نحج أو لا نحج ؟؟؟

minime1967 · 13/01/2006

يعني رح يبلش الأخوة بانتقاد الموضوع ... هي مو مشكلة كونها بتتناسب مع طبيعة العقل العربي "الحالي" الانتقادي , التهكمي والمتسرع.

يعني تنطح زعماء العالم تجمعوا في الدوحة وجمعوا عشرة ملايين دولار للمسلمين في كشمير بعد الزلزال الأخير. وبحضور شخصيات أسطورية من الناحية المادية واللاأخلاقية.

عندي اقتراح صغير : مرة تانية بتمنى مايصير مهاترة و تكفير ..

ليش ما بيعتكف المسلمين عن الحج شي كم سنة و بيخصصوا أموال السفر الى الحج لتسد مزاريب أسلامية أخرى متل :

تحسين معيشة المسلمين وانهاء المجاعات والأقتتال.

تعليم أبناء المسلمين وتحسين أنظمة التعليم في الدول المسلمة.

اظهار صورة الأسلام الحقيقية للعالم.

مجرد فكرة ..

Barleb · 13/01/2006

هلق صارت الحياة الدنيوية اهم من الحياة الدينية ؟؟!

minime1967 · 13/01/2006

وجهة نظر ... بس ما عندي جواب أذا كانت المقاربة صحيحة .. على أعتبار أنو الأسلام يدعو الى أن نعيش الحياة بشكل كامل و مثلا لا يحبذ التصوف ..

fady juventus · 13/01/2006

شوف المفارقة بالسعودية

من كام يوم بتلفزيون سعودي حكوا عن زيارة قام فيها الملك الحالي إلى حي فقير هبط فيه مبنى على ساكنيه"قبل هي القصة الجديدة تبع لؤلؤة الخليج" ووقتها وعد الملك الحالي"كان وقتهاأمير" بتحويل جزء من المساعدات الخارجية اللي بتقدمها المملكة لدول العالم الإسلامي إلى فقراء الداخل؟؟؟؟!!!!!

هاد بيدل على إنو فكرتك معقولة ومطروحة بس بشكل تاني

كمان نحنا بسوريا لازم يحولوا جزء من ميزانية الجيش "اللي عم يشفطوها الضباط البواليع" لمساعدة هالشعب المسكين ومحاربة الفقر، مو أحسن ما تروح لهالمسؤولين وولادهن

SABE · 13/01/2006

salaaaaaaaaaam

Barleb · 13/01/2006

ليش من ايمت كان الشعب السوري أفضل من الضباط حتى تصرف عليه ميزانية الجيش

anakonda · 13/01/2006

[قبضاي أنتة عم تحكي مظبوط و كلامك عالعين و الراس ... بس أنتة و جهة نظرة فيها خطأ بسيط و هو أنو هالأقتراح اللي أقترحتو لازم يتوجه للحكومات بالعالم العربي مو للمسلمين ...و السبب أنو اللي عم يروح للحج ما عم يسرق من الناس و يروح للحج و أنما عم يدخر و يجمع مال مشان يروح فيه للحج ...و هادا حق لكل أنسان ...مو بس للمسلم ...أنتة حر تدخر مال و تروح فيه سياحة لأي بلد بالعالم او تصرفو بالطريقة اللي بتعجبك ...و بعض المسلمين بيحبو يصرفو مدخراتهم لأجل الحج و اللي هو بالاساس فريضة عليهم بناء على احكام دينهم...ولا هي كمان مو حرية شخصية ؟
إذا اللي لازم يصير ان الحكومات العربية عموما هي اللي لازم تنفذ مقترحك و بدل ما تصرف أموال خزائنها على المسؤولين و سياراتهم و بيوتهم و خدمهم و حراسهم و دراسة أبنائهم الشاطرين و المتفوقين خارج البلد ليرجعو و يفتتحو مشاريعهم الأقتصادية الخارقة و يطلعو المصاريف اللي مو تعبانين فيها أساسا من عيون الشعب ...لازم الحكومات تصرفها على الأشياء اللي أقترحتها ...
و لا انا غلطان ؟
موفقين يا شباب [/color][/i][/b][/color][/b][/b][/b][/b][/b]

حسون · 13/01/2006

اقتباس:

هلق صارت الحياة الدنيوية اهم من الحياة الدينية ؟؟!

إيه خيو أهم

اقتباس:

كمان نحنا بسوريا لازم يحولوا جزء من ميزانية الجيش "اللي عم يشفطوها الضباط البواليع" لمساعدة هالشعب المسكين ومحاربة الفقر، مو أحسن ما تروح لهالمسؤولين وولادهن

اقتباس:

ليش من ايمت كان الشعب السوري أفضل من الضباط حتى تصرف عليه ميزانية الجيش

من وقت ما عصابة حزب البعث استلموا الحكم

اقتباس:

قبضاي أنتة عم تحكي مظبوط و كلامك عالعين و الراس ... بس أنتة و جهة نظرة فيها خطأ بسيط و هو أنو هالأقتراح اللي أقترحتو لازم يتوجه للحكومات بالعالم العربي مو للمسلمين ...و السبب أنو اللي عم يروح للحج ما عم يسرق من الناس و يروح للحج و أنما عم يدخر و يجمع مال مشان يروح فيه للحج ...و هادا حق لكل أنسان ...مو بس للمسلم ...أنتة حر تدخر مال و تروح فيه سياحة لأي بلد بالعالم او تصرفو بالطريقة اللي بتعجبك ...و بعض المسلمين بيحبو يصرفو مدخراتهم لأجل الحج و اللي هو بالاساس فريضة عليهم بناء على احكام دينهم...ولا هي كمان مو حرية شخصية ؟
إذا اللي لازم يصير ان الحكومات العربية عموما هي اللي لازم تنفذ مقترحك و بدل ما تصرف أموال خزائنها على المسؤولين و سياراتهم و بيوتهم و خدمهم و حراسهم و دراسة أبنائهم الشاطرين و المتفوقين خارج البلد ليرجعو و يفتتحو مشاريعهم الأقتصادية الخارقة و يطلعو المصاريف اللي مو تعبانين فيها أساسا من عيون الشعب ...لازم الحكومات تصرفها على الأشياء اللي أقترحتها ...
و لا انا غلطان ؟
موفقين يا شباب

أنا موافق

Abo Anmar · 13/01/2006

minime1967

يعني رح يبلش الأخوة بانتقاد الموضوع ... هي مو مشكلة كونها بتتناسب مع طبيعة العقل العربي "الحالي" الانتقادي , التهكمي والمتسرع.

يعني تنطح زعماء العالم تجمعوا في الدوحة وجمعوا عشرة ملايين دولار للمسلمين في كشمير بعد الزلزال الأخير. وبحضور شخصيات أسطورية من الناحية المادية واللاأخلاقية.

عندي اقتراح صغير : مرة تانية بتمنى مايصير مهاترة و تكفير ..

ليش ما بيعتكف المسلمين عن الحج شي كم سنة و بيخصصوا أموال السفر الى الحج لتسد مزاريب أسلامية أخرى متل :

تحسين معيشة المسلمين وانهاء المجاعات والأقتتال.

تعليم أبناء المسلمين وتحسين أنظمة التعليم في الدول المسلمة.

اظهار صورة الأسلام الحقيقية للعالم.

مجرد فكرة ..

والله نهنئك على افكارك النيره اش الافكار العظيمه صحيح فين المسلمين عنك والله جبت الديب من ديله
وان شـــاءلله يتفتف ذهنك وكمان تشـــــرع للمسلمين . افكارك تزلزل يارجل ياريت فيه كمان منك واحد تاني

بنسبه لتكفير ما رح نكفرك لانه لحد الان ما حنا عارفين اش ملتك
وكمان فيه سبب بسيط انه ليس بعد الكفر ذنب .( باب الاجتهاد امامك مفتوح )

وصدقني هذا ما هو تهكم والا انتقاد ولا تسرع . فعلا نحن في حاجه ماسه وملحه لافكارك .

واهل العقول في راحــــه

أبو أنمـــــــــــــــــــار

whiterose · 14/01/2006

.

اقتباس:

عندي اقتراح صغير : مرة تانية بتمنى مايصير مهاترة و تكفير ..

ليش ما بيعتكف المسلمين عن الحج شي كم سنة و بيخصصوا أموال السفر الى الحج لتسد مزاريب أسلامية أخرى متل :

تحسين معيشة المسلمين وانهاء المجاعات والأقتتال

لسبب بسيط كتير أنو الحج فرض فرض فرض(هي للتوكيد)ولا يجوز ايقافه ولا نص ربع وئية سنة هو فرض فرض عيان على كل مسلم.

اقتباس:

تعليم أبناء المسلمين وتحسين أنظمة التعليم في الدول المسلمة.

اظهار صورة الأسلام الحقيقية للعالم.

أنظمة التعليم في كل البلدان مختلفة ومتنوعة حتى عنا بسوريا بلشت تاخد منحنى اخر بافتتاح مدارس كبيرة ذات منهجية اوربية كمدرسة الشويفات وسورية الدولية ...الخ

اقتباس:

مجرد فكرة ..

أهم الشي نحن ناخد بأفكارك

minime1967 · 14/01/2006

شكرا على الردود العاقلة والبناءة فقط .

الحج دونا عن باقي الفرائض {لمن استطاع اليه سبيلا }

اذا كانت الحكومات مقصرة هل هذا يعني أنو الشعب يقعد ويلف رجل على رجل ؟ من باب انو الجامع مسكر , اجت منه ولا مني ؟

ويعني هل علينا أنو نكون سعيدين بالشويفات ولا المدارس الأخرى اللي مناهجها مفصلة في نيويورك ؟ هل عندك علم أنو في بعض هذه المداس ألغيت مادة الدين الأسلامي ؟

أما أموال الجيوش العربية وكافة المزاريب الأخرى فهي بحث اخر .. ولو أنه منطقي ولكن لا أجده بديل لسبب أنه بأيدي الحكومات وأنا ابحث عن حل شعبي.

والسلام.

WHITESNAKE · 14/01/2006

أخ فادي جوفنتوس
يعني الضابط يلي بلوعة عندك عايش أحسن منك ومني؟؟؟
مو حرام تظلم بجمعك للضباط ناس كتير ضحو بعمرون وحياتون كرمال بلد اجو ولادو تبع هالكم سنة وهو عم يشرب الكابتشينو تبعو من ورا كيبوردو ولافف رجل على رجل (هي اذا مافي دق كاونتر بعدو) ويقول عنو بلوعة وياخد هوه ورفقاتو تبع الكاونتر مصاريه وخصوصا نسيت انو هنن يلي رح يدافعو عن بلدهون يا بماوس باد او بمنام كاونتري بما انو التغت الشلمونات هالأيام وصارت لغير شي
أخ حسون
يعني البعث وعصابته عندك وحاططلي شعار الشيوعية
مع انو التنين لعنو افطاس العالم باشتراكية دمرت أوروبا قبل ماتدمر سوريا صحيح اختلفت التسمية بين بعث وشيوعي بس كللو التقى تحت هدف واحد هو الاشتراكية اشتراكية نهب وسرقة ولعن ابو الشعوب يلي حطت بقادة ثورات الاشتراكية قدوتها وأملها

minime1967 · 14/01/2006

أخي WHITESNAKE :

برواق أخي .... معك حق شوية .. بس برواق... الأمور نسبية ولا يجوز التعميم لا من قبل حسون ولا من قبلك ... لا كل البعث فاسد ولا كل الشيوعي فاسد ولا كل الضباط .. و لا حتى كل السعوديين لونهم بني ...

WHITESNAKE · 14/01/2006

وأخيرا رد بمحللو
لايجوز التعميم وبس وشكرا ميني مي

yass · 14/01/2006

بصراحة الفكرة جيدة...بل جيدة جدا !!!
يا سيد (علم السعودية) أبو تكفير....بسببك أنت و أمثالك أصبح الدين فقط عبارة عن (طج فرائض) ...يعني الحج فريضة, فهمنا...لكن ما الحكمة من الحج؟أليس الحج فرصة لاجتماع المسلمين على مختلف أعراقهم و أوطانهم؟ ما المانع في أن يجتمعوا روحانيا... ألن يشعر بالطمأنينة هذا الشخص و هو يعرف أن أمواله تنقذ عائلة من الجوع مثلا ؟؟
أنا لدي اقتراح آخر...لماذا لا يبيع شيوخ البترول , حاملي لواء العروبة التنكية و العقالات (ليس العقول) اللندنية قصورهم و يخوتهم في ماربيا و بهذا المال يساعدون المغاربة المساكين الذين يصلون بزوارقهم البسيطة الى اسبانيا على بعد كيلومترات قليلة من هذه القصور الملكية؟؟

minime1967 · 14/01/2006

أخي أبو مارال :

معك حق مية بالمية .

أنا اقترحت شي بسيط .. يعني فتوة واحدة من شي شيخ بيفهم "ان وجد" بيبطل حدا يروح على الحج ..لأن الشعب المسلم "بيسمع الكلمة" وبيطيع الأولياء... و لكن اذا بيفتي كل أئمة المسلمين بايقاف السرقة أو بيع جزء من نفط الشيوخ والأمراء مارح يردو لأنهم ...

تانيا : كل ما بشوف قوارب التهريب البشري من المغرب الى اسبانيا .. بكره الساعة اللي خلقت فيها ... معك حق ألف بالمية .

وشكرا لأنك فهمت عليي بسرعة مو غريبة عنك.

WHITESNAKE · 14/01/2006

يعني كأنو هاه كأنو في فرض بالاسلام اسمه الزكاة وهية فرض على كل مسلم
اذا الزكاة هية يلي المسؤولة عن مساعدة مساكين المسلمين والصدقة كمان
فاذا لا داعي للتضحية بالحج
طيب هلأ وقفت عالناس يلي عم تحج ماعم قللك لو بتندفع الزكاة بشكلها الصحيح لما لقيت ناس مسكينة على قولتك والتاريخ أكبر شاهد

WHITESNAKE · 14/01/2006

تانيا الفقر يلي عم تعيشو مجتمعاتنا ويلي أغلبها اسلامية كان سببه الفكرة القومية قبل الدينية ويلي تحكمت فيه طبقة من المستنفعين العائشين على قتات الشعب المثكول