغبة أغلبية الشعب السوري للعيش في الحرية والديمقراطية والسلام في وطنهم ومع جيرانهم .إن تشكيل المجلس الوطني إشارة مشجعة لكل الناس الذين يدعمون الحرية والديمقراطية ونحن ندعم مبادئ المجلس الوطني للكفاح السلمي وعضويته المفتوحة إلى كل الشعب السوري والذي يعتقد أنه قد آن أوان التغيير"
ولن اعلق على شيء هنا فكما دخلنا في نقاشات مستميتة سابقا ان اعتبر دعم اميركا لطرف معين دليل على عمالته او سببا لتخوينه وانا اكبر من هذا ولكن ما يجعلني اشعر بالحيرة من الإسلوب الوطني للأستاذ رياض الترك ان يرحب بإعجاب بوش ويعتبرها خطوة نبيلة وهذا اقتباس مما قاله السيد رياض الترك في تصريحات لقدس برس حيث اعتبر تصريح بوس :"عملاً مساعداً للقوى الديمقراطية كي تستمر في العمل من أجل إحداث تغيير ديمقراطي لم يعد بمقدور منطقة الشرق الأوسط أن تعيش بدونه.عمل إنساني نبيل لا يملك أي مدافع عن حقوق الإنسان إلا أن يحييه"
ولست ادري هنا ما هي المواقف الوطنية في تصريح السيد رياض الترك لقدس برس
اجدد انا مع التغيير وانا لست ممن يعضون انفسهم في خندق الحكومة وسياستها الإقتصادية وأسلوبها الأمني في حل النزاعات ولكن انا ضد سياسة اميركا في المنطقة وضد اي ذراع متقدمة لها على تراب وطني الحبيب سوريا
وتحياتي الحارة
ظل جيفارا

[yass]

منشان ما تصير المسألة على مبدأ يا أيها الذين آمنوا لا تقربوا الصلاة راح أقتبس مقاطع من المقابلة لتوضيح وجهة نظر ابن العم بشكل جيد (قد لا أكون موافقا عليها بشكل كامل....)

أرحب بمثل هذا التصريح بصرف النظر عن السياسة الأمريكية في المنطقة التي جانبت مسألة الديمقراطية التي لم تكن أساسية في علاقات واشنطن مع الأنظمة العربية، وظلت الشعوب العربية تعيش مقهورة من قبل أنظمة دكتاتورية.

نى أرحب بتصريحات بوش وأتمنى أن تنعكس هذه على سياساته تجاه شعبنا والشعوب العربية، لأننا نعتقد أنه لا يمكن حل قضايا المنطقة بالعنف، فالعنف صنو الاستبداد. من هنا نفهم معنى التعاون مع أناس يريدون بناء مجتمع ديمقراطي.

نحن نختلف مع أمريكا في سياساتها تجاه العراق وأفغانستان رغم أنهم أزالوا نظاما سقيما عن الشعب العراقي، لكن بقاءهم في العراق وطريقتهم في إدارة علاقاتهم بالشعب العراقي قادا إلى أضرار كبيرة اتجهت إلى تفتيت المجتمع وتشجيع الصراعات الطائفية. وما نراه نحن في تجمع إعلان دمشق أنه إذا كان للمجتمع الدولي دور في التغيير الديمقراطي فهو أن يكون وسيطا وداعما لا غير، وأن يترك للشعوب أن تجد حلها مع الاستبداد

كلامي هذا لا يعني أننا نؤيد سياسات أمريكا في الشرق الأوسط، فنحن ندرك أن سياساتها لم تكن في صالح شعوبنا، ولم تكن بوارد الضغط على إسرائيل ومساعدة الفلسطينيين لإقامة دولتهم المستقلة، ولا نعتقد في الوقت ذاته أن سورية إذا تحررت فإنها سوف تتجه إلى الفوضى، لأننا نرفض تماما أن تأتي جيوش الرئيس بوش لتحررنا، فنحن ضد التدخل العسكري وضد الضغوط المتزايدة على بلادنا بما فيها الضغط الديبلوماسي

المصدر : موقع اعلان دمشق للتغيير الوطني الديمقراطي (

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

)

[ظل جيفارا]

الموقع محجوب كالعادة ....
ان مجرد ترحيب السيد رياض بالصفقة الأميركية في ظروف كتلك التي تمر فيها المنطقة هو بشير شؤم وللأسف يا سيدي الكريم ياس إن الخيار واضح وقد جاء على لسان بوش عندما قال ان ان الخيار إما معنا او ضدنا فلن تجدي سياسة الشد والجذب التي يمارسها اشخاص يزايدون في الوطنية من جهة ويرخون الحبل لترحيب بكلمات السيد بوش

من هنا نفهم معنى التعاون مع أناس يريدون بناء مجتمع ديمقراطي.

أرحب بمثل هذا التصريح بصرف النظر عن السياسة الأمريكية في المنطقة

كيف يعني بمعزل كيف يعني بصرف النظر ما بعرف ولا رح اقدر اعرف واذا كان السيد حابب يصرف النظر ويتعامل وهو صارف النظر فليتعامل ولكن الشعب السوري اوعى من ان يطبق غض البصر في ادارة شؤونه
وهذا اقتباس مباشر من كلمات السيد رياض الترك حيث يعلن فيها تصنيفه لهؤلاء الأناس
وهي اقتباس الكلمة الاجمل في كل ماجاء في تصريحاته

عمل إنساني نبيل لا يملك أي مدافع عن حقوق الإنسان إلا أن يحييه"

وتحياتي الحارة
ظل جيفارا

[souriana]

المشكلة يا أخ ظل جيفارا مو مشكلة معارضة و موالاة
يعني تشكلت هالمعارضة بسبب الانفتاح الجزئي اللي صار بعهد الدكتور بشار
المعارضة مرغوب فيها لما بتكون الحكومة مخطئة وغير هيك أكيد المعارضة ما لها لزوم على ما اعتقد لانو لما بتكون أحوال البلد والمواطنين بغض النظر كون عنا بسورية أو بأي بلد آخر فما في داعي اذا كان كل الأحوال على ما يرام لوجود المعارضة وحالة بلدنا أنا بعتبرها خاصة جدا جدا جدا
لانو
أنت ببلد اذا بتغير حكومته كل يوم عشر مرات رح تضل الحالة هيي هيي واذا مو أسوأ
ليش يا ترى ..؟؟
معناه العطل فينا نحنا
اليوم بيجوك هدول تبعوت المعارضة بيقلولك نحنا بدنا نحسن احوالكم و بدنا نعمل ديمقراطية وما بعرف شو
علما أنو الرئيس قالها بشكل صريح لاتوجد لدينا ديمقراطية في سورية حتى الان و الديمقراطية يا أخ ظل ما بتجي بين يوم و ليلة
بدها سنين و سنين وأجيال تتربى على شي غير اللي كان قبل
يعني مو هدول هنن اللي رح يغيرو البلد البلد بيتغير من خلال الشعب نفسه لما بيربي حاله على الديمقراطية سنة بعد سنة
عندي كلام كتير بس هلق تعبان وبدي نام شوي
تحياتي الحارة إلك

[yass]

ما بدي صير محامي رياض الترك... كل ما هنالك انو ماني شايف انو بكلامو شي سيء, عم يقول انو أي ممتاز جورج بوش يرحب بالديمقراطية و الحركات الديمقراطية في العالم العربي, لكن عالشي لازم ينعكس على سياستو تجاه المنطقة الخاطئة, عم يبيّن انو هو ضد حرب العراق و الاحتلال الأمريكي, و عم يبيّن انو حكي اميركا حبر على ورق لأنو رغم كلامها معسول و كذا.... منذ الأزل رهانها على الأنظمة الاستبدادية.

عم يبيّن انو يرفض التدخل بالشأن الداخلي لأي دولة و انو الدعم الأقصى هو معنوي, و يرفض استخدام أي ضغط ضد سوريا و حتى الضغط الديبلوماسي. يعني كلام عادي جدا و ما فيه أي شي غلط

[souriana]

كاتب النص الأصلي : yass

ما بدي صير محامي رياض الترك... كل ما هنالك انو ماني شايف انو بكلامو شي سيء, عم يقول انو أي ممتاز جورج بوش يرحب بالديمقراطية و الحركات الديمقراطية في العالم العربي, لكن عالشي لازم ينعكس على سياستو تجاه المنطقة الخاطئة, عم يبيّن انو هو ضد حرب العراق و الاحتلال الأمريكي, و عم يبيّن انو حكي اميركا حبر على ورق لأنو رغم كلامها معسول و كذا.... منذ الأزل رهانها على الأنظمة الاستبدادية.

عم يبيّن انو يرفض التدخل بالشأن الداخلي لأي دولة و انو الدعم الأقصى هو معنوي, و يرفض استخدام أي ضغط ضد سوريا و حتى الضغط الديبلوماسي. يعني كلام عادي جدا و ما فيه أي شي غلط

القصة أنو لما أمريكا بتحط ايدها بموضوع بتطلع فورا ريحته وبتنعرف النوايا

[yass]

يعني تشكلت هالمعارضة بسبب الانفتاح الجزئي اللي صار بعهد الدكتور بشار

مو صحيح هالكلام... الحزب الشيوعي السوري- المكتب السياسي انشق عن الحزب الشيوعي السوري مطلع سبعينيات القرن الماضي و رياض الترك انسجن أوائل الثمانينات.. و غيرو كثيرون يعني شلون معناتو من الألفين صار في معارضة؟؟؟؟؟

[yass]

كاتب النص الأصلي : souriana

القصة أنو لما أمريكا بتحط ايدها بموضوع بتطلع فورا ريحته وبتنعرف النوايا

الحكومة السورية في عهد حافظ الأسد و في عهد بشار ما تعاملت مع أميركا؟؟؟ سؤال بدون قصد هجومي انما لوضع بعض النقاط على الحرف

[ظل جيفارا]

كاتب النص الأصلي : souriana

المشكلة يا أخ ظل جيفارا مو مشكلة معارضة و موالاة
يعني تشكلت هالمعارضة بسبب الانفتاح الجزئي اللي صار بعهد الدكتور بشار
المعارضة مرغوب فيها لما بتكون الحكومة مخطئة وغير هيك أكيد المعارضة ما لها لزوم على ما اعتقد لانو لما بتكون أحوال البلد والمواطنين بغض النظر كون عنا بسورية أو بأي بلد آخر فما في داعي اذا كان كل الأحوال على ما يرام لوجود المعارضة وحالة بلدنا أنا بعتبرها خاصة جدا جدا جدا
لانو
أنت ببلد اذا بتغير حكومته كل يوم عشر مرات رح تضل الحالة هيي هيي واذا مو أسوأ
ليش يا ترى ..؟؟
معناه العطل فينا نحنا
اليوم بيجوك هدول تبعوت المعارضة بيقلولك نحنا بدنا نحسن احوالكم و بدنا نعمل ديمقراطية وما بعرف شو
علما أنو الرئيس قالها بشكل صريح لاتوجد لدينا ديمقراطية في سورية حتى الان و الديمقراطية يا أخ ظل ما بتجي بين يوم و ليلة
بدها سنين و سنين وأجيال تتربى على شي غير اللي كان قبل
يعني مو هدول هنن اللي رح يغيرو البلد البلد بيتغير من خلال الشعب نفسه لما بيربي حاله على الديمقراطية سنة بعد سنة
عندي كلام كتير بس هلق تعبان وبدي نام شوي
تحياتي الحارة إلك

صديقي المعارضة بلشت بسوريا من قبل بكتير من عهد الرئيس بشار وموجودة وبالعكس يمكن نقصت شوي بس تغير شي بميكانيكية هالمعارضة وانا برأيي لازم يكون في معارضة والمعارضة هيي اللي تشكل الوعي العام عن طريق تحركات معينة لازم تعملا

كاتب النص الأصلي : yass

ما بدي صير محامي رياض الترك... كل ما هنالك انو ماني شايف انو بكلامو شي سيء, عم يقول انو أي ممتاز جورج بوش يرحب بالديمقراطية و الحركات الديمقراطية في العالم العربي, لكن عالشي لازم ينعكس على سياستو تجاه المنطقة الخاطئة, عم يبيّن انو هو ضد حرب العراق و الاحتلال الأمريكي, و عم يبيّن انو حكي اميركا حبر على ورق لأنو رغم كلامها معسول و كذا.... منذ الأزل رهانها على الأنظمة الاستبدادية.

عم يبيّن انو يرفض التدخل بالشأن الداخلي لأي دولة و انو الدعم الأقصى هو معنوي, و يرفض استخدام أي ضغط ضد سوريا و حتى الضغط الديبلوماسي. يعني كلام عادي جدا و ما فيه أي شي غلط

يا صديقي مو المهم الحكي في كتير شغلات هيك خلينا نقول بتستطيع تستشفها وانا حكيت من الأول "كلمات الترك واسقاطها على موقف الرأي العام من اميركا " بيطلع معك كتير شغلات
حاول اعمل قراءة تانية لتصريحات السيد رياض الترك لإنو بدها وقفة كتير ضخمة خصوصا بهالفترة .
وتحياتي الحارة
ظل جيفارا

[souriana]

كاتب النص الأصلي : yass

مو صحيح هالكلام... الحزب الشيوعي السوري- المكتب السياسي انشق عن الحزب الشيوعي السوري مطلع سبعينيات القرن الماضي و رياض الترك انسجن أوائل الثمانينات.. و غيرو كثيرون يعني شلون معناتو من الألفين صار في معارضة؟؟؟؟؟

ما قلنا انو ما كانت موجودة المعارضة بس بعهد الرئيس صار فيهم يتنفسو اكتر او على الاقل يظهرو بشكل علني

كاتب النص الأصلي : yass

الحكومة السورية في عهد حافظ الأسد و في عهد بشار ما تعاملت مع أميركا؟؟؟ سؤال بدون قصد هجومي انما لوضع بعض النقاط على الحرف

شي اكيد ما فيك تتخلى عن امريكا باعتبارها القوة العظمى بالعالم و من المستحيل تجاهلها
بس معروف انو امريكا ما بتحط ايدها بموضوع مالها مصلحة فيه

[yass]

صديقي أعود و أكرر انو ما بنيتي أكون محامي رياض الترك و بيجوز بهالقضية ماني موافقو فكريا, كل ما هنالك انه لا يمكن برأيي اعتبار هذه التصريحات اطراء لأمريكا أو دعما لسياستها أو حتى طلبا لتدخلها.

[souriana]

كاتب النص الأصلي : ظل جيفارا

صديقي المعارضة بلشت بسوريا من قبل بكتير من عهد الرئيس بشار وموجودة وبالعكس يمكن نقصت شوي بس تغير شي بميكانيكية هالمعارضة وانا برأيي لازم يكون في معارضة والمعارضة هيي اللي تشكل الوعي العام عن طريق تحركات معينة لازم تعملا


يا صديقي مو المهم الحكي في كتير شغلات هيك خلينا نقول بتستطيع تستشفها وانا حكيت من الأول "كلمات الترك واسقاطها على موقف الرأي العام من اميركا " بيطلع معك كتير شغلات
حاول اعمل قراءة تانية لتصريحات السيد رياض الترك لإنو بدها وقفة كتير ضخمة خصوصا بهالفترة .
وتحياتي الحارة
ظل جيفارا

يا اخي انا ماني ضده بالعكس انا مع كل انسان يعمل لمصلحة سورية
ما بخبي اني من المؤيدين للرئيس وما بخاف وما بخجل من قول هالشي بالعكس هاد شرف الي
بس ايد وحدة ما بتسقف يا اخ ظل جيفارا

[yass]

كاتب النص الأصلي : souriana

ما قلنا انو ما كانت موجودة المعارضة بس بعهد الرئيس صار فيهم يتنفسو اكتر او على الاقل يظهرو بشكل علني

شي اكيد ما فيك تتخلى عن امريكا باعتبارها القوة العظمى بالعالم و من المستحيل تجاهلها
بس معروف انو امريكا ما بتحط ايدها بموضوع مالها مصلحة فيه

و الله يا صديقي بالنسبة للعمل العلني البسيط للمعارضة فالوضع لم يتغيّر, المتغيّر الوحيد هو وجود الانترنت الذي أوصلهم الى شريحة من الناس لم تكن حتى تعلم بوجودهم, و سبق أن ناقشت هذه النقطة مع أحد الزملاء

أما بالنسبة لأمريكا فالامر بديهي صديقي العزيز, لا يوجد دولة كبرى تتدخل في امر ما ان لم تكن لها مصلحة مجزية فيه, حتى الاتحاد السوفيتي السابق "صديق الشعوب" المزعوم كان يسير على هذا النهج, قد تكون مصلحة اقتصادية أو سياسية أو حتى استراتيجية....وجود المصلحة هو أمر بديهي.

[ظل جيفارا]

كاتب النص الأصلي : souriana

يا اخي انا ماني ضده بالعكس انا مع كل انسان يعمل لمصلحة سورية
ما بخبي اني من المؤيدين للرئيس وما بخاف وما بخجل من قول هالشي بالعكس هاد شرف الي
بس ايد وحدة ما بتسقف يا اخ ظل جيفارا

لحنا ما عم نحكي انو المعارضة ولازم تكون موجودة او لأ لحنا عن نحكي عن هالشكل من المعارضة اللي عم يتقرب من اميركا وشئنا ام أبينا هيدا الموضوع ما بينفهم غير هيك وفينا نضيف شوية بهارات بتتحدث انو في شوية مجاملة للرأي العام انو طرح شوية كلمات بتبعد بين الخطاب وبين التقارب التام مع الولايات المتحدة الأميركية .
تحياتي الحارة
ظل جيفارا

[yass]

كاتب النص الأصلي : ظل جيفارا

لحنا ما عم نحكي انو المعارضة ولازم تكون موجودة او لأ لحنا عن نحكي عن هالشكل من المعارضة اللي عم يتقرب من اميركا وشئنا ام أبينا هيدا الموضوع ما بينفهم غير هيك وفينا نضيف شوية بهارات بتتحدث انو في شوية مجاملة للرأي العام انو طرح شوية كلمات بتبعد بين الخطاب وبين التقارب التام مع الولايات المتحدة الأميركية .
تحياتي الحارة
ظل جيفارا

شايف شلون عم نلف و ندور و نرجع على نفس النقطة...

[secular]

و أسفاه رياض الترك المناضل يصير متل الرقاصة - شي بينغم لأصوليين و شي لامريكا و شي للرأسمالية - وا فضيحتاه قال مناضل

[خيالات واوهام]

ما في حدا بيقدر يمس رياض الترك مناضلنا الكبير (مانديلا سوريا) بكفي السنوات الطويلة اللي قضاها بالحبس بس لآنو صاحب رأي حر. لو كان مكولك متل جماعة بكداش وجماعة فيصل يوسف كانو عطوه بيت وسيارة وسلموه منصب او وزارة. بس الزلمة كبير وما قدروا يشتروه منشان هيك عم يهاجموه بس العالم مو اغبياء ما فينا ننسى كل تاريخو لآنو رأيو ما عجبنا.

تحية للمناضل الذي لم تثنه لا المعتقلات ولا التعذيب ولا التقدم بالسن من النضال في سبيل حرية السوريين.

[ayhamm26]

كاتب النص الأصلي : خيالات واوهام

ما في حدا بيقدر يمس رياض الترك مناضلنا الكبير (مانديلا سوريا) بكفي السنوات الطويلة اللي قضاها بالحبس بس لآنو صاحب رأي حر. لو كان مكولك متل جماعة بكداش وجماعة فيصل يوسف كانو عطوه بيت وسيارة وسلموه منصب او وزارة. بس الزلمة كبير وما قدروا يشتروه منشان هيك عم يهاجموه بس العالم مو اغبياء ما فينا ننسى كل تاريخو لآنو رأيو ما عجبنا.

تحية للمناضل الذي لم تثنه لا المعتقلات ولا التعذيب ولا التقدم بالسن من النضال في سبيل حرية السوريين.

فعلا اوافق على هذا الكلام تماما يا جماعة الزلمة ضل بالسجن 20 سنة بزنزانة انفرادية واحد عندو رصيد عشرين سنة مين نحني لنجي نقيم تاريخو ونضالو ؟؟؟؟