مصداقية اخوية ..

[LiOnHeArT.3LA2]

الى كل من يشكك في مصداقية اخوية ..

حبيبنا مانو عاجبك المنتدى .. وعم تشك بمصداقيتو ... تركو ببساطة

شوفولي هالشغلة هي ..

وبدى اقول وانبه اكبر حد هنا فى اخويه ان المنتدى بيفقد مصداقيته
لان معظم المشرفين والمنسقين من شريحه واحده وهى شريحة الملحدين

اكبر حد هون .. بيعرف شو حاطط ..

ما بدي اقعد فنّد المشرفين .. في اسلام وفي مسيحية .. وفي ملحدين ..

بس .. الواحد وقت بيكون مشرف .. او وقت بيكون انسان بأخوية .. ما بيفرق معي شو خلفيتو الدينية

.. ليش عم بكتب هالموضوع .. لانو عم شوف المشرفين عم ينحرقو ..

واللي حارقني اكتر انو العالم مانون مقدرين ..

وجب التذكير : المشرفين عم يشتغلو شغل طوعي ..

وجب التذكير : المشرفين هون كلياتن بيفهمو وبينحطو عالعين والراس

.. بيصير في مشاكل اي نعم .. بس ما معناتا انو منفقد ثقتننا فيهن .. لانو بعمرن هني ما بيفقدو مصداقيتن

عنجد .. وقت واحد بيكون محطوط مشرف .. منسق .. بيكون محروق على اخوية ..

وبيفهم .. وبيعرف يتصرف مع العالم ..

............. كلمة اخيرة ..........

الى كل المشرفين :

شكرااااااا من القلب.. الله يعطيكون العافية .. والله يعينكون

الى كل من يشكك بمصداقية المنتدى وادارته " الممثلة بالمشرفين "

باب المنتدى بيفوّت جمل ..

[Marooshe]

يا اللة هي الجملة يلي مقتبسها شو ضحكتني... بس انو جد انا ما عم افهم هي العالم... متل واحد الصبح كتب انو المنتدى تافة وفاسد والمشرفين ما بعرف شو... واشيا ابيخ منو... وال شو كمان حاططها ببريد المنتدى حتى المشرفين يردولو عليها... طيب يا اخي مش عاجبك قحط وخلصنا...

[Sarita]

يسلم هالتم
اللي مش عاجبو اخويي ياحط
منشوف شغلو هوي
امتر من مليون مشاركة واكتر من 10 الاف عضو
شو بدون يلحقو ليلحقو
يا ناس يا عالم اخوية مو منتدى ديني
اخوية منتدى اجتماعي بيجمعنا كلياتنا بعيدا عن التيارات التعصبيي اللي بلا طعمة واللي خلت المجتمع العربي يضعف
فشو هوي زنب المشرفين ازا كانو عم يشتغلو ببلاش من شان رقي المنتدى؟؟<<<<ببلاش هي لازملها حسبة مو؟؟

هني ما زنبون ازا ما فهمتو المغزى من اخوية لانو شوي ناس كحتانة عم تشكك بمصداقيتو ما بدنا هالناس معنا
والله يديم اخوية والمشرفين الملحدين..

[VivaSyria]

بعد إذن ياس مالقيت أقوى من هالجملة يلي إقتبستا من مشاركتو بموضوع من هو الله لتوضح مدى مصداقية المنتدى :

لن يثنينا عن عزمنا أي جيوش مجيشة من العقول المتحجرة التي لا تعرف الا لغة الالغاء

بتخيل مافي مصداقية و اعتراف بالأخر أكتر من هيك

[*Marwa*]

كل اللي حكيتوه بالتعليقات السابقة صحيح ..وكمان بحب أضيف انو اللي ما عاجبو موضوع معين ما في حاجة يفوت عليه ويخربو (طالما انو هالموضوع مش مخالف لقوانين المنتدى)

والمنتدى فيو حرية تكفي للمؤمنين وغير المؤمنين على حد سـواء...

وازا في موضوع مستفزك .. ..اعمل بنصيحتي وتجاهله

[MaTyA]

للمشرفين والمنسقين (شباب وصبايا ) وللاعضاء المحترمين

[Abu ToNi]

الى كل المشرفين :

شكرااااااا من القلب.. الله يعطيكون العافية .. والله يعينكون

الى كل من يشكك بمصداقية المنتدى وادارته " الممثلة بالمشرفين "

باب المنتدى بيفوّت جمل ..

_______________________________
حاسس حالي نعمة

[achelious]

Silence is the most perfect expression of scorn.
الصمت هو أفضل تعبير عن الاحتقار
بيرنارشو

[بنفسجة]

مين قال انو غالبية الاعضاء والمشرفين ملحدين
وشو يعني اذا كانو ملحدين
في منتديات كل الاعضاء فيها مؤمنين وسلفيين وجهاديين وغيرو وغيراتو
الحمد لله ولسعدو عنا تنوع فظيع بالازواق والاراء هون وهي نعمة نحمد كلا من الله وسعدو عليها

[اللامنتمي]

شوف صديقي


بشرفي أخوية أروع منتدى على الإطلاق


أنا بكتب بشي ست سبع منتديات واستقريت هون نهاية ً


بس و َ الذي جَعلني هُنا


عَيني ما رأت أجمل من هذا المنتدى بـِ مُنسقيه وَ مُشرفيه


و تحياتي للأعضاء الرائعين

[KEEEMO]

لان معظم المشرفين والمنسقين من شريحه واحده وهى شريحة الملحدين



المنتــــــــدى للجميع والــــدين لله

[hanny dagher]

تسالي في بعض الاعضاء معاهم معاهم عليهم عليهم

بيطيبو مع اللي بيطيب
وبيسبو مع اللي بيسب

هههههههههههههههههه

[الآلهة]

هلق المهم نحنا مبسوطين ومرتاحين مع المنتدى والمشرفين
منتزاعل شوي مع المشرفين ومتصالح بعدين
يعني امورنا محلولة
ويلي ما عجبو المنتدى يبلط المحيط ويعملو سيراميك كمان

[shymaa]

على فكره يا جماعه وبكل شجاعه ادبيه انا اللى قلت هذه الكلمات


تانى شى الحكمه تقتضى انك متتهمش حد او تحكم عليه بعد سماع طرف واحد بس مع احترامى الشديد لكل اللى ردو كان اولى تعرفو ملابسات الموضوع من البدايه بعدين تردو


تانى شى انا اعتذرت بردو بكل احترام عن اى اهانه قلتها وانا معصبه

وبقولها تانى الله يثبتكم يارب على ما انتم عليه حلو الدعاء ؟ ويزيدكم كمان مما انتم فيه

انا اعتذرت لكل المشرفين وكل الزعلانين اعمل ايه تانى

( توضيح الاعتذار ليس عن خطأ معتقداتى ولكن عن نقاشى معاكم اصلا.......... بهيك اسلوب)

وعموما مش هرد على موضوع طردى من اخويه وان الباب يفوت جمل والكلام الجميل ده متشكره ليكم جدا على ذوقكم

وعموما بكل ادب ايضا واحترام تركتكم لضمائركم تسبون وتسخرون
فوالله الذى لا اله الا هو فوق الجميع انو اخر همى ماتقولون

حبيت اوصل فكره بس ندمت انى فكرت بهيك تفكير غبى وبعتذر للمره الالف...........الله يزيدكم يارب كمان وكمان.............ده افضل رد لكم ولمن يفهمنى


بس توضيح صغير على كلمة المصداقيه انو قصدت انو غلط انو الحوار يسير فى اتجاه واحد هو الاتجاه الالحادى.................وطبعا مين صوته اعلى من السلطه...........مفيش واسالو الحكومه
وانو اى اتجاه معاكس بينحذف فكده مفيش مصداقيه...........ده كان قصدى


اعتذارى للجميع ولنفسى

[shymaa]

اه نسيت شى

شكرا تائه فى النور والله عم تغرقونى بذوقكم

[hanny dagher]

كاتب النص الأصلي : shymaa

على فكره يا جماعه وبكل شجاعه ادبيه انا اللى قلت هذه الكلمات


تانى شى الحكمه تقتضى انك متتهمش حد او تحكم عليه بعد سماع طرف واحد بس مع احترامى الشديد لكل اللى ردو كان اولى تعرفو ملابسات الموضوع من البدايه بعدين تردو


تانى شى انا اعتذرت بردو بكل احترام عن اى اهانه قلتها وانا معصبه

وبقولها تانى الله يثبتكم يارب على ما انتم عليه حلو الدعاء ؟ ويزيدكم كمان مما انتم فيه

انا اعتذرت لكل المشرفين وكل الزعلانين اعمل ايه تانى

( توضيح الاعتذار ليس عن خطأ معتقداتى ولكن عن نقاشى معاكم اصلا.......... بهيك اسلوب)

وعموما مش هرد على موضوع طردى من اخويه وان الباب يفوت جمل والكلام الجميل ده متشكره ليكم جدا على ذوقكم

وعموما بكل ادب ايضا واحترام تركتكم لضمائركم تسبون وتسخرون
فوالله الذى لا اله الا هو فوق الجميع انو اخر همى ماتقولون

حبيت اوصل فكره بس ندمت انى فكرت بهيك تفكير غبى وبعتذر للمره الالف...........الله يزيدكم يارب كمان وكمان.............ده افضل رد لكم ولمن يفهمنى


بس توضيح صغير على كلمة المصداقيه انو قصدت انو غلط انو الحوار يسير فى اتجاه واحد هو الاتجاه الالحادى.................وطبعا مين صوته اعلى من السلطه...........مفيش واسالو الحكومه
وانو اى اتجاه معاكس بينحذف فكده مفيش مصداقيه...........ده كان قصدى


اعتذارى للجميع ولنفسى

ما بعتقد حدا حكى عنك او ووجه الحديث الك مباشرة (ممكن تكوني انتي وحدة من هالاشخاص المقصودين ما بعرف ممكن ما يكون في غيرك كمان ما بعرف) بس قصدي انو رجعت بحبشت الموضوع وما لقيت في اسمك (طبعا انا ما كتير انو هيك متاثر انو اعتبرتي الحكي موجه الك اصلا من حقك تعتبري الحكي موجه الك )

واقتباس جملة من كلامك لا يدل انو الحكي عليكي

الجملة اللي تم اقتباسها هيي تعبير عن لسان حال معظم الشعب باخوية
والرسالة اللي توجهت توجهت الهن

بس حبيت وضح هالنقطة مشان ما يصير في لوم على صاحب الموضوع

[shymaa]

والله اخى مابلوم على حدا

ولو فى حدا بدو يتلام او بدى الومو تبقى هى انا

شوف بحياتى بطولها وعرضها وبما مر فيها من احزان عمرى مازعلت من حدا انا بعصب بسرعه الضوء بس مابشيل من حدا

الجمله انا فعلا اللى قايلاها.................. واذا قلت ماتخافش وان خفت ماتقولش
على استعداد انى اناقش

بس اللى عاوز يناقشنى يناقشنى بس مش هون
لكل مقام مقال ولكل بلد سلوها اى عادتها عندنا بيقولو كده فى مصر

اللى شايف انى غلط يقنعنى يا اما اقنعه بس بردو مش هنا فى اخويه ان شالله اجيلكم سوريا احكى معاكم
احتراما لقوانينها ومشرفينها شو ماكانو

[KEEEMO]

شيما بس تعليق بسيط على كلمتك : اللى شايف انى غلط يقنعنى يا اما اقنعه

انتي مالك غلط ولا غلطتي بشي بس رديتي بالمكان الغلط