لا لن أخجل - سأقولها الآن ولن أخجل

RAMI 1up · 30/01/2006

لا لن أخجل

سأقولها الآن ولن أخجل
اليوم سأغير جلدي و أتبدل
سأقول أحبك
رغم أني تعلمت ألا أحب
و إذا أحببت أن أخجل
علمونا في الشرق أن الحب للرجل عار
في عرفنا لايقبل
ربيتُ على مقت النساء
شرقيتي خلقت داخلي جفاء لحواء
عروبتي الذكوريه قالت لي
أني أنا الأعلى و أنتِ الأسفل
تقاليدنا تقول أنا رب البيت
و أنا صاحب القرار الأخير و الأول
قالوا لي أنت عالم
وحواء بنفسها تجهل
قالوا لي أنت كامل
وحواء على جلدك تتطفل
قالوا لي أنكِ خادمة في قصر سيدك
وكل ما فيكي لي محلل
جسدك لي محلل
فكرك لي محلل
حتى قتلك سيدتي محلل
علموني كيف عليكي أتعالى
وكيف بالليل أتحول
علموني كيف بالسرير أتذلل
كيف أتخلى بالليل عن مبادئي
و إذا صحوت فأنا الُمنزل
صدقيني سيدتي
أرفض هذا العرف الأهبل
و منه و من شرقيتي لأجلك أتنصل
فسأحبك رغم كل الأعراف و التقاليد
سأتمرد على شرقيتي
سأخون مبادئ عروبتي
و كل ما تعلمت سأحرقه ولن أسأل
لن أسأل سوى عن عينيكي
فهما شرعي وتقليدي
و بهما ولهما أقول و أفعل

المستحيل · 30/01/2006

مشكور يا رامي كتير حلوة ورائعة

Fulla · 30/01/2006

ما هدايا سيد رامي هل تظن انه من الاحترام ان نقول مثل هدا الكلام:وكل ما فيكي لي محلل
جسدك لي محلل
عليك بتغير بعض العبارات اما اسلوبك فهو جميل الا انه يحتاج الئ بعض الصقل

SABE · 30/01/2006

فلة .. لو قريتي الخاطرة مزبوط بتعرفي إنو رامي ضد كل هالشغلات .. أنا برأيي الخاطرة كتير حلوة , و كتير آخدة من كلمات و أفكار نزار قباني بطريقة أو بأخرى .. مشان هيك عجبتني كتير , لأني من أشد المعجبين بكتابات نزار و طريقتو بالتعامل مع القلم و الأفكار ...

سلامات ..

Fulla · 30/01/2006

انا ايضا تعجبني بعض قصاءد نزارو الا ان هدا لا ينفي ان بعض عباراتها مخجلة وتتنافا مع تربيتنا الاسلامية

Tears_Castle · 30/01/2006

حلوة كتير ...كل يلي بهالخاطرة صح وحتي لو بعض الأعضاء اعترضوا بس كلشي صح ليش عم نتهرب من الحقيقة

Geeny · 30/01/2006

اقتباس:

كاتب النص الأصلي : Fulla

انا ايضا تعجبني بعض قصاءد نزارو الا ان هدا لا ينفي ان بعض عباراتها مخجلة وتتنافا مع تربيتنا الاسلامية

يا أمورة انتي اذا بتدايقي من عبارات نزار بتخيل ما خرج تقريلو غير القصائد السياسية لأنو أسلوبو وعباراتو هي يلي بتعطي القصيدة جماليتها
الحلو بنزار أنو بيحكي مشاعر واقعية نحنا منحاول نخبيها ونخجل منها مع أنو كل واحد فينا بيعرف أنو انا بفكر هيك وبعمل هيك
نحنا منضل عم نهرب من أنو نشوف صورة كل إنسان لأنو علينا حواجز كتير ما رح بلش بالحكي عن نزار (يلي أنا بحترم كل كلمة من كلماتو وبحترمو هو كمان وبحترم وبحب كل فكرة وجدت من وراه) لأنو ما بخلص بصير بدي موضوع لحالي
ورامي كتير حلو يلي كاتبو وضلك هيك عم تكتب حلو اوكي

المستحيل · 31/01/2006

طولو بالكم على البنت ما بدها كل هل الشي يمكن ما قرأت لنزار غير كتير شغلات قليلة لو بتعرف شو كاتب نزار كانت عرفت شو هو شعر نزار معليه يا فللة شي عادي كتير عادي

Fulla · 31/01/2006

ظهر الحق وزهق الباطل...........مشكور اخي

فيروزة · 31/01/2006

طولو بالكون

RAMI 1up · 31/01/2006

في البداية تحية كبيرة لكم جميعا ...

أما بخصوص العزيزة فلة فكما قال لك SABE عليك أن تقرأي ما كتب بتمعن أكثر لتفهمي القصد مع العلم أن هذه الخاطرة لا يوجد فيها ألغاز أو لف و دوران ..

و إذا كانت تتنافى مع أخلاقك الإسلامية فأنا أعتذر منك .. فبالنسبة لي القصيدة لا تتنافى مع أخلاقي الشخصية ..

و شكرا لكل الذين وضعو لمساتهم في هذا الموضوع .

SABE · 31/01/2006

اقتباس:

في البداية تحية كبيرة لكم جميعا ...

أما بخصوص العزيزة فلة فكما قال لك SABE عليك أن تقرأي ما كتب بتمعن أكثر لتفهمي القصد مع العلم أن هذه الخاطرة لا يوجد فيها ألغاز أو لف و دوران ..

و إذا كانت تتنافى مع أخلاقك الإسلامية فأنا أعتذر منك .. فبالنسبة لي القصيدة لا تتنافى مع أخلاقي الشخصية ..

و شكرا لكل الذين وضعو لمساتهم في هذا الموضوع .

كبييييررررر