كل ديــــــك ... عمزبلـــــتو صيــــــــــــــاح

**..AHMAD** · 09/02/2009

اي عمي ... متل ما عمقلك

ويتبع بما فيه خير الأمة

أإأبو العبد · 09/02/2009

الله يعطيك على قد نيتك (يعني على حسب النية)

sona78 · 09/02/2009

اي وشو المغزى يعني ؟؟

**..AHMAD** · 10/02/2009

[QUOTE]اي عمي ... متل ما عمقلك[/QUOTE]

كمان برجع بعدلك ياها، كل ديك عمزبلتو صياح ... أي بمعنى آخر ، صيح بمزبلتك. بمعنى آخر تاني ، لا تصيح عنا وما معناه بالنهاية ، المكان المعني هنا بالحديث مانو مفتوح لحضرتك لتصيح فيه .. ديوكنا مؤدبين جداً ولا يجهرون بالكلام ولا هم يحزنون ولا هم يفرحون بقا هلئ كل شيء بتقدر تساويه ، ترخيلي عرفك من محل مانك رافعو ـ نفضلي ريشاتك - لفلي دنبك – على فرض ما عندك "ازرع ازرع .. لا لا تقطع"، وبوجهك عمزبلتك كونو بلشت حملة التعزيل هون وازا شافتك البلدية ما نصيحة ابداً .

يعني من عندي بقلك وجودك هون غير مستحب

لا سياسياً / في حملة واسعة من الاعتقالات التعسفية وتكميم الـ "مناقير" ، وحجز البيوض ونتف الريش على ذمة التحقيق ، بتهمة وهن الشعور القومي للديوك القاطنة هنا ، عداك عن الخوف المستمر دائماً من تأثيرك السلبي جداً على الصيصان حديثة الولادة والتفقيس كونك مهدد البلد - عفواً - المكان ، ولا توجد أي معلومات إيجابية حول حضرتك عن عدم إرهابيتك بالإضافة إلى أرشيفك الحافل بالـ فيَش في المزابل الأُخرى /

ولا فنياً / كونها الدجاجة سبقتك بالخربشة على بعض الأوراق في هذه المزبلة وبالتالي هية أحق منها بمواطنة المزبلة المذكورة ، والمزابل لمن يعمل بها ، ليست لمن "يتبوجق" بها.. /

ولا رياضياً / كونك بتفتقر إلى الكثير من الرشاقة اللازمة للقفز من على مرحلة "البوجقة" في المزبلة المذكورة ، ويلزمك الكثير الكثير والكثير كمان مرة من الروح الرياضية لتكون مؤهل للصياح في هذه المزبلة الموقرة كما أنو إذا توفرت فيك الصفات السابقة مافي هنالك أي ضمانات ضد رجلك بحال كانت فكحة وبطريق إصابتك للهدف أصبت مزبلة أخرى - وبهالحال رح نتعرض للمسائلة القانونية أمام الديك الأعظم قدس الله سره - كونك قاطن بهالمزبلة /

ولا حتى اقتصادياً / كونو الأزمة الاقتصادية نبعت من صياحك الي أدى لاستياء – بول وولفيتز – وانتفاضه كأي مواطن من حقه التمتع بحق النوم ليلاً – متفركشاً ببسمار كان على الأرض واضطر إلى إجراء عمل جراحي كلفه ما فوقه وما تحته وما على يمينه وشماله وجيوبه انتفضت لمساعدته، وعلى الرغم من ذلك فاضطر يتدين اضعاف المبلغ من الدول الأُخرى .. وعلى هذا حدوث الأزمة العالمية الاقتصادية بالإضافة إلى تسريح أكثر من 2.5 مليون عامل تعود أسبابها إلى صياحك الي ما لقيتلو مبرر أبداً /

حتى سألتلك بجمعية حماية الحيوان وكان الرد عالشكل التالي :
نحنا معنيين بأي شكل من الأشكال بحماية الحيوانات بانواعها التالية :
الأليفة منها، والمستألفة
الشرسة منها والمستشرسة
القاطن منها فوق وعلى وتحت الارض
الزواحف والطائرة والبرمائية والحشرات

لكننا لسنا معنيين أبداً بحيوان يملك هذا الكم من القدرة على إحداث الفوضى والخراب

وشكراً
جداً
جزيلاً

لحسن إصغائك ، واستماعك، وانصاتك

وإغلاقك الباب وانت طالع

* الحديث موجه أعلاه فقط للديك الصياح،
وجب الإعتذار من كل الدجاجات ، والصيصان ، والديوك التي تم شملها في الحديث من غير قصدك

ودمتم، وأدام الله قنـــكم نظيفاً معافىً

Marooshe · 10/02/2009

اقتباس:

كاتب النص الأصلي : ..AHMAD

هلئ كل شيء بتقدر تساويه ، ترخيلي عرفك من محل مانك رافعو ـ نفضلي ريشاتك - لفلي دنبك – على فرض ما عندك "ازرع ازرع .. لا لا تقطع"، وبوجهك عمزبلتك كونو بلشت حملة التعزيل هون وازا شافتك البلدية ما نصيحة ابداً .

اي بيروح بيروح .. بس شو مشان الجاجات؟

اقتباس:

يعني من عندي بقلك وجودك هون غير مستحب

لا سياسياً / في حملة واسعة من الاعتقالات التعسفية وتكميم الـ "مناقير" ، وحجز البيوض ونتف الريش على ذمة التحقيق ، بتهمة وهن الشعور القومي للديوك القاطنة هنا ، عداك عن الخوف المستمر دائماً من تأثيرك السلبي جداً على الصيصان حديثة الولادة والتفقيس كونك مهدد البلد - عفواً - المكان ، ولا توجد أي معلومات إيجابية حول حضرتك عن عدم إرهابيتك بالإضافة إلى أرشيفك الحافل بالـ فيَش في المزابل الأُخرى /

الك يا جارة .. اسمعي يا كنة ..

اقتباس:

ودمتم، وأدام الله قنـــكم نظيفاً معافىً

مو لتطلع هالريحة يا زلمي