الاسد: فشل المفاوضات مع اسرائيل يعطي الحق بالمقاومة

[ayhamm26]

قال الرئيس السوري بشار الاسد السبت ان نهج الحرب لتحقيق الاهداف السياسية في المنطقة لم يجلب الا الضرر لمن قام بها.
واشار الى ان وصول النهج لطريق مسدود اقنع الكثيرين بضرورة بداية نهج جديد قائم على التعاون الدولي.
واضاف الاسد في خطاب خلال افتتاح اجتماع وزراء خارجية دول منظمة المؤتمر الاسلامي في دمشق ان اسرائيل لا تزال مقتنعة بالنهج القديم، وان الاعوام السبعة عشر التي مرت منذ انطلاق مفاوضات مدريد "لم تؤد الا الى الاضرار بالسلام وجعله ابعد ما يكون عن التحقيق".
الا ان الاسد قال ان هذه المفاوضات "فضحت اسرائيل"، واضهرت "حقيقة ان اسرائيل هي العقبة الاكبر في طريق السلام".
واكد الرئيس السوري "بعد تجربة اخرى مع اسرائيل من خلال المفاوضات غير المباشرة عبر تركيا تثبت هذه الحقيقة مرة اخرى التي تؤدي بالمحصلة الى حقيقة اخرى هي ان فشل العمل السياسي في استعادة الحقوق الشرعية لاصحابها سيعطى الحق للمقاومة في القيام بواجبها من اجل استعادتها".

ودعا الاسد خلال خطابه الى رفض الحلول "المفصلة" في الخارج لمشاكل المنطقة موضحا انها "لا تناسب شعوبنا"
وقال الاسد في خطابه "علينا الا نسمح بانتهاك سيادتنا واستقلالنا والاستقلال يبدأ من منطقتنا لا من الخارج ومن خلال مواجهة التحديات التى تفرض علينا اعتمادا على أنفسنا وايجاد الحلول التى تناسبنا وتحقق مصالحنا".
وطالب بشار الاسد برفع الحصار عن قطاع غزة والسعي "لتقديم المقاومة في صورتها الحقيقية كحركة تحرر تعبر عن ارادة اي شعب احتلت ارضه".

كما وجه نداءه لوزراء الخارجية بالوقوف امام تهويد القدس، وعدم "مكافأة اسرائيل على جرائمها وربط اي تطور للعلاقات بانسحابها من الاراضي المحتلة".
واكد الاسد في خطابة ضرورة التوقف عن اعتبار الارهاب حالة امنية، قائلا انه حالة فكرية لها مظاهر امنية وسياسية وغيرها.

كما قال الاسد ان لغة الشكوى والاستجداء والتوسل لن تجدي شيئا للحصول على الحقوق مشيرا الى ان الزمن الحالي هو "زمن الاقوياء"، وان القوة تكتسب ولا تعطى.


بي بي سي العربية

[ayhamm26]

يعني فكركن رح نشوف قريبا مقاومة بالجولان متل ما صار ب جنوب لبنان؟؟

[Nihal Atsiz]

ولنفرض انو هالكلام صحيح ( مو علاك مصدي كالعادة ) , اي ممكن تقلي مين رح يقاوم ؟؟؟
يعني سكان الجولان الحاليين ما بعتقد انن بقدروا يقاومو الاحتلال
ونازحي الجولان منتوفين عايفين سماهن من الفقر والتعتير متل باقي فئات الشعب السوري
اذا ما تم التوجه اولا للشعب باصلاحات داخلية هامة و فتح هامش الحريات والتعددية, اسرائيل رح تضل قوية وماحدا من شعبنا رح يحط مقاومتها في اولوياته

[abo aljoud]

كاتب النص الأصلي : ayhamm26

ودعا الاسد خلال خطابه الى رفض الحلول "المفصلة" في الخارج لمشاكل المنطقة موضحا انها "لا تناسب شعوبنا"
وقال الاسد في خطابه "علينا الا نسمح بانتهاك سيادتنا واستقلالنا والاستقلال يبدأ من منطقتنا لا من الخارج ومن خلال مواجهة التحديات التى تفرض علينا اعتمادا على أنفسنا وايجاد الحلول التى تناسبنا وتحقق مصالحنا".

يعني الحلول الخارجية اسما حلول مفصلة والداخلية اسما وهن واضعاف الشعور القومي .
ومنظمات حقوق الانسان لما بتحكي بصير انتهاك سيادة واستقلال .
والله احترنا يا اقرع منوين بدنا نبوسك؟؟

[ayhamm26]

[quote=Nihal Atsiz;1270683]يعني سكان الجولان الحاليين ما بعتقد انن بقدروا يقاومو الاحتلال
ونازحي الجولان منتوفين عايفين سماهن من الفقر والتعتير متل باقي فئات الشعب السوري
quote]

يعني من سنة 1974 لهلق, لو تم اعادة توطين نازحي الجولان بالقنيطرة والمناطق المحيطة فيها, لكان بيقدر الواحد يقول انو ممكن الحديث عن مقاومة شعبية متل ماصار بجنوب لبنان

بس المشكلة انو السلطة حولت المنطقة لمنطقة عازلة و مو بس منعت اعادة اسكان الناس هنيك وانما حتى منعت الطير الطاير يفوت عليها و حولتها لاكتر منطقة امنة للمستوطنين الاسرائيليين وبعد هدا كلو قال شو قال الحق بالمقاومة اي سلملي على المقاومة

يرحم اللي قال انو الحكي ببلاش

[توم و جيري]

بعرف بحرب تشرين لما كانت السعودية داعمة بالمال ومصر بالقوات معنا حررنا ...
بس ايد وحدة ما بتسفق ..

[ayhamm26]

كاتب النص الأصلي : توم و جيري

بعرف بحرب تشرين لما كانت السعودية داعمة بالمال ومصر بالقوات معنا حررنا ...
بس ايد وحدة ما بتسفق ..

مظبوط ايد وحدة ما بتصفق وخاصة اذا كانت هالايد مهرية من النهب و التخريب المنظم اللي نزل عليها من اربعين سنة لهلق

[stormsmaker]

لك منين بدو يجي التحرير و المقاومة اذا سيارات الجمارك عم تشغل بلجكتوراتها لسيارات الشمينتو المهرب مشان يشوفوا الطريق منيح و تشفلون المنطقة اذا امنة و ما فيها حدا بس بصفن هيك انو سيارات الجمارك عم تراقب الطريق اذا فيو حدا مين ممكن يكون هالحدا شي وزير عم يتمشى بشوارع الوادي بنصاص الليالي ....بيجوز

لك بلاع يا وطن بلاع
و الله مليت و ما ضل محل