الرئيس الأسد يصدر مرسوماً بصرف منحة 40% من الرواتب والأجور المقطوعة

[cornholio]

أصدر الرئيس بشار الأسد يوم الأحد مرسوماً يقضي بصرف منحة لمرة واحدة بمعدل 40% من الرواتب والأجور الشهرية المقطوعة.

وتأتي هذه المنحة قبل أيام قليلة من عيد الفطر وبعد أيام من بدء العام الدراسي الجديد, إذ غالباً ما تصدر مثل هذه المنح بالتزامن مع هذه المناسبات بهدف سد حاجات المواطنين والتي تبلغ ذروتها قبل الأعياد والعام الدراسي.
وكان الأسد أصدر في عام 2007 مرسوما بصرف منحة لمرة واحدة بمعدل 50% من الرواتب الشهرية للعاملين في الدولة وسائر جهات القطاع العام والمشترك والعسكريين والمتقاعدين.

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[يمان Rooooonaldo]

حرامية .. الفوتة ب 100 ..

حطو الخبر عالدنيا من مبارح ..


هاموش
يسلمو شريك .. وشو سمعنا انك عازمنا عالفطور .. بكرا حلوان هالخبرية .. والله ما بدا هالعزاب .. بس لولا انك .. كركت كتير علينا يعني .. امرنا ل الله بس ما خبرتنا وين ؟؟

[marochka]

كل مالا عم تنقص هالمنحة كأنو؟ بتذكر أول من زمان كان يعطو راتب كامل وبعدين صارت 50% وهلأ 40%.
أنو ليش ما بتصير المكافآت من ضمن القانون وبتبطل تكون بمنّية؟

[mblue]

كاتب النص الأصلي : marochka

كل مالا عم تنقص هالمنحة كأنو؟ بتذكر أول من زمان كان يعطو راتب كامل وبعدين صارت 50% وهلأ 40%.
أنو ليش ما بتصير المكافآت من ضمن القانون وبتبطل تكون بمنّية؟

منيحة ... لو 40 % ما بتشكي من شي ... رمضان وعيد وفتوح مدارس ... يعني احسن من عيد الماضي ما عطوا شي لهالعالم ... بلكي بتحرك الدنيا شوي هلق

[Dndoshy]

هالشعب رح ينشق نصين..عيد وفتوح المدارس..بهالمنحة!!

[saman]

ولي ... اكيد زادت نسبة الوفيات بالجلطة بعد هالمنحة !
حاكم الاسعار حا تطير وتعلي لفووووووق

زكرتني بحلقة ببقعة ضوء .. تبع زيادة الرواتب

[DARKNESS]

بحلقة ببقعة ضوء .. تبع زيادة الرواتب

أي و الله بالفعل رهيبة هالحلقة

لا و شوف الفرق بين الزيادة عنا و الزيادة بمحلات تانية