انتخبو اكتر شخصية شعبية محبوبة بالمنتدى

[jovia]

صباحو ازا صبح ومساءكون غاردينيا ازا مسا ... مابدي طول كتير عليكون ... موضوعي مبين من عنوانو ... يعني انت كعضو بالمنتدى مين هوي الشخص يلي بتشوفو برايك اكتر شعبية و كلامو بيشدك واسلوبو انت معجب فيه .... بغض النظر المهم يكون بالاخوية هون شومانكان

هلا انا لح حط استبيان بس مو هلا ممكن حط بعد ما نشوف اكتر الاسماء تكرارا ...

و بدون اعتراض من حدا بدي حط شروط للمشاركة "ازا مافي مانع " :

1- ما تصوت لنفسك
2- لما بتصوت لشخص تقول شو السبب
3- انا او غيري النا الحق بالتنبيه عن مشاركة عاطلة بحال تم الاساءة لاي عضو من الاعضاء شوماكان الداعي
4- بتمنى من الكل يعني ازا صار وضيعنا وقت ما ننسى موضوعنا الاساسي ونفوت بقصص ما النا فيها
5- انو ما تصوت لشخص بتحبو بيكون رفيقك بالمنتدى بيكون تلات ارباع الاخوية مابتعرف قرعة ابوه من وين
6- كوني صاحبة الفكرة فبتمنى ما يضيع الموضوع بالسقيفة ويصير بين كومة غراض عتيئة


بتمنى الكل يصوت والكن مني وردااااتي وتحياتي الباردات والساخنات والفاترات

[jovia]

يالله لشوف وين الاصوات الصارخة

[ابو نجبو]

طيب انا عندي 15 اسم....!!

[butterfly]

طيب معلي صوت لاكتر من عضو ؟
والمطلوب شعبيتو ؟ ولا انا بحبو وبيعجبني فكرو ؟

[jovia]

هلا بالنسبة لتعدد الاشخاص ممكن بس بدك تذكر اسماء ... بشرط انك تكتب النسبة يلي بيحتلها بالمية متلا :
فلان 25%
فلان تاني 25%
التالت 50%

هلا بالنسبة لسؤالك فراشة : ممكن تصوتي لاي شخص بدك ياه بس مو بمنظورك الشخصي ( يعني مو لانك بتحبيه كصديق رفيق درب لهيك صوتتي وهوي بالمنتدى مو معروف الا عالخفيف جدا بتصوتيلو)

اي اسئلة اخرى انا جاهزة بس انشالله كون وصلت الفكرة وبتمنى الكل يشارك يالللله !!!!!

[jovia]

هلا ازا كنتي معجبة فيك شو المانع ما تكوني حابة تتبني افكاره حتى لو ما بتعرفيه الا سطحي جدا بس ردودو بالمنتدى بتكون قوية وجزلة وملفته جدا بس مو بالمعنى انك تحبي تطبسي فيه

[محمد ابراهيم]

كاتب النص الأصلي : jovia

هلا بالنسبة لتعدد الاشخاص ممكن بس بدك تذكر اسماء ... بشرط انك تكتب النسبة يلي بيحتلها بالمية متلا :
فلان 25%
فلان تاني 25%
التالت 50%

هلا بالنسبة لسؤالك فراشة : ممكن تصوتي لاي شخص بدك ياه بس مو بمنظورك الشخصي ( يعني مو لانك بتحبيه كصديق رفيق درب لهيك صوتتي وهوي بالمنتدى مو معروف الا عالخفيف جدا بتصوتيلو)

اي اسئلة اخرى انا جاهزة بس انشالله كون وصلت الفكرة وبتمنى الكل يشارك يالللله !!!!!

اذا ما صوتنا للي بنحبون بهيك تصويت ، لمين رح نصوت !! و ايمتى رح نصوت الون !!
انا بدي صوت ل 100 بعرفون بعطي لكل واحد وواحدة 0.01% ؟

[jovia]

كاتب النص الأصلي : محمد ابراهيم

اذا ما صوتنا للي بنحبون بهيك تصويت ، لمين رح نصوت !! و ايمتى رح نصوت الون !!
انا بدي صوت ل 100 بعرفون بعطي لكل واحد وواحدة 0.01% ؟

ماشالله شو معارفك كتار ... وكلون وين بالاخوية ...
ليك محمد هلا ازا كانو مية فبتقدر تزكرون بس ما بتصور يكون في 100 شخص بيحتلو هالشعبية (بمعنى الكل بيعرفون وكانو يستقطبو الاعضاء ويجذبوهن برد او بموضوع او باسلوب ) يعني بعتقد انون معدودين وما بيوصلو لل 40 شخص ان كسرت بعضا !!! فا من وين اجو ال 60 الباقيين ...

على كل حال ازا ما لقيت الموضوع خرج انت حر وبيرجعلك القرار بعدم الرد والتصويت اكيد مو شادة حدا من ايدو ليصوت لذلك لا تنفعل وتعزب حالك
ثم مين قلك ما تصوت للي بتحب الرجاء التمعن بنص الموضوع من ثم الاعتراض

[butterfly]

يا ستي ، جينا ، عدّي ع أصابعك

جيمي العزيز ، مخو نضيف هالصبي 25 %
بيرسونيتا الرائعة 25 %
Jano ، مخو وذوقو الفني ( الموسيقي والسينمائي ) حضورو بأخوية غنى 25%
I am Sam كتلة رقي هالزلمي 25 %

هلق في كتير كتير ناس ، تانيين .. بس هدول للصراحة أول اربعة خطرو ببالي
ما حطيت حدا من المشرفين ، لأنو يعني بيندرجو " معظمن " ضمن بحبن لأنن اصدقائي ورفاق النضال وبس

[محمد ابراهيم]

كاتب النص الأصلي : jovia

ماشالله شو معارفك كتار ... وكلون وين بالاخوية ...
ليك محمد هلا ازا كانو مية فبتقدر تزكرون بس ما بتصور يكون في 100 شخص بيحتلو هالشعبية (بمعنى الكل بيعرفون وكانو يستقطبو الاعضاء ويجذبوهن برد او بموضوع او باسلوب ) يعني بعتقد انون معدودين وما بيوصلو لل 40 شخص ان كسرت بعضا !!! فا من وين اجو ال 60 الباقيين ...

على كل حال ازا ما لقيت الموضوع خرج انت حر وبيرجعلك القرار بعدم الرد والتصويت اكيد مو شادة حدا من ايدو ليصوت لذلك لا تنفعل وتعزب حالك
ثم مين قلك ما تصوت للي بتحب الرجاء التمعن بنص الموضوع من ثم الاعتراض

هاد حسد ولا حسن ولا شو ؟ حبايبي كتير ربننا يبارك
يا ستي الفكرة ما بالشعبية رح تلاقي بعد شوي حدا حاططلك زلمة مكروه من 99.9% من اعضاء الاخوية ويقلك انو شعبوي (عادي لا تهتمي ) التكرار هو اللي رح يوضح الشعبية واتركي العالم تختار متل مابدها والاجدر هو اللي رح يوصل لمنصة التتويج ، خلي عندك ايمان بارادة الشعب كاملا (الناضج والغير ناضج ، المشخصن والغير مشخصن )
على كل حال رح شارك مارح امتنع

[jovia]

كاتب النص الأصلي : butterfly

يا ستي ، جينا ، عدّي ع أصابعك
هلق في كتير كتير ناس ، تانيين .. بس هدول للصراحة أول اربعة خطرو ببالي
ما حطيت حدا من المشرفين ، لأنو يعني بيندرجو " معظمن " ضمن بحبن لأنن اصدقائي ورفاق النضال وبس

اول شي الحمدلله يلي لقيت في مين يفهم عليي
تاني شغلة فراشة كل شي كتبتيه على عيني بس لما بدك تصيفي ناس تانيين غيرون بدك ترجعي تقسمي نسبة 100% عليون كلون لحتى نقدر ننتخب اكبر اصوات لشخصية شعبية بالمنتدى

[jovia]

كاتب النص الأصلي : محمد ابراهيم

هاد حسد ولا حسن ولا شو ؟ حبايبي كتير ربننا يبارك
يا ستي الفكرة ما بالشعبية رح تلاقي بعد شوي حدا حاططلك زلمة مكروه من 99.9% من اعضاء الاخوية ويقلك انو شعبوي (عادي لا تهتمي ) التكرار هو اللي رح يوضح الشعبية واتركي العالم تختار متل مابدها والاجدر هو اللي رح يوصل لمنصة التتويج ، خلي عندك ايمان بارادة الشعب كاملا (الناضج والغير ناضج ، المشخصن والغير مشخصن )
على كل حال رح شارك مارح امتنع

لا بتقدر تعتبرها ديقة عين ومن اليوم ورايح حصن حالك من عيني ...
بالنسبة للي قلتو ازا كان في زلمة حط تصويت لشخص مكروه اكيد ازا كان هالشخص فعلا مكروه ما حيصوتولو البقية ... اما ازا كانت اغلب الاصوات الو فحتى لو انا وانت منكرهو فلح يفوز باللقب...

بالمناسبة لسا ما قلنا ايمتى بينتهي التصويت لانو بدنا شوية حماس من بقية الاعضاء بعدين منقوم بطرح يوم لاغلاق الموضوع والتصفيات النهائية

انسريت بمشاركتك محمد بس لسا له ما شفتك مشارك ... انت بالذات بدي شدك من ايدك واجبرك يالله لشوف لمين صوتت

دمتم سالمين

[ابو نجبو]

انا بصراحة مارح صوّت و لانقّي....ولاحتى أدخل عالموضوع

خايف يكون مالي أي شعبية هون ......وهازا يؤدي الى انو أشعر بالاحباط...و شعوري بالاحباط يؤدي الى فقداني تركيزي .....وفقداني لتركيزي رح يؤدي.....عالارجح.... الى عدم اتّزاني و امكانية اتخاز قرارات فجائية انتقامية رح تكون بالاكيد غلط جداً حزيلاً...........ومنها انو أفكر بالانتحار ....وبما انو انا زلمة ملتزم .....وعندي مسؤوليات...ووراي كوم لحم....فما رح ....للاسف....أشارك بالموضوع.....


لكن هازا لا ينفي انو الموضوع جميل ...وفيه حركة....ومشكورة عليه ام الرور


أودعناكن.....

[jovia]

كاتب النص الأصلي : ابو نجبو

انا بصراحة مارح صوّت و لانقّي....ولاحتى أدخل عالموضوع

ولو ميت اهلين ابو نجبو كل شي ولا صحتك يصرلك شي انت غالي علينا
بوسلي الزغار كتير امانة

[عمار فيكا]

أنا بدوري بعطي أول صوت لصاحبة الموضوع وبنسبة 33.333%
و أبو نجبو بنسبة33.333%
وسويت آنجل33.333%
الأولى ويلي هي أم الرور السبب:ردود قوية ومنطقية من كل المنطلقات
أبو نجبو :خفة دم مع أبداء رأيو بكل المواضيع وبدون مجاملة مما يدل على صراحته وطيبة قلبه
أما سويت:السبب :الدلعنة المشاكسات القوية بين الأعضاء وأولهن أنا
وبالنهاية بحب أشكر أم الرووووووور على هذا الموضوع الجميل وأتمنى لها كل الخير والسعادة

[jovia]

شو وين الهمة ...

[personita]

كاتب النص الأصلي : butterfly

بيرسونيتا الرائعة 25 %

بالنسبة للشخصيات اللي بحب أسلوبها في أخوية، في كتير ناس والله، بس رح احكي بس 4 مشان ما تضيع الطاسة

ميمو: مش لأنها صوتتلي والله، بس بحبا أنا لهاي البنت،عدا أنو أسلوبا في الكتابة رائع، بحسا عفوية جدا في كلامها وشفافة وبتعجبني آراءها وجرأتها في التعبير 25%

ياس: بحب أقرالو كتير، بحب طريقة تحليلو ونقاشو 25%
أبو طوني: فرفوش كتير ويخيل إلي أنو مخو أكبر منو، لما بشوف اسمو بشي رد، لازم أشوف شو كاتب 25%
أيم سام: من الأشخاص اللي بيفرضو احترامهن وأسلوبو جد مهذب بالنقاش 25%

في كمان باشق، ناي، أحمد، أم الجود، ساندرا... ثم في قسم الخواطر عدد لا بأس به من الأقلام الواعدة، اللي ما رح اذكر أسماءهن، لأنو الاختيار أعلاه كان على أساس الردود والآراء في المواضيع النقاشية، مش أسلوب الكتابة الأدبية.
و إذا بستمر، ما بعرف كيف بقدر أوزع النسب! مشان هيك، بكفي

[whiterose]

الفكرة حلوة

بس مابتخيل إني رح صوت لحدا مو تكبر لا سمح الله او انو مافي حدا ذو شعبية

بس هي ذوشعبية ومحبوب مو زابطة

لو فصلتي ذوشعبية لحال وشخصية محبوبة لحال كان أحسن

الفكرة ذكرتني بفكرة لمحمد كان طرحها من اسبوع بالبريد ومالاقت ترحيب