مواقع إخبارية سورية تتناقل خبر حجب أخوية

[فاوست]

* حجب موقع "أخوية" بسبب رسم كاريكاتوري يطال بشار الأسد وعقيلته
موقع ثروة الالكتروني – الثلاثاء 30 تشرين الأول/ أكتوبر 2007
حُجبَ موقع أخوية على المتصفحين من داخل سوريا، وذلك في يوم السبت الواقع في 28 تشرين الأول-أكتوبر-2007.
ويرجح عدد من أعضاء المنتدى أن سبب الحجب كان بسبب نشر أحد الأعضاء لرسومات كاريكاتورية عن فترة الاستفتاء الرئاسي، منقولة من موقع الناخب السوري وتخص الرئيس السوري وزوجته أسماء الاسد.
فيما علق بعض الأعضاء الآخرين على أن الحجب كان بسبب فشل السلطات السورية في اصطياد الشباب المعارض من المنتدى، وذلك بسبب تنبه أعضاء المنتدى إلى هذا خصيصاً بعد ان أصدرت عدد من المنظمات الدولية مثل العفو الدولية وهيومان رايتس ووش تقارير تتحدث عن الاعتقالات التي طاولت مرتادي الانترنت في سوريا وقد خصت"منتدى أخوية الإلكتروني" بذكره بالاسم.
وكان قد قام بعض الشباب السوريين أثناء فترة الاستفتاء الرئاسي في سوريا، تعبيراً عن استيائهم من الوضع الحالي بالتصويت على سبيل السخرية للمطرب السوري جورج وسوف كرئيس لسوريا حيث حصل جورج وسوف على 55.26% بينما حصل بشار على 44.74% من نسبة المصوتين.
يذكر أن موقع أخوية أصبح معروفاً بعد ان اعتقلت مجموعة الطلاب الثمانية (حسام ملحم، طارق الغوراني، ماهر أسبر، علي نذير علي، دياب سرية، علام فاخور، عمر العبد الله وأيهم صقر) وذلك بسبب مشاركتهم بمواضيع أدبية واجتماعية على الموقع.
ومؤخراً تم اعتقال الناشط الشاب كريم عربجي، وهو مشرف في الموقع ولا يزال محتجزا دون اتصال مع العالم الخارجي منذ أكثر من خمسة أشهر وغالباً بسبب مشاركاته في أخوية.

http://www.thisissyria.net/2007/10/30/syriatoday/04.html

[yass]

الأسف الأخوية انشهرت على حساب اعتقال شبابنا و الآن بسبب الحجب

حسافة



شكرا

[Nirvana]

مو عارفة شو بدي احكي أو كيف بدي صيغ كلامي الا انو .. مو عارفة اذا للاسف .. يعني للاسف الكبير اعتقلو الشباب وللاسف تم حجب أخوية ..

بس أخوية مساحة الحرية مو للأسف .. أخوية من كل صوب ومن كل فكر ومن كل حرف انكتب مو للأسف ..
وأخوية تستمر ..

[Roaa]

كمان اخويــه الله حاميهاااا


ورح تضل ..

عالهامش .. انوو ما تستغربو شي نهار يعملو مقابلات مع الاعضاء

[Abu Guzef]

الله يجازي اللي كان السبب وخلاهون يحجبوه

[Willi]

عالهامش .. انوو ما تستغربو شي نهار يعملو مقابلات مع الاعضاء

عجبتني الفكرة


بالنسبة للخبر, اكيد واحد من اعضاء اخوية باعت هالحكي للموقع. لانو مو معقول المعلومات اللي موجودة عندهون. اي لو مخابرات مو هيك

[Reemi]

في شوي من الاعضاء كتير بكون عظيم اذا بيرتاحو وببطلو ينقلو اخبار اخوية لبرى ... لانو متل ما قال جاد مستحيل يكونو مراقبين اخوية هالمواقع التانيه وقلقانين فينا هالقد وعم يتابعو مواضيعنا و نسب التصويت كمان ...

رح تجيبو اخرة الكل متل ما جبتو اخرة الي قبلنا...حاج بقى ...

[أب سمرة]

[quote=Reemi;807299

رح تجيبو اخرة الكل متل ما جبتو اخرة الي قبلنا...حاج بقى ...[/quote]




لك شو هالحكي كنت مفكر انك

شو بلشنا الخوف ما يهمك كلها فنجان قهوة

ويمكن تستمر الضيافة وتستمر وتستمررررررررررررررررررر

[Reemi]

كاتب النص الأصلي : أب سمرة

لك شو هالحكي كنت مفكر انك

شو بلشنا الخوف ما يهمك كلها فنجان قهوة

ويمكن تستمر الضيافة وتستمر وتستمررررررررررررررررررر

فشر الخوف نحنا اهالي جبلة ما بنخاف من شي...

بس انو الف جبان ولا الله يرحمو..وعمي انا ما بحب القهوة ولا بعرفها من اساسو

[أب سمرة]

كاتب النص الأصلي : Reemi

فشر الخوف نحنا اهالي جبلة ما بنخاف من شي...

بس انو الف جبان ولا الله يرحمو..وعمي انا ما بحب القهوة ولا بعرفها من اساسو

ممممممممممم

قلتيلي جبلة اي على راسي حارتك اي معناها كاسة متة لا تقولي ما بتحبيها والله يعينك

القعدة رح تطول وتطول وتطول

[khanfur]

كاتب النص الأصلي : Reemi

في شوي من الاعضاء كتير بكون عظيم اذا بيرتاحو وببطلو ينقلو اخبار اخوية لبرى ...

سكرو الابواب و الشبابيك و لا اتخلو حدا غريب ايفوت
او لقلكون حطو واحد مخابرات ع باب الموقع ما بيفوت حدا

[فاوست]

عفكرة أنا أحد أعضاء أخوية بعتلي الخبر هي واحد

في شوي من الاعضاء كتير بكون عظيم اذا بيرتاحو وببطلو ينقلو اخبار اخوية لبرى ... لانو متل ما قال جاد مستحيل يكونو مراقبين اخوية هالمواقع التانيه وقلقانين فينا هالقد وعم يتابعو مواضيعنا و نسب التصويت كمان ...

رح تجيبو اخرة الكل متل ما جبتو اخرة الي قبلنا...حاج بقى ...

أنا سمحيلي قلك أنتي حاج بقى وحاج مزايدات كان لازم تتمني على الأعضاء يلي عم ينقلوا أخبار للمخابرات أنن يرتاحو وما ينقلوا أخبار الأعضاء وأسمائهن مشان حقد كامن عندهن ضدد أي صوت معارض لأنن هنن يلي رح يجيبو أخرة الموقع

[phoenixbird]

بللا شو

اي حاج تحلل بحياتك تسلملي تحليلاتك

[sezar]

حاج تحللو الله يرد عنكن حاج تحللو
تناقلو الخبر ولا ما تناقلو .. طول ما المشكلة قائمة تعتبر مشكلة .. و ما بتكون انحلت لحتى تنحل

[Syrian__Angel]

وحاج مزايدات كان لازم تتمني على الأعضاء يلي عم ينقلوا أخبار للمخابرات أنن يرتاحو وما ينقلوا أخبار الأعضاء وأسمائهن مشان حقد كامن عندهن ضدد أي صوت معارض

مع انــّي ما كتير بتــّفق معك بأغلبيــّة افكارك ...
بس عجبتني هي الجملة .. ويمكن فيها شيئ من الصحــّة ..

[سرسورة]

كاتب النص الأصلي : sezar

حاج تحللو الله يرد عنكن حاج تحللو
تناقلو الخبر ولا ما تناقلو .. طول ما المشكلة قائمة تعتبر مشكلة .. و ما بتكون انحلت لحتى تنحل

انا مع سيزار....المشكلة طول مانا موجوددة فهي الشي اللي لازم نحلو....بس هاد ما بيمنع من انو بيطل عالكام واحد يبيعنا شعارات و مزايدات ويروح يلعي هون وهونيك......

[COSTA]

من البديهي انو تصير القصة خبر وتتناقلو وسائل اعلامية الكترونية ..
لانو مجرد غوغلة صغيرة عن معتقلين او عن مسجونين او عن حريات .... بتنط بوجهك اخوية ... ونحنا ما شالله عننا اعضاء كفو وفو بالكتابة عن هالقصص
شو بدكون بالحكي صرنا من اصحاب الشهرة

[Syrian Gay]

خروج عن الموضوع شوي .. بس مبارح بالليل انفك حجب أخوية من خطوط الـ ADSL التابعة لمؤسسة الإتصالات ..

وما بعرف بالنسبة لخطوط الـ Dial-up بأعتباري ADSL

مبروك أخوية ..