هل يتحول الزواج لوسيلة لإشباغ رغبة .. مكبوتة ومرغوبة ..!؟

[THE_unforgiven]

الزواج .. حق مشروع لكل انسان ...
.
.
في الأغلب يهدف لإنشاء عائلة .. وتحقيق غاية الحياة البشرية .. ألا وهي الإستمرار .. والدوام ..
.
.
ولكن انتشرت في الآونة الأخيرة ظاهرة الزواج .. ثم الطلاق بعد فترة قصيرة .. وبخاصة في بعض الدول العربية ..
وذلك بحجة عدم التوافق .. او مشكلات عائلية ...
وغالباً تراوحت أعمار المتزوجين بين ال19 وال24 .. أي قبل بلوغ سن تمكنهم من إنشاء عائلة وتامين احتياجاتها ..
....
من المعروف والمتعارف عليه .. ان الجنس في مجتمعاتنا محرم قبل الزواج .. ومحرم مع غير الزوجة بعد الزواج ..
هل من الممكن أن يتحول الزواج لوسيلة لإشباع الرغبة الجنسية .. أو ربما فقط لاستكشافها ... بما أنها غاية مكبوتة تماماً .. وبشكل مواز .. مرغوبة كثيراً .., حقيقة .. ليست مجرد رغبة .. إنما حاجة وغريزة .. روحية قبل أن تكون جسدية ...
هل من الممكن ان تتزوج دون تفكير .. فقط إشباعاً لرغبة ... وعندما تكتشف ماهيتها .. تقول .. اكتفيت .. وتعدل عن قرارك ...!؟
مالحل برأيك ...
الحاجة الجنسية ..
هل هي معضلة .. في ظل قوانين المجتمع الحالية .. أم أنها .. مجرد قدر مفروض علينا ..!؟ وسنقبل بكتمانها .. ودفنها عميقاً .. في ذلك الجزء من الدماغ .. الذي يعج بالأشياء الموروثة .. والتي .. قبلناها .. بدون أي رفض .. او تساؤل .. !؟

[شمس سوريا]

هل من الممكن أن يتحول الزواج لوسيلة لإشباع الرغبة الجنسية .. أو ربما فقط لاستكشافها ... بما أنها غاية مكبوتة تماماً

اممممممم والله ما بعرف انو يعني صح زماان هاد كلو عم يمشي ورى رغبااتو ومصالحو الشخصيه
بس اما بالنسبه للزواج ما بتوقع انو لعبه خاااصه بالنسبه للشباب انو يشبع رغبتو
ومن بعد هالرغبه اكييد رح يكون في من وراها اولاد يعني جيلنا مو خرج مسؤليه كتيير
ف من ناحيتي لا ما بتوقع ابدااا انو يتحول الزواج لاشباع رغبه وبسس

يسلمو عالموضوع

[Genifer]

عم ينسوا شغلة أساسية يلي هي : شو هو الهدف من زواجهن وكيفية تحقيق هالهدف

يعني وقت بيكون الزواج لهدف الجنس فقط هون أكيد رح يكون فاشل.
واذا بتلاحظ انه وقت بتطلقوا الأسباب متل ما ذكرتها :بحجة عدم التوافق .. او مشكلات عائلية
طيب قبل ليش ما اكتشفوها ولا هي بس حجة للطلاق

[marioma alghzayala]

مافيك تعمم هالشي ... هاد الشي بكون حالات .. ب ايامنا الحاليي نادرة جدا ..يا اما ازا بتصير ...بتصير بمجتمعات معينة وقليلي ..بالاخير الزواج اكبر من اشباع الرغبة بكتير ..

[بنفسجة]

في كتير حالات منتشرة بمجتمعنا العربي وعم يلاقولها تصريفة دينية مرتبة
زواج عرفي _ زواج المتعة_ زواج المسيار
وشو بيعرفني كمان
وهالانواع من الزواج الغرض الاساسي الها اشباع رغبة غريزية جنسية دون تحمل المسؤليات يلي بيترتب عليها الزواج المتعارف عليه بكل مجتمعات الدنيا
للاسف الكبت الجنسي يلي عم يصير بيكون سبب لتعجيل الموافقة على الزواج حتى لو كان الذكر او الانثى غير مستعدين لهيك رابط رح يربطون لاخر العمر
وبدون ما يكونو واعيين لاهمية هيك خطوة والمسؤليات يلي بتترتب عليها
طبعا الزواج اكبر من اشباع الرغبة
بس هيدا بيتبع للاسف الشديد طبيعة المجتمع
المجتمع الشرقي حيث الكبت للانثى والحرية المطلقة للرجل بتكون الرغبة الجنسية عند الانثى غير مشبعة ولهيك بنشوف البنت راكدة لتتزوج وهي لسا ماصارت ب18
بينما الرجل ومن هون لهون قادر يشبع هالرغبة الغريزية عندو بشتى الوسائل ومنها انواع الزواج الالتفافية المتعارف
عليها
بينما بالمجتمع الغربي ما بنلاقي كتير مشكلة من هالناحية وبالتالي بيكون مفهومون للزواج اكبر بكتير من مجرد اشباع رغبة جنسية مشبعة اصلا
بس انو شو الحل شو الحل شو الحل
اي تزوج شو عليه يعني

[عياش]

المشكلة برأي إنو نحنا غير قادرين على تقبل فكرة العلاقة الجنسية قبل الزواج ولو على أساس عاطفي ومستقر تماماً كما يحدث بالغرب وبنفس الوقت غير قادرين على العودة لمفهوم العائلة البطريركية يلي بيكون الأب جامع ببيت العيلة الكبير عيل ولادو الذكور كلها وبالتالي العائلة الصغيرة مالها كيان مستقل بل مدموجة اقتصاديا ومعنويا بالكيان الاوسع طبعا هاد النموذج ما في داعي يكون الشب مأمن حالو ولا يكون كبير وناضج لأنو الأب هو اللي رح يسير كل الأمور ويصرف على الكل وهاد هو المفهوم الشرقي التقليدي ونحنا هلق ضايعيين تماما لا آخدين المفهوم الغربي ككل متكامل ولا الشرقي متبنينو بشكل كامل.
وبالتالي عنا مرحلة كتير كبيرة ما بين التفتح الجنسي والحاجات الجنسية والاستقرار الجنسي بالعلاقة الزوجية.

[mary_55]

اولا الواحد حرام أنو يتزوج مشان أشباع الرغبة دينيا يعني
وأجتماعيا معروف أنو هاد شي مو مقبول

وبرأيي الحاجة هي ممكن كبتها لوقت معين وبتوقع كم سنة مارح تأثر لبين ما الواحد يظبط أوضاعو
وقتها بيتزوج متل العالم و الناس وبيشبع رغبتو لحى يقول حاج
وفعلا نحنا فينا نسيطر على هي الرغبة لأنو نحنا أقوى منها
لاتشبهوها بالنوم
لأنو الواحد اذا مانام شي أسبوع ممكن هاد يأدي للموت
بس اذا كبت هي الحاجة مارح يصير شي رح يكمل حياتو عادي إلا إذا فتح باب ولو صغير لأشباع هي الرغبة
وشوي شوي بيكبر الباب وبيدخل بالحرام
هاد رأيي..

شكرا لطرح الموضوع

[Reemi]

شباب وصبايا ياريت يضل النقاش محصور بالموضوع وتجنب الحوارات الجانبية وتحديداً الدينية

[THE_unforgiven]

وبرأيي الحاجة هي ممكن كبتها لوقت معين وبتوقع كم سنة مارح تأثر لبين ما الواحد يظبط أوضاعو

طيب .. بس انو ليش الكبت .. ليش مامنتفتح شوي ..

بس انو شو الحل شو الحل شو الحل
اي تزوج شو عليه يعني

وهو كذلك

المشكلة برأي إنو نحنا غير قادرين على تقبل فكرة العلاقة الجنسية قبل الزواج ولو على أساس عاطفي ومستقر تماماً كما يحدث بالغرب وبنفس الوقت غير قادرين على العودة لمفهوم العائلة البطريركية يلي بيكون الأب جامع ببيت العيلة الكبير عيل ولادو الذكور كلها وبالتالي العائلة الصغيرة مالها كيان مستقل بل مدموجة اقتصادي

حكيك صح 100 % ..