إلى أحدهم...........ز

[nana]

استيقظ ........ ويكفيك هذا الكم من الاوهام يكفيك تخيلات تصورات لاوجود لها و اوهام
استيقظ.........لن اواجهك اكره المواجهة و لكن ما رأيك أن تعيش على الارض و تعيش الواقع(لم اجد كلمة تنتهي بنفس القافية هنا :P )
استيقظ.........تحبني!!! انت لا تعرفني انا لا اعرفني انا ابحث عن نفسي الان
استيقظ.........فإنني محتارة بين الاف من الشبان
استيقظ ........فالان لا اريدك ولااحتاجك كعاشق ولهان
استيقظ........اقول لك اما الصداقة او النسيان
استيييييييييييييييقظظظظظظ ظظ ........فليس لاحد (في هذه الفترة )في قلبي مكان
اعتذر عن صراحتي لكني احبك ان تكون اقوى (نفس حالة الجملة التانية)

شو كيفا كبداية انا ما بطيق الكتابة بس نزل الوحي هالدقيقة

[NEDAL-S]

ماني خبير بهل الشغلات بس حلوة

[King RORO]

كاتب النص الأصلي : nana

استيقظ.........تحبني!!! انت لا تعرفني انا لا اعرفني انا ابحث عن نفسي الان
استيقظ.........فإنني محتارة بين الاف من الشبان
شو كيفا كبداية انا ما بطيق الكتابة بس نزل الوحي هالدقيقة

عن جد كتـــــــــــــــــــــــ ـــــــــــــــــــــــــ ـــــــــــــــــــــــــ ـــــــــــير ظريــــــــــــــــــــــ ـــــــــــــــــــــــفة
وبداية اكتر من موفقة ......
بانتظار الجديد....

[Joe]

nice

[SIMON]

very good>>>>

[nana]

r u serio:
قصدي شكرنننن

[philip]

شغلة

[شكو زولو]

ماشي الحال بدك تتدريب أكتر :P
بس يعطيك العافية تعيشي و تشاركي

[HashtNasht]

أول شي بدي أنو الموهبة هي الاهتمام .....يعني مافي حدا بيخلق شاعر ...بكون عندو شقفة موهبة صغيرة بس مع الاهتمام والمتابعة بصير شاعر

(لم اجد كلمة تنتهي بنفس القافية هنا )

بدي نوه ع شغلة كتير مهمة ..لازم ننتبه أنو اسوأ أنواع الشعر ( اذا كان شعر أساساً ) هو اللي بيعتمد ع قافية وحدة , خاصة اذا كان من نوع شعر التفعيلة ...لأنو تكرار القافية الوحدة بيعطي القصيدة ايقاع رتيب و ممل و مزعج بعكس تنوع القوافي اللي بخلي القصيدة تكون ديناميكية . هلق السؤال انو كيف بدي نوع بالقوافي ؟
بالاساس لحتى نقول عن نص معين انو شعر لازم يتميز بالشاعرية, و الشاعرية ما مكن تخلق من الايقاع لوحدو ...لازم يكون في ابداع على مستوى المعنى و المضمون و اللغة ( من حيث الالفاظ ) و اخيراً القوافي .
يعني اذا اخدنا مثلاً مقطع من قصيدة عابرون في كلام عابر لمحمود درويش :

ايها المارون بين الكلمات العابرة
منكم السيف - ومنا دمنا
منكم الفولاذ والنار- ومنا لحمنا
منكم دبابة اخرى- ومنا حجر
منكم قنبلة الغاز - ومنا المطر
وعلينا ما عليكم من سماء وهواء
فخذوا حصتكم من دمنا وانصرفوا
وادخلوا حفل عشاء راقص..و انصرفوا
وعلينا ،نحن، ان نحرس ورد الشهداء
و علينا ،نحن، ان نحيا كما نحن نشاء


من خلا مقطع صغير من القصيدة منشوف انو الشاعر استخدم اربع او خمس قوافي ....بشكل مذهل و اللي سمع القصيدة مغناة بصوت اصالة نصري بيعرف قديش القصيدة غنية موسيقياً ..يعني بيقدر اي انسان يغني هالقصيدة بدون موسيقا ولا لحن .

أنا ماني لا خبير باللغة العربية ولا بفهم كتير بقواعد و اسس الكتابة .بس بخصوص الشعر بالذات بعتقد انو القصيدة بتكون احلا كل ما كانت معبرة اكتر و بتخلق حالة انفعال عند المتلقي ...حالة ما ضروري يكون الها علاقة مباشرة بمعاني الكلمات ...يعني شي متل الموسيقى الصرفة ...كلنا منسمع ...بس كل واحد بيتأثر بشكل مختلف عن التاني ...مع انو الموسيقى هي ذاتها .
أما القوافي و البحور فهيي برايي الشخصي و الشديد التواضع قشور الشعر ...أو بالأحرى هيي حرفية الشعر .. وما بتشكل اساس لقصيدة حقيقية .
المهم بالنهاية أنو لحتى نحكم على نص انو شعر او شي تاني لازم نشوف نحنا شو منحس وقت منقرا او منسمع هالنص و ما نلتفت ابداً لراي النقاد و فلاسفة اللغة

[nana]

أخ حشت نشت شكرن للمعلومات الظريفة و المفيدة بس بدك تطول بالك علينا بس انا ماحبيتا لشغلة الكتابة فمارح عيدا(بعرف الكل زعل )
أخ شكوزولو (اسم معبر) لك ما بتعرفني انا كتير تقيلة(قصدي بالمشاركات) لك وين هالغيييييييبة؟

[dimozi]

نانا لك شو هاد نانا ......... و الله بيطلع منك يا صغروني
هلاء جد متل ما قال الأخ حشت نشت .. أنو ما ضروري تأسري حالك بقافية , المهم يكون في فكرة حابة تعبري عنها و المهم انو توصفي احاسيسك بكل صدق .......... هلاء خديني انا مثلا لما بلشت بالشعر حسيت حالي انو ما عم اقدر وصل كل اللي حاسس فيه و لقيت اسهل انو الواحد يحكي الحكي مباشر فصارت الخواطر تبعيتي اطول بكتير و احكي فيها اكتر من موضوع او شعور بنفس الوقت , و لقيت ها الشي صادق اكتر ........ و صدقيني انو لما بتوصفي شعورك بصدق و بدون لف و دوران او خجل بيطلع شي كتير حلو وهاد الشي اللي لمستو بحكيك .

هاي كلمة بطلت ما بحب اسمعها ابدا .......... خصوصا منك ...... لك شو هاد ؟؟؟ ما هاي نانا اللي بعرفا :P

[Hus]

يا شباب ..
انا شامم ريحة تسالي ..
وانا كتير كتير كتير بحب ريحة التسالي

معلش نانا مداخلتي مالها علاقة بخربوشتك الاخيرة .. (بشكل مباشر)
وما صرلي وقت انتبه لمحتوى الخربوشي الادبي
بس تسالييييييييييييي

[nana]

كاتب النص الأصلي : dimozi

نانا لك شو هاد نانا ......... و الله بيطلع منك يا صغروني
هلاء جد متل ما قال الأخ حشت نشت .. أنو ما ضروري تأسري حالك بقافية , المهم يكون في فكرة حابة تعبري عنها و المهم انو توصفي احاسيسك بكل صدق .......... هلاء خديني انا مثلا لما بلشت بالشعر حسيت حالي انو ما عم اقدر وصل كل اللي حاسس فيه و لقيت اسهل انو الواحد يحكي الحكي مباشر فصارت الخواطر تبعيتي اطول بكتير و احكي فيها اكتر من موضوع او شعور بنفس الوقت , و لقيت ها الشي صادق اكتر ........ و صدقيني انو لما بتوصفي شعورك بصدق و بدون لف و دوران او خجل بيطلع شي كتير حلو وهاد الشي اللي لمستو بحكيك .

هاي كلمة بطلت ما بحب اسمعها ابدا .......... خصوصا منك ...... لك شو هاد ؟؟؟ ما هاي نانا اللي بعرفا :P

دييييموووووووووووووووزززز زززززيييييييييييييييييييي يييييي صديقي
انا بطلت ما لانو شي لانو انا بالعادة ما بحب وصل لحدا اللي حاسة في بس هيدي كانت فشت خلء ما اكتر
بعدين لو ضليت عم اكتب لشي عشر سنين مارح نوصلك مستر(لاحظ التمسيح)

[شكو زولو]

نحنا بين الأيادي بس بدنا منك فعالية أكتر

وعلى كل حال أسمي شي كتير معبر

و بالنسبة للتقل أنت قلتيها و أنا ما حكيت شي

[dimozi]

انا بطلت ما لانو شي لانو انا بالعادة ما بحب وصل لحدا اللي حاسة في بس هيدي كانت فشت خلء ما اكتر

هاي الشغلي بس جربها الواحد مرة خلص سحبت معو ....... و خصوصا اذا ارتاح وقت فش خلقو, يعني بكرا منشوفك دوموازيل نانا....... بدك تعبيلنا الخواطر مواضيع . :P

لو ضليت عم اكتب لشي عشر سنين مارح نوصلك مستر

هلاء اكيد ما تمسيح ........ يعني حلو الواحد يعترف بالحقيقة ,طبعا هلاء انا اكيد متواضع و رح قلك انو لاء انتي احسن مني ........ بس انتي منك لحالك ما رح تصدقي .............. :P
لا جد ................ خليكي عم تحسي و ما عيب الواحد يحكي شو بيحس بالعكس بيريح اللي حوليه.