مشاهدة كائن فضائي في ادلب

**zen** · 25/04/2006

علم العقيد تركي الجاسم مدير منطقة أريحا اللواء فؤاد سلطان قائد شرطة محافظة ادلب عن مشاهدة كائن فضائي يشبه الإنسان يطير فوق قرية دير سنبل التي تبعد حوالي / 35 / كم عن ادلب مركز المحافظة وتتوسط الطريق الواصل ما بين أريحا ومعرة النعمان .

وقال شهود عيان أنهم شاهدوا كائنا فضائيا يدور في سماء القرية ويحوم حولها قادما من أجواء سرجة ثم اتجه نحو احسم ومنها إلى كفر نبل وقالوا انه كان يعلو وينخفض فوق أشجار الزيتون والتين وان سرعته تقدر بحوالي / 40 / كيلو متر وأكمل شهود العيان وصفهم للكائن الفضائي هذا بقولهم انه يبلغ من الطول حوالي / 125 / سم وان عرضه يزيد عن / 40 / سم وكان يرتدي لباسا اسودا وعلى صدره بقعة حمراء اللون وعلى رأسه خوزة ويوجد انتفاخا في صدره وظهره مما يدل على وجود جهاز يساعده على الطيران مشيرين إلى انه أثناء تحركه كان يتحرك بحركات ذاتية لولبية مع طي القدمين ورفع اليدين ولم يسمعوا أي صوت لأي محرك توربيدي أو ميكانيكي .

ملك الهكرز · 25/04/2006

باله ......
وينو مسكو وما حد صورة تنشوفو

ابومزيد · 25/04/2006

يا لطيف كائن فضائي

اي وشو بدو ما قال لحدا

**zen** · 25/04/2006

والله مابعرف اكتر من هالخبر
بعد شوي منعرف

أبو الجماجم · 25/04/2006

معلم زين يعني...
هاد الحكي غير صحيح لأنو في معلومات موثوقة أنو فوق ادلب حتى العصافير اابطير ... و إذا اطرت و طارت فبطير بجناح واحد و التاني بتحمي خلفيتها فيه ...!!!
و إذا مظبوط يعني كيف كان مايطير ...؟؟ بجناح وحد كمان يعني...؟؟
بعدين إذا حابب تشوف مخلوقات فضائية ... اابدها شي نزيل على جسر الرئيس بالشام ... في هنيك من كلو ... مريخي زحلي شمسي و قمري ..!!
يحرق سماهن خوفوني بس لنزلت لهنيك ...
يعني حسيت حالي رجل بالأسود ...!!!
همممممممممممممممممممممممم مممممم

امرأة من ورق · 25/04/2006

اقتباس:

كاتب النص الأصلي : ابومزيد

يا لطيف كائن فضائي

اي وشو بدو ما قال لحدا

هلأ ترك كل الكرة الأرضية ونزل على ادلب

معروف شو بدو يامعلم

مزعلو صاحبو

بس بصراحة هيك اخبار مابتخرط مشطي يعني لو كان الخبر صح كانت الدنيا انطلبت فيه واكيد كان حدا صورو يعني مافي اكتر من الكاميرات هالايام وموبايلات مع كاميرات يعني الا ماينوجد حدا معو كاميرا ويطقلو شي صورة الو وخصوصا انو طولو الناس وهني عم يراقبوه وهوي رايح وجاي من محل لمحل يعني اكيد في وقت حدا يصورو