القمع في سوريا من المخابرات إلى الطلاب البعثيين الزعران

[حسون]

في 10 آذار 2005 الساعة 12 ظهرا قامت المعارضة السوريةباعتصام بسوق الحمدية قرب القصر العدلي بدمشق بذكرى إعلان حالة الطوارئمطالبين بإلغاء قانون الطوارئ و الإفراج عن المعتقلين السياسيين و إعطاء الحريات العامة
لم تقم سلطة حزب البعث الاستبدادية بتصرف قمعي مباشر لكنها أرسلت مجموعة من الطلاب البعثيين الزعران الذين حاصروا الاعتصام و رددوا بعض الهتافات المؤيدة للديكتاتور بشار الأسد ثم ضربوا الصحفيين و المتظاهريين و كسروا بعض الكمرات
و لكن لا تستغربوا ذلك من أبناء حزب البعث فمن شابه أباه ما ظلم

[Joe]

للأسف ما حصل مشين و مؤسف بكل معنى الكلمة.

[keko]

أولا أنا ما سمعت باللي صار بس إذا صار هيك بالفعل فهو متل ما قال جو فعلا مشين

أما عن سبب المظاهرة فبعتقد انو تضامنا مع الطلاب اللي اعتصموا السنة الماضية بجامعة حلب بعد اصدار المرسوم اللي بيتعلق بتوظيف المتخرجين اللي ألغى الالتزام تجاه خريجي الجامعات
وللأسف انو السلطة قامت بقمع الاعتصام بوقتها واعتقلت من اعتقلت .... وفصلت من الجامعة 10 طلاب وتم الحكم على اثنين بالسجن ثلاث سنوات بتهمة العداء لأهداف الثورة

يعني فعلا قرار مقرف ومشين ومستبد .... هادا أقل ما يمكن قوله .....

أما أنا الرئيس بشار هو استبدادي فأنا ما مع هاد الطرح أبدا .. يعني في بالسلطة أكتر من شخص وأنا بعتقد انو الأمور في سوريا معقدة أكثر من أن تكون مربوطة بشخص واحد

ومن الأفضل أخي حسون أنو بدل ما نلقي باللوم على الشخص اللي عم يحاول يعمل اصلاحات بالبلد أنو نقول بالفعل وين الغلط ..
يعني الغلط بالأجهزة الأمنية اللي مسيطرة على القضاء ... الخطأ بقانون الطوارئ اللي مفروض من 30 سنة ... الخطأ بمجلس الشعب اللي ما بيمثل كل خيارات الشعب يعني يمثل محافظة حمص 6 أو 7 عربان بدو (بدون الجبهة طبعا) ويخسرو المثقفين اللي بيمثلوا الفكر والتطوير .... الخطا بكل هدول وبكتير غيرن وما حدا ما بيتحمل جزء من المسؤولية

[zen]

بعدين يا اخي الي عم تقول عن الرئيس انو مستبد قبل ما تقول هيك لازم تشوف ليش هالكلاب الي تظاهرو تظاهرو هلق ولا تقلي الذكرى السنوية لمدري مين نحنا هلق بحالة سياسية صعبة وانا متفهم انو هني عندون مطالب بس هاد بيدل على انهوم عملاء ما تحركوا الا لما صارت المظاهرة وكمان لما لقوا انو سوريا بحالة حرجة وشاف بوش انو رئيسنا الله يخلي خلصنا من هالورطة بالحكمة الي عندو ما بقا بايدوا الا هالورقة هالكم واحد الي بيسمو حالون معارضة وبيطالبوا بحقوق الانسان قال بيحركون لانو شاف السيد بوس انو نحنا خلصنا من قصة لبنان لازم يلاقي قصة تانية
بس بحب قلون انو يروحو يلعبوا بعيد لانو مكشوفة ومارح يطلع بايدون شي
بعدين انت عم تقول انو الطلاب البعثيين مين قللك انو كلون بعثيين مو ضروري انون يكونو يعثيين
:confo
ليك هاد راي سياسي وما دخلو بعلاقتنا منضل صحاب
قصدي منصير صحاب يا معلم

[Joe]

كلااااب؟؟ عملاء؟؟



اول شي المظاهرة كانت سلمية. يعني اعتصام و ليست مظاهرة

و هدول ناس عم يطالبوا بحقوقك البسيطة يا فهيم

رجاءا اذا حضرتك منتفع من النظام احتفظ بآرائك لحالك و على الأقل ما تشتم غيرك و تقول عملاء

اصلا ما عندكون غير هل كلام

[yass]

كاتب النص الأصلي : Joe

كلااااب؟؟ عملاء؟؟



اول شي المظاهرة كانت سلمية. يعني اعتصام و ليست مظاهرة

و هدول ناس عم يطالبوا بحقوقك البسيطة يا فهيم

رجاءا اذا حضرتك منتفع من النظام احتفظ بآرائك لحالك و على الأقل ما تشتم غيرك و تقول عملاء

اصلا ما عندكون غير هل كلام

[zen]

والله يا جو ماني منتفع بنملة من هالنظام بس انا بحب سوريا وهي كل القصة
ليش عصبت من كلمة كلاب وعملاء وماعصبت من كلمة الديكتاتو
لازم تفرق يا جو انو انا بحب سوريا وما بحب يصير فيها شي غلط
بس هني ما كان لازم يطلعو بهاليوم بالذات لانو في كتير ناس عم يتظاهر و موئيدنللحكم واكيد ما راح يسكتوا اذا شافو واحد عم يقول الي عم يقولو بهالوقت
اذا بدك الحقيقة انا مع مطالبهم بس مو بهالطريقة هني كبو الزيت على النار
جوي متل ما علق ان هاد رائي سياسي ما دخلو باالعلاقات الشخصية
وعلى كل حال انا اسف :P
على فكرة انا مو بعثي يعني مو منتسب لحزب البعث

[حسون]

كاتب النص الأصلي : zen

والله يا جو ماني منتفع بنملة من هالنظام بس انا بحب سوريا وهي كل القصة
ليش عصبت من كلمة كلاب وعملاء وماعصبت من كلمة الديكتاتو
لازم تفرق يا جو انو انا بحب سوريا وما بحب يصير فيها شي غلط
بس هني ما كان لازم يطلعو بهاليوم بالذات لانو في كتير ناس عم يتظاهر و موئيدنللحكم واكيد ما راح يسكتوا اذا شافو واحد عم يقول الي عم يقولو بهالوقت
اذا بدك الحقيقة انا مع مطالبهم بس مو بهالطريقة هني كبو الزيت على النار
جوي متل ما علق ان هاد رائي سياسي ما دخلو باالعلاقات الشخصية
وعلى كل حال انا اسف :P

حبيبي هادا إسمو تخبيص
أولا ما غلط أنو نطالب بحقوقنا
ثانيا بشار الأسد ديكتاتور
ثالثا طريقة المتظاهرين كانت سلميي ما زتو زيت على النار
رابعا الشوارع ما ملك لهدول يلي عم يتظاهروا مع السلطة
خامسا ضرب الصحفيين مالو أي مبرر

[zen]

حسون انا معك والله وصح كل الي حكيتو بس هني طلعوا بوقت غلط هاد رأي
وشكرالانكون عم تسمعوااااا
وانت الك ر~يك اخي حسون بس لا تنسى في شي اسمو الحرس القديم
ومو كل شي بايد رئيسنا
وما بدي ادخل بتفصيل اكتر منهيك
بكفيني عزيمتك على بساط الريح :P
ما بدي غيرها
معكم المخبص للابد

[The new boom]

واللء م في غيرك أزعر يا حسون وبدك تروح فيا

[عاشق من فلسطين]

يا شباب أنا كنت بالمظاهرة واللي حكاه حسون صحيح مية بالمية .. يعني هيك صار حرفيا"..

واللء م في غيرك أزعر يا حسون وبدك تروح فيا

بتمنى تخليك مؤدب بردودك يا قنبلة أحسن ماتنفجر بحالك..

[al7alla2]

بتمنى تخليك مؤدب بردودك يا قنبلة أحسن ماتنفجر بحالك..

[حسون]

كاتب النص الأصلي : The new boom

واللء م في غيرك أزعر يا حسون وبدك تروح فيا

ليش أنا أزعر خيو سمعتني ضربت شي صحافي لا سمح الله
و بعدين أنا ما خيفان روح فيا

[الأستاذ]

بتمنى تخليك مؤدب بردودك يا قنبلة أحسن ماتنفجر بحالك..

أتمنى التخفيف من الردود غير المسؤولة قدر الإمكان
و أود أن أنوه إلى أن الأخ القنبلة لديه كامل الصلاحية في الرد بهذه الطريقة
فكل ما قام به هو وصف حسون بالأزعر
حسون الذي قدم لنا مقالة تنعت و من عنوانها الطلاب البعثيين جميعاً بأنهم زعران
و إذا كان الوصف بالأزعر إساءة فلتحذف المقالة

[عاشق من فلسطين]

أتمنى التخفيف من الردود غير المسؤولة قدر الإمكان

على راسي أستاذ ..

أود أن أنوه إلى أن الأخ القنبلة لديه كامل الصلاحية في الرد بهذه الطريقة
فكل ما قام به هو وصف حسون بالأزعر

هيك عم تولع النار يا أستاذ ..

حسون الذي قدم لنا مقالة تنعت و من عنوانها الطلاب البعثيين جميعاً بأنهم زعران
و إذا كان الوصف بالأزعر إساءة فلتحذف المقالة

حسون وصف الطلاب الذين ذهبوا الى المظاهرة واصطدموا معها بالزعران .. وهو لم يسيئ اليهم لأنهم كانوا اكثر من زعران وأنا كنت موجود بالمظاهرة .. وما قام به هؤلاء الطلاب يدل على تخلف وهمحية وليسش فقط زعرنة ..

[الأستاذ]

حسون وصف الطلاب الذين ذهبوا الى المظاهرة واصطدموا معها بالزعران .. وهو لم يسيئ اليهم لأنهم كانوا اكثر من زعران وأنا كنت موجود بالمظاهرة .. وما قام به هؤلاء الطلاب يدل على تخلف وهمحية وليسش فقط زعرنة ..

حسون عما يقول بوضوح: الطلاب البعثيين الزعران
يعني ما عما يقول إنو في طلاب زعران عملو هيك
هووي عم يوصف أكبر شريحة طلابية بسورية إنو أفرادا زعران
بس إلي إنو وصف التاني بالزعرنة هو إساءة و عندا لازم تنحذف المقالة
لأنو وقتا بكون فيها هجوم شخصي على أعضاء بالموقع يصادف إنو يكونو بعثيين
أما غير هيك مين ما بدو فينو يوصف حسون بإنو أزعر و ما فينا نحكي معو شي

[عاشق من فلسطين]

هووي عم يوصف أكبر شريحة طلابية بسورية إنو أفرادا زعران

هوي قصد بالزعران الطلاب الذين قاموا بعرقلة المظاهرة .. وما قصد الجميع ..
وبرجع بقلك أنت بحكيك هاد

بس إلي إنو وصف التاني بالزعرنة هو إساءة و عندا لازم تنحذف المقالة
لأنو وقتا بكون فيها هجوم شخصي على أعضاء بالموقع يصادف إنو يكونو بعثيين
أما غير هيك مين ما بدو فينو يوصف حسون بإنو أزعر و ما فينا نحكي معو شي

عم تشعل النار يا أستاذ ..

[الأستاذ]

عم تشعل النار يا أستاذ ..

الحقيقة المقالة لو بها تنحذف كانت انحذفت
بس يعني أنا حبيت استغل هالمقالة لقول لكل يلي عم يتهجمو على الآخرين بهاد الشكل غير الموضوعي إنون بهي الطريقة عم يشرعو للآخرين إنو يردو على تهجمون بتهجم
و من باب تعميم فكرة يلي بدق الباب بيسمع الجواب