العشق والشرف !!

[الاصيل]

ماذا تفعل اذا علمت ان اختك تحب شخصاً ؟
ماذا تفعل اذا كان هذا الشخص من اصحاب السمعة الطيبة ؟
هل توافق على استمرار العلاقة بينهما؟

[silin]

هيدي بتصير كتير
بالنسبي الي مع اني بنت
بس لو كنت محلك
بطلب منو انو يجي ويخطبا اذا بحبا وسمعتو منيحة
واذا مش قادر هيدي مش مشكلة كمان بس يصير معو بيجي بيطلبا
واذا عم تسال على استمرار العلاقة بينهن من غير شي رسمي
انا بوافق اذا كان الشخص كتير منيح والاهم من هيك تكون واثق من اختك

[الاصيل]

بس لو كنت محلك !!
الاخت سيلين اولا شيء اشكرك على ردك .
بس مو انا اللي صاير معي هالشيء .

[silin]

مش مهم مين صاير معو
مين ما كان هيك رأي

[السورية المشتاقة]

بالنسبة الي بطلب مقابلته واذا كان منيح بطلب منه يخطبها...
وشكرا اخي اصيل على الموضوع الهام اللي طرحته...
و بدي اسالك لو يعني لو كنت انت شو بتعمل...

[الاصيل]

اكيد ردي ما بيختلف عن ردكم ولكن انا براعي ظروف معينة :
انه تكون اختي في عمر يسمح لها بالتفيكر الصحيح والمنطقي لا ان تكون في مرحلة مراهقة لا تعرف كيف تتخذ الاجراءات فيها
وان يكون هذا الشخص في قمة من الاخلاق العالية وهذا اهم شيء
قال رسول الله (ص) : اذا اتاكم من ترضون دينه وخلقه فزوجوه
و في شغلة مهمة اللي هي انو ما تطول الفترة بينهم ومحاولة تقصيرها.

[السورية المشتاقة]

معك حق والله يوفقك...

[الاصيل]

حياك الله اختي الكريمة وبارك الله فيك .

[silin]

اي معك حق بتفكيرك

[السورية المشتاقة]

عنجد يا اخي اصيل ويا اختي سيلين هدا اللي لازم يصير
لانه لو استخدم الاخ او الاب لغة الضرب ...ممكن للاسف يصير المفعول عكسي
و التفاهم لغة العصر الحالي...لازم الكل يعرف انه الدنيا اتقدمت وهي البنت اكيد متعلمة وما بتتعامل بالضرب والقوة...وبعدين الحب المؤدب الروحاني الشريف حق للبنت منتل ماهو حق للشب
لانه ما عادت البنت حاليا متل اول ...يعني لازم يكون التفاهم هو لغة التعامل والمتل بيقول "ازا كبر ابنك خاويه"
باي

[الاصيل]

صحيح اختي العزيزة
وفي مثل يقول : { لاتكن صلباً فتعسر ولا لينا فتكسر }
والمعنى انه لازم يكون تفكير الانسان وسطي ومنطقي و زمن الغصب وزواج البنت بالغصب ولى وانتهى من زمان ومثل ما قلتي انو ممكن العناد يوصل الى نتائج عواقبها وخيمة .