سياسة النكش.

[whiterose]

مساؤكم

كل فترة منلاقي موضوع عمرو سنة سنتين اكتر اقل منكوش برد لايتعدى الجملة
شو رأيك ؟؟عادي يعني ؟؟

ولا هي غلاظة؟؟؟

ولا بتصير بأحسن المنتديات...

[المحارب العتيق]

مشكورة عالموضوع

[saman]

يلي بينكش شي موضوع .. لوفيي .. بدي انكش قبرو

[أإأبو العبد]

يصطفلووووووووووو

[فسحة أمل]

شامم ريحة معتقل بهل الايام
بكرة بتقولو قال
أي وكمان في نكش عم نكش بيفرق بس بالاخير لعن الناكش والمنكوش

[HashtNasht]

انا بشوف انو النكش هو شي عادي , يعني لو كان في موضوع منتهي , مانو بحاجة ردود جديدة , مافي شي ينقال فيه , الاحسن انو يتسكر , بصير موضوع مغلق و نقطة انتهى.

طالما الموضوع مفتوح , فهو مفتوح ...و من حق اللي حابب يشارك بشي او يضيف شي او يعلق انو يشارك او يضيف او يعلق , و ما بعتقد انو هالشي المفروض يزعج حدا !!

كمان ممكن نقول انو نكش موضوع قديم احسن من التكرار , يعني لنفض انو عضو سجل مبارح و عندو شي حابب يحكيه بموضوع معين , الاحسن انو يعمل بحث بالمنتدى عن هالموضوع و يضم مشاركتو للموضوع القديم , احسن بكتير من انو يرجع يفتح موضوع جديد بنفس الموضوع .

هلأ انا حسب ما فهمت , وايت روز عم تنتقد النكش لمجرد النكش , يعني وقت واحد بفوت ع موضوع من ال 2005 مثلا و بضيف رد بيحتوي ع كلمة ( نكوشة ) !!! , بدون ما نفهم انو شو بدو من هالنكوشة , او انو شو الغاية من ترجيع الموضوع للصفحة الاولى , هاد الشي بينطبق عليه احكام السباااااام , و المفروض يعني انو الناكش ينعرض للمحكمة و ينحكم بالاعدام شنقا بالرصاص مدى الحياة , هيك ما بقى بعيدها و بصير عبرة لمن يعتبر

[المحارب العتيق]

كاتب النص الأصلي : hashtnasht

انا بشوف انو النكش هو شي عادي , يعني لو كان في موضوع منتهي , مانو بحاجة ردود جديدة , مافي شي ينقال فيه , الاحسن انو يتسكر , بصير موضوع مغلق و نقطة انتهى.

طالما الموضوع مفتوح , فهو مفتوح ...و من حق اللي حابب يشارك بشي او يضيف شي او يعلق انو يشارك او يضيف او يعلق , و ما بعتقد انو هالشي المفروض يزعج حدا !!

كمان ممكن نقول انو نكش موضوع قديم احسن من التكرار , يعني لنفض انو عضو سجل مبارح و عندو شي حابب يحكيه بموضوع معين , الاحسن انو يعمل بحث بالمنتدى عن هالموضوع و يضم مشاركتو للموضوع القديم , احسن بكتير من انو يرجع يفتح موضوع جديد بنفس الموضوع .

هلأ انا حسب ما فهمت , وايت روز عم تنتقد النكش لمجرد النكش , يعني وقت واحد بفوت ع موضوع من ال 2005 مثلا و بضيف رد بيحتوي ع كلمة ( نكوشة ) !!! , بدون ما نفهم انو شو بدو من هالنكوشة , او انو شو الغاية من ترجيع الموضوع للصفحة الاولى , هاد الشي بينطبق عليه احكام السباااااام , و المفروض يعني انو الناكش ينعرض للمحكمة و ينحكم بالاعدام شنقا بالرصاص مدى الحياة , هيك ما بقى بعيدها و بصير عبرة لمن يعتبر

أنا معك بهاد الكلام . وبدي ضيف أنو أحيانا المشرفين بيتدايئو من النكوشة . وبيسكرو موضوع مكرر . أنو تناقشنا فيه بأخوية قبل هالمرة . ماهو قبل هالمرة تلت رباع الموجودين هلأ ماكانو مسجلين لسا فما فينا ناصدرلهم حقهم بمناقشة قضية ما

[المحارب العتيق]

بدي احكي عن شغلة صارت معي

مرة كنت بدي اعمل موضوع عن رياضة كمال الأجسام . قمت لقيت بالقسم الرياضي موضوع كافي ووافي ( وأكتر من ماكنت بدي أعمل ) . مساويه صياد الطيور على ما اذكر . قمت عملتو up مشان العالم تشوفو وتستفيد منو . واحسن ما اعمل واحد جديد . وهيك موضوع مو حواري يعني بكلمتين بتخلص مداخلتك . قامو الشباب انزعجو . وابو طوني عملي موضوع متل هاد

[HashtNasht]

كاتب النص الأصلي : المحارب العتيق

بدي احكي عن شغلة صارت معي

مرة كنت بدي اعمل موضوع عن رياضة كمال الأجسام . قمت لقيت بالقسم الرياضي موضوع كافي ووافي ( وأكتر من ماكنت بدي أعمل ) . مساويه صياد الطيور على ما اذكر . قمت عملتو up مشان العالم تشوفو وتستفيد منو . واحسن ما اعمل واحد جديد . وهيك موضوع مو حواري يعني بكلمتين بتخلص مداخلتك . قامو الشباب انزعجو . وابو طوني عملي موضوع متل هاد

حكموك شي اعدام شنقا بالرصاص .؟ ولا اكتفو بالاشغال الشاقة المؤبدة مع وقف التنفيذ !!

[Abu ToNi]

انا ما حدا ينكشني وبكون كلشي منيح

[HashtNasht]

كاتب النص الأصلي : Abu ToNi

انا ما حدا ينكشني وبكون كلشي منيح

نكوشة

[Abu ToNi]

كاتب النص الأصلي : hashtnasht

نكوشة

ما كلشي منيح

[المحارب العتيق]

كاتب النص الأصلي : hashtnasht

حكموك شي اعدام شنقا بالرصاص .؟ ولا اكتفو بالاشغال الشاقة المؤبدة مع وقف التنفيذ !!

لك ياريت . حكموني طرق مقالي . وغز مسلات كذا يوم

[zeenaa]

يعني عادي واحد اذا نكش موضوع قديم يعني شو المشكلة مو معقول كل واحد رح يسجل بالأخوية بدو يقعد يقرا المواضيع القديمة كلها بس لما المواضيع بتنتكش واحد بيطلع عليها وكانها نازلة جديدوبعدين الشباب القدام لازم ينشطو النكش يعني اذا فيه موضوع قديم وكان وقتها حلو وانبسطو فيه لازم يرعو ينكشوه ويحطوه لهل الجدد

"اذا نكش الواح بقولو الواح نكش واذار رجع نزلو الواح بقولو مكرر وشو بدو يعمل الواح ليعمل"

[HashtNasht]

كاتب النص الأصلي : zeenaa

يعني عادي واحد اذا نكش موضوع قديم يعني شو المشكلة مو معقول كل واحد رح يسجل بالأخوية بدو يقعد يقرا المواضيع القديمة كلها بس لما المواضيع بتنتكش واحد بيطلع عليها وكانها نازلة جديد:Dوبعدين الشباب القدام لازم ينشطو النكش يعني اذا فيه موضوع قديم وكان وقتها حلو وانبسطو فيه لازم يرعو ينكشوه ويحطوه لهل الجدد

"اذا نكش الواح بقولو الواح نكش واذار رجع نزلو الواح بقولو مكرر وشو بدو يعمل الواح ليعمل"

طيب بس يصير العضو الجديد قديم ..بعد عمر طويل يعني ...شو بيعمل ؟ بيرجع بينكش المواضيع المنكوشة ؟

[المحارب العتيق]

كاتب النص الأصلي : hashtnasht

طيب بس يصير العضو الجديد قديم ..بعد عمر طويل يعني ...شو بيعمل ؟ بيرجع بينكش المواضيع المنكوشة ؟

شايفك كتير مهتم لها لموضوع

[HashtNasht]

كاتب النص الأصلي : المحارب العتيق

شايفك كتير مهتم لها لموضوع

هلأ هاد هو السبااام شخصيا ....رح اطرقك تقرير عن مشاركة عاطلة خلي المشرفين يشحطوك

[zeenaa]

كاتب النص الأصلي : hashtnasht

طيب بس يصير العضو الجديد قديم ..بعد عمر طويل يعني ...شو بيعمل ؟ بيرجع بينكش المواضيع المنكوشة ؟

لا لايرجع ينكشها لان النكش لايجوز الا مرة واحدة وبالنكشة التانية بدك استثناء من الرئيس