اسئلة سهلة .. للأذكياء فقط ..

Syrian__Angel · 05/02/2006

تم استضافة احدهم في برنامج المليون فسألوه هذه الاسئلة :
س1 : كم استمرت حرب المئةعام؟؟

أ.116

ب.99

ج.100

د.150

فكرصاحبنا كتير .. بعدين اختار "تخطـّي" هاد السؤال لأنه أول مرة بيمر عليه !

طيب مو مشكلة بنروح للسؤالالتاني.

س2 : اين تصنع قبعاتبنما؟؟

أ.البرازيل

ب.تشيلي

ج.بنما

د.الاكوادور

اختارالفالح انه يستعين باصدقائه بالجامعة للإجابة على
هالسؤال كمان .

س3 : في أي شهر يحتفل الروس بثورةاكتوبر؟

أ.يناير

ب.سبتمبر

ج.اكتوبر

د.نوفمبر

ما عرف هالغبي الاجابة ... وطلب مساعدةالجمهور!!

س4: أي هذه الاسماء هو الاسمالاول للملك جورجالسادس؟

أ.جون

ب.ألبرت

ج.جورج

د.مانويل

طلبالعبقري حذف اجابتين .. وبعد جهد جهيـــــــد توصل للاجابه ( نعيمن !!! )

"معلش تحملوا بعض العقليات عنــّا و خلونانكمل ... "

س5:مالحيوان التي اخذت منه جزرالكناري اسمها؟؟

أ.طائرالكناري

ب.الكنغر

ج.الجرو

د.الفأر

وقتهاانسحب هالزلمة من المسابقة وما قدر يكمّلها . !!

بس اذا كنتوا مفكرين انكم اذكى منـّو فـ..بتمنّى انكم تقرؤواالاجوبة... تحت:

جوابالسؤال الاول: استمرت حرب المئة عام 116 سنة من عام 1337 وحتى
1453

جواب السؤالالثاني : قبعات بنما تصنع في الاكوادور

جواب السؤال الثالث: يحتفل الروسبثورة اكتوبر في نوفمبر

جواب السؤالالرابع: الاسم الاول للملك جورج هوالبرت

جواب السؤال الخامس: جزر الكنارياخذت اسمها من الجرو... حيث ان
اسمها اللاتيني هو Insularia Canaria .... والذي يعني جزر الجراء .

silin · 05/02/2006

ليك انا فكرت عنجد سهلين طلع فين فخ

يا عيني

مرسي على الموضوع

Syrian__Angel · 05/02/2006

اهلين سوسو ... نوّرتي الموضوع

ليكي ... وانا كمان هيك فكرتها ... واكلناها

أبو أسامة · 05/02/2006

و الله مرتبة
و إضافة :
مرة بإحدى حلقات من سيربح المليون و أنا شفتها لهالحلقة طلع واحد خليجي إجاه بسؤال الميتين و هدول الأسئلة الأولى السؤال التالي :
كم حرب عالمية حدثت في العالم
1- واحدة 2- اتنين 3- تلاتة 4- أربعة

أبو الشباب بلش يخبص أول شي كان بدو يقول أربعة و جورج عم يحاول يساعدو و هداك يقلو جواب نهائي ضل جورج قرداحي يلمحله لحتى حذف اجابتين و ضلت اتنين و أربعة قلو خلص أربعة و قال أنو هي حركات من سيربح المليون ما بتمشي عليه و أنو في بالتاريخ القديم أربع حروب هيييييك لحتى استخدم كل وسائل المساعدة و بالأخير جاوب اتنين و طلعت صح و على قد ما كان مصر عالأربعة على قد ما أكل خجلة

Syrian__Angel · 05/02/2006

ههههههههههههه

اي ابو اسامة.. على قد هالزلمة مو غبي .. علّق اسمه براسي .. اسمه فيصل الزعابي

والله واحد محلّو .. كان انتحر من زمان ... قال حركات من سيربح المليون قال

أبو أسامة · 05/02/2006

اقتباس:

كاتب النص الأصلي : Syrian__Angel

ههههههههههههه

اي ابو اسامة.. على قد هالزلمة مو غبي .. علّق اسمه براسي .. اسمه فيصل الزعابي

والله واحد محلّو .. كان انتحر من زمان ... قال حركات من سيربح المليون قال

و الله هالحلقة ما بنساها بحياتي و شكرا لأنك ذكرتيني باسمو

بس أنا اللي كنت بدي انتحر و أنا عم أتفرج عالتلفزيون

وعينكن تشوفو جورج قرداحي و هو عم يفرط من الضحك قدامو

Syrian__Angel · 05/02/2006

لك والله ما كون محل جورج قرداحي .. لحتى نزلو من عالكرسي وقلله لك قوووم قووووم ولاه .. تضرب بهالشكل .. في ناس احق منك تقعد هون .. واحد جـــ..... !!!!

أبو أسامة · 05/02/2006

هههههههه أنا كنت قتلتلو بأرضو
و قسما بالله كنت عم شد شعري و أنا عم أتفرج عالحلقة
ما بتتخيلو قديش كان مصر عالأربعة

Kakabouda · 05/02/2006

أي أنا جاوبتهم كلهم صح ... هههههه

بس اكيد بعد ما شفت الأجوبي

Haifa · 05/02/2006

أنا أول ما قريت الموضوع حسبت انو مزحة وكنت عبقول العمة ما أغباه هالزلمة
قمت طلعت أنا أغبى منو ههههههههه
ميــرسي عالموضوع

Syrian__Angel · 06/02/2006

اقتباس:

كاتب النص الأصلي : أبو أسامة

ما بتتخيلو قديش كان مصر عالأربعة

اي بعرف .. ليش ما بتعرف انه التنح تنح !؟

.. اصلا كتّر خيرو لجورج انه ضل صابر عليه

اقتباس:

أي أنا جاوبتهم كلهم صح ... هههههه
بس اكيد بعد ما شفت الأجوبي

لا ذكي مابك شي

.. يا هلا بكاكابودا

اقتباس:

ميــرسي عالموضوع

العفووو

.. اهليييين بهيفااا

toocoolfriend · 06/02/2006

عفكرة أنا أول ما قريت سؤال حرب المية عام عرفت و نمط الأسئلة عشان بعرف انو مدتها مش مية عام

дьявол · 07/02/2006

ذكرتوني بنكتة p.s بس هي مو للأذكياء
1 حمصي اشترك بمسابقة المليون و وصل لأخر سؤال الي كان
عصفور بالأيد أحسن من10 على...
الشجرة
الحجرة
التمرة
باالأيد
فكر كتير .....وقال بنسحب باخد المصاري ،لأن متل مابيقولو,عصفور بالأيد أحسن من10 على الشجرة

Willi · 07/02/2006

اقتباس:

و الله مرتبة
و إضافة :
مرة بإحدى حلقات من سيربح المليون و أنا شفتها لهالحلقة طلع واحد خليجي إجاه بسؤال الميتين و هدول الأسئلة الأولى السؤال التالي :
كم حرب عالمية حدثت في العالم
1- واحدة 2- اتنين 3- تلاتة 4- أربعة

خخخخخخخ
انا حضرت هالحلقة كمان
احلا الشي لما قلو انا بعرف حركاتكون هاي
الجواب هوي اربعة
قلو انت سمعان بالحرب العالمية التالتة؟
قلو لاء
قلو لكن؟
قلو الجواب هوي اربعة

Willi · 07/02/2006

اقتباس:

حمصي اشترك بمسابقة المليون و وصل لأخر سؤال الي كان
عصفور بالأيد أحسن من10 على...
الشجرة
الحجرة
التمرة
باالأيد
فكر كتير .....وقال بنسحب باخد المصاري ،لأن متل مابيقولو,عصفور بالأيد أحسن من10 على الشجرة

حلوة

Syrian__Angel · 07/02/2006

اقتباس:

كاتب النص الأصلي : Willi

حلوة

كتييييييييييييييييييييير

لك جادو ... طلع الكل حضران هالحلقة !! يخرب بيتو .. معقول بعدو عايش بعد هالخجلة؟!

Willi · 07/02/2006

الله وكيلك بالصدفة شفتها
يعني كان الي فترة منيحة مو شايف البرنامج
وفتحت عالمحطة كان وقتها عم يسألو السؤال
شوفي الحظ

أبو أسامة · 07/02/2006

اقتباس:

كاتب النص الأصلي : Willi

خخخخخخخ
انا حضرت هالحلقة كمان
احلا الشي لما قلو انا بعرف حركاتكون هاي
الجواب هوي اربعة
قلو انت سمعان بالحرب العالمية التالتة؟
قلو لاء
قلو لكن؟
قلو الجواب هوي اربعة

عم قلك كان خالص أبو الشباب أنا بدون مبالغة كنت عم شد شعري و أنا عم شوفو

يا الله لهلأ كل ما بتزكر الحلقة بفرط من الضحك