نحنا العرب ...وبكل فخررررررر

Liu Kang · 23/07/2006

لك مشكلتنا نحنا العرب انو شو ما صحلنا ما بيعجبنا ....الكل بيتطلع على انو يا نكون متل فرنسا وامريكا ياا بلاا لانو بيعتبرو هن الحضارة .....بس شاطرين نقعد ورا التلفزيون او الكومبيوتر ونحكي ونطق حنك .ونعللك علاك شي بطعمة وشي بلا طعمة ...كل قنوات الاخبار على التلفزيوون اكذب من مسيلمة ....اذا بتعرفوووه ... ...يعني البعض صار يلوووم السيد حسن نصر الله على الحرب اللي علقهاا ...طيب ..علما انو العرب مو جاي على بالهن لا يرجعو فلسطين ...ولا يمحو اسرائيل ..كل واحد بقى بيقعد يحكي كلاام شي يمين وشي شمال ...ومو عرفان الله وين حاططو ..عم يحكو على انو ما اكن لازم حررررب ..انتو لو تعرفو انو اللي ورا دفع اسرائيل لهيك حرب هن بعض رؤساء الدول العربية وملووكهاا ..والكل بيعرفهن واحد واحد ...شووو رح يكون موقفك لما بتعرف انو من بين البوراج الاسرائيلية اللي عم تضرب لبنان .....بااااارجة عربية وبكل فخررر ...ولا هي وسائل الاعلام ما بتذكرهااااا .........بيجي كل واحد بالشارع بيتفاصح وبيحكي وهو موعرفان الخمسة من الطمسة ..بعد كل الانجازات اللي حققها حزب الله اخر شي بيتوجهو الو ...(باللوم ) ..شي طبيعي اذا سلاحنا هوو ( الشجب ..والادانة ...والرفض ..والمطالبة ...وهلم جر من هالحكي اللي بلا طعمة ..)..الشهداء اللي راحو من حزب الله ..هدول ما حدا بيسئل عليهن ..الامهات المحروووقة قلبها على ولادها الاسرى ..ماااحدا مجرب لوعتهااا ...يعني للاسف نحنا العرب وبكلل فخر .مثااال للتكاتف ماشاء الله ..بكل فخررررر.نحنا ما خرجنا غير العلاااك والكلام اللي مالو نتيجة ..بس شاطرين نطعن بعضناااا ونضرب بعضنااا ونشتم بعضناا ..ونحارب بعضنااا .....في واحد بالمنتدى حكى انو مافي احتلاال هي معارك خسرتها العرب وربحتها اسرائيل ....اي معو حق ..بس يجي واحد غريب على بيتك ويدوووس العتبة ويغتصب شرفك ..ويشرد اهللك ...هداك الوقت بتعرف شو معنى احتلاااال .............................للاسف للاسف للاسف ..هي حقيقتنا نحنا العرب ..

lucky · 23/07/2006

اقتباس:

كاتب النص الأصلي : liu kang

لك مشكلتنا نحنا العرب انو شو ما صحلنا ما بيعجبنا ....الكل بيتطلع على انو يا نكون متل فرنسا وامريكا ياا بلاا لانو بيعتبرو هن الحضارة (والله يا حبيب هي حقيقه إنهن حضاره بس مو الكل بدو يصير زيهن).....بس شاطرين نقعد ورا التلفزيون او الكومبيوتر ونحكي ونطق حنك .ونعللك علاك شي بطعمة وشي بلا طعمة ...كل قنوات الاخبار على التلفزيوون اكذب من مسيلمة ....اذا بتعرفوووه (أها.. مسيلمه الكذاب)... ...يعني البعض صار يلوووم السيد حسن نصر الله على الحرب اللي علقهاا ...طيب ..علما انو العرب مو جاي على بالهن لا يرجعو فلسطين ...ولا يمحو اسرائيل ..كل واحد بقى بيقعد يحكي كلاام شي يمين وشي شمال ...ومو عرفان الله وين حاططو(هه..زيك ) ..عم يحكو على انو ما اكن لازم حررررب ..انتو لو تعرفو انو اللي ورا دفع اسرائيل لهيك حرب هن بعض رؤساء الدول العربية وملووكهاا(والله هالحرب إسرائيل مخططتلها من لما طلعها حزب الله من الجنوب و انهزمت...و بعدين هن مش مستنيين شي من ملوكنا و رؤساءنا بدهن ياهن بس يوطولهن و يبتسمولهن لحتى يجيهن الدور ) ..والكل بيعرفهن واحد واحد(ع///ح.م) ...شووو رح يكون موقفك لما بتعرف انو من بين البوراج الاسرائيلية اللي عم تضرب لبنان .....بااااارجة عربية وبكل فخررر(لك هيدي مصريه و كانت مبحره لليونان ما كانت تقصف بيروت) ...ولا هي وسائل الاعلام ما بتذكرهااااا(لا ذكروها) .........بيجي كل واحد بالشارع بيتفاصح وبيحكي وهو موعرفان الخمسة من الطمسة(مش وين ما كان) ..بعد كل الانجازات اللي حققها حزب الله اخر شي بيتوجهو الو ...(باللوم ) ..شي طبيعي اذا سلاحنا هوو ( الشجب ..والادانة ...والرفض ..والمطالبة ...وهلم جر من هالحكي اللي بلا طعمة ..).(أنا معك).الشهداء اللي راحو من حزب الله ..هدول ما حدا بيسئل عليهن ..الامهات المحروووقة قلبها على ولادها الاسرى ..ماااحدا مجرب لوعتهااا ...يعني للاسف نحنا العرب وبكلل فخر .مثااال للتكاتف ماشاء الله ..بكل فخررررر.نحنا ما خرجنا غير العلاااك والكلام اللي مالو نتيجة ..بس شاطرين نطعن بعضناااا ونضرب بعضنااا ونشتم بعضناا ..ونحارب بعضنااا .....في واحد بالمنتدى حكى انو مافي احتلاال هي معارك خسرتها العرب وربحتها اسرائيل ....اي معو حق ..بس يجي واحد غريب على بيتك ويدوووس العتبة ويغتصب شرفك ..ويشرد اهللك ...هداك الوقت بتعرف شو معنى احتلاااال .............................للاسف للاسف للاسف ..هي حقيقتنا نحنا العرب ..

ما فهمت شو بتقصد آخر شي

جورج الأول · 23/07/2006

يا حبيب
يعني بدي أعرف لو كنت محل أي حاكم شو رح تساوي

و بعدين الشعب العربي مو عاجبك فليش عم تلوم الحكام ؟ مو الحكام من هالشعب؟
زعلان مشان هال 50 سنة ؟؟؟ مو أعدنا تحت الاحتلال العثماني 400 سنة ؟ لسا معنا وقت كتير

lucky · 23/07/2006

اقتباس:

كاتب النص الأصلي : جورج الأول

يا حبيب
يعني بدي أعرف لو كنت محل أي حاكم شو رح تساوي

و بعدين الشعب العربي مو عاجبك فليش عم تلوم الحكام ؟ مو الحكام من هالشعب؟
زعلان مشان هال 50 سنة ؟؟؟ مو أعدنا تحت الاحتلال العثماني 400 سنة ؟ لسا معنا وقت كتير

يا روحي إحتلال عن إحتلال بيفرق.......و العثماني أرحم بكتير ع الأل كانت هيبه للعرب بين الأمم

MR.SAMO · 23/07/2006

اقتباس:

كاتب النص الأصلي : saldro

يا روحي إحتلال عن إحتلال بيفرق.......و العثماني أرحم بكتير ع الأل كانت هيبه للعرب بين الأمم

ايه لا اسمحلي فيها هيدي الاحتلال لا يتجزأ احتلال يعني احتلال تركيا كانت شاطرة ودخلت تحت ستار الدين وشعبنا حبها لأنه دولة اسلامية طيب شو موقف الطوائف والاديان التانين ونسيتوا الاعدامات والانتهاكات اللي عملها العثمانيين ولا كلشي بأسم الدين مو مشكلة

Nirvana · 23/07/2006

اقتباس:

كاتب النص الأصلي : MR.SAMO

ولا كلشي بأسم الدين مو مشكلة

هيك شي

COSTA · 23/07/2006

اقتباس:

كاتب النص الأصلي : جورج الأول

يا حبيب
يعني بدي أعرف لو كنت محل أي حاكم شو رح تساوي

و بعدين الشعب العربي مو عاجبك فليش عم تلوم الحكام ؟ مو الحكام من هالشعب؟
زعلان مشان هال 50 سنة ؟؟؟ مو أعدنا تحت الاحتلال العثماني 400 سنة ؟ لسا معنا وقت كتير

400 سنة

الله يبشرك بالخير

ليش هال التفاؤل كله

COSTA · 23/07/2006

اقتباس:

كاتب النص الأصلي : saldro

يا روحي إحتلال عن إحتلال بيفرق.......و العثماني أرحم بكتير ع الأل كانت هيبه للعرب بين الأمم

عم تقول العثماني ارحم بكتير

اي اهلين وسهلين

نحنا هون بالمنبر لحتى نبلش

انت شو بتعرف عن العثماني ؟؟؟؟ ولا الشغلة بس انو كتبنا
بعدين العثماني كان عامل هيبة للعرب؟؟؟ ...ضحكتني هي فيها
يا معلم العثماني كان حارق الاخضر واليابس اذا مانك عرفان ولا بس لانو اسلام كانو معليش؟؟
بعدين العثماني صادر الاراضي ومنع العلم وكان جزار واكبر دليل تاريخو بالمنطقة
اي شو نسيت شلون بلشت الانكشارية؟؟ ولا ما بتعرفها وانا متأكد انك ما بتعرفها

lucky · 23/07/2006

اقتباس:

كاتب النص الأصلي : MR.SAMO

ايه لا اسمحلي فيها هيدي الاحتلال لا يتجزأ احتلال يعني احتلال تركيا كانت شاطرة ودخلت تحت ستار الدين وشعبنا حبها لأنه دولة اسلامية طيب شو موقف الطوائف والاديان التانين ونسيتوا الاعدامات والانتهاكات اللي عملها العثمانيين ولا كلشي بأسم الدين مو مشكلة

لا ما قصدت شي المهم إنه الصهاينه ما يحتله لبنان و من ثم سوريا

جورج الأول · 23/07/2006

لساني مصر بدي أعرف لو كان مكان أي حاكم لك شو رح يساوي؟؟

oliver68 · 23/07/2006

معلم سالدرو مارح تفهم شي من كل هالحكي، بتعرف ليش؟؟؟؟ لأن نحنا العرب هيك، ما شاطرين إلا بإنو ننحمئ، و الله وكيلك شوي تانية منبيض، بس إنو نحكم عقلنا و نتروى شوي، هاي مستحيل، فصدقني مارح تفهم شي، بس هاد المعلم لو كانغ، حب ينقل النقاش لهون، لأن انا قلتلوا بموضوع"نصر الله...شكرا"إنو لاتقنعني ولا اقنعك، فبالظاهر عمبدور عحدا يا يقنعوا يا يقتنع منو.
أما مشان الحكم العثماني، إي إينو رفعة راس؟؟؟؟؟ لك أصلا الإسلام زاد التخبيص فيه بالعهد العثماني، و مو بس هيك، كل بلاوي العرب من العثمانيين، أخدوا الدين حجة و بلشوا يخوزقوا العالم، يعني كان احتلال و ظلم، والتاريخ بيشهد عهالشي.

lucky · 23/07/2006

اقتباس:

كاتب النص الأصلي : جورج الأول

لساني مصر بدي أعرف لو كان مكان أي حاكم لك شو رح يساوي؟؟

منو هيدا؟؟

lucky · 23/07/2006

اقتباس:

كاتب النص الأصلي : أبو طريق

معلم سالدرو مارح تفهم شي من كل هالحكي، بتعرف ليش؟؟؟؟ لأن نحنا العرب هيك، ما شاطرين إلا بإنو ننحمئ، و الله وكيلك شوي تانية منبيض، بس إنو نحكم عقلنا و نتروى شوي، هاي مستحيل، فصدقني مارح تفهم شي، بس هاد المعلم لو كانغ، حب ينقل النقاش لهون، لأن انا قلتلوا بموضوع"نصر الله...شكرا"إنو لاتقنعني ولا اقنعك، فبالظاهر عمبدور عحدا يا يقنعوا يا يقتنع منو.
أما مشان الحكم العثماني، إي إينو رفعة راس؟؟؟؟؟ لك أصلا الإسلام زاد التخبيص فيه بالعهد العثماني، و مو بس هيك، كل بلاوي العرب من العثمانيين، أخدوا الدين حجة و بلشوا يخوزقوا العالم، يعني كان احتلال و ظلم، والتاريخ بيشهد عهالشي.

عادي يا بقنعو يا بقنعني خلص عادي
لا الحكم العثماني متفق معك ببعض الإشيا و إشيا تانيه لا

oliver68 · 23/07/2006

الحكم العثماني بدو موضوع لحالو، بلا ما ناكل شي انذار عند هالمسا بسبب تغيير الموضوع، اللي لهلأ ماني عرفان شو هوي؟؟؟؟؟؟!!!!!!!!!

Nirvana · 23/07/2006

اقتباس:

كاتب النص الأصلي : جورج الأول

يا حبيب
يعني بدي أعرف لو كنت محل أي حاكم شو رح تساوي

و بعدين الشعب العربي مو عاجبك فليش عم تلوم الحكام ؟ مو الحكام من هالشعب؟
زعلان مشان هال 50 سنة ؟؟؟ مو أعدنا تحت الاحتلال العثماني 400 سنة ؟ لسا معنا وقت كتير

الحاكم الصالح بهمو مصلحة الوطن أولا ... وهاي بديهية
وإذا برأيك أنو مصلحة الوطن محققة في الوقت الحالي بتكون مو عارف حالك وين انت ؟

تاني شي اذا الحاكم عاطل .. لأنو من هالشعب لازم يتغير عن طريق الشعب ..

بس مين حاكم عربي اختارو الشعب؟ كالحكام العرب اختارتهم دول أجنبية وفرضتهم فرض علينا ودعمتهم لتحقيق مصالحها مقابل ثمن غالي كتير هوي الوطن ..

وشو اللي بتحكي عن 50سنة احتلال وذل.. محنا طلعنا من الحكم العثماني (اللي كان فيو أبشع استغلال وذل للعرب ) ودخلنا دغري بعديها في الحكم الاستعماري بريطانيا وفرنسا وايطاليا .. وما طلعنا منها إلا حاكميتنا أمريكا وإسرائيل...

ولهلأ ما كنا نتحرر من هالاستعمار الداخلي والخارجي..

جورج الأول · 24/07/2006

مشكورة على كلامك
أولا ما جاوبتي شو بتعملي محل أي حاكم عربي ؟ يعني عمليا متل ما قلتي حسب مصلحة الشعب و بدون بيع وطنيات؟
تانيا من كلامك الشعب العربي مو نفعان يعني بقوم من جورة ليوقع بالتانية

COSTA · 24/07/2006

اقتباس:

كاتب النص الأصلي : جورج الأول

مشكورة على كلامك
أولا ما جاوبتي شو بتعملي محل أي حاكم عربي ؟ يعني عمليا متل ما قلتي حسب مصلحة الشعب و بدون بيع وطنيات؟
تانيا من كلامك الشعب العربي مو نفعان يعني بقوم من جورة ليوقع بالتانية

انت ليش معصب

طول بالك شوي وروق وشربلك فنجان قهوة

يلي ما بدو يجاوبك بكون مو قادر يرد عليك

بسيطة الشغلة فطول بالك

بعدين انت سؤالك ماكان موجه الها مظبوط

Nirvana · 24/07/2006

اقتباس:

كاتب النص الأصلي : جورج الأول

مشكورة على كلامك
أولا ما جاوبتي شو بتعملي محل أي حاكم عربي ؟ يعني عمليا متل ما قلتي حسب مصلحة الشعب و بدون بيع وطنيات؟
تانيا من كلامك الشعب العربي مو نفعان يعني بقوم من جورة ليوقع بالتانية

هلأ اذا استلمت أنا محل حاكم عربي..

بطور اقتصاد البلد .. وبحاول أصدر أكتر ما أستورد ..(يعني ما صير دولة مستهلكة بل مصنعة).
بحاول وعي الناس وشجع الثقافة والفنون (أحسن وسيلة لتثقيف الناس).
سياسياً .. بحاول آخد موقف الحياد بما يناسب الظروف (إلا في حالة الاعتداء على دولتي )
وقتها بستشير رئيس هيئة الأركان ووزير الدفاع .. ويلا ..

هيي بدها هالقد . . ما بدها غير شوية كرامة وحب للبلد ..

بعدين مين قلك اني بقدر كون محل شي حاكم عربي.. (أنا مو مؤهلة لهيك شي)
بس بقدر قلك كيف الواحد بكون مواطن صالح .. وانسان حر اذا بدك ..