ماذا فعل الاكراد في القامشلي

اعصار مدمر · 01/03/2006

منقول

لطخوا صورة الأب في عهد الابن على أبواب القامشلي فهل اقترب بعد ان تشجع الناس على التمرد نهاية نظام ملطخ منذ بدايته بالفساد والديكتاتورية.....؟

Barleb · 01/03/2006

هـــاد شعب خرج ديمقراطية ؟
ما شفتو أنتو شو عاملين بتمثال السيد الرئيس ,

fady juventus · 01/03/2006

اقتباس:

كاتب النص الأصلي : نسر السريان

هـــاد شعب خرج ديمقراطية ؟
ما شفتو أنتو شو عاملين بتمثال السيد الرئيس ,

ما فهمت عليك؟ قصدك عملوا شي غير بهاي الصورة ؟

بكل حال ما تستغرب منن شي ...

**zen** · 01/03/2006

قاعدين بحضنا وعم بنتفوا بدقنا

yass · 01/03/2006

اقتباس:

قاعدين بحضنا وعم بنتفوا بدقنا

مين قاعد بحضنك خاي ؟؟
الأكراد سوريين متلك بالضبط و رغما عن أي سلطة تريد احتكار الوطنية السورية لصالح العروبة ...

اب حمرا · 02/03/2006

اقتباس:

كاتب النص الأصلي : yass

مين قاعد بحضنك خاي ؟؟
الأكراد سوريين متلك بالضبط و رغما عن أي سلطة تريد احتكار الوطنية السورية لصالح العروبة ...

مظبوط حبيبي الأكراد سوريين وانا شايف اكراد وطنيين اكتر منك و من حيلة واحد
من فترة كم شهر لما صارة الوطنية موضة كانو هنن عاملين اعتصام عند باب المعهد العالي ابل ساحة الأموين اكيد الي بل شام شافو
هلئ ما كان كلو اكراد بس اكيد هنن يلي بلشو في

mhmary · 02/03/2006

ماني عم دافع عن النظام بس ما هيك الديمقراطية بتم وماهيك المعارضة بتصير هادا الشيء اسمو هوشة عرب ما في منا اية فائدة ولا أية تنيجة............

sezar · 02/03/2006

اقتباس:

كاتب النص الأصلي : zen

قاعدين بحضنا وعم بنتفوا بدقنا

لكون انا كمان عم انتف بدقن الحكومة

**zen** · 02/03/2006

فهمتوني غلط مو هيك قصدي
اوووووووف كل واحدا بيفسر على هواه

**zen** · 02/03/2006

في اكراد مو سوريين ومعون هويات مو سوريا وقاعدين عنا بسوريا عم يطالبوا بحقوق وجنسية انا قصدي على هدول
مو اكتر
انا اسف اذا حدا همني غلط

golan hights · 02/03/2006

اي شو فيها اذا عملو بالصورة او التمثال هيك شو هوي نبي يعني ولا شي مقدس اصلن ما حدا خرب هالبلد غيرو خليهن يعملو هيك اصلن هن اشجع من كثير ناس ما مسرجيين يحكو حكي مو بس يعملو وهو كمان بيستاهل اكثر من هيك بكثير ليش ما عطاهن جنسية شو من الصومال هن ولا شو مهن ولاد نفس البلد يعني ليش ما معن جنسية او اذا ما بدو يعطيهن جنسية لكان خليهن يكونو دولاة لحالن متل ما بدو يعملو بشمال العراق ايا احسن برأيكن ؟؟؟؟؟؟؟؟؟؟؟؟؟؟؟؟؟؟؟؟؟

اعصار مدمر · 02/03/2006

ياهيك الرد يابلا
فعلا لازم يكون في رجال ما بخافو الا من لله و بس

Slayer · 03/03/2006

الأكراد أثبتوا أنهم رجال .. مو قطيع خواريف ماشيين ورا الراعي .. ويا ريت يصير عنا بالشام كمان هيك زلم

**zen** · 03/03/2006

اقتباس:

كاتب النص الأصلي : Slayer

الأكراد أثبتوا أنهم رجال .. مو قطيع خواريف ماشيين ورا الراعي .. ويا ريت يصير عنا بالشام كمان هيك زلم

هههههه
مهضومة

fady juventus · 03/03/2006

بتعرفوا شغلة حبايب قلبي الأبطال المحموئين ؟؟؟
نحنا شعب من الجبناء و مو شاطرين غير بأكل الهوى من ورا الكمبيوتر
يا ريت واحد يحكي هالكلام بشي مكان عام أو قدام حدا ...
كل اللي تبوجقوا و بعبعوا و شدّوا على أيادي المخربين... من أول هبدة كرباج بيعملوها تحتن و بينسوا البلد واللي صار وعم يصير بالبلد !!!

و مشان كلمة مخربين... اللي عملوه الأكراد بالقامشلي من سنتين وعم يعملوه اسمو تخريب ، حتى لو كان معن حق "فرضاً " ما بيصير يكسروا ويضربوا و يقتلوا ...
و أهم شي نميز بين الأكراد لأنن مو كلن من نفس الطينة

آية اللطف · 03/03/2006

تشكر أخ فادي هذا هو الكلام الصحيح
والإصلاح يبدأ من أنفسنا ولو جاءنا ألف رئيس صالح فلن يستطيع إصلاح نفوسنا إن لم نعترف نحن بأهمية الإصلاح من ذاتنا
والحقيقة أنني أجد أن الرئيس الدكتور بشار يعمل جاهدا في سبيل الإصلاح ولكن للأسف لن يستطيع أن يكون في ضمير كل مواطن

Slayer · 03/03/2006

[quote=آية اللطف]
والإصلاح يبدأ من أنفسنا ولو جاءنا ألف رئيس صالح فلن يستطيع إصلاح نفوسنا إن لم نعترف نحن بأهمية الإصلاح من ذاتنا

اعذرني أخي أنا ما استوعبت شو يعني الاصلاح يبدأ من أنفسنا .. يعني قصدك أنو السوريين كلهم مجموعة من الزعران والحرامية

... حبيبي روح شوف سورية كيف كانت قبل ثورة آذار المباركة .. كيف كان في قضاء نزيه واقتصاد حر وتنمية علمية وجامعات كانت ربما الأفضل بين الدول العربية وكلو هاد ادمر بسبب فساد رجال السلطة .. والاصلاح في سورية يجب أن يبدأ من الاصلاح السياسي قبل كل شئ (يعني من فوق فوق)

golan hights · 03/03/2006

ذنب الكلب حطوها بالقالب 40 شنة وضلت عوجااااااااااااا والسلطة نفس الشي ما راح تصير منيحة بحاتا ولا بمماتا احسن شي يحلو عن هالشعب المسكين ويتركو يعيش مو ناقص رجال وفهمانين بسوريا لحتى تخرب من غيرن بس ناقص شوية شجاعة وقائد مزبوط اللي يوحد هالشعب وينزلو عالشوارع وتصير تورة برتقالية ومو بدعم من حدا كلو سوري بسوري مو ناقصنا علاك مصدي من برا لانو اللي عنا جوا بسوا كل اللي برا وبعد في ناس بتخاف عالوطن وبتخاف على مصلحتو مو متل السلطة اللي خايفة بس على الكرسي !!!!!!!!!!!!!!! باعو الجولان من زمان وبعدن مترتحين فية وعبينادو باسمو اي روحو حلو عنا ياة سلطة فاسة من راسا لشروشاااااااااااااااااااا اااااااااااااا