محاكمة الله على مجزرة "تسونامي"...!

[andreagassi]

في ال26 من كانون الأول 2004 توفي أكثر من 170,000 شخص في زلزال بلغت قوته 9 درجات على مقياس ريختر مع ما رافقه من مدّ بحري قاتل أيضا".
و أول ما سمعناه من رجال الدين و من المؤمنين ( من كافة الديانات ) أنّ هذا من فعل الله و أنّه قادر على كل شيء, و يا ليتهم لم يقولوا ذلك لأنه بقولهم هذا قد كفروا و كفروا بشدّة بما معناه أنّ الله قاتل بشهادتهم هم المؤمنون به.
فهذا الاٍله الذي يسمونه الله و الذي يعتبروه قوّة مفكرة و مقدسة و حكيمة بضربة واحدة قتل عشرات الألوف و جرح مئات الألوف و شرّد الملايين, قتل أكثر من 60,000 طفل بريء , فهل قدّم لكم الله أيّها المؤمنون مبررا" على فعلته الشنعاء هذه على أساس أنّكم متواصلين معه بصلاتكم التي لم و لن تقدّم أو تؤخّر بشيء منذ فجر التاريخ حتى الآن, تلك الصلاة التي يلجأ اٍليها المؤمنين بسبب نقص الاٍرادة لديهم و التي يستخدموها رادعا" بالاٍيحاء لعقلهم بأنّ هناك من سيعاقبهم اٍذا لم يكونوا شرفاء دون اللجوء اٍلى المبادىء و الأخلاق و التربية الصالحة لاٍبعاد الأفكار السيئة.
لنرجع اٍلى صلب الموضوع , و قد كفر المؤمنون أخيرا" بمباركتهم المجزرة الهائلة التي قام بها الله و نسبوها اٍليه ( علما" أنّ الزلزال قتل ايضا" أناسا" كانوا حينها بالكنائس و المساجد ), فهل يستحق فعلا" هذا الاٍله الصلاة و الصوم و الاٍيمان به اٍلى هذا الحد, قطعا" لا, اٍن كلمة قاتل هي قليلة جدا" على من يقتل هذا العدد من الأبرياء, و ربما يجب علينا أن نزيد صفة جديدة على أسماء الله كالسفاح مثلا".
في النهاية عزيزي القارىء , الله ليس هو من قام بالزلزال لأنه غير موجود أصلا" فلو كان موجودا" لاستعمل قوته التي يتفاخر بها المؤمنين لمنع حدوث هكذا مجزرة, و أترك لك عزيزي القارىء محاكمة الفاعل.

[Abo rafik]

الله يقويك يا صاحب الارادة القوية....
انا بدي اسالك سؤال ؟؟؟بتعيش 25 سنة وبتكون انسان كويس ولا بتعيش 100 سنة وبتضل متل مانك؟؟؟؟
الله يلعن الحرب شو عملت بقلوب البشر ...هلق قللي انو هي الحرب الله عملها....ولا القنبلة الذرية ولا طبقة الاوزون؟؟؟؟
ع كل حال اذا فرشيت اسنانك كل يوم بيضل في مجال انن يسوسو يا صاحب الارادة القوية........

[Abo rafik]

معليش حبيبي انت ولايهمك ولا تعصب....بالنهاية انت مش فرقانة معك موجود او لا....ليش حتى تغلط فيه ؟؟؟
الله يخليلي اياك روق ....
يعني واحد بعقليتك بينعمل منو3 او4 ابو مصعب الزرقاوي بس ع غير موجة!!!!!!!!!!!

[andreagassi]

يعني الحقيقة يا أخ LOLO شكلك ما فهمت شي من يللي كاتبوا أنا, أصلا" مش مطلوب منك تفهموا أو بالأحرى ما كان في ضرورة انو تقرا أصلا" لانو يبدو انو مستواك العقلي أكبر بكتير.

[عاشق من فلسطين]

في ال26 من كانون الأول 2004 توفي أكثر من 170,000 شخص في زلزال بلغت قوته 9 درجات على مقياس ريختر مع ما رافقه من مدّ بحري قاتل أيضا".
و أول ما سمعناه من رجال الدين و من المؤمنين ( من كافة الديانات ) أنّ هذا من فعل الله و أنّه قادر على كل شيء, و يا ليتهم لم يقولوا ذلك لأنه بقولهم هذا قد كفروا و كفروا بشدّة بما معناه أنّ الله قاتل بشهادتهم هم المؤمنون به.
فهذا الاٍله الذي يسمونه الله و الذي يعتبروه قوّة مفكرة و مقدسة و حكيمة بضربة واحدة قتل عشرات الألوف و جرح مئات الألوف و شرّد الملايين, قتل أكثر من 60,000 طفل بريء , فهل قدّم لكم الله أيّها المؤمنون مبررا" على فعلته الشنعاء هذه على أساس أنّكم متواصلين معه بصلاتكم التي لم و لن تقدّم أو تؤخّر بشيء منذ فجر التاريخ حتى الآن, تلك الصلاة التي يلجأ اٍليها المؤمنين بسبب نقص الاٍرادة لديهم و التي يستخدموها رادعا" بالاٍيحاء لعقلهم بأنّ هناك من سيعاقبهم اٍذا لم يكونوا شرفاء دون اللجوء اٍلى المبادىء و الأخلاق و التربية الصالحة لاٍبعاد الأفكار السيئة.
لنرجع اٍلى صلب الموضوع , و قد كفر المؤمنون أخيرا" بمباركتهم المجزرة الهائلة التي قام بها الله و نسبوها اٍليه ( علما" أنّ الزلزال قتل ايضا" أناسا" كانوا حينها بالكنائس و المساجد ), فهل يستحق فعلا" هذا الاٍله الصلاة و الصوم و الاٍيمان به اٍلى هذا الحد, قطعا" لا, اٍن كلمة قاتل هي قليلة جدا" على من يقتل هذا العدد من الأبرياء, و ربما يجب علينا أن نزيد صفة جديدة على أسماء الله كالسفاح مثلا".
في النهاية عزيزي القارىء , الله ليس هو من قام بالزلزال لأنه غير موجود أصلا" فلو كان موجودا" لاستعمل قوته التي يتفاخر بها المؤمنين لمنع حدوث هكذا مجزرة, و أترك لك عزيزي القارىء محاكمة الفاعل.

أول شي أخ أندري أكاسي شكلك علماني (هيك عأساس) بس حبيب أنا كمان علماني وحابب قلك أنو العلمانية لا تعني عدم احترام الطرف الآخر والتشهير به والتجريح في أهم شيء يملكه وهو معتقداته ..
وعلى فكرة أنت كعلماني أكيد بتطلب أنو العالم تعترف فيك كفئة موجودة تستحق الأحترام بس بهيك مواقف مرح تنال الاحترام حتى من العلمانيين أنفسهم لأنك بهل التصرفات عار على نفسك قبل ما تكون عار على العلمانيين ..

يعني الحقيقة يا أخ " border="0" />O شكلك ما فهمت شي من يللي كاتبوا أنا, أصلا" مش مطلوب منك تفهموا أو بالأحرى ما كان في ضرورة انو تقرا أصلا" لانو يبدو انو مستواك العقلي أكبر بكتير.

هون أنا حابب قلك يا أخ أندري أكاسي أنو اذا في حدا مشارك بهل الموضوع ومو فهمان شي فهوي أنت لأنو الأخ أبو اللول أخ محترم وأنا ما بسمحلك تهينو ..وحابب ذكرة انو العلمانية تعني أول شي عدم الغاء الطرف الآخر لأنو العلمانية أول مطالبها هيي الاعتراف بجميع فئات المجتمع على اختلاف أصنافهم ..
وبالنهاية بجوز ماتكون لا علماني ولا مسيحي ولا مسلم ولا معتنق أي مبدأ أو قناعة الا نفسك .. ومع ذلك هذا لا يعني أنو لا نحترمك وأنا بحترم أي شخص مهما كانت قناعاتو ولو كان مافي غيرو حامل هالقناعات ..بس ما عاد أحترموا لما بنادي بأنو يلغي الآخر..
ولا تواخذنا..

[andreagassi]

أنا بحترم رأيك بس أنا أزعجتني جدا" الطريقة يللي حكي فيها الأخ L O L O لأنو عم يتمسخر على يللي كتبتو مسخرة و هيدا يللي دعاني انو رد علي بهالطريقة و هوي ما انتبه انو يللي حكي ما الو صلة أبدا" بصلب الموضوع , بل بالعكس أنا كنت كتير لايق معو بس ما بعرف شكلو كان معصّب من الموضوع لأنو الحقيقة بتجرح أحيانا".

[Abo rafik]

الاخ اندريه اغاثي :
ياريت لو انك اخدتني ع فد عقلي وجاوبت ع سؤالي.....وبعدين انا فخور جدا"بمستواي العقلي لانو من وجهة نظري العقل بلا روح مش قادر على شي ...ومنشان هيك ما بستغرب انك ما فهمت شي من اللي قلتلك اياه.....
ع كل حال انت حر بتفكيرك ...بس حريتك مش لازم تمس حرية الاخرين منشان هيك انا لعنت الحرب ...لانو من بعدا في قيم كتير انعدمت.....
اخي الحبيب عاشق :
انا بشكر محبتك واحترامك للجميع وبتمنى صير متلك بيوم من الايام .....وبطلب منك تسامحني اذا كنت قاسي بحكيي .........بس انت فهمت عليي...وفهمك كفاية.....

[Abo rafik]

الاخ اندريه :
بعمرها الحقيقة ما كانت بتجرح وانت اذا في عند اثبات على عدم وجود الله ما حدا عم يقللك لا تقولو ....بس حكيك كان فيه تعدي عا للي جابلني ...وانت وقت اللي بتكون بتحب حدا ...بتضايق وقت اللي حدا بيجيب سيرتو بالعاطل.....وانا هيدا اللي صار معي ...بطلب منك انو مواضيعك ما تكون جارحة لاي انسان حتى تثبت العكس ....الا اذا كنت عالم بكل شي.....
وسلام ...

[عاشق من فلسطين]

أنا بحترم رأيك بس أنا أزعجتني جدا" الطريقة يللي حكي فيها الأخ L O L O لأنو عم يتمسخر على يللي كتبتو مسخرة و هيدا يللي دعاني انو رد علي بهالطريقة و هوي ما انتبه انو يللي حكي ما الو صلة أبدا" بصلب الموضوع , بل بالعكس أنا كنت كتير لايق معو بس ما بعرف شكلو كان معصّب من الموضوع لأنو الحقيقة بتجرح أحيانا".

أول شي شكرا" لأنك بتحترم رأيي وتاني شي أنت اعتبرت أنو من حقك تنزعج من الأخ لولو علما" أنو ردو كان دفاعا" على شيء مس روحو وقناعاتو ..بس ما أخذت أي اعتبار على أنو موضوعك رح يزعج كل مين بيقرأوا حتى العلمانيين لأنك محسوب عليهن وعم تشوه صورتن ...وتالت شي أنت قلت أنو الأخ لولو كان عم يتمسخر عليي كتبتو .. الصراحة حقو لأنو اللي كتبتو أنتة مسخرة ..وبتمنى ما تنزعج من كلامي لأنو أنا عم حكيك لمصلحتك ..
ولا تواخذنا..

اخي الحبيب عاشق :
انا بشكر محبتك واحترامك للجميع وبتمنى صير متلك بيوم من الايام .....وبطلب منك تسامحني اذا كنت قاسي بحكيي .........بس انت فهمت عليي...وفهمك كفاية.....

أخ الحبيب أبو اللول أنا بشكر أعتبارك الي أخ الك وهادا شعور متبادل.. وبالنسبة لطلبك السماح مني أنا مستغرب لأنك ما غلطت بشي بحقي وما حكيت حكي قاسي بالعكس أنت حكيت حكي مهذب مقارنة مع الموضوع المكتوب.. ومشكور كتير

[andreagassi]

أولا" غريب انو الموضوع ما حدا رد علي غير عاشق من فلسطين و L O L O و عادة يللي بيقرا موضوع و ما بيعجبو المفروض يرد علي,و يبدو انو كل يللي قرءوا اقتنعوا فيه ما عداكم أنتم.
ثانيا" اذا بدك يا أخL O L O انو اثبتلك عدم وجود الله أنا برأيي انو انتا تثبتلي انو موجود,متلو متل الروح يللي عم تحكي عنها.
ثالثا" أنا ما عشت ايام الحرب يللي على الطالعة و النازلة عم تقلي عنها,و أصلا" الحرب مش سبب حتى يكون الانسان ملحد أو مؤمن.
رابعا" أنا يا أخ عاشق من فلسطين ما شوّهت صورة العلمانيين و أرجو المعذرة اذا كان قسم من موضوعي ثقيل شوي.
خامسا" و الأهم أنا كتبت ثلاث مقالات سابقة أرجو انو تقراوها اذا ما عندكن مانع و هي موجودة في حوار الأديان:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

و:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

و:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

و شكرا".

[عاشق من فلسطين]

أولا" غريب انو الموضوع ما حدا رد علي غير عاشق من فلسطين و L O L O و عادة يللي بيقرا موضوع و ما بيعجبو المفروض يرد علي,و يبدو انو كل يللي قرءوا اقتنعوا فيه ما عداكم أنتم.

أول شي يا أخ اندري أنا لما رديت على الموضوع ما كنت عم أحكي قناعاتي كعلماني بل قناعاتي كأنسان ..لأني انسان قبل ما كون علماني .. وأنت كعلماني المفروض تعرف شو قناعاتي.. بس أنا رديت كشخص يحترم الطرف الآخر وكشخص متل ما أني ما بتمنى حدا يمسني بقناعاتي وعلمانيتي المفروض أني ما أقبل أنو مس حدا أو اسمح لغيري بالمساس فيه لأنو كلنا أخوة على الأقل بالانسانية ..واختلاف الآراء والقناعات لا يؤدي بالضرورة الى اختلاف الأهداف ..وبتمنى تكون فهمتني .. وبتمنى أنك ما تحاول مرة تانية تستفزني بقولك أني غير مقتنع بالموضوع لأنو أنت بهالكلمة كنت عرفان أني علماني والمفروض بناء" على علمانيتي قلك أني مقتنع لحتى تقلي ليش حكيت اللي حكيتو ولحتى تضمني لصفك ..بس نحنا مانا ولاد صغار عيب.. واقتناعي بفكرة الموضوع لا تعني قناعتي بطريقة طرحو لأنو الغاية لا تبرر الوسيلة دائما"..كما ان اقتناعي بالموضوع لا يعني ضرورة اقتناع الطرف الآخر ولا يعني أن استخدم التجريح وأن ألغي الطرف الآخر بل يعني أن احترمه كي يحترم فكرتي..بس وين بدك ميت سنة ضوئية لتستوعب شو يعني العلمانية يا أستاذ..
ومشان ليش ما حدا رد على الموضوع لأنو الشباب وجعها راسها من هيك مواضيع ومن النقاش فيها بس أنا ما وجعني راسي ومرح يوجعني لأنو أنا زلمة عندي رسالة بدي وصلها ومستعد ناقش الحيط مشانها ..
لا تواخذنا..

[عاشق من فلسطين]

خامسا" و الأهم أنا كتبت ثلاث مقالات سابقة أرجو انو تقراوها اذا ما عندكن مانع و هي موجودة في حوار الأديان:

بالمناسبة انا بتمنى أنك أنت تقرأ الموضيع اللي حكيت عنها وتشوف ردوي ..
أنت بتلك المواضيع كنت عم تطرح وجهة نظر بطريقة علمانية مهذبة ممكن جارحة للطرف الآخر لأنو بالأساس وجودنا يجرح الطرف الآخر..و المواضيع اللي ذكرتها أنت جارحة بفكرتها وليس بطريقة طرحها (يعني قول الفكرة بكلام غير جارح ليس خطأ ولو كانت الفكرة جارحة) أما الوضوع هادا يا أخونا الكريم هوي جارح كلمة وفكرة لهيك أنا رافضو تماما" .. واذا بدك راجع المواضيع الدينية بتشوف أنو في كتير عالم مهاجمة العلمانية بطريقة مهذبة وموضوعية أنا قد أنزعج للفكرة ولكني بالنتيجة أحترم صاحبها لأنه مخلص لها ..
ولأنه احترمني بعدم التشهير بي ..وبالنتيجة وجود الآخر دائما" يجرح ليس من منطلق سيء بل من فكرة أن كل طرف يرى نفسه صحيح لذلك يتمنى أن تكون العالم كلها مثله لأنه يحبهم ويتمنى لهم الخير وهو يرى الخير في الفكرة التي يتبناها.. ولأن الانسان بطبعه يحب شبيهه.. خلاصة الحكي أنا بدي قول أنو كل طرف فينا (مسلمين مسيحيين علمانيين) بيتمنى الطرف الآخر يعتنق فكرتو لأنو شايف فيها خير وبيتمنى أنو كل العالم تشاركو بهالخير بس أنا هون بدي قول أنو اذا كان الهدف الفطري للأفكار أن يعم الخير على الجميع فلا تجعلوا الأديان والأفكار تفرقنا و تبعدنا عن هذا الهدف لأني لا أظن بأن أي دين أو أي فكرة تهدف لألغاء الطرف الآخر ولكن نحن وليس الأديان أنا وأنت من نحاول الغاء بعضنا البعض..لذلك أتمنى أن نتناسى خلافاتنا الدينية ونحتفظ كل منا بعقيدته بداخله وأن نتعامل مع بعضنا ليس على أساس عقيدتنا بل على أساس هدف عقيدتنا وأنا أؤكد لكم اننا سنتعايش بمحبة وسعادة ..
لأن الأديان والأفكار كلها لم تكن هي الهدف بل هي وسيلة للوصول الى الهدف الذي هو خير الأنسانية فاذا كنا نحب أدياننا وأفكارنا يجب علينا أن لا نبعدها عن هدفها ..ومشكورين على تحملكم كترة حكيي..
وبتمنى قبل ما أي شخص يرد على هالموضوع أنو يقرأ ويفهم شو كاتب أنا وهون ما ني عم أطلب أنو تكون الردود مؤيدة لرأيي .. أنا عم أطلب أنو الردود سواء كانت مع أو ضد ما كتبت أن تكون واعية وموضوعية ..
وشكرا"

[الأستاذ]

الحقيقة كل الصدام يلي صار بهادا الموضوع كان ما لو داعي و بعدنع بشكل كبير عن مناقشة الموضوع المطروح
أنا أؤيد الفكرة المطروحة من الأخ أندريه كمجال لإثارة حوار ، بس يمكن كان طريقة الطرح تقيلة شوي
و بكل الأحوال يمكن ما كان في حاجة للحدية يلي صارت من الأخوة العاشق و lolo ب"التصدي" للأخ أندريه

أما بمجال الجواب على طرح الأخ أندريه فبقول:
من باب تحميل مسؤولية الكارثة فيننا نعتبر:
الناس ههن و بشكل أولي مين سكنو على الشاطئ
هنن يلي قررو يسكنو ببيوت و عمروها بطريقة ما بتأهلها لمواجهة الأمواج
هنن ما ركبو أجهزة إنذار مبكر متل غير دول و يلي كان فينا تختصر جزء كبير من المأساة
يعني باختصار الناس ما كانو آخدين احتياطاتون
طيب و الله وين دورو؟؟؟؟؟؟
يعني ليش ما تتدخل لوقف هي المأساة؟؟؟؟؟؟؟؟
الحقيقة المأساة طبيعية يعني من تكوين الطبيعة
الطبيعة نفسها يلي بتعطينا الغذاء و المسكن و الملبس إلخ
يعني أنا ليش بدي إقبل من الطبيعة كل شي منيح و لما يصير شي يعرضني للخطر بدي أكفر فيها
و الله وينو؟؟؟؟؟؟؟؟
الله يا إخواتي ما خلقنا بهالطبيعة و زتنا بدون سلاح بإيدنا
بالعكس الله عطانا العقل يلي إذا منشغلو بمكانو المناسب منقدر نستفيد من الشي يلي بتقدمو الطبيعة إلنا من جهة ، ومن جهة تانية منقدر نحطاط لكل المشاكل و الكوارث يلي ممكن نتوقعا منها
بالإضافة لأنو الله خلق الإنسان و حط فيه الإنسانية يلي بتخلي كل البشر بالعالم بهي الإيام عم يحاولو بشتى الوسائل إنو يخففو آثار الكارثة على الناجين منها و إعادة إعمار بلادون
بالنهاية كيف بحقلنا إنو نتهم الله بأنو قاتل لما بموت شخص أو أشخاص بالوقت يلي هوو يلي عطاهون الحياة
يعني إذا يولد إنسان و بعيش يوم واحد بس و بموت ، ليش بدنا نقول أنو الله قتلو، بحين أنو الحقيقة هيي أنو الله بكون بهالحالة هو يلي عطاه الحياة، و لو ليوم واحد

[HashtNasht]

يعني انا كملحد ماخرج منوب اني حط الله تحت اي محاكمة , ما مشان شي بس لأني مشغول شوي و ماني فاضي .

بس وقت بدو يجي شخص و يقول انو هاد الزلزال من عند الله ! اي معناتا في جريمة بالنص , و كن الله بمفهوم هادا الشخص كائن واعي , فهاد الشي بيعني انو الجريمة متعمدة و مع سبق الاصرار و الترصد .

يعني المشكلة ما هي مشكلة اندريه و اللي كتبو اندريه , المشكلة هي عند الناس اللي بفكرو انو الله ممكن يعمل هيك شي . لأنو اذا هني فعلاً مقتنعين انو الله بعت الزلزال لهالناس و لساتن لهلق مآمنين بالله و عم يعبدوا , يعني شي بكب و بيعمي

انا شخصياً بعتقد انو الله مالو علاقة لا بالزلزال و لابغيرو .. مالوعلاقة اساساً يعني ,

اما بخصوص رد الاستاذ فانا معك بفكرتك تجاه الطبيعة . بس ماني معك منوب بدفاعك عن الله انو عطانا العقل ! يعني مثلاً خود مثال اي واحد كامل القدرات العقلية . و واعي و فهمان و دارس فلسفة و علم نفس و تاريخ و هندسة ميكانيك , و بالصدفة كان و اقف ع الشط وقت اجتو هديك الموجة. اي يعني شو بيعمل ؟؟؟؟؟ بدبر راسو مثلاً ؟ او بشغل مخو و بينفد من الموجة ؟

الله لاجاب الموجة ولا عطانا العقل . نحنا اللي جبنا الله و نحنا اللي بدنا نلغي .

و اذا كان الرد جارح سامحونا ..لأنو ما بصير شي اذا كان في شوية ردود ومواضيع جارحة بزمن قطع الرؤوس و امواج التسونامي

[عاشق من فلسطين]

يعني انا كملحد ماخرج منوب اني حط الله تحت اي محاكمة , ما مشان شي بس لأني مشغول شوي و ماني فاضي .

بس وقت بدو يجي شخص و يقول انو هاد الزلزال من عند الله ! اي معناتا في جريمة بالنص , و كن الله بمفهوم هادا الشخص كائن واعي , فهاد الشي بيعني انو الجريمة متعمدة و مع سبق الاصرار و الترصد .

يعني المشكلة ما هي مشكلة اندريه و اللي كتبو اندريه , المشكلة هي عند الناس اللي بفكرو انو الله ممكن يعمل هيك شي . لأنو اذا هني فعلاً مقتنعين انو الله بعت الزلزال لهالناس و لساتن لهلق مآمنين بالله و عم يعبدوا , يعني شي بكب و بيعمي

انا شخصياً بعتقد انو الله مالو علاقة لا بالزلزال و لابغيرو .. مالوعلاقة اساساً يعني ,

اما بخصوص رد الاستاذ فانا معك بفكرتك تجاه الطبيعة . بس ماني معك منوب بدفاعك عن الله انو عطانا العقل ! يعني مثلاً خود مثال اي واحد كامل القدرات العقلية . و واعي و فهمان و دارس فلسفة و علم نفس و تاريخ و هندسة ميكانيك , و بالصدفة كان و اقف ع الشط وقت اجتو هديك الموجة. اي يعني شو بيعمل ؟؟؟؟؟ بدبر راسو مثلاً ؟ او بشغل مخو و بينفد من الموجة ؟

الله لاجاب الموجة ولا عطانا العقل . نحنا اللي جبنا الله و نحنا اللي بدنا نلغي .

و اذا كان الرد جارح سامحونا ..لأنو ما بصير شي اذا كان في شوية ردود ومواضيع جارحة بزمن قطع الرؤوس و امواج التسونامي

[andreagassi]

بالنسبة للزميل عاشق من فلسطين:
وضحت أمامي الصورة من الأول و أنا عارف أنو أنت بتوافق بالمبدأ على خلاصة الموضوع, و عارف انك قرأت و رديت على مواضيي السابقة بس كان بدي الزميل L O L O يقراهم.
على فكرة أنا بكل المواضيع يلي كتبتا مش هدفي انو خلي شخص مؤمن يتحول لشخص ملحد بل حتى أنا ضد هالفكرة بالمرا لأنو الانسان متل ما تعوّد و ربوا أهلو حيكون و اذا غيّر معتقدو بي صير في خلل ( متل ما أنا ما بقبل حدا يقنعني غيّر اعتقادي ) بس أنا عم حاول خلي المؤمنين يفكروا شوي بهل مواضيع مش خلص اذا الدين بي قول هيك يعني كل شي غير غلط و هني الصح.
على فكرة بتسدّق انو أنا 95% من زملائي (مسيحيين و مسلمين) من النوع المؤمن و المؤمن جدا",و هم عارفين اني ملحد بس مع هالشي بيعتبروني أفضل من أي زميل تاني اٍلهم مؤمن مثلهم.
زميلي عاشق من فلسطين أنا بقدّر كتير الحكي يللي قلتو انتا و مشكور على كل المداخلات يللي كتبتلي ياها.

بالنسبة للزميل الأستاذ:
شكرا" لأنك أعجبت بالموضوع بس في عندي تعليق زغير, انت قلت انو الله ما دخلو بطريقة مباشرة بالزلزال بل هي الطبيعة يللي تسببت بالزلزال طيب يا أخي ما المشكلة انو المؤمنين لما بتقلن انو الطبيعة هي يللي خلقت هالدني و انو ما في الله, بي قولولك ما الطبيعة الله يللي خلقها, يعني ما استفدنا شي متل ما بي قول المثل ( دق الميّ ميّ ),بالنهاية بيعتبروا انو الله هوي القادر على كل شي و بي قولولك كمان كل شي مخلوق من الله بتقلن طيب مين خلق الله ( تطبيقا" للقاعدة يللي قالوها ) بي قولولك الله غير مخلوق و طبق القاعدة اذا كنت شاطر.

بالنسبة للزميل hashtnasht:
الحقيقة انو حكيك كان بي محلو و قريب كتير على فكرتي,و أنت جاوبت شوي برد جارح متل ما اعتبر الزميل L O L O اني جرحتو بموضوعي بس أرجو بعد كل هالحكي انو يقدموا المؤمنين شوية تنازلات و يتحملوا ردودنا متل ما نحنا منتحمل ليل نهار الحكي عن الايمان و الصلاة و هالكتاب شو بيقول و هيداك لكتاب شو بيقول, و بتمنى انو يتوحد هالعالم بقا على شي معتقد, ما بي نادي لا بالايمان و لا بالاٍلحاد و يكون أساسو السلام و المحبة ولو كان هالشي بدو وقت شوي طويل.

شكرا" للجميع.

[Abo rafik]

الاخوة الاكارم :انا حابب وضح وجهة نظر:
كل شي ونحنا عايشين عالارض في موت .....وفي مرض ....وفي زلازل ...وفي غلط ....هيدا حكم الله ...لانو الانسان جعل الو الهة غير اله المحبة اللي هوي الخالق...وهون مش قصدي الاصنام بس....قصدي كل شهوة بتضر بصاحبها....(وهون بحب وضح انو مش كل شهوة هيي شهوة مضرة)...يعني وقت اللي بتصير هيك شغلات ما حدا يقول الله قاتل ...الله هوي معطي حياة وانت وقت اللي بتقتنع فعلا" انو قاتل فوقتها فعلا" هوي مالو وجود....الموت موجود وما حدا فيه ينكر هالشي وكل واحد فينا بدو يموت وما بيعرف كيف ووين ...يعني تعددت الاسباب والموت واحد....
اله المحبة اللي عم احكي عنو غير الاله اللي عم يحكو عنو الشباب ...لانو الاله اللي عم يحكو عنوالشباب فعلا" مش موجود بنظري لانو اله دمار وهيك شي بنظري مش دمار....الخوف اللي جواتنا وعدم الفهم والوعي لكتير من الامور بالعالم وعجز الانسان لحد الان على سبر اغواره هوي اكبر دليل على ردة فعلنا تجاه الشي اللي صار..الانسان المؤمن ما بيخاف من الموت...ليش؟ لانو الموت هوي لحظة لقاؤه بالحبيب...وكتير مننا قايل للي بيحبها مستعد موت منشانك...
هيدي هيي المحبةاللي عم احكي عنها هلق طبعا"الله قادر انو كان يرد الموجة وما يموتو العالم....بس ....وين الغلط بالموت بعني لازم الانسان يكون عمرو100 سنة حتى يموت أولازم يموت مكحكح بالفرشة...الرب مات منشانا عالصليب يعني مات ابشع موتة بهيديك الزمانات هالموتة اللي ما كانو يطبقوها غير عامجرمين الخطيرين...وهوي ما عمل شي ...ونحنا لحد هلق لساتنا بمحاكمنا عم ننهي حياة بشر متلنا....وبابشع الطرق واكيد بيكون في منهم ناس مش عاملين شي.....اذا متخيلين انو نحنا عايشين بالجنة...لا هالشي مش صحيح وقد ما صار في قوانين وتقدم علمي عالارض ..كلمة واحدة من حكم الله لن يزول...بعرق جبينك تأكل خبزا" ...بالالام تلدين البنين....يعني تقدمنا وحريتنا هيي فيه هوي وهوي بس....وهون بقصد اله المحبة اللي تنازل عالارض منشان نحنا الساقطين والميتين نرجع نكون معو بمجدو....يعني بقربو لانو الجنة هيي القرب من الله والسلام الدائم اللي بيعطيه هالقرب من الله...وهون :كتار اللي كانو قعدين بجلسة محبة مع الانسانة او الانسان اللي بتحبه واكيد حس بهالحالة الرائعة من الحب ..اللي بتولد سلام داخلي لا يوصف باي كلمات....
لذلك قبل مانحاسبو ...لازم نحاسب نفسنا...نحنا البشر شو عم نعمل .؟؟؟؟ وليش عم نعملو ..الاخ عاشق قال فكرة: يعم الخير عالجميع....بتصور ماحدا ضد هالفكرة...انتو شوفو كل واحد حسب قناعاتو ..كيف بيعم الخير عليه...لانو اذا ما عم عليه ..ابدا" ابدا" مارح يعم الخير عالجميع....والخير موجود بضمير كل واحد منا....
كل واحد فينا عندو حرية القرار انو يفتح هالباب ويجرب ممكن يصير معوشي او يضل مطنش...ولاتنسوا انو الحرية مسؤولية ..
ولاتواخذونا......(بالاذن من العاشق)

[عاشق من فلسطين]

وليش عم نعملو ..الاخ عاشق قال فكرة: يعم الخير عالجميع....بتصور ماحدا ضد هالفكرة...انتو شوفو كل واحد حسب قناعاتو ..كيف بيعم الخير عليه...لانو اذا ما عم عليه ..ابدا" ابدا" مارح يعم الخير عالجميع....والخير موجود بضمير كل واحد منا....
كل واحد فينا عندو حرية القرار انو يفتح هالباب ويجرب ممكن يصير معوشي او يضل مطنش...ولاتنسوا انو الحرية مسؤولية ..
ولاتواخذونا......(بالاذن من العاشق)

أبو اللول الغالي والله العظيم أنك شخص رائع يعني أنا كتير عجبني ردك وبالنهاية الدين لله والوطن للجميع ومتل ما حكيت أنا سابقا" الانسان المؤمن هوي اللي بيحسس نفسو بالأمن وبحسس غيرو وبالنتيجة أنا ممكن كون ملحد بنظر المتدينين بس لما بيشوفوني شخص محب ومتسامح وانساني يحسوا بالأمان وأنا بالنسبة الي حاسس بالأمان والنتيجة أني شخص مؤمن بغض النظر بشو بؤمن بس أكيد بشيء انساني ..
ولا تواخذنا ...(أذنك معك )

بالنسبة للزميل عاشق من فلسطين:
وضحت أمامي الصورة من الأول و أنا عارف أنو أنت بتوافق بالمبدأ على خلاصة الموضوع, و عارف انك قرأت و رديت على مواضيي السابقة بس كان بدي الزميل L O L O يقراهم.
على فكرة أنا بكل المواضيع يلي كتبتا مش هدفي انو خلي شخص مؤمن يتحول لشخص ملحد بل حتى أنا ضد هالفكرة بالمرا لأنو الانسان متل ما تعوّد و ربوا أهلو حيكون و اذا غيّر معتقدو بي صير في خلل ( متل ما أنا ما بقبل حدا يقنعني غيّر اعتقادي ) بس أنا عم حاول خلي المؤمنين يفكروا شوي بهل مواضيع مش خلص اذا الدين بي قول هيك يعني كل شي غير غلط و هني الصح.
على فكرة بتسدّق انو أنا 95% من زملائي (مسيحيين و مسلمين) من النوع المؤمن و المؤمن جدا",و هم عارفين اني ملحد بس مع هالشي بيعتبروني أفضل من أي زميل تاني اٍلهم مؤمن مثلهم.
زميلي عاشق من فلسطين أنا بقدّر كتير الحكي يللي قلتو انتا و مشكور على كل المداخلات يللي كتبتلي ياها.

بالنسبة للزميل الأستاذ:
شكرا" لأنك أعجبت بالموضوع بس في عندي تعليق زغير, انت قلت انو الله ما دخلو بطريقة مباشرة بالزلزال بل هي الطبيعة يللي تسببت بالزلزال طيب يا أخي ما المشكلة انو المؤمنين لما بتقلن انو الطبيعة هي يللي خلقت هالدني و انو ما في الله, بي قولولك ما الطبيعة الله يللي خلقها, يعني ما استفدنا شي متل ما بي قول المثل ( دق الميّ ميّ ),بالنهاية بيعتبروا انو الله هوي القادر على كل شي و بي قولولك كمان كل شي مخلوق من الله بتقلن طيب مين خلق الله ( تطبيقا" للقاعدة يللي قالوها ) بي قولولك الله غير مخلوق و طبق القاعدة اذا كنت شاطر.

بالنسبة للزميل hashtnasht:
الحقيقة انو حكيك كان بي محلو و قريب كتير على فكرتي,و أنت جاوبت شوي برد جارح متل ما اعتبر الزميل L O L O اني جرحتو بموضوعي بس أرجو بعد كل هالحكي انو يقدموا المؤمنين شوية تنازلات و يتحملوا ردودنا متل ما نحنا منتحمل ليل نهار الحكي عن الايمان و الصلاة و هالكتاب شو بيقول و هيداك لكتاب شو بيقول, و بتمنى انو يتوحد هالعالم بقا على شي معتقد, ما بي نادي لا بالايمان و لا بالاٍلحاد و يكون أساسو السلام و المحبة ولو كان هالشي بدو وقت شوي طويل.

شكرا" للجميع.

يعني هه نوعا" ما صارت وتيرة النقاش أحلى وأنا مرة تانية بعتذر عن ردي القاسي عليك بس أنا والله لمصلحتك لأني أنا كنت هيك علماني ومو شايف حدا وأخد العلمانية من دنبها .. بس اكتشفت أنو لازم أتقبل الجميع وأتعايش مع الجميع (ناقشهم بس بدون تجريح ومساس بالمعتقدات بشكل جارح) ..وبتمنى أنو يكون دينك عقلك وانسانيتك ساعتها تأكد أنو رح تكون مرتاح ... ويمكن أنا شوي أخدت وجه عليك زيادة وحكيت من منطلق أني أفهم منك وأني أخبر منك بس والله حبا" لا كرها" ولا تواخنا وبتمنى كل شي بالمنتدى يصبح أخوات ..
وعلى فكرة أنا ممكن بكره كتير النقاش بهيك مواضيع وطرح هيك مواضيع لأنها بتسبب تجريح كبير لغالبية الأطراف بس كل مرة برجع بنبسط لما بشوف أنو الجميع بعد ما كل واحد حكى على التاني وجرح التاني وعصب وانفعل..بشوف أنهم تداركوا الموضوع واستسمحوا بعضهم البعض يعني هادا بدل على وعي كبير بين شبابنا ...بمعنى أنو أنا برأيي لما بيحصل نقاش بين شخصين آراؤهم متضاربة ممكن يجرحو بعض وينزعجوا من بعض بس أنا واثق اذا كان في وعي رح يحبو بعض بعد المناقشة أكتر..
ولا تواخذونا لأني صاير كتير حكي كتير هاليومين بس يا أخي مو عم يطلع معي شعر هاليومين فقلت لأتفلسف شوي على الشباب..